شينجياڭ ”بەيزاتتىق مادەنيەت مۇرالارى“ مۇراگەرلەرى بايۋ جىرىن جازدى
شينحۋا اگەنتتىگىنىڭ تىلشىلەرى يۇي تاۋ، دۇڭ بوتيڭ
2020.11.18 15:52 كەلۋ قاينارى : شينجياڭ گازەتى
توقسۋ اۋدانى ءىش ارىق قالاشىعى جاي قىستاعى از ۇلت مۋزيكا اسپاپتارىن جاساۋمەن الىس - جاقىنعا تانىمالى بولعان قىستاق. قىستاقتاعى 290 نەشە وتباسىنىڭ تەڭ جارتىسىنا جۋىعىنىڭ نەگىزگى كاسىبى مۋزيكا اسپاپتارىن جاساۋ، بۇلاردىڭ اراسىندا مۋزيكا اسپاپتارىن جاساۋ ونەرىمەن اينالىساتىن ”بەيزاتتىق مادەنيەت مۇرالارىنىڭ“ ءبىرتالاي مۇراگەرى بار.
جاي قىستاعىندا تۇرعىن ۇيلەر مەن اۋلالار ەسكىشە ۇلگىدە ءبىر تۇتاس اشەكەيلەنىپ جوبالانعان، ادامدار جاي قىستاعىنىڭ 100 جىلدىڭ الدىنداعى بەينەسىن كورگەندەي بولادى.
”300 نەشە جىلدىڭ الدىندا، جاي قىستاعىنىڭ تۇرعىندارى مۋزيكا اسپاپتارىن جاساۋ تاريحىن باستاعان“. توقسۋ اۋداندىق مادەنيەت سارايىنىڭ باستىعى سى ليلي بىلاي دەپ تانىستىردى: قازىر قىستاقتا مەملەكەت دارەجەلى بەيزاتتىق مادەنيەت مۇرالارى مۇراگەرىنەن ءبىر ادام، اۆتونوميالى رايون دارەجەلى بەيزاتتىق مادەنيەت مۇرالارى مۇراگەرىنەن 5 ادام بار.
مەملەكەت دارەجەلى بەيزاتتىق مادەنيەت مۇرالارى مۇراگەرى ايت يمىن ايگىلى ”مۋزيكا اسپابى شەبەرى“. ونىڭ ءۇيىنىڭ اۋلاسىندا مۋزيكا اسپاپتارىن جاسايتىن اعاش ماتەريالدارى ءۇيىلىپ جاتىر، العاشقى وڭدەۋدەن وتكەن تاقتايلار تۇرگە ءبولىنىپ، رەتتى قويىلىپتى.
ايت يمىننىڭ جۇمىس بولمەسى بەينە مۋزيكا اسپاپتارى مۇراجايىنان اۋمايدى. بۇل ارادا تۇرلىشە ناقىشتالعان، تۇرلىشە ۇلگىدەگى دۇتتار، عىجەك، راۋاپ سياقتى ۇيعۇر ۇلتىنىڭ ءداستۇرلى مۋزيكا اسپاپتارى بار. ايت يمىن 15 جاسىنان باستاپ اتاسى مەن اكەسىنەن مۋزيكا اسپاپتارىن جاساۋدى ۇيرەنگەن، جارتى عاسىردان ارتىق ۋاقىت توسەلۋ ارقىلى، قازىر ول ۇيعۇر ۇلتىنىڭ بارلىق مۋزيكا اسپاپتارىن جاساۋ ونەرىن جەتىك يگەردى.
