كونەءشار اۋدانىندا: اۋىل شارۋاشىلىق ءوندىرىسى قالىپتى، ءتارتىپتى ورىستەتىلۋدە
شينجياڭ گازەتى جالپىلىق اقپارات قۇرالدارى ءتىلشىسى لي چۇنشيا
2020.11.18 15:54 كەلۋ قاينارى : شينجياڭ گازەتى
11 - ايدىڭ 15 - كۇنى كونەءشار اۋدانى لاڭگار قالاشىعى بازار قىستاعىنداعى جاپ - جاسىل دۇمبە ءبيداي اتىزىندا ۇستىلەرىنە قىزىل كۇرمە كيىپ العان بىرنەشە ەرىكتى توڭ سۋىن بەرىپ قاربالاس بولىپ جاتىر. ”ەندى 150 مۋ قالدى، بۇكىل قىستاقتىڭ توڭ سۋىن بەرۋ مىندەتى سونىمەن تۇگەلدەي اياقتايدى“، - دەدى ەرىكتى اكىرام اكبار.
كونەءشار اۋدانىندا ىندەت تۋىلعاننان كەيىن، قاشقار ايماعى اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ شەشىمى مەن ورنالاستىرۋىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن اۋىل شارۋاشىلىق ءوندىرىسىنىڭ ”ەكەۋىن دە مىقتى يگەرۋگە، ەكەۋىن دە اقساتپاۋعا“ تاباندى بولدى. ءارقايسى اۋىل - قالاشىقتار قىستاق ”ەكى كوميتەتى“ كادرلارى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى، ەرىكتى قاتارلىلاردى ۇيىمداستىرىپ، اۋىل شارۋاشىلىق وندىرىسىنە قىزمەت وتەۋ اترەتىن قۇرىپ، دۇمبە ءبيدايدىڭ توڭ سۋىن بەرۋ، كوكونىستەردى باپتاۋ، جەمىستەردى ءۇزىپ جيناۋ سياقتى اۋىل شارۋاشىلىق وندىرىسىنە كومەكتەسىپ سۇيەمەلدەۋ قىزمەتىن بەلسەنە ورىستەتىپ، ەگىس داقىلدارىن باسقاراتىن ادام بولۋعا، اۋىل شارۋاشىلىق ونىمدەرىن ساتىپ الاتىن ادام بولۋعا شىنايى كەپىلدىك ەتتى.
بازار قىستاعى پارتيا ياچەيكاسىنىڭ شۋجيى ابدۇمىجيت روزى تانىستىرىپ بىلاي دەدى: بۇل قىستاق 3250 مۋ جەرگە دۇمبە ءبيداي ەكتى. 11 - ايدىڭ باسىنان باستاپ قىستاق 58 ەرىكتىنى قامتىعان ءارقايسى تارماق كۇشتەردى ءبىر تۇتاس جوسپارلاپ ۇيىمداستىرىپ، قىستاق تۇرعىندارىنىڭ توڭ سۋىن بەرۋ قىزمەتىنە كومەكتەسىپ، اۋىل شارۋاشىلىق ءوندىرىسىنىڭ قالىپتى جۇرگىزىلۋىنە شىنايى كەپىلدىك ەتتى. بۇدان سىرت، ولار تاعى قىستاق تۇرعىندارىنىڭ ءار ءتۇرلى كوكونىستەردەن جيىنى 20 توننادان استامىن ءۇزىپ جيناۋىنا كومەكتەسىپ، ”قىستاق ساتىپ الۋ، اۋىل وتكەرمەلەۋ، اۋدان جونەلتۋ“ جۇيەسىنىڭ رولىن بەلسەنە ساۋلەلەندىرىپ، قىستاق تۇرعىندارى ەككەن كوكونىستەردى اۋدان قالاشىعىنداعى بەلگىلەنگەن كوكونىس ساتىپ الۋشى سەرىكتەستىكتەرگە ءبىر تۇتاس ساتىپ بەردى.
”ءۇزىپ - جيناعاننان كەيىن دەر كەزىندە ساتىلماعان كوكونىستەردى قىستاق تۇرعىندارىنىڭ جاس كۇيىندە ساقتاۋ قويمالارىندا، قىستىق كوكونىس ۇرالارىندا ساقتاپ، قاربالاس مەزگىلگە سوقپاي بازارعا شىعارۋىنا جەتەكشىلىك ەتىپ، ەگىنشىلەردىڭ يگىلىككە كەنەلۋىنە كەپىلدىك ەتتىك“، - دەيدى ابدۇمىجيت.
سول كۇنى 3 دوڭگەلەكتى ەلەكترسيكل لاڭگار قالاشىعى ورمان الاڭى قىستاعىنىڭ تۇرعىنى ەركىن تۇراپتىڭ ۇيىنە تۇمسىعىن تىرەدى، ساندىقشاسى تولعان نارت قىزىل الما، بىرنەشە ەرىكتى الگىندە عانا وعان كومەكتەسىپ ءۇزىپ اكەلگەن ەكەن.
”قىستاق كادرلارى مەن ەرىكتىلەردىڭ ارقاسىندا، وتباسىمىزدىڭ 5 مۋ جەردەگى الماسىن تۇگەلدەي ءۇزىپ جيناپ الدىق، ەشقانداي زيانعا ۇشىرامادىق“، - دەيدى ەركىن تەبىرەنە سويلەپ.
ورمان الاڭى قىستاعى جاڭعاق، الما، شاپتول سياقتى ەرەكشە جەمىس ورمان ەگىمشىلىگىن نەگىز ەتەدى. وسى رەتكى ىندەت تۋىلعاننان كەيىن، قىستاقتا تاعى 50 مۋ جەردەگى الما ءۇزىپ الىنباعان ەدى. قىستاق دەرەۋ 3 اۋىل شارۋاشىلىق وندىرىسىنە قىزمەت وتەۋ اترەتىن قۇرىپ، ەگىنشىلەردىڭ الما ۇزۋىنە كومەكتەسىپ، جيىنى 100 توننادان استام الما ءۇزدى. ”ءبىز ادام بەلگىلەۋ، ءتۇيىن بەلگىلەۋ، جول جەلىسىن تۇراقتاندىرۋ سىندى قىزمەت تاسىلىنەن پايدالانىپ، ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ العى شارتىمەن اۋىل شارۋاشىلىق ءوندىرىسىن ورىستەتىپ، كەزەكتە المانى تۇگەل جيىپ الدىق“، - دەدى ورمان الاڭى قىستاعى پارتيا ياچەيكاسىنىڭ شۋجيى شۇي جيشياڭ.
ساناققا نەگىزدەلگەندە، 11 - ايدىڭ 14 - كۇنىنە دەيىن كونەءشار اۋدانى قىستاق تۇرعىندارىنا كومەكتەسىپ، باعانى ەڭ تومەنگى شەكتەن تۇسىرمەي، ءتۇرلى كوكونىستەردەن 625 تونناسىن، جەمىس - جيدەكتەن 8850 تونناسىن ساتىپ العان. بۇكىل اۋداننىڭ 327 مىڭ 500 مۋ جەردەگى دۇمبە ءبيدايىنىڭ 239 مىڭ 800 مۋىن سۋارىپ بولىپ، ورىنداۋ سالىستىرماسى ％73.2كە جەتىپ، 11 - ايدىڭ 20 - كۇنىنەن بۇرىن دۇمبە ءبيدايدىڭ توڭ سۋىن بەرۋ مىندەتىن تامامداۋعا كۇش سالۋدا ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
