جارناسى بازارعا شىعارىلعان سەرىكتەستىكتەردىڭ تەبىنى ارتا ءتۇستى
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي
2020.12.15 17:32 كەلۋ قاينارى : شينجياڭ گازەتى
قازىرگە دەيىن شينجياڭدا تىركەۋگە الدىرعان A جارناسىندا بازارعا شىققان كاسىپورىن 59عا جەتىپ، 2015 - جىلداعىمەن سالىستىرعاندا 16 كاسىپورىن ارتىپ، جارناسى بازارعا شىعارىلعان سەرىكتەستىكتەردىڭ جالپى مولشەرى بويىنشا باتىس - سولتۇستىكتەگى 5 ولكە، اۆتونوميالى رايون بويىنشا ءبىرىنشى ورىندى يەلەدى. ”13 - بەسجىلدىق“ مەزگىلىندە شينجياڭدا جارناسى بازارعا شىعارىلعان سەرىكتەستىكتەر جىلىنا ورتا ەسەپپەن 3 كاسپورىننان استام ارتىپ وتىردى.
سانى عانا ارتىپ قالماستان، ”13 - بەسجىلدىق“ مەزگىلىندە شينجياڭداعى جارناسى بازارعا شىعارىلعان سەرىكتەستىكتەردىڭ جالپى مال - مۇلكى، تازا مال - مۇلكى، تيجارات كىرىسى، تازا پايداسى سياقتى دامۋ ساپاسىن ولشەيتىن جان - جاقتى كورسەتكىشتەرى دە ورنىقتى جوعارىلاپ، شينجياڭ ەكونوميكاسىنىڭ جوعارى ساپالى دامۋىن ءونىمدى جەبەدى.
ءتيىمدى ساياسات جارنانى بازارعا شىعارۋ ورلەۋىن جەدەلدەتتى
10 - ايدىڭ 30 - كۇنى حۇڭتۇڭ وتىندىق گازىنىڭ جارناسى شاڭحاي جارنا بازارىنىڭ نەگىزگى تاقتاسىندا بازارعا شىقتى، بۇل شييۇي ساياحات، تيانشان اليۋمين كاسىبىنەن كەيىن رايونىمىزداعى جىل ىشىندە A جارنا بازارىندا بازارعا شىققان 3 - سەرىكتەستىك بولىپ تابىلادى.
تالاي جىل كوپ ساتىلى كاپيتال بازارى جۇيەسىن جەتىلدىرۋدەن، تيىمدىلىك جەتكىزۋ ساياساتىن كەمەلدەندىرۋدەن، شارۋاشىلىق - ساۋدا ورتاسىن جاقسارتۋدان كەيىن، رايونىمىزداعى كاسىپورىنداردىڭ جارناسىن بازارعا شىعارۋىندا ”ساتىلى ورنالاستىرۋ، ءتارتىپتى ۇلاستىرۋ، ۇزدىكسىز ىلگەرىلەتۋدەي“ ارنا قالىپتاستى. بيىل جارناسى بازارعا شىعارىلعان 3 كاسىپورىننان سىرت، بونا كينو توبى جارنا شەكتى سەرىكتەستىگى جارنا تاراتۋدى تەكسەرىپ بەكىتۋ كوميتەتىنىڭ ماجىلىسىنەن ءوتتى، شينجياڭ بىنشىران زەردەلى اۋىل شارۋاشىلىعى ماشينالارى جارنا شەكتى سەرىكتەستىگى قاتارلى 4 كاسىپورىننىڭ جارناسىن بازارعا شىعارۋ ءوتىنىشى تەكسەرىپ بەكىتىلۋدە، شينجياڭ حۇيحى بانكە جارنا شەكتى سەرىكتەستىگى شياڭگاڭ بىرلەسكەن جارنا بازارىنا جارناسىن بازارعا شىعارۋ ءوتىنىشىن تاپسىردى. مۇنان سىرت، تاعى 21 كاسىپورىن شينجياڭ اكتسيا باقىلاۋ - باسقارۋ مەكەمەسىنىڭ جەتەكشىلىك ەتۋ، ارحيۆكە الۋ باسقىشىندا تۇر.
