بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

بۇراتالا وبلىسى: كورىكتى مەكەندى بىرگە قۇردى، بىرگە جونگە سالدى، بىرگە يگىلىكتەندى

□ شينجياڭ گازەتى جالپىلىق اقپارات قۇرالدارى تىلشىلەرى لياڭ ليحۋا، جىن شىشين، دوۋ شيڭجۇن

2020.11.20 14:42     كەلۋ قاينارى : شينجياڭ گازەتى

  جۋىق جىلداردان بەرى بۇراتالا موڭعۇل اۆتونوميالى وبلىسى ”فىڭچياۋ تاجىريبەسىن“ امالياتتا ايگىلەۋدى نەگىزگى ساتى قوعامىن جونگە سالۋدىڭ جاڭا ارناسىن قۇرۋداعى ماڭىز تۇتقا ەتىپ، بۇقارالىق نەگىزدى نىعايتۋ، داۋ - شاردى كوپ ارنالارمەن شەشۋ، جان - جاقتى ساقتانۋ - تىزگىندەۋدى كۇشەيتۋ، زاڭمەن جونگە سالۋ تاسىلىنەن شەبەرلىكپەن پايدالانۋ جاعىنا ۇزدىكسىز كۇش سالىپ، تىنىش بۇراتالا وبلىسى قۇرىلىسى نەگىزىن ۇزدىكسىز بەكەمدەپ، كورىكتى مەكەندى بىرگە قۇردى، بىرگە جونگە سالدى، بىرگە يگىلىكتەندى.

  ارىز - تالاپتاردى زاڭ بويىنشا شەشىپ، سۇيىسپەنشىلىك ارقىلى جۇرت كوڭىلىن جادىراتتى

  11 - ايدىڭ 17 - كۇنى ساعات 10دا بۇراتالا قالالىق بازار باقىلاۋ - باسقارۋ مەكەمەسى تۇتىنۋشىلاردىڭ ۇقىق - مۇددەسىن قورعاۋ ءبولىمىنىڭ قىزمەتكەرى جۇڭ حۋا قىزمەتكە كەلگەن سوڭ ەڭ الدىمەن كومپيۋتەرىن اشىپ، مەملەكەتتىك 12315 تۇعىرىنا شىعىپ، بۇگىن قانداي ارىز - تالاپتاردىڭ كەلگەندىگىن كورەدى.

  ”12315 قاراستى جەر پرينسيبى بويىنشا تۇتىنۋشىلاردىڭ ارىزىن جانە اشكەرەلەۋىن قاراستى جەرگە ءبولىپ بەرەدى“. جۇڭ حۋا بىلاي دەدى: ءبىز تۇتىنۋشىلاردىڭ ارىز - تالاپتارىن ارىزدانۋ كەستەسىنە دەر كەزىندە ەستەلىككە الىپ، داۋگەرمەن بايلانىس جاساپ ءىستىڭ ءمان - جايىن ۇعىسامىز. العاشقى تەكسەرۋ ارقىلى 7 كۇن ىشىندە قابىلداۋ - قابىلداماۋ جونىندە شەشىم جاسايمىز، قابىلداعان دەلولاردى، ءسوزسىز، 45 كۇن ىشىندە بىتىرەمىز.

  ”بۇگىن 3 ارىز، ءبىر اشكەرەلەۋ بار ەكەن“. جۇڭ حۋا ينفورماتسيانى ەستەلىككە الدى.

  اڭگىمە بارىسىندا تەلەفونى شىرىلدادى، ۇستىنەن ارىز تۇسكەن ادام جالعاعان تەلەفون ەكەن، جۇڭ حۋا ونىمەن تۇستەن كەيىن كەڭسەدە كەزدەسۋگە ۋادەلەستى.

  تۇستەن كەيىن ساعات 4تەن 40 مينۋت وتكەندە ۇستىنەن ارىز تۇسكەن گۇلمينا ۋادە بويىنشا ونىڭ كەڭسەسىنە كەلدى.

  ”مەنىڭ رەسمي تيجارات كۋالىگىم بار، نە ءۇشىن ۇستىمنەن ارىز بەرەدى“، - دەدى گۇلمينا تۇلان تۇتىپ.

