شينجياڭ قاشقار ايماعىندا جاڭادان ارتقان اۋرۋ بەلگىسى جوق جۇعىمدالۋشىلار 137 ادام بولدى

2020.10.26 15:41   كەلۋ قاينارى : حالىق تورابى

　　شينحۋا اگەنتتىگى، 10 - ايدىڭ 25 - كۇنى، ءۇرىمجى (ءتىلشى پان يىڭ). قاشقار ايماعىنىڭ كونەشار اۋدانىندا 10 - ايدىڭ 24 - كۇنى جاڭا تيپتى ايدارشا ۆيرۋس وكپە قابىنۋىمەن جۇعىمدالعان اۋرۋ بەلگىسى جوق ءبىر ناۋقاس بايقالعاننان كەيىن شينجياڭ ونىمەن تىعىز جاناسۋشىلارعا، تىعىز جاناسۋشىلارمەن جاناسۋشىلارعا باعىتتاي وتىرىپ، نۋكلەين قىشقىلىن جەدەل تەكسەردى، 10 - ايدىڭ 25 - كۇنى ساعات 14 كە دەيىن تەكسەرۋ ارقىلى 137 ادامنىڭ ناتيجەسى بولىمدى بولىپ شىقتى، مامانداردىڭ دياگنوزى بويىنشا ولاردىڭ بارلىعى اۋرۋ بەلگىسى جوق جۇعىمدالۋشىلار دەپ تۇراقتاندىرىلدى.

　　10 - ايدىڭ 25 - كۇنى شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى وتكىزگەن اقپار جاريالاۋ ماجىلىسىندە اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەڭگەرۋشىسىنىڭ ورىنباسارى گۋ يىڭسۋ بىلاي دەپ تانىستىردى: جاڭادان ارتقان اۋرۋ بەلگىسى جوق جۇعىمدالۋشىلاردىڭ بارلىعى 10 - ايدىڭ 24 كۇنى جوعارىعا جولدانعان ناۋقاستىڭ اكە شەشەسى تۇرعان قاشقار ايماعى كونەشار اۋدانىنداعى ءبىر زاۆودپەن قاتىستى.

　　تانىستىرۋعا قاراعاندا، قاشقار ايماعىندا تەكسەرىلۋگە ءتيىستى جالپى ادام سانى 4 ميلليون 746 مىڭ 500 ەكەن، نۋكلەين قىشقىلىن تەكسەرتكەندەر 2 ميلليون 835 مىڭ 300 ادام بولعان، 334 مىڭ 800 ادامنىڭ ناتيجەسى شىققان، مۇنىڭ ىشىندە كونەشار اۋدانىندا تەكسەرىلۋگە ءتيىستى جالپى ادام سانى 245 مىڭ ادام، نۋكلەين قىشقىلىن تەكسەرتكەندەر 245 مىڭ ادام، 86 مىڭ ادامنىڭ ناتيجەسى شىققان، جوعارىدا ايتىلعان جاڭادان ارتقان اۋرۋ بەلگىسى جوق جۇعىمدالۋشىلاردان باسقاسىنىڭ ءبارىنىڭ ناتيجەسى بولىمسىز بولىپ شىققان.

　　كەلۋ قاينارى: حالىق تورابى