رايونىمىزداعى كاسىپورىنداردىڭ جارناسىن بازارعا شىعارۋىنىڭ قايتا ورلەۋگە كوتەرىلۋى، ەڭ اۋەلى، ساياساتتىق قولداۋدىڭ ارقاسى. جۋىرداعى بىرنەشە جىلداردان بەرى ەلىمىز كوپ ساتىلى كاپيتال بازارى رەفورماسىن ۇزدىكسىز تەرەڭدەتىپ، عىلىم - تەحنيكادا جاڭالىق اشۋ تاقتاسىن شىعارىپ، تىركەۋگە الدىرۋ ءتۇزىمىن اتقارىپ، جاڭا ءۇش تاقتاسىنا رەفورما جاساپ، جارنا ۇقىعىنىڭ اينالىمىن ۇزدىكسىز جوعارىلاتىپ، كاپيتال بازارىنىڭ قارجى قۇراۋ يقۋاتىن ۇزدىكسىز جانداندىردى. اسىرەسە، جۇڭگو اكتسيا باقىلاۋ - باسقارۋ كوميتەتى شينجياڭعا ”ءوتىنىش ەتە سالا تەكسەرۋ، تەكسەرۋدەن وتە سالا جاريالاۋ“ سىندى جاسىل ارنا ساياساتىن بەرىپ، زاڭعا، بەلگىلەمەگە ۇيلەسۋ العى شارتىندا كاسىپورىنداردىڭ جارناسىن بازارعا شىعارۋ اياق الىسىن جەدەلدەتتى.
رايونىمىز جارناسى بازارعا شىعارىلاتىن زاپاس كاسىپورىنداردى جەتىلدىرۋ ينجەنەرياسىن كوپ جىل بويى ءۇرتىس اتقارىپ، كاپيتال بازارىنا شىعىپ ءتۇزىلىسىن وزگەرتكەن، ماڭدايشالىق ىلگەن، جارناسى بازارعا شىعارىلعان جانە قارجى توپتاعان كاسىپورىندارعا ارناۋلى قوسىمشا قاراجات بەردى. بيىل 6 - ايدا اۆتونوميالى رايوندىق حالىق ۇكىمەتى كەڭسەسى «كەزەكتە رايونىمىزدىڭ كوپ ساتىلى كاپيتال بازارىن جەدەل قۇرۋ جونىندەگى اتقارۋ پىكىرىن» باسىپ تاراتىپ، وڭىرلىك جارنا ۇقىعى بازارىندا ماڭدايشالىق ىلۋدەن، قارجى توپتاۋدان، ءتۇزىلىس وزگەرتۋدەن، جەتىلدىرۋدەن، جەكە جيناۋ، تاراتۋ، وتكەرمەلەۋدەن مەملەكەتتىك بازاردا اشىق تاراتۋعا، جارنا بازارىندا ساۋدالاۋعا دەيىنگى جالپى تىزبەكتى كوپ ساتىلى كاپيتال بازارىنىڭ قىزمەت وتەۋ جۇيەسىنىڭ قالىپتاسۋىن ىلگەرىلەتىپ، كاسىپورىنداردىڭ جارناسىن بازارعا شىعارۋىن ىلگەرىلەتۋگە تاماشا شارۋاشىلىق - ساۋدا ورتاسىن جاراتتى.
قازىر رايونىمىزدان 857 كاسىپورىن شينجياڭ جارنا ۇقىعى ايىرباس ورتالىعىنا ماڭدايشالىق ءىلدى، 62 كاسىپورىن جاڭا ءۇش تاقتاسىنا ماڭدايشالىق ءىلدى، بۇلاردىڭ بارلىعى كاسىپورىنداردىڭ جارناسىن بازارعا شىعارۋداعى جەتكىلىكتى زاپاس تولىقتاما كۇش سانالادى.
تيبىن وزگەرتىپ، دارەجەسىن جوعارىلاتىپ، دامۋ ساپاسىن ارتتىردى
”13 - بەسجىلدىق“ مەزگىلىندە، شينجياڭداعى جارناسى بازارعا شىعارىلعان سەرىكتەستىكتەر جاڭا دامۋ ۇستانىمىن دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى ۇزدىكسىز ىلگەرىلەتىپ، كاسىپورىنداردىڭ دامۋ ساپاسىن ءونىمدى جوعارىلاتتى.
