شوكىرات زاكىر ءۇرىمجى قالاسىندا تەكسەرۋ - زەرتتەۋ جۇرگىزدى
جوبانىڭ جەتەكشىلىك رولىن ساۋلەلەندىرىپ، قالا ساپاسىنىڭ جوعارىلاۋىن تەزدەتەيىك
2020.12.04 15:28 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 12 - ايدىڭ 2 - كۇنى ۇرىمجىدەن حابارلايدى. 12 - ايدىڭ 2 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىندا قالا جوباسى قۇرىلىسى قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: قالا جوباسى قۇرىلىسىندا ستراتەگيانى جانە جالپى جاعدايدى شىعار ءتۇيىن ەتۋگە تاباندى بولىپ، جوبانى ويداعىداي جەتەكشى ەتىپ، قالا قۇرىلىسى مەن باسقارۋ ورەسىن شىنايى جوعارىلاتىپ، قالانىڭ ىشكى ساپاسىن جاپپاي جوعارىلاتىپ، حالىق بۇقاراسىنىڭ ءتىپتى دە جايلى، تاماشا تۇرمىس وتكىزۋىنە مۇمكىندىك جاساۋ كەرەك.
سول كۇنى شوكىرات زاكىر قاتارلىلار ءۇرىمجى قالالىق مادەنيەت ورتالىعى قالا جوباسى سارايىنا بارىپ، جىبەك جولى ەكونوميكالىق بەلدەۋى وزەكتى رايون قۇرىلىسى جوباسى كورمە سارايىن، ءۇرىمجى قالالىق قالا جوباسى كورمە سارايىن ەكسكۋرسيالادى ءارى اڭگىمە ءماجىلىسىن اشىپ، قاتىستى تاراۋلاردىڭ مالىمەتىن تىڭدادى، ءۇرىمجى قالاسىنىڭ قاتىناس ءتۇيىندى جول توراپتارىنىڭ جوباسىنا جانە نانمىن، بەيمىن ءوڭىرىنىڭ كورىنىسىن جاقسارتۋ جوباسىنا زەرتتەۋ جۇرگىزدى. سونان كەيىن، ءۇرىمجى قالاسىنىڭ نان مادەنيەتى كاسىپ سالاسى باقشاسى (2 - مەرزىمدىك قۇرىلىسى) نىسانىنا تەكسەرۋ - زەرتتەۋ جۇرگىزدى.
جۋىق جىلداردان بەرى ءۇرىمجى ”شىعىسقا ۇزارتۋ، باتىسقا ىلگەرىلەۋ، وڭتۇستىكتى مەڭگەرۋ، سولتۇستىككە كەڭەيۋ“ پرينسيبى بويىنشا قالا قۇرىلىسىن جۇرگىزىپ، توڭىرەكتەگى قالا - قالاشىقتاردى سايكەسە دامۋعا باستادى، ءبىراق قاتىناستىڭ جالپى تۇلعالىق سيىمدىلىق كولەمىنىڭ جەتەرسىز بولۋى سياقتى ماسەلەلەر دە بايقالدى. شوكىرات زاكىر بىلاي دەپ اتاپ كورسەتتى: قاتىناس − قالانىڭ قاڭقاسى، بۇقارانىڭ ويىن، ارمانىن توڭىرەكتەي وتىرىپ، قالانىڭ جول تورابىن عىلمي جوبالاپ، كەدەرگىسىز جىلدام ارنالار اشىپ، كىرىپ - شىعۋ اۋىزدارىن ىركىلىسسىزدەندىرىپ، ماشينا توقتاتۋ قيىن بولۋ سياقتى قالانىڭ دامۋ بارىسىنداعى بوگەتتىك ماسەلەلەردى ءونىمدى شەشىپ، ءوزارا ۇلاساتىن، تۇتاساتىن، تەز دە جوعارى ءونىمدى قاتىناس تورابىن قۇلشىنا قۇرىپ، قالانىڭ كوتەرىمدىلىك قۋاتى مەن ىركىلىسسىز بولۋ دارەجەسىن جوعارىلاتۋ كەرەك. قارجى قوسۋ تەبىنىن كۇشەيتىپ، عىلىم - تەحنيكالىق تاسىلدەردەن پايدالانۋدى كۇشەيتىپ، زەردەلى قاتىناس باسقارۋ ورەسىن جوعارىلاتىپ، پاراساتتى قالانى قالىپتاستىرۋ كەرەك.