قىستاقتا ايت يمىن مەن باسقا ”بەيزاتتىق مادەنيەت مۇرالارى“ مۇراگەرلەرى ونەردى تاراتۋشى عانا ەمەس، بايۋعا باستاۋشى سانالادى. ايت يمىن جاساعان مۋزيكا اسپاپتارىنىڭ پەرنەسى ءدال تاعىلعان، ءۇندى، ءتۇرى كوركەم بولعاندىقتان، بازاردا ايرىقشا قارسى الىنادى، توڭىرەكتەگى كوپتەگەن قىستاق تۇرعىنى اتاعىنا جىعىلىپ، ودان ونەر ۇيرەنۋگە كەلەدى. ول بىرنەشە 10 جىلدان بەرى 200 نەشە شاكىرت تاربيەلەگەندىگىن، كەدەي وتباسىلارىنان كەلگەن وسى اۋىل - قىستاق جاستارىنىڭ بىرنەشە جىل ۇيرەنۋ ارقىلى نەگىزىنەن مۋزيكا اسپاپتارىن جاساۋعا، رەمونتتاۋعا، ويناۋعا سۇيەنىپ كىرىسىن ارتتىرعاندىعىن ەسكە الدى.
وسى قىستاقتاعى شاكىرتى تۇرعۇن نۇردۇننىڭ وسى ارادا ۇيرەنگەندىگىنە، جۇمىس ىستەگەندىگىنە 12 جىل بولدى، ول ايت يمىن ىشتەي مويىندايتىن ”مۇراگەر“. ”مەن مۋزيكا اسپاپتارىن جاساۋ ارقىلى كەدەيلىكتەن ارىلدىم، وسى ونەرگە مۇراگەرلىك ەتىپ، اناعۇرلىم كوپ ادامدى پايداعا كەنەلتەمىن“، - دەدى تۇرعۇن نۇردۇن.
”بەيزاتتىق مادەنيەت مۇرالارىنىڭ“ ايگىلى ماركا اسەرىن ساۋلەلەندىرىپ، قىستاقتا ”ەرەك ونەرمەن“ كەدەيلىكتەن ارىلتۋدان قامال الۋعا دەم بەرۋ ءۇشىن، جاي قىستاعى مۋزيكا اسپاپتارىن جاساۋ شارۋالار كاسىپتىك سەلبەستىك كووپەراتيۆىن قۇردى. سەلبەستىك كووپەراتيۆىنىڭ جاۋاپتىسى ابدوللا يبىراھيم بىلاي دەپ تانىستىردى: ورىندى قىستاق دايىندايدى، شەبەرحانانىڭ قۇرىلىس قارجىسى مەملەكەتتىڭ كەدەيلەردى سۇيەمەلدەۋ قارجىسىنان كەلەدى، قىستاقتاعى ”بەيزاتتىق مادەنيەت مۇرالارى“ مۇراگەرلەرى جاساۋ ونەرىن ۇيرەتۋگە جاۋاپتى، توڭىرەكتەگى 60 نەشە قىستاق تۇرعىنى وسى ارادا ورنىقتى جۇمىستاندى، ”قازىر سەلبەستىك كووپەراتيۆىمىزدىڭ ءار جىلعى تيجارات سوماسى 3 ميلليون يۋاننان اسادى، قىزمەتكەرلەردىڭ ءبارى كەدەيلىكتەن ارىلىپ، كەدەيلىك قالپاعىن لاقتىرىپ تاستادى“.
سەلبەستىك كووپەراتيۆىنىڭ قىزمەتكەرى تۇردى عوپۇر مۋزيكا اسپاپتارىن ناقىشتاۋ جۇمىسىمەن شۇعىلدانىپ كەلەدى، ايلىق كىرىسى 4000 يۋان مولشەرىندە. ول بىلاي دەدى: بۇرىن ەگىن سالۋدان باسقا كىرىس كوزى جوق بولاتىن، قازىر مۋزيكا اسپابىن جاساۋمەن شۇعىلدانامىن، ۇيىمىزدە قور دا بار بولدى، ”اقشامدى جيناپ، اۋداننان سەلبەستىك كووپەراتيۆىنىڭ مۋزيكا اسپاپتارىن توتە ساتۋ دۇكەنىن اشىپ، كىرىسىمدى اناعۇرلىم كوپ، اناعۇرلىم تەز ارتتىرسام دەيمىن“.
(شينحۋا اگەنتتىگىنىڭ 11 - ايدىڭ 16 - كۇنى ۇرىمجىدەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
