شارۋا راقىمەتجاننىڭ ءبىلىم ىزدەۋ جولى
شينجياڭ گازەتى جالپىلىق اقپارات قۇرالدارى ءتىلشىسى سۋ لۋپيڭ، ەرىكتى ءتىلشى دوۋ جيان
2020.12.03 15:52 كەلۋ قاينارى : شينجياڭ گازەتى
بالالارى اسىر سالىپ ويناپ، ايەلى شاتتانا كۇلدى، جىلىجايداعى جيۋسايعا جارعاق جابۋ كەرەك، مال قوراداعى قوي - سيىرلارى كۇننەن - كۇنگە سەمىردى... قاشقار قالاسى بەسكەرىم اۋىلى تاۋ اۋزى قىستاعىنىڭ تۇرعىنى راقىمەتجان تۇردى كوز الدىنداعى وسىلاردىڭ ءبارىن ەرەكشە قاستەرلەيدى. كەدەي وتباسىنان جەرگىلىكتى ورىندا اتاعى شىعا باستاعان باعىمشىلىق ءىرى وتباسىنا، ونان كوكونىس ەگىمشىلىگى اۋىل شارۋاشىلىق تەحنيگى بولعانعا دەيىنگى 3 جىلدا راقىمەتجان كەرەمەت زور وزگەرىستەردى جۇزەگە اسىردى.
شارۋالاردى كىرىستەرىن ۇزدىكسىز ارتتىرۋعا باستاپ، عىلمي ەگىمشىلىكتى، كولەمدەنگەن دامۋدى، كاسىپ سالالانعان تيجاراتتى بىرتىندەپ جۇزەگە اسىرۋ ءۇشىن جۋىق جىلداردان بەرى قاشقار قالاسى كاسىپ سالاسى قۇرىلىمىنا بەلسەندىلىكپەن رەتتەۋ جۇرگىزىپ، كوكونىس ەگىمشىلىگىن عىلمي جوسپارلاپ، جەمىس ورمانى شارۋاشىلىعىن دامىتتى. قىلشىلداعان جاس كەزىندە كەدەي وتباسى قالپاعىن كيۋدى قالاماي، تاماشا ساياساتتىڭ ءتيىمدى ورايىنان پايدالانعان راقىمەتجان 2018 - جىلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەگىندە 3 جىلدىق ءوسىمسىز شاعىن سومالى قارىز اقشا الۋعا ءوتىنىش ەتىپ، تراكتور ساتىپ الىپ، جەردى كوتەرمەگە الادى، ول ءبىر جاعىنان، تراكتورىمەن قىستاق تۇرعىندارىنىڭ ەگىنىن جيناپ اقشا تاپسا، ەندى ءبىر جاعىنان، باكلاجان، قىزىل بۇرىش، ءسابىز سياقتى ساباقتى كوكونىستەردى ەگۋدى سىناپ كوردى.
كوكونىس مايساسىن ۇكىمەت تەگىن قامدادى، ءار مۋ جەرگە تىڭايتقىش جەتكىزىپ بەردى“. راقىمەتجان قىستاقتاعى تەحنيكالىق جەتەكشى شيە گۋاڭميڭنىڭ تۇڭعىش رەت اتىز باسىنا كەلىپ وعان ەگۋ، جەتىلدىرۋ تەحنيكاسىن تۇسىندىرگەن كورىنىسىن بۇگىنگە دەيىن ۇمىتقان جوق. شونەك جاساپ، كوشىرىپ ەگۋدەن سۋارۋعا دەيىنگى ءاربىر بۋىن راقىمەتجان ءۇشىن بەيتانىس ءارى تىڭ نارسە ەدى، ول بولاشاققا بويلاي الماعانىمەن، الايدا قۇلشىنا وزگەرىس جاساۋىنان تۋىنداعان شاتتىعى باسىم ەدى.
سول كەزدەردە قىستاق تۇرعىندارىنا كومەكتەسىپ ەگىن ورۋدان سىرت، راقىمەتجاننىڭ كوكونىس ەگىمشىلىگىنە ەسىل - دەرتى اۋعان ەدى، الايدا كوكونىس مايساسىن كوشىرىپ ەككەنىمەن ساباق - جاپىراعى سولىپ قالادى، قالاي سۋارسادا پايداسى بولمايدى، ول دەرەۋ شيە گۋاڭميڭنەن كومەك سۇرايدى. ”ساباق - جاپىراعى سولۋىنىڭ كوپتەگەن سەبەبى بولادى، سۋساپ قالۋ ءبىر سەبەبى عانا، ەگەر دەرت - دەربەزىنە قاراي ءدارى بەرمەسەڭ، سۋارا بەرۋدىڭ ءوزى كەرى اسەر تۋدىرادى“. شيە گۋاڭميڭنىڭ وسى سوزىنەن ول ءوزىنىڭ جەتەرسىزدىگىن − اۋىل شارۋاشىلىعى تەحنيكالىق بىلىمدەرىنىڭ كەمشىلدىگىن تانيدى.