نانمىن مەن بەيمىن ءۇرىمجى قالاسىنىڭ ساۋدا، مادەنيەت جانە قاتىناسىنىڭ وزەكتى وڭىرىنە ورنالاسقان، ءۇرىمجى قالاسى رەليستى قاتىناس قۇرىلىسىنا بىرلەستىرە وتىرىپ، وسى ءوڭىردىڭ كورىنىسىن جاقسارتادى. شوكىرات زاكىر بىلاي دەپ اتاپ كورسەتتى: نانمىن مەن بەيمىن ءۇرىمجىنىڭ تاريحى مەن دامۋىنا كۋا بولعان، قالانىڭ كورنەكتى كورىنىستەرىن وزگەرتىپ، دەڭگەيىن جوعارىلاتۋمەن بىرگە، جەرگىلىكتى ەرەكشەلىكتى كورنەكتىلەندىرىپ، مادەنيەتكە مۇراگەرلىك ەتۋگە ءمان بەرىپ، قالانىڭ مادەنيەت جۇلگەسىن جالعاستىرىپ، قالانىڭ مادەنيەت ءمانى مەن ساپاسىن ارناعۇرلىم جوعارىلاتۋ كەرەك.
ءۇرىمجى قالاسىنىڭ نان مادەنيەتى كاسىپ سالاسى باقشاسى (2 - مەرزىمدىك قۇرىلىسى) شۇيموگۋ رايونى ونەركاسىپ باقشاسىنا ورنالاسقان، جوباداعى جالپى پايدالانىلاتىن جەر كولەمى 109 مىڭ 600 شارشى مەتر. شوكىرات زاكىر بىلاي دەپ اتاپ كورسەتتى: نان شينجياڭنىڭ ەرەكشە ازىعى رەتىندە قالىڭ بۇقارانىڭ قارسى الۋىنا يە بولعان، جۇمىستانۋعا جەتەكتەۋ كولەمى كەڭ، كولەمدەندىرۋ، كاسىپ سالالاندىرۋ، بازارلاندىرۋ، ولشەمدەندىرۋ، ساپالىلاندىرۋ پرينسيبىنە تاباندى بولىپ، نان كاسىپ سالاسىن كەڭەيتىپ، زورايتىپ، كەدەيلىكتەن ارىلتىپ كىرىستى ارتتىرۋعا كۇش ۇستەۋ كەرەك.
شوكىرات زاكىر بىلاي دەپ باسا دارىپتەدى: ءۇرىمجى قالاسى مەن اۆتونوميالى رايوننىڭ قاتىستى تاراۋلارى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن بىرلەستىرىپ، تىعىز سەلبەسىپ، بىرىككەن كۇش قالىپتاستىرىپ، بار كۇشپەن ءۇرىمجى ورتالىق قالا شەڭبەرىن قالىپتاستىرىپ، دامۋ ورنىن ايقىنداپ، نەگىزدىك قۇرىلعىلاردى كەمەلدەندىرىپ، ءتۇزىلىس - مەحانيزمدى اقاۋسىزداندىرىپ، ورتالىق قالانىڭ سەركەلىك، باستاماشىلدىق رولىن تولىق ساۋلەلەندىرىپ، توڭىرەكتەگى قالالاردىڭ سەلبەسە، بىرلەسە دامۋىن ىلگەرىلەتۋ كەرەك. اۆتونوميالى رايوننىڭ ”14 - بەسجىلدىق“ جوباسىمەن ىرىقتىلىقپەن توعىسىپ، جوبانىڭ جەتەكشىلىك رولىن تولىق ساۋلەلەندىرۋ كەرەك. وي جەلىنى ايقىنداپ، ءبىر تۇتاس جوسپارلاپ، قالا قۇرىلىسى دامۋىنىڭ اۋقىمدىلىعىنا، زاڭدىلىعىنا، ساتىلىلىعىنا تەرەڭ زەرتتەۋ جۇرگىزىپ، قالانىڭ ءتۇرلى فۋنكتسيالىق وڭىرلەرىنىڭ ورنىن عىلمي تۇراقتاندىرۋ كەرەك. حالىقتى وزەك ەتۋگە تاباندى بولىپ، قالانىڭ ساپاسىن جوعارىلاتىپ، قالانىڭ تارتىمدىلىعىن كورنەكتىلەندىرىپ، حالىق بۇقاراسىنىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ تەكسەرۋ - زەرتتەۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