  اسىلىندە گۇلمينا تيجارات جۇرگىزگەن جاڭا ۇن تاعامدار دۇكەنىندە ساتىلعان بولكانىڭ ۋاقىتى 20 كۇن ءوتىپ كەتكەن دەگەن ارىز ءتۇسىپ، داۋگەر تولەم تولەۋدى تالاپ ەتىپتى.

  ”سەنىڭ ۋاقىتى ءوتىپ كەتكەن ازىق - تۇلىك ساتۋ ارەكەتىڭ «جۇڭحۋا حالىق رەسپۋبليكاسىنىڭ تۇتىنۋشىلاردىڭ ۇقىق - مۇدەسىن قورعاۋ زاڭىنا» قايشى“، - دەپ جۇڭ حۋا گۇلميناعا ءتۇسىندىردى، ”زاڭ بەلگىلەمەسى بويىنشا سەن قارسى جاققا 200 يۋان تولەم تولەيسىڭ“.

  جۇڭ حۋانىڭ سابىرلىلىقپەن ءتۇسىندىرۋى ارقىلى گۇلمينا ءوزىنىڭ قاتەلىگىن تانىپ جەتتى ءارى جاراستىرۋدى قابىلدايتىنىن ءبىلدىردى.

  جۇڭ حۋا مەن قىزمەتتەستەرى كۇن سايىن 20دا 30 تەلەفون قابىلدايدى، بۇقارانىڭ ارىز - تىلەگىن دەن قويا تىڭداپ، بۇقارانى مازالاپ وتىرعان ىستەردى، الاڭداتىپ وتىرعان ىستەردى ءوز ىستەرىندەي ءبىر جايلى ەتەدى.

  ”نەگىزگى ساتىدا قايشىلىقتاردى، داۋ - شاردى ءبىر جايلى ەتۋدە بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، قايشىلىقتاردى، داۋ - شاردى زاڭ بويىنشا شەشۋ كەرەك“، - دەدى بۇراتالا قالالىق بازار باقىلاۋ - باسقارۋ مەكەمەسى تۇتىنۋشىلاردىڭ ۇقىق - مۇددەسىن قورعاۋ ءبولىمىنىڭ باستىعى چىن جاڭحۋا.

  جاراستىرۋ تەرەڭدەگەن سايىن، قايشىلىق ورشىمەيتىن بولدى

  بيىل 9 - ايدىڭ باسىندا جىڭ اۋدانى حاۋشىڭ سايبان زاۆودى ۋاقىتىندا اقشاسىن تاپسىرا الماعاندىقتان ۇستىنەن ارىز بەرىلەدى. جىڭ اۋداندىق حالىق سوت مەكەمەسىندەگى ياڭ گىڭشى سوتشى جاراستىرۋ قىزمەتى كەڭسەسىندە ياڭ گىڭشى ەكى جاقتىڭ قايشىلىعىن ەگجەي - تەگجەيلى ۇعىسقاننان كەيىن، جاۋاپكەردىڭ جاراستىرۋعا قوسىلۋ جاعدايىندا جاراستىرۋدى بەلسەندى ۇيىمداستىردى. جاۋاپكەر قارىز فاكتىن مويىنداعانىمەن، ءبىراق تالاپكەرگە دەرەۋ اقشا بەرە المايتىن ەدى.

  ياڭ گىڭشى جاۋاپكەرمەن اڭگىمەلەسكەننەن كەيىن، بيىل ىندەتتىڭ ىقپالىنا ۇشىراعان جاۋاپكەردىڭ ەكونوميكالىق جاعدايىنىڭ مۇشكىل ەكەنىن بىلەدى. ياڭ گىڭشى كادىمگىدەي اڭگىمەلەسۋ تاسىلىنە سالىپ ولارمەن سابىرلىلىقپەن پىكىر اۋىستىرعاننان كەيىن، ەكى جاق سوڭىندا جاراستىرۋ كەلىسىمىنە كەلەدى. ءبىر ساۋدا توقتامىنان تۋىنداعان قايشىلىق 3 ساعات ىشىندە وسىلايشا شەشىمىن تابادى.

  ۋاقىت ۇنەمدەلدى، جۇرت تىلەگى جالعاندى. ياڭ گىڭشى سوتشى جاراستىرۋ قىزمەتى كەڭسەسى قۇرىلعاننان بەرى جالپى 700دەن استام دەلونى ءبىر جاقتى ەتىپ، جاراستىرۋدىڭ ءساتتى بولۋ مولشەرى %95كە جەتتى.

