ساقا قىستاق شيپاگەرى ايتقان جاڭالىقتار
شينجياڭ گازەتىنىڭ جالپىلىق اقپارات قۇرالدارى تىلشىلەرى جىڭ جو، ليۋ ي
2020.11.18 15:51 كەلۋ قاينارى : شينجياڭ گازەتى
”ءتىسىڭ اۋىرسا مىنا ءدارىنى ءىش، كۇنىنە 3 ۋاقىت، ءبىر جولدا 2 تالدان، ءبىر اپتا ءىشىپ كور، ساۋىقپاساڭ، قايتا كەلىپ مەنى ىزدە“. 10 - ايدىڭ 23 - كۇنى كەريا اۋدانى داريا بويى اۋىلى كەدەيلەردى قونىس جاڭالاپ سۇيەمەلدەۋ، كوشىرىپ ورنالاستىرۋ تۇيىنىندەگى ەمحانانىڭ باستىعى زەينەپحان سىدىق، ءبىر جاعىنان، شيپاشاق جازىپ، ەندى ءبىر جاعىنان، ناۋقاسقا قاداعالاپ جاتىر.
ءتىلشى جاڭادان سالىنعان ەمحانانىڭ ىشىندە سۇراپ تەكسەرۋ ۇستەلى، دياگنوز قويۋ - ەمدەۋ بولمەسى، ناۋقاستى قاراپ تەكسەرۋ بولمەسى جانە ۋكول قويۋ بولمەسى تولىق ەكەندىگىن، ءدارىحانانىڭ ىشىندە ءتۇرلى ءدارى - دارمەكتەر رەتتى ءتىزۋلى تۇرعاندىعىن كوردى. اۋلادا 2 قۇتقارۋ كولىگى تۇر، شوفەرى تاپتەشتەي ءسۇرتىپ تازالاپ جاتىر. ”ءبىر كولىكتى ءبىزدىڭ قىستاققا ءبولىپ بەرگەن، ەندى بىرەۋى تومەن اتموسفەرالىق قۇتقارۋ كولىگى“. زەينەپحان: وسىنشاما جاقسى ەمدەۋ شارت - جاعدايىن بۇرىن ويلاۋدىڭ ءوزى مۇڭ بولاتىن، - دەيدى.
داريا بويى قىستاعى داريا بويى اۋىلىنداعى بىردەن - ءبىر اكىمشىلىك قىستاق، بۇرىنعى ورنى 100 كيلومەتردەن استام جەردەگى تاكىلاماكان ءشولىنىڭ قويناۋىندا بولاتىن، ۇزاق ۋاقىتتان بەرى، قاتىناسى قولايسىز، جاعراپيالىق ورتاسى تۇيىق بولعاندىقتان، قىستاق تۇرعىندارى جارتىلاي توماعا - تۇيىق كۇيدە كوشپەندى تۇرمىس كەشىرىپ كەلدى.
2007 - جىلى 4 - ايدا زەينەپحان الىس جول باسىپ قىستاققا كەلىپ، قىستاق شيپاگەرى قىزمەتىن باستادى.
”بۇرىن ەمحانانىڭ شارت - جاعدايى وتە ناشار ەدى، قازىرگىمەن سالىستىرۋعا مۇلدەم كەلمەيتىن“. زەينەپحان تەبىرەنە سويلەپ: ول كەزدە ءبىر بولمەلى جۇقا سىلاقتى، قامىستان، جىڭعىلدان سالىنعان ”شارباق ءۇي“ ءبىزدىڭ ەمحانامىز بولاتىن، ءبىر ءدارى ساندىعى ”ءدارىحانامىز“ ەدى. قاتتى بولشەك جابدىقتارى جەتكىلىكسىز بولعاندىقتان، تەك باس اۋرۋ سياقتى ۇساق - تۇيەك اۋرۋلاردى كورەتىنبىز، سالماقتىراق ناۋقاستاردى مۇلدە ەمدەي المايتىنبىز. بۇل ارانىڭ قىستاق تۇرعىندارى بىتىراڭقى ورنالاسقان، ارالاپ ناۋقاس كورۋگە ءبىر شىقساق، از دەگەندە 10 كۇن كەتەتىن، ۇنەمى تاڭ راۋان بەرە جولعا شىعىپ، قاس قارايا قىستاق تۇرعىنىنىڭ ۇيىنە ازەر جەتەتىنبىز.
2016 - جىلى مەملەكەتتىڭ قاتىستى ساياساتتارىنا نەگىزدەلە وتىرىپ، قىستاق تۇرعىندارىنىڭ ءۇمىت - تىلەگىن جانە ءوندىرىس، تۇرمىس شارت - جاعدايىن جاقسارتۋدىڭ مۇمكىندىگىن ءبىر تۇتاس جوسپارلاپ ويلاستىرعاننان كەيىن، كەريا اۋدانى داريا بويى اۋىلىنا تۇتاس تۇلعالىق قونىس اۋدارىپ ورنالاستىرۋ جۇرگىزۋدى ۇيعاردى. ”جاڭا ەمحانانىڭ ەمدەۋ شارت - جاعدايى راسىندا كوپ جاقساردى، ونىڭ ۇستىنە ەمحاناعا 2 شيپاگەر، 2 سەسترا جانە ءبىر قۇتقارۋ اۆتوكولىگى شوفەرىن ءبولىپ بەردى، ۇساق - تۇيەك اۋرۋلاردى، ۇنەمى كەزدەسەتىن اۋرۋلاردى تۇگەلدەي ەمدەي الاتىن بولدىق“، - دەيدى زەينەپحان.