شينجياڭ 1 - تامىز بولات - تەمىر جارنا شەكتى سەرىكتەستىگى قامداۋ جاعىنداعى قۇرىلىمدىق رەفورمانى ىلگەرىلەتۋ ارقىلى جوعارى ساپالى دامۋدى جۇزەگە اسىرۋدىڭ ۇلگىسى. ”1 - تامىز بولات - تەمىر سەرىكتەستىگى اسىلىندە بولات - تەمىر كاسىپ سالاسىنىڭ باستاپقى دارەجەلى قۇرىلىس ماتەريالدارى ءونىمىن ءوندىرۋدى نەگىز ەتەتىن، الايدا بازارداعى باسەكە قيان - كەسكى، پايدا ماردىمسىز ەدى. كاسىپ قۇرىلىمىن بەلسەندىلىكپەن رەتتەپ، وندىرىلەتىن تاقتاي ماتەريال، ءپىشىندى ماتەريال، ساپالى بولات ونىمدەرىنىڭ سالىستىرماسىن جوعارىلاتۋ ارقىلى كاسىپورىننىڭ كاسىپ تىزبەگى ۇزدىكسىز كەڭەيىپ، ونىمدىلىگىنىڭ جوعارىلاۋى كورنەكتى بولدى“، - دەدى 12 - ايدىڭ 10 - كۇنى باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى پارتكومىنىڭ شۋجيى، القا باستىعى شياۋ گودۇڭ.
ءوندىرىستى، وقىتۋدى، زەرتتەۋدى، پايدالانۋدى توعىستىرۋدى، زەردەلى جاساۋدى، جاڭا ءونىمدى زەرتتەپ اشۋدى ۇزدىكسىز ىلگەرىلەتۋ ارقىلى 1 - تامىز بولات - تەمىر سەرىكتەستىگىنىڭ جوعارى ۇستەمە قۇندى ونىمدەرىنىڭ سالىستىرماسى ۇزدىكسىز جوعارىلاپ، 2017 - جىلدان باستاپ ءۇرتىس 4 جىل بويى پايدا تاۋىپ، بۇرىنعى ءۇرتىس 3 جىل زيان شەگۋدەي تاريحتى تۇبەگەيلى وزگەرتتى.
بيىل 10 - ايدىڭ 28 - كۇنى تيانشان الۋمين كاسىبى توبى جارنا شەكتى سەرىكتەستىگى شىنجىندا قايتا ۇيىمداسىپ اتىن وزگەرتۋ جانە جارناسىن بازارعا شىعارۋ سالتىن وتكىزدى، بۇل شينجياڭ كاسىپورىندارىنىڭ ءىرى مال - مۇلىكتى قايتا ۇيىمداستىرۋدى ىلگەرىلەتۋىندەگى ءساتتى مىسالداردىڭ ءبىرى. جوعارى ساپالى دامۋدى ىلگەرىلەتۋدىڭ ءونىمدى تۇتقاسى رەتىندە، ”13 - بەسجىلدىق“ مەزگىلىندە، شينجياڭداعى جارناسى بازارعا شىعارىلعان 20 كاسىپورىن ءىرى مال - مۇلىكتى قايتا ۇيىمداستىرۋدى ورىنداپ، ايىرباس سوماسى 234 ميلليارد 900 ميلليون يۋان بولدى، قازىر ءالى 3 كاسىپورىن ءىرى مال - مۇلىكتى قايتا ۇيىمداستىرۋدى جوسپارلاپ ىلگەرىلەتۋدە.
تيبىن وزگەرتۋدى بەلسەنە قاراستىرۋ ارقىلى ەنەرگيا، اۋىل شارۋاشىلىعى، بولات - تەمىر سياقتى ءداستۇرلى كاسىپ سالالارى سالاماتتىق، ءدارى - دارمەك سياقتى جاڭادان گۇلدەنگەن كاسىپ سالاسىنا قادام قويىپ، شينجياڭداعى جارناسى بازارعا شىعارىلعان سەرىكتەستىكتەر ۇسىنىلىمى جوعارى، لاستاۋى اۋىر، سارىپ ەتۋى مول بولۋداي ءداستۇرلى دامۋ ۇلگىسىنەن جاڭالىق اشۋ ارقىلى دامۋعا دەم بەرۋدەي باياندى ۇلگىگە قاراي تيپ وزگەرتىپ، ساۋدا ۇلگىسى، اينالىساتىن نەگىزگى جۇمىسى، باسقارۋ دەڭگەيى تۇگەلدەي ۇزدىكسىز جوعارىلادى.
