شينجياڭ ەلەكتر تورى كەلەر جىلى جاڭا ەلەكتر جەتكىزۋ - ۇلەستىرۋ باعاسىن اتقارادى
ءار جىلى ءىرى ونەركاسىپ كاسىپورىندارىنىڭ ەلەكتردەن پايدالانۋ وزىندىك قۇنىنىڭ ءبىر ميلليارد 300 ميلليون يۋاننان استام ازاياتىندىعى مەجەلەنۋدە
2020.12.15 17:31 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين، پراكتيكانت جاڭ بينبين 12 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، پارتيا ورتالىق كوميتەتىنىڭ، مەملەكەتتىك كەڭەستىڭ ەلەكتر قۋاتى ءتۇزىلىسى رەفورماسىن جانە باعا مەحانيزمى رەفورماسىن ونان ارى تەرەڭدەتۋ جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ەلەكتر باعاسى رەفورماسىن ۇزدىكسىز ىلگەرىلەتىپ، قوعامنىڭ ەلەكتردەن پايدالانۋ وزىندىك قۇنىن ونان ارى تومەندەتۋ ءۇشىن، «اۆتونوميالى رايوندىق دامۋ جانە رەفورما كوميتەتىنىڭ شينجياڭ ەلەكتر تورىنىڭ ەلەكتر باعاسىن رەتتەۋگە قاتىستى ىستەر جونىندەگى حابارلاندىرۋى» جاقىندا باسىپ تاراتىلىپ، 2021 - جىلى 1 - ايدىڭ 1 - كۇنىنەن باستاپ شينجياڭنىڭ ەلەكتر تورىندا جاڭا ەلەكتر جەتكىزۋ - ۇلەستىرۋ باعاسىن اتقارىپ، ءىرى ونەركاسىپتىڭ ەلەكتر پايدالانۋ تىزىمىندە ەلەكتر ساتۋدا ۇقساس باعا قولدانىلاتىندىعى ايقىندالعان.
وسى رەتتە ەلەكتر باعاسى رەتتەلگەن سوڭ شينجياڭ ەلەكتر تورىنىڭ ەلەكتر جەتكىزۋ - ۇلەستىرۋ باعاسى «مەملەكەتتىك دامۋ جانە رەفورما كوميتەتىنىڭ 2020 - جىلدان 2022 - جىلعا دەيىنگى ولكە دارەجەلى ەلەكتر تورىندا ەلەكتر جەتكىزۋ - ۇلەستىرۋ باعاسىن بەلگىلەۋ جونىندەگى حابارلاندىرۋىنىڭ» بەلگىلەمەسىنە ساي اتقارىلىپ، ەلەكتر قۋاتىن بازارلاندىرۋ ساۋداسىنا قاتىناسقان ءىرى ونەركاسىپ ابونتتارىنا ەلەكتر جەتكىزۋ - ۇلەستىرۋ باعاسىنىڭ دەڭگەيى ونان ارى تومەندەتىلەدى، بۇكىل رايونداعى ءىرى ونەركاسىپ كاسىپورىندارىنىڭ ەلەكتردەن پايدالانۋ وزىندىك قۇنىنىڭ ءار جىلى ءبىر ميلليارد 300 ميلليون يۋاننان استام ازاياتىندىعى مەجەلەنۋدە.
سونىمەن بىرگە ەلەكتر قۋاتىن بازارلاندىرۋ ساۋداسىنا قاتىناسپاعان ءىرى ونەركاسىپ ابونتتارى جونىنەن ۇقساس باعا اتقارىلعاننان كەيىنگى ءىرى ونەركاسىپ تىزىمىندەگى ەلەكتر ساتۋ باعاسى ناقتى مىناداي بولادى: كيلوۆات - ساعاتتىق ەلەكتر باعاسى ءبىر كيلوۆولتتان 10 كيلوۆولتقا دەيىن ءار كيلوۆات - ساعات ەلەكتردىڭ باعاسى 0.378 يۋان، 35 كيلوۆولتتىق ەلەكتردىڭ ءار كيلوۆات - ساعاتىنىڭ باعاسى 0.356 يۋان، 110 كيلوۆولتتىق ەلەكتردىڭ ءار كيلوۆات - ساعاتىنىڭ باعاسى 0.336 يۋان، 220 كيلۆولتتىق، سونداي - اق ودان جوعارى ەلەكتردىڭ ءار كيلوۆات - ساعاتىنىڭ باعاسى 0.310 يۋان؛ نەگىزگى ەلەكتر اقىسى ەڭ جوعارى سۇرانىس مولشەرى نەمەسە ترانسفورماتوردىڭ سيىمدىلىعى بويىنشا ەسەپتەلەدى، جەكە - جەكە ءار كيلوۆات. ايى 33 يۋان، ءار كيلوۆولت امپەر. ايى 26 يۋان بولادى. ەلەكتردەن پايدالانۋ مولشەرىنىڭ ەڭ جوعارى، ەڭ تومەنگى كەزىندەگى ەلەكتر باعاسى سايكەستى رەتتەلەدى. تەمىرلى قورىتپا، كۇيدىرگىش ءسىلتىنى ەلەكتروليزدەۋ سياقتى ەنەرگيا كوپ سارىپ بولاتىن ەلەكتر باعاسىن تۇرگە ءبولۋ كۇشىنەن قالدىرىلادى.
اۆتونوميالى رايوندىق دامۋ جانە رەفورما كوميتەتى ەنەرگيا باعاسى باسقارماسىنىڭ جاۋاپتىسى مىنالاردى ءبىلدىردى: ەلەكتر باعاسى رەتتەلگەن سوڭ، شينجياڭ ەلەكتر تورىنىڭ ءىرى ونەركاسىپ تىزىمىندەگى ەلەكتر ساتۋ باعاسىنىڭ دەڭگەيى نەگىزىنەن بۇكىل ەلدىڭ تومەن دەڭگەيىندە تۇرادى، ورتاشا ارزانداتىلۋ مولشەرى ％7تەن اسادى، مۇنىڭ ىشىندە وڭتۇستىك شينجياڭدا ورتاشا ارزانداتىلۋ مولشەرى ％20تەن استامعا جەتەدى. مۇنىڭ الدىندا شينجياڭنىڭ جەر - جەرىندە ەلەكتر تورىنىڭ ءىرى ونەركاسىپكە ەلەكتر پايدالانۋ تىزىمىندەگى ەلەكتر ساتۋ باعاسى اركەلكى بولاتىن، وسى رەتكى رەتتەۋدە 12 باعا اۋماعىنداعى ءىرى ونەركاسىپ تىزىمىندەگى ەلەكتر ساتۋ باعاسىن بىركەلكىلەندىرۋ نىساناسى جۇزەگە اسىرىلىپ، ءىرى ونەركاسىپ كاسىپورىندارىنىڭ ەلەكتردەن پايدالانۋ باعاسى تومەندەتىلىپ، مەملەكەتتىڭ جاسىل دامۋ باعا مەحانيزمىنىڭ تالابى تياناقتاندىرىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