  اراسان اۋدانى اڭگىرلىك قالاشىعى بالعىنتى قىستاعىنىڭ تۇرعىنى جاڭ شياڭرىن جۇمىستا تۋراشىل، ادامدارعا مامىلەسى ءادىل بولعاندىقتان، 2016 - جىلى قىستاق تۇرعىندارى قىستاق كوميتەتىنىڭ مەڭگەرۋشىلىگىنە سايلايدى. مىندەتتى ۇستىنە العاننان كەيىن حالىقتىق جاراستىرۋ ونىڭ قىزمەتىنىڭ ماڭىزدى بولەگىنە اينالادى.

  بيىل 6 - ايدا قىستاق تۇرعىندارىنىڭ جەر سۋاراتىن تامشىلاتىپ سۋارۋ قۇبىرىنىڭ ساپاسىندا ماسەلە بولعاندىقتان، قۇم كىرسە قۇبىر جارىلىپ كەتىپ، 4500 مۋ جەردىڭ ءونىم مولشەرى تومەندەپ كەتەدى. ەگىستىك جەردى كوتەرمەگە العان ۋاڭ جۇن مەن تامشىلاتىپ سۋارۋ قۇبىرىمەن قامداۋشى ساۋداگەر لي ۋيجۇن تولەم جونىندە بىرلىككە كەلە الماعاندىقتان، شارماياقتاسىپ قىستاق كوميتەتىنە كەلەدى.

  جاڭ شياڭرىن مۇنى كورگەننەن كەيىن دەرەۋ ەكەۋىن ايىرىپ، لي ۋيجۇندى عيماراتقا ەرتىپ شىعىپ اڭگىمەلەسەدى، ەكى جاق سابىرعا كەلگەننەن كەيىن، بايسالدىلىقپەن جاراستىرۋ ارقىلى لي ۋيجۇن جەردى كوتەرمەگە العان 10 وتباسىنا 800 مىڭ يۋان تولەم بەرۋگە قوسىلادى، ۇقىققا قول سۇعۋ داۋ - شارى جاراستىرۋ ارقىلى وسىلايشا تەز ارادا شەشىمىن تابادى.

  ۇعىسۋعا قاراعاندا، بۇراتالا وبلىسىندا قازىر 389 حالىقتىق جاراستىرۋ كوميتەتى، 1412 جاراستىرۋشى بار بولىپ، اۋىل - قالاشىق حالىقتىق جاراستىرۋ كوميتەتى جەتەكشى، قىستاق اترەت (الەۋمەتتىك اۋماق) حالىقتىق جاراستىرۋ كوميتەتى نەگىز بولعان، جوعارى - تومەن ۇلاسقان، وڭ - سول بايلانىسقان حالىقتىق جاراستىرۋ ۇيىمى تور جۇيەسى قالىپتاسقان.

  ”نەگىزگى ساتى قوعامدىق جونگە سالۋدىڭ نەگىزى جانە وزەگى، قايشىلىقتى نەگىزگى ساتىدا شەشۋ، ۇساق ىستەر قىستاقتان، ءىرى ىستەر اۋىلدان شىقپاعاندا عانا قوعامنىڭ جاراسىمدىلىعىن، ورنىقتىلىعىن جۇزەگە اسىرۋعا بولادى“، - دەدى بۇراتالا وبلىستىق پارتكومنىڭ ورىنباسار باس حاتشىسى، ساياسي - زاڭ كوميتەتىنىڭ ۇنەمىلىك ىستەرگە جاۋاپتى ورىنباسار شۋجيى حۋ بين.

  قىزمەت وتەۋدە اقتاڭداق قالماي، جۇرەكتەردى جالعايتىن كوپىر سالىندى

  11 - ايدىڭ 17 - كۇنى تۇستەن كەيىن ساعات 6دا ءتىلشى بۇراتالا قالاسى نانچىڭ رايونى ءمالىسى چاۋياڭ الەۋمەتتىك اۋماعىنا كەلدى. الەۋمەتتىك اۋماق پارتيا مۇشەلەرى مەن بۇقاراعا قىزمەت وتەۋ ورتالىعىنىڭ 2 - قاباتىندا ءتىلشى ءاربىر بولمەنىڭ ەسىگىنە: جوندەۋگە قۇلشىنۋ، ءۇي شارۋاسىنا قۇلشىنۋ، ەرىكتى بولۋعا قۇلشىنۋ، جەتىلدىرۋگە قۇلشىنۋ، جاراستىرۋعا قۇلشىنۋ، زاڭ جالپىلاستىرۋعا قۇلشىنۋ قىزمەت كەڭسەسى، ت.ب دەپ جازىلعانىن كوردى.

  ءتىلشى ”جوندەۋگە قۇلشىنۋ“ قىزمەت كەڭسەسىنە كىرگەندە تامعا ءىلۋلى تۇرعان قيمىل ەستەلىك كەستەسىنە بيىل جىل باسىنان بەرگى قىزمەت كەڭسەسىنىڭ تۇرعىندارعا جاردەمدەسىپ جوندەۋ جاعدايىنىڭ ەگجەي - تەگجەيلى جازىلعانىن كوردى.

  الەۋمەتتىك اۋماق پارتيا باس ياچەيكاسىنىڭ شۋجيى بيان جۇنلي: بۇقارا الاڭدايتىن ىستەردىڭ بارلىعى ءبىزدىڭ بۇل جەردە نەگىزىنەن تەز ارادا شەشىمىن تابادى، - دەدى.

  كورشىلەر ارا قايشىلىعىڭىز بار ما؟ الاڭداماڭىز، ”جاراستىرۋعا قۇلشىنۋ“ قىزمەت كەڭسەسىنە كەلىپ، الاڭداتىپ وتىرعان ىستەردى ايتىڭىز، حالىقتىق جاراستىرۋشىنىڭ ىقىلاسپەن، دەن قويا جاراستىرۋىندا قايشىلىقتى جاراسىمدىلىقپەن شەشىم ەتىپ بەرەمىز.

  زاڭنان كەڭەس الماق بولساڭىز ”زاڭ جالپىلاستىرۋعا قۇلشىنۋ“ قىزمەت كەڭسەسىنە كەلىڭىز، مۇندا كاسىپتىك زاڭ اقىلشىسى بار، سىزگە جاردەمدەسىپ ءبىر - بىردەن تۇسىنىك جاساپ بەرۋمەن بىرگە، تەگىن زاڭدىق ءبىلىم ۇيرەتەدى.

  ”بۇقارا قاجەت ەتسە بولعانى، قاي كەزدە شاقىرسا سول كەزدە بارامىن“. الەۋمەتتىك اۋماقتىڭ زاڭ اقىلشىسى، بۇراتالا قالالىق حالىق پروكۋراتۋراسى 1 - پروكۋرور ءبولىمىنىڭ ورىنباسار مەڭگەرۋشىسى لياۋ يۋەميڭ بىلاي دەدى: ”مەن ۇنەمى كەلىپ كوپشىلىككە زاڭدىق بىلىمدەر جونىندە تۇسىنىك جاساپ، تۇرعىنداردىڭ زاڭدىق تانىمىن جوعارىلاتۋعا كومەكتەسەمىن“.

  ”التىعا قۇلشىنۋدى“ اتقارۋ ارقىلى قايشىلىق دەر كەزىندە نەگىزگى ساتىدا شەشىم ەتىلىپ، وركەن كەزىندە جويىلدى، ءبىزدىڭ الەۋمەتتىك اۋماق بارعان سايىن جاراسىمدى بولىپ كەلەدى“، - دەدى بيان جۇنلي.

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ءتۇزىمىن كەمەلدەندىرۋ كەرەكتىگىن ورتاعا قويدى. حۋ بين مىنالاردى ءبىلدىردى: بۇراتالا وبلىسى حالىقتى وزەك ەتۋگە تاباندى بولىپ، ماسەلەنى باعدار ەتىپ، حالىقتىق جاراستىرۋ، اكىمشىلىك جاراستىرۋ، ءادىليالىق جاراستىرۋ بىردەي ارەكەتتەنەتىن قىزمەت جۇيەسىن ۇزدىكسىز كەمەلدەندىرىپ، كورىكتى مەكەندى بىرگە قۇرادى، بىرگە جونگە سالادى، ودان بىرگە يگىلىكتەنەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار