ەلەكتروندى ساۋدا شارۋالاردىڭ بايۋىنا قانات ءبىتىردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ءرايدا، جاڭ جىلي
2020.12.02 15:56 كەلۋ قاينارى : شينجياڭ گازەتى
قازىر قاشقار ايماعىنىڭ اۋىل - قىستاق ەلەكتروندى ساۋدا ىستەرى قارىشتاپ دامۋدا. بيىل 10 - ايعا دەيىن قاشقار ايماعىندا 71 اۋىل شارۋاشىلىق ونىمدەرى ەلەكتروندى ساۋدا كاسىپورنى جيىنى 1322 ەلەكتروندى ساۋدا قىزمەت وتەۋ پۋنكتىن قۇرعان، مۇندا اۋىل - قالاشىق پۋنكتى 158، قىستاق دارەجەلى پۋنكت 1164. تولىقسىز ساناققا قاراعاندا، بيىل 1 - ايدان 9 - ايعا دەيىن قاشقار ايماعىنىڭ اۋىل شارۋاشىلىق ونىمدەرىنىڭ ينتەرنەتتە بولشەك ساتىلۋ سوماسى 596 ميلليون يۋانعا جەتكەن.
”مەن ەلەكتروندى ساۋدا كاسىپ سالاسى باقشاسىندا قىسقا بەينەكەسكىن جاساۋدى ۇيرەندىم، ءارقايسى ءىرى ەلەكتروندى ساۋدا جانە تىكە تاراتۋ تۇعىرلارىنىڭ ەرەكشەلىگىن ءتۇسىنىپ، اۋدانىمىزدىڭ اۋىل شارۋاشىلىق ونىمدەرىنىڭ وتىمدىلىك وزگەشەلىگىن ءبىلىپ الدىم“. 11 - ايدىڭ باسىندا قاعىلىق اۋدانىنىڭ تۇرعىنى پاتىگۇل مامەت ەلەكتروندى ساۋدا كاسىپ سالاسى باقشاسىنداعى ”ينتەرنەت جۇلدىزى مەكتەبىندە“ 4 اي تەگىن تاربيەلەنگەننەن كەيىن ”ەلەكتروندى ساۋدا تىكە تاراتۋ“ جولىن باستاپ كەتتى.
بيىل قاعىلىق اۋدانى اۋىل شارۋاشىلىق ونىمدەرىن ساتۋ تۇعىرى قۇرىلىسىن ۇزدىكسىز كۇشەيتىپ، ەلەكتروندى ساۋدا كاسىپ سالاسى باقشاسىندا ”ينتەرنەت جۇلدىزى مەكتەبىن“ قۇرىپ، بۇكىل اۋدانداعى ءارقايسى اۋىل - قالاشىقتان سارالاپ شىققان، اۋىلعا ورالعان جوعارى مەكتەپ وقۋشىلارىنان، شارۋاشىلىق قۇرعان جاستاردان 100گە تارتا ادامدى باۋلىدى. سونىمەن بىرگە، بۇكىل ەلدەگى 10 ەلەكتروندى ساۋدا تۇعىرىندا قولما - قول تىكە تاراتىپ، قاعىلىقتىڭ جاڭعاعى، شىلانى، ورىك قاعى سياقتى ەرەكشە اۋىل شارۋاشىلىق ونىمدەرىن تانىستىردى. 9 - ايدان بەرى قاعىلىق اۋدانى ەلەكتروندى ساۋدا تۇعىرى ارقىلى 40 ميلليون يۋانعا تاياۋ كەلەتىن جاڭعاق، سىركە سۋ سياقتى اۋىل شارۋاشىلىق قوسىمشا ونىمدەرىن ساتتى.
اۋىل شارۋاشىلىق ونىمدەرىن ينتەرنەت جەلىسىندە سىرتقا ساتۋ تۇعىرىن قالىپتاستىرۋمەن بىرگە، قاعىلىق اۋدانى شاڭحاي، بەيجيڭ، گۋاڭجوۋ قاتارلى 8 قالادا سايكەستى بولىمشە قامبالارىن قۇرىپ، ينتەرنەت جەلىسى تۇعىرىندا ساتۋعا شارت - جاعداي ازىرلەدى.
قاعىلىق اۋدانى سايباق اۋىلى گۇلباق قىستاعىنداعى ”چيشيانيۋان بەرەكەلى شاڭىراعى“ شارۋالار كاسىپتىك سەلبەستىك كووپەراتيۆى ەلەكتروندى ساۋدا ارقىلى كەدەيلەردى سۇيەمەلدەۋدىڭ يگىلىگىنە كەنەلۋشىلەردىڭ ءبىرى.
وسى سەلبەستىك كووپەراتيۆى جاڭعاق مايىن ارناۋلى وندىرەدى، ”بۇرىن ءبىزدىڭ جىلدىق ساتۋ مولشەرىمىز 500 مىڭ يۋانعا جەتپەيتىن، ەلەكتروندى ساۋدا كاسىپ باقشاسىنىڭ ينتەرنەت جەلىسى تۇعىرىندا تانىستىرعاننان كەيىن، بيىل 9 - ايدان بەرى ساتىلىم مولشەرى 4 ميلليون يۋاننان استامعا جەتتى. قىزمەتكەرلەر كۇنىنە ۇستەمە جۇمىس ىستەپ وندىرەدى، ەڭبەكاقىلارى دا ايىنا 1500 يۋاننان 3000 يۋانعا ارتتى“، - دەدى سەلبەستىك كووپەراتيۆىنىڭ جاۋاپتىسى ۋاڭ حايبو.
ايعايلاپ ساتىلىپ جاتقان، سىلتەمە قايتا - قايتا اشىلىپ زاكاز تۇسكەن، زات تاسىمالى جەدەل جولدامالارى... ەلەكتروندى ساۋدا اۋىل - قىستاقتى گۇلدەندىرۋگە جويقىن ومىرشەڭدىك كۇش ۇستەپ، ءتىپتى دە كوپ ساپالى اۋىل شارۋاشىلىق ونىمدەرى ”ساتىلىم جۇردەك كولىگىمەن“ ”مول ءونىمدى“ ”مول كىرىسكە“ اينالدىردى.
تاياۋدا يىڭىسار اۋدانى لومپا اۋىلى اتۇشباق قىستاعىنىڭ تۇرعىنى ماحمۇت ۇرايىم توراپتان تاعى ورىك قاعىنىڭ بىرنەشە زاكازىن تاپسىرىپ الدى، ول ورىك قاعىن قىستاقتاعى ەلەكتروندى ساۋدا ىستەرىنەن قىزمەت وتەۋ تۇيىنىنە جەتكىزىپ، قوراپتاپ قاريدارعا جىبەرەدى. ماحمۇت بىلاي دەدى: ”بىلتىر مەن ەلەكتروندى ساۋدادان قىزمەت وتەۋ تۇيىنىندە 500 كيلوگرام ورىك قاعىن ساتىپ، كىرىسىمدى 2000 نەشە يۋان ارتتىردىم. قازىر مەن دە ينتەرنەت بىلىمدەرىن ۇيرەنىپ جاتىرمىن، ءوزىم ينتەرنەتتىك دۇكەن اشپاقشىمىن“.
قازىر يىڭىسار اۋدانىندا جيىنى 14 ەلەكتروندى ساۋدادان قىزمەت وتەۋ پۋنكتى، 90 ەلەكتروندى ساۋدادان قىزمەت وتەۋ ءتۇيىنى بار. ماحمۇت سياقتى ءتىپتى دە كوپ قىستاق تۇرعىندارى ەلەكتروندى ساۋدا تۇعىرىنا سۇيەنىپ كىرىسىن ارتتىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
