ۇشقىش اپپارات ماقتا ەگىمشىلىگىنىڭ وزىندىك قۇنىن تومەندەتىپ، ونىمدىلىگىن ارتتىردى
2020.11.18 15:53 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى گى يوۋجۇن، ەرىكتى ءتىلشى حۋ ياڭ 11 - ايدىڭ 1 - كۇنى قارامايلىدان حابارلايدى. ”بۇرىنعى جىلدارى ماقتاعا ەگىس ءدارىسىن شاشۋدىڭ قاۋىرت كەزىندە سەلبەستىك كووپەراتيۆىمىز 20 نەشە تراكتوردى تۇگەل ىسكە قوسقان كۇندە دە قاربالاستىقتان مۇرنىمىزعا سۋ جەتپەيتىن. بيىل جاعداي باسقاشا، ماقتا اتىزىنا ەگىس ءدارىسىن شاشۋ مىندەتىن نەگىزىنەن ۇشقىش اپپارات ورىنداپ، تراكتورلار كوبىندە ’دەمالىسقا شىعىپ‘ جۇمىسسىز قالدى“، - دەدى 10 - ايدىڭ 29 - كۇنى قارامايلى قالاسى يۋەجين اۋىل شارۋاشىلىق ماشينالارى كاسىپتىك سەلبەستىك كووپەراتيۆىنىڭ جاۋاپتىسى نيۋ ليشياڭ.
قارامايلى قالالىق اۋىل شارۋاشىلىعى، اۋىل - قىستاق مەكەمەسىنىڭ قىزمەتكەرى شياۋ جۇن بىلاي دەپ تانىستىردى: بيىل قارامايلى قالاسىندا 287 مىڭ 400 مۋ جەرگە ەگىس داقىلدارى ەگىلدى، مۇنىڭ ىشىندە ماقتا ەگىلگەن جەر اۋدانى 190 مىڭ مۋدان استى. ماقتا اتىزىن باپتاۋ بارىسىنداعى ەگىس ءدارىسىن شاشۋ مىندەتىنە مەڭزەس، جەرگىلىكتى ورىن وتكەندەگى تراكتورمەن شاشۋ ءادىسىن وزگەرتىپ، اناعۇرلىم وزىق ۇشقىش اپپاراتپەن ەگىس ءدارىسىن شاشۋدى شوعىرلى تۇردە قولداندى. قازىرگە دەيىن بۇكىل قالادا ماقتا اتىزىنىڭ ％90تەن استامىندا ۇشقىش اپپارات تراكتورمەن ەگىس ءدارى شاشۋدىڭ ورنىن باستى.
”ۇشقىش اپپاراتپەن ەگىس ءدارىسىن شاشۋ ەگىس ءدارىسىنىڭ وزىندىك قۇنىن، ادام كۇشىنىڭ وزىندىك قۇنىن تومەندەتىپ قانا قويماي، ەگىس ءدارىسىن شاشۋ ونىمدىلىگى مەن ماقتانىڭ ءتۇسىمىن دە جوعارىلاتىپ، وزىندىك قۇندى تومەندەتىپ، كىرىستى ارتتىرۋعا ءتيىمدى بولدى“. شياۋ جۇن بىلاي دەدى: ءداستۇرلى تراكتورمەن ەگىس ءدارىسىن شاشۋ تاسىلىندە جۇمىس كۇشەمەلىلىگى اۋىر، ادام كۇشى وزىندىك قۇنى جوعارى بولىپ قانا قويماي، جۇمىس جۇرگىزۋ ۋاقىتىنا، جەر شارت - جاعدايىنا بولعان تالابى ءبىرشاما جوعارى، اۋىل شارۋاشىلىق داقىلدارىن دا بەلگىلى دارەجەدە زياندايدى. بۇدان تىس، توسىن تۋىلاتىن دەرت - دەربەز اپاتىنا قاراتا تەك تراكتور سياقتى جەر بەتىندە جۇمىس اتقاراتىن ماشينالارعا سۇيەنىپ جۇمىس جۇرگىزۋ دەرت - دەربەزدەن ساقتانۋ - تىزگىندەۋدىڭ ەڭ تاماشا ورايىن كەشىكتىرۋى مۇمكىن.
قارامايلى قالاسىنداعى شارۋا لۇي حاييان ماقتا ەككەلى تالاي جىل بولدى، بيىل ول 500 مۋدان استام جەرگە ماقتا ەكتى. ”بيىل ماقتا اتىزىما مەن ۇشقىش اپپاراتپەن ەگىس ءدارىسىن شاشتىم، ءارى تەز، ءارى جاقسى، ونىڭ ۇستىنە اقشام دا ۇنەمدەلدى“، - دەدى لۇي حاييان.
شياۋ جۇن بىلاي دەپ تانىستىردى: تراكتوردى ادام جۇرگىزۋگە تۋرا كەلەدى دە، ءارمۋىنا ورتا ەسەپپەن ءبىر يۋان ادام كۇشى وزىندىك قۇنى قوسىلادى، ال ۇشقىش اپپارات ىستەتكەندە بۇل شىعىس بولمايدى. ءبىر جىلدا 3 رەت دەپ ەسەپتەسەك، ۇشقىش اپپاراتپەن جۇمىس ىستەگەندە ءار مۋىنان 3 يۋان ادام كۇشى وزىندىك قۇنىن ۇنەمدەۋگە بولادى. بۇدان سىرت، ۇشقىش اپپاراتپەن جۇمىس ىستەگەندە وسىمدىكتەر جاپىراعىنىڭ استىڭعى بەتىنە جانە ساباعىنا دا ءدارى تولىق شاشىلادى، جۇمىس ونىمدىلىگىن جوعارىلاتۋمەن قاتار، قۇرتتاردى ءولتىرۋ ونىمدىلىگىن دە جوعارىلاتۋعا، ەگىس دارىلەرىنەن ءونىمدى پايدالانۋ مولشەرىن ％85تەن اسىرۋعا بولادى. ۇشقىش اپپارات از مولشەردە بۇركەدى، مەجەمەن تراكتورمەن نەمەسە ادام كۇشىمەن جۇمىس ىستەگەندەگىمەن سالىستىرعاندا ％30 ەگىس ءدارىسىن ۇنەمدەپ، ەگىس دارىلەرىنىڭ وزىندىك قۇنىن مۋىنا ورتا ەسەپپەن 15 يۋان ۇنەمدەيدى ەكەن.
ءتىلشى ۇشقىش اپپاراتپەن جۇمىس ىستەۋ جالپى بەتتىك جالپىلاستىرىلعاندىقتان، بيىل قارامايلى قالاسى ماقتانىڭ ءار مۋىنان ورتا ەسەپپەن 15 كيلوگرام ارتىق ءونىم العاندىعىن، ءار مۋىنان ورتا ەسەپپەن 22 يۋان مولشەرىندە تازا كىرىس ارتتىرعاندىعىن ۇعىستى.
ەگىس دارىلەرىن تراكتورمەن شاشۋدىڭ ”زامانى كەتكەنىمەن“، نيۋ ليشياڭ بوس قالمادى. بيىل ول 2 ۇشقىش اپپارات ساتىپ الىپ، ەگىس دارىلەرىن شاشۋ جۇمىسىن ىستەپ، اجەپتاۋىر جاقسى پايدا تاپتى. ”وزىق اۋىل شارۋاشىلىق جابدىقتارىنان ۇتىمدى پايدالانساق بولعانى، قاشاندا جۇمىس تابىلادى، اقشا تابىلادى“، - دەدى نيۋ ليشياڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
