قاشقار ايماعى ىندەتتەن ساقتانۋ جانە ونى تىزگىندەۋ قىزمەتىن بار كۇشپەن ورىستەتتى
بارلىق ادامنىڭ نۋكلەين قىشقىلىن تەكسەرىپ بولدى
2020.10.28 14:25 كەلۋ قاينارى : حالىق تورابى
حالىق گازەتىنىڭ 10 – ايدىڭ 27 – كۇنى ۇرىمجىدەن بەرگەن حابارى (ءتىلشى ياڭ ميڭفاڭ، ارداق). ءتىلشىنىڭ شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان قاشقار ايماعىنىڭ ىندەتتەن ساقتانۋ جانە ونى تىزگىندەۋ جونىندەگى اقپار جاريالاۋ ماجىلىسىنەن ۇعىسۋىنشا: قاشقار ايماعىندا 10 – ايدىڭ 27 - كۇنى جاڭادان 5 ادامعا دياگنوز قويىلعان، مۇنىڭ بارلىعى نەگىزىنەن وسىنىڭ الدىنداعى اۋرۋ بەلگىسى جوق جۇعىمدالعانداردان دياگنوز قويىلعاندار. 10 – ايدىڭ 27 - كۇنى ساعات 17 گە دەيىن، قاشقار ايماعى جالپى بەتتىك نۋكلەين قىشقىلىن تەكسەرۋ مىندەتىن ورىنداپ بولدى، قاشقار كونەشار اۋدانى مالىمدەگەن تەكسەرۋ ناتيجەسى بولىمدى بولعان 183 ادامنان سىرت، قالعاندارىنىڭ ءبارى بىردەي بولىمىسىز بولدى، وسى رەتكى ىندەت جاعدايى تۋىلعاننان كەيىن، شينجياڭ ۇيعۇر اۆتونوميالى رايونىنىڭ جاڭا تيپتى ايدارشا ۆيرۋس وكپە قابىنۋىنان ساقتانۋ جانە ونى تىزگىندەۋ قىزمەت قولباسشىلىق شتابى شۇعىل جاعدايعا توتەپ بەرۋ جوباسىن دەرەۋ ىسكە قوسىپ، ىندەتتەن ساقتانۋ جانە ونى تىزگىندەۋ قىزمەتىن ءتارتىپتى، ءونىمدى ورىستەتتى.
قاشقار ايماقتىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى لي لينيۇي بىلاي دەپ تانىستىردى: ىندەت تۋىلعاننان كەيىن، قاشقار ايماعى ۋاقىتتان ۇتىپ، بارلىق ادامعا تەگىن نۋكلەين قىشقىلىن تەكسەرۋ قىزمەتىن بار كۇشپەن ورىستەتتى. قاشقار ايماعىندا تەكسەرۋگە ءتيىستى جالپى ادام سانى 4 ميلليون 746 مىڭ 500 ادام بولىپ، 10 – ايدىڭ 27 - كۇنى ساعات 17گە دەيىن بۇكىل ايماقتاعى بارلىق ادامنىڭ نۋكلەين قىشقىلىن تەكسەرىپ بولدى.
ىندەت تۋىلعاننان كەيىن، شينجياڭ ۇيعۇر اۆتونوميالى رايوندىق پارتكوم ىندەت جاعدايىن دەر كەزىندە ءبىر جاقتى ەتۋ، ءار ۇلت بۇقاراسىنىڭ باس اماندىعىنا جانە دەنساۋلىعىنا كەپىلدىك ەتۋ جونىندە ورنالاستىرۋ جاسادى ءارى قاشقارعا قىزمەت گرۋپپاسىن، ماماندار گرۋپپاسىن جىبەرىپ، ساقتانۋ ـ تىزگىندەۋ قىزمەتىنە جەتەكشىلىك ەتتى. مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسى مەن جۇڭگو اۋرۋدى تىزگىندەۋ ورتالىعىنىڭ پاتولوگيالىق تەكسەرۋ ماماندارىنان ۇيىمداسقان قىزمەت گرۋپپاسى قاشقار ايماعىنا بارىپ، شينجياڭ ۇيعۇر اۆتونوميالى رايوندىق اۋرۋدى تىزگىندەۋ ورتالىعىنداعى مودۋلياتسيالار قوسىنىمەن جانە قاشقارداعى جەرگىلىكتى ورىنداعى مودۋلياتسيالى كۇشتەرمەن بىرگە قىزمەت ورىستەتتى. قازىر تەكسەرىلىپ انىقتالعان اۋرۋ بەلگىسى جوق جۇعىمدالۋشىلاردان قاتىستى كۇماندى، دياگنوزى تۇراقتانعان، قىزعان ناۋقاستارمەن جاناسۋ تاريحى نەمەسە مۇزداتىپ جەتكىزىلگەن زاتتار جانە جابايى حايۋاناتتارمەن جاناسۋ تاريحى ايقىن بايقالماعان. اۋرۋ جاعدايىن قۋزاستىرۋ قىزمەتى قازىر جالعاستى جۇرگىزىلۋدە. اۋرۋ بەلگىسى بايقالماعان جۇعىمدالۋشىلارداعى ۆيروس جونىندە تولىق تالداۋ جاساۋ ارقىلى قاشقار كونەشار اۋدانىنىڭ ىندەت جاعدايى مەن 7 – ايداعى ۇرىمجىدەگى ىندەت ۆيرۋسىنىڭ قاتىستىلىعى جوقتىعىن انىقتادى.
قاشقار ايماقتىق اكىمشىلىك مەكەمەسىنىڭ ورىنباسار باس حاتشىسى اسەت ورايىم بىلاي دەپ تانىستىردى: قاشقار كونە كونەشار اۋدانىندا ىندەت تۋىلعاننان كەيىن، قاشقار ايماعى زاتپەن قامداۋدىڭ جەتكىلىكتى، باعانىڭ ورنىقتى بولۋىنا بار كۇشپەن كەپىلدىك ەتتى، سونىمەن بىرگە قيىنشىلىعى بار بۇقارانىڭ تۇرمىسىن كەپىلدەندىرۋ قىزمەتىن جاقسى ىستەپ، قىستاق (الەۋمەتتىك اۋماق) كادرلارىن كەدەي وتباسى، جەتىم - جەسىر قارتتار، مۇگەدەكتەر قاتارلى بۇقارالاردان حال سۇراۋ، ولارعا كومەكتەسۋ قىزمەتىن جاقسى ىستەۋگە ۇيىمداستىرىپ، ەڭ تومەنگى تۇرمىسى قامتاماسىزداندىرىلاتىن وتباسىلارىنا، قيىنشىلىعى بار وتباسىلارىنا تۇرمىستىق قاجەتتى بۇيىمداردى ۋاعىندا اقىسىز تاراتىپ، ولاردىڭ ماسەلەسىن شىنايى شەشتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