زەينەپحان سياقتى، كەريا اۋدانى كوكيار اۋىلى باش اگىلە قىستاعىنداعى ماترەيىم روزى دا 40 جىلدىق ساقا قىستاق شيپاگەرى. ”بۇرىن قىستاقتا ەمحانا جوق بولاتىن، قىستاق تۇرعىندارى تۇگەلدەي ۇساق - تۇيەك اۋرۋدى ەلەمەي، سالماقتىراق اۋرۋعا ءتوزىپ جۇرە بەرەتىن، ءتىپتى بولماي بارا جاتقاندا عانا شيپاحاناعا بارىپ كورىنەتىن“. ماترەيىم: قازىر قىستاقتا ولشەمدى ەمحانا سالىنىپ عانا قالماستان، تاعى ۆاكسينا قۇيۋ بولمەسى، باقىلاۋ بولمەسى، ءدارىحانا جانە شيپاگەردىڭ دياگنوز قويۋ، ەمدەۋ بولمەسى بار، توڭازىتقىش، قان قىسىمىن ولشەۋ اسپابى، قان قانتىن ولشەۋ اسپابى، جۇڭگوشا دارىلەرمەن ەمدەۋ اسپابى سياقتىلارمەن جابدىقتالعان، سوزىلمالى اۋرۋعا شالدىققان ناۋقاستار بەلگىلى مەرزىمدە ەمحاناعا كەلىپ كۇتىنىپ، ەمدەلەدى، - دەدى. ”ەمدەۋ قامسىزداندىرۋىنىڭ تومەنگى شەگى بەلگىلەنگەندىكتەن، قىستاق تۇرعىندارى ناۋقاس كورسەتىپ، ءدارى العاندا سالىستىرما بويىنشا ەسەپتەن كوتەرتە الادى، اۋرۋ كورسەتۋ، اۋرۋىن ەمدەتۋ ەندىگارى قيىن ءىس سانالمايتىن بولدى“. ماترەيىم تىلشىگە: قازىر ءارقايسى وتباسىنىڭ بارىندە شيپاگەردىڭ بايلانىس تەلەفونى بار، كىمدە - كىم جايسىزدانا قالىپ تەلەفون شالسا، شيپاگەر ونىڭ ۇيىنە بارىپ ناۋقاس كورەدى، - دەدى.
كەدەيلىكتەن ارىلتۋدىڭ تابىستارىن بەكەمدەۋ ءۇشىن، ”ناۋقاس سەبەبىنەن كەدەيلەسۋدەن“، ”ناۋقاس سەبەبىنەن قايتا كەدەيلەسۋدەن“ ساقتانۋ ءۇشىن، كەريا اۋدانى كەدەيلەردى سالاماتتىق جاعىنان سۇيەمەلدەۋ قىزمەتى تەبىنىن ۇزدىكسىز كۇشەيتىپ، بۇكىل اۋدانداعى ءار دارەجەلى بەلگىلەنگەن ەمدەۋ قۇرىلىمدارىندا ”الدىمەن ناۋقاس كورىپ، ارتىنان اقشا تولەۋ“ ءتۇزىمىن اتقارىپ، سوزىلمالى اۋرۋعا شالدىققان ناۋقاستارمەن وتباسى شيپاگەرىنىڭ كەلىسىپ قىزمەت وتەۋىن باسقارۋ قىزمەتىن جۇيەلىلەندىرىپ، قالا، اۋىلداردىڭ ەمدەۋ قامسىزداندىرۋى، اۋىر ناۋقاس قامسىزداندىرۋى، ەمدەۋ - قۇتقارۋ - كومەكتەسۋ، ەمدەۋ قامسىزداندىرۋىن تولىقتاۋ سياقتى ەمدەلۋدى قامتاماسىزداندىرۋمەن تۇتاستاي قامتۋدى جۇزەگە اسىردى. ماترەيىم: ”قازىر ەمدەۋ، دەنساۋلىق ساقتاۋ قىزمەت وتەۋ جۇيەسى قالا، اۋىلداردى قامتىدى، كەلىسىمگە وتىرعان وتباسى شيپاگەرىن ءبىر تەلەفونمەن دەرەۋ ۇيىنە شاقىرىپ كورىنۋىنە بولادى، قىستاق تۇرعىندارىنىڭ ناۋقاس كورسەتۋى ەندىگارى قيىن بولمايدى، ولاردىڭ جاپپاي دوڭگەلەك داۋلەتتىلىككە جەتۋ جولىندا دا ەندىگارى الاڭدايتىنداي ەشتەڭەسى قالمادى“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