قارىشتاپ دامۋعا اسەر ەتتى، جەبەدى، جەتەكشىلىك ەتتى
2016 - جىلدان 2020 - جىلى 11 - ايعا دەيىن، شينجياڭ كاپيتال بازارى ارقىلى جيىنى 293 ميلليارد 462 ميلليون يۋان تىكەلەي قارجى قۇراۋدى ىسكە اسىردى، بۇل بۇرىنعى جىلدىق قۇرالعان قارجى جالپى سوماسىنىڭ 1.84 ەسەسىندەي بولىپ، شينجياڭنىڭ نەگىزدىك قۇرىلعىلارى، ەنەرگيا، زات اينالىمى سياقتى نىسان قۇرىلىستارىن پارمەندى جەبەپ، شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتتى.
شينجياڭ تيانشۇن قامداۋ تىزبەگى جارنا شەكتى سەرىكتەستىگى 2018 - جىلى حالىقارالىق جۇك تاسىمال كەزەكشى ۇشاعىن ءساتتى قاتىناتىپ، ۇرىمجىدە وتكەن 10 جىلدا بۇكىلدەي جۇك تاسىمال ۇشاعى قاتىناماعان تاريحتى اياقتاتتى. قازىر گەرمانيانىڭ حانى، بەلگيانىڭ ليەگى، اۆستريانىڭ ۆەناسى، ۇلى بريتانيانىڭ لوندونى، رەسەيدىڭ ماسكەۋى سياقتى جەرلەرگە قاتىنايتىن ءبىرقانشا حالىقارالىق اۋە لەنياسى اشىلدى. سونىمەن قاتار، تيانشۇن زات اينالىمى تاعى اۋەجاي ماڭى كاسىپ سالاسىمەن قاتىستى اۋەجاي، قامبا، ساۋدا، ىشكەرىلەي وڭدەۋ سياقتى سىرتقا كەڭەيگەن كاسىپتەردى ۇزدىكسىز قاراستىردى.
تيانشۇن زات اينالىمى شينجياڭ حالىقارالىق قۇرلىق پورت (توبى) شەكتى جاۋاپكەرشىلىك سەرىكتەستىگىمەن قارجى بىرىكتىرىپ، ءۇرىمجى حالىقارالىق قۇرلىق پورت بىرلەسىپ تاسىمالداۋ شەكتى جاۋاپكەرشىلىك سەرىكتەستىگىن قۇردى. قۇرىلعاننان بەرى، اتالعان سەرىكتەستىك ءۇرىمجى كوپ ءتۇرلى بىرلەسىپ تاسىمالداۋ ورتالىعىن بەلسەنە جۇرگىزدى. ”قازىر سەرىكتەستىك رەسەي، ورتا ازيا، ەۆروپا قاتارلى باعىتتاعى 10 مەملەكەتتىڭ 22 قالاسىنا جۇڭگو - ەۆروپا كەزەكشى پويەزىن قاتىناتتى. وسى نەگىزدە، ءبىز ورتا ازيا ەرەكشەلىگىنە يە ماركا كەزەكشى پويەزىن قاتىناتۋعا قۇلشىنىپ، ’ءبىر بەلدەۋ، ءبىر جولعا‘ قىزمەت وتەيتىن كوپ ءتۇرلى بىرلەسىپ تاسىمالداۋ ەرەكشەلىگىن شىن مانىندە ايگىلەيمىز“، - دەدى 12 - ايدىڭ 10 - كۇنى شينجياڭ تيانشۇن قامداۋ تىزبەگى جارنا شەكتى سەرىكتەستىگىنىڭ القا باستىعى ۋاڭ پۋيۇي.
جارناسى بازارعا شىعارىلعان سەرىكتەستىكتەردىڭ دامۋى سالىق كىرىسىنىڭ جانە جۇمسىتانۋدىڭ ارتۋىنا تىكەلەي جەتەكشىلىك ەتتى. ”13 - بەