پۋحۇي ەگىس الاڭى: توراڭعى ەگىپ، ”جاسىل اقشا“ تاپتى
2020.12.01 15:44 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى تىلشىلەرى جيڭ بو، جوۋ پىڭ، جاۋ چاڭفۋ 11 - ايدىڭ 29 - كۇنى كورلادان حابارلايدى. نوپوستاعى جان سانى 5913 ادام، تەك بيىلدىڭ وزىندە 232 مىڭ ءتۇپ توراڭعى ەگىپ، ورتا ەسەپپەن ءار ادام 40 ءتۇپ ەكتى. سوڭعى جىلدارى كورلا قالاسىنداعى پۋحۇي ەگىس الاڭى قىزمەتشىلەرىنىڭ اعاش ەگۋ بەلسەندىلىگى بارعان سايىن جوعارىلادى.
كەزىندە كونچى وزەنىنىڭ تومەنگى اعارىنا ورنالاسقان وسى ەگىس الاڭىنىڭ وزەن بويلاپ اشقان جەرى نەشە ءجۇز مىڭ مۋ بولىپ، سول جەردىڭ ەكولوگيالىق ورتاسىنىڭ ءبىر مەزگىل ناشارلاۋىنا اپارىپ سوققان بولاتىن. ”جەر استى سۋ دەڭگەيى تومەندەپ، بوران مەن قۇم - توپىراقتى اۋا رايى كوبەيىپ، قىرۋار توراڭعى اعاشى قۋراپ قالعان ەدى“. 11 - ايدىڭ 19 - كۇنى ەگىس الاڭىنىڭ كادرى شياۋ كى ەسكە الىپ بىلاي دەدى: ”ءار جىلى 3 - ايدان 5 - ايعا دەيىن ءار ەكى - ءۇش كۇندە ءبىر بوران سوعىپ نەمەسە قۇم - توپىراق باسىپ، ماقتانى ءار جىلى ەكى - ءۇش رەت تولىقتاپ ەگۋگە تۋرا كەلەتىن، حالىق قالجىراپ، اقشا بوسقا كەتۋشى ەدى“.
سوڭعى جىلدارى پۋحۇي ەگىس الاڭى جاسىل دامۋدى ۇزدىكسىز ىلگەرىلەتىپ، ءار جىلى كوكتەم، كۇز ماۋسىمدارىندا 200 نەشە مىڭ ءتۇپ توراڭعى ەگىپ، تىڭ يگەرۋ اۋماعىن تارايتىپ، سۋدى پايدالانۋدى ازايتۋ، ەگىستىك جەردى قايتارىپ، جايلىمدى قالپىنا كەلتىرۋ ساياساتىن قاتاڭ تياناقتاندىرىپ، جيىنى 100 مىڭ مۋدان استام ەگىستىك جەردى قايتاردى. ”قىزمەتشىلەردىڭ جىل سايىن قۇلشىنۋى ارقىلى قۋراپ قالعان توراڭعىلار قايتادان كوكتەپ، وسىمدىك جامىلعىسى كەڭەيىپ، تۇرلەرى بارعان سايىن مولايدى، ءتىپتى، تالاي جىل كوزگە شالىقپاعان جابايى شوشقا، قاراقۇيرىق، تۇلكى سياقتى جابايى حايۋاناتتار دا قايتىپ كەلدى. ورمان اۋماعىندا جۇرگەندە قىرعاۋىل مەن ءتۇز قويانىن دا ءجيى - ءجيى كورىپ قالاسىڭ“. كورلا قالالىق توراڭعى ورمانىن باسقارۋ پۋنكتىنىڭ باستىعى ەرىنسىندورجى بىلاي دەدى: سوڭعى جىلدارى ەكولوگيالىق ورتا بارعان سايىن جاقساردى، ەگىس الاڭى توراڭعى بايلىعىنان تولىق پايدالانىپ، ساياحاتتى بار كۇشپەن دامىتتىق، قىزمەتشىلەردىڭ قالتاسى بارعان سايىن قامپايدى.
بيىل 10 - ايدا پۋحۇي ەگىس الاڭى 3 - كەزەكتى پۋحۇي توراڭعى مادەنيەت، ساياحات مەرەكەسىن وتكىزدى. قيمىل كۇنى اپەكەسىنە كومەكتەسىپ اسحانانىڭ جۇمىسىن ىڭعايلاپ جۇرگەن احىمەت زىكىرول سول كۇنى اسحانانىڭ كىرىسى 50 مىڭ يۋانعا جەتكەندىگىن تاڭدانا بايقادى. ”اسحانادان ءبىر كۇندە تۇسكەن اقشا مەنىڭ ءبىر جىلدا تاباتىن اقشامنان اسىپ كەتتى“، - دەدى احىمەت.
بۇرىن مەن جەردى نەعۇرلىم كوپ اشقان سايىن، تاباتىن اقشام دا سولعۇرلىم كوپ بولادى دەپ قارايتىنمىن. ەگىس الاڭى ماعان تىڭ يگەرۋ اۋماعىن تارايتىپ، سۋدى پايدالانۋدى ازايتۋ بويىنشا 300 مۋ جەردى قايتارۋدى ايتتى، ءبىر مەزگىل يدەيامنان وتپەي ءجۇردى“. قازىر احىمەت ءوز باسىنان سەزىنگەندەرى ارقىلى ”تۇنىق سۋ، جاسىل تاۋ − باعالى بايلىقتىڭ“ ءمانىن قاراپايىم تىلمەن جەتكىزە الادى، ”ورتا جاقساردى، دەنساۋلىعىمىز دا جاقساردى، تاباتىن كىرىسىمىز دە كوبەيە ءتۇستى“.
پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جاسىل دامۋدى ىلگەرىلەتۋ ءۇشىن ادام مەن تابيعاتتىڭ جاراسىمدى قاتار تۇرۋىن جەبەۋ كەرەكتىگىن العا قويدى. پۋحۇي ەگىس الاڭى پارتكومىنىڭ شۋجيى پىڭ حۇڭگاڭ مىنالاردى ءبىلدىردى: ”ءبىز جاسىل دامۋدى ەگىس الاڭىنىڭ بۇدان كەيىنگى دامۋ جوباسىنا ەنگىزىپ، ’اۋىل شارۋاشىلىعى + ساياحاتتى‘ دامۋ نىساناسى ەتىپ، جاڭاشا اۋىل - قىستاق قۇرىلىسىن تۇتقا ەتىپ، توراڭعى ساياحاتى بايلىعىن بار كۇشپەن اشىپ، اۋىل شارۋاشىلىعىندىق سەرۋەن، اۋىل شارۋاشىلىق ونىمدەرىن جيناۋ - ءۇزۋ، ەگىنشىلىك جۇمىسىن سەزىنۋ، شارۋالار وتباسىندا قونۋ ءبىر تۇلعالانعان ساياحات ۇلگىسىن بىرتىندەپ قالىپتاستىرامىز“.
”كەلەر جىلى شارۋالار شاتتىعى ساياجايىن ويداعىداي جۇرگىزىپ، حالىقتىق تۇسەلحانا سالىپ، جيناۋ - ءۇزۋدى جولعا قويىپ، ساياحات ارقىلى كىرىس كىرگىزىپ، ’جاسىل اقشا‘ تابامىن“. كەلەر جىلعى دامۋ جونىندە احىمەتتىڭ كوڭىلىندە الدەقاشان ەسەپ جاسالعان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