كىتاپتان ۇيرەندى، مامانداردان ۇيرەندى، تەحنيكتەردەن جانە امالياتتىق تاجىريبەسى بار قىستاق تۇرعىندارىنان ۇيرەندى... سول كەزدەن باستاپ، راقىمەتجان بەينە ءبىر ەمتيحان بەرەتىن وقۋشى سياقتى باس الماي ىزدەنس جاسادى، تولاسسىز ۇيرەندى، ۇزدىكسىز امالياتتان وتكىزىپ، تىنباي تاجىريبە قورىتىندىلادى. اقىرىندا ونىڭ ىجداعاتتىلىقپەن باعىپ - باپتاۋىندا كوكونىسى جايقالا ءوسىپ، ساپاسى دا بارعان سايىن جاقساردى. ءبىر جىلدا 2 رەت ءونىم الىپ، راقىمەتجاننىڭ قالتاسى بارعان سايىن قامپايدى. بۇل وعان ءبىلىم ۇيرەنۋ، تەحنيكا ۇيرەنۋ ارقىلى ءداستۇرلى اۋىل شارۋاشىلىعىمەن شۇعىلدانۋ تاسىلدەرىن وزگەرتۋدىڭ، ءسوزسىز، قاجەتتىلىگىن، ءتىپتى، اسا كوكەي تەستى ەكەندىگىن ۇعىندىردى.
”مەنىڭ كورشىلەرىمنىڭ بارلىعى جىلىجايدا كوكونىس ەگەدى، بۇرىنعىداي جەر ەگۋمەن سالىستىرعاندا كوپ اقشا تابا الادى، مەن دە ولاردىڭ قاتارىنا قوسىلۋىم كەرەك“. وي - سانانى جەتىلدىرمەيىنشە، قالتانى قامپايتۋ قيىن، راقىمەتجان ۇيرەنۋگە دەن قوياتىن شارۋا بولۋعا بۇرىلىس جاسادى. 2019 - جىلى جەرگىلىكتى ۇكىمەتتىڭ ”كوكونىس مايساسىن تۇراقتاندىرۋ“ نىسانىنا زور قولداۋ كورسەتكەنىن بايقاعان راقىمەتجان 2 كوكونىس جىلىجايىن كوتەرمەگە الىپ، كوكونىس مايساسىن جەتىلدىردى.
كوكونىس مايساسىن جەتىلدىرۋ تەحنيكاسى، سونداي - اق جىلىجايدا مايسا جەتىلدىرۋدى اتىز باسىندا باپتاپ - باسقارۋ، مايسانى كوشىرىپ ەگۋ سياقتىلاردى ويداعىداي يگەرۋ ءۇشىن راقىمەتجان شينجياڭ قازىنا - ەكونوميكا داشۋەسىنەن تاۋ اۋزى قىستاعىنا تۇسكەن ءبىرىنشى شۋجيدىڭ كومەكشىسى ۋاڭ شين - يدى ىزدەپ بارىپ، مەكتەپتەگى مامانداردى جەتەكشىلىك ەتۋگە ۇسىنىس ەتۋگە كومەكتەسۋىن وتىنەدى. ”ۋاڭ مۇعالىم تەز ارادا ءبىر پروفەسسورمەن بايلانىس جاساپ، توراپتا مەنىڭ مايسا جەتىلدىرۋىمە جەتەكشىلىك ەتىپ، مايسا جەتىلدىرۋ بارىسىندا جولىققان تەحنيكالىق ماسەلەلەرىمدى شەشىپ بەردى“.
قۇلشىنعانعا قۇت ءۇيىر دەمەكشى، تۇڭعىش رەت جەتىلدىرگەنىندە - اق راقىمەتجان كوكونىس مايسالارىنىڭ جايقالا ءوسىپ، اۋىلداستارىنىڭ ايرىقشا قارسى الۋىنا يە بولارىن ويلاماعان ەدى، كوپتەگەن ادامدار ونىڭ جىلىجايىنا بارىپ مايسا تاڭداپ الدى. سول جىلى تەك مايسا جەتىلدىرۋدىڭ وزىنەن - اق ول 50 مىڭ يۋان كىرىس كىرگىزىپ، قارىزىن قايتارىپ تاستادى، وتباسىنداعىلاردىڭ قۋانىشى قوينىنا سيمادى.
2019 - جىلى اۋىلدىڭ كۇش سالا تانىستىرۋىمەن راقىمەتجان قاشقار داشۋەسىنە بارىپ، ەگىمشىلىك تەحنيكاسىن ۇيرەنۋگە تاڭداپ جىبەرىلدى، سونداي - اق ”ۇزدىك كۋرسانت“ اتاعىن الادى. ۇيگە قايتقاننان كەيىن، ول قارجى جيناپ، 14 سيىر، 22 قوي ساتىپ الىپ، باعىمشىلىقپەن اينالىسىپ، جەرگىلىكتى ورىندا اتاعى شىعا باستاعان باعىمشىلىق ءىرى وتباسىنا اينالدى.
بيىل راقىمەتجان قاشقار قالالىق اۋىل شارۋاشىلىعى، اۋىل - قىستاق مەكەمەسى جاعىنان كوكونىس ەگىمشىلىگى اۋىل شارۋاشىلىعى تەحنيگىنە ۇسىنىس ەتىلىپ، ءوزى سياقتى كىرىستەرىن ارتتىرىپ، بايۋ جولىنا ءتۇسۋدى ويلايتىن كوپتەگەن اۋىلداستارىنا كومەكتەستى. ”كۇن سايىن تىنباي قۇلشىنساڭ، اقشا تابا الاسىڭ؛ كۇنى بويى ۇيىقتاساڭ، قۇر الاقان قالاسىڭ“. راقىمەتجان بىلاي دەيدى: ”بۇل كۇندەرى ءبىز كەدەيلىك قالپاعىن الىپ تاستادىق، ەندىگى جەردە تۇرمىسىمىز بارعان سايىن شالقي تۇسەتىن بولادى“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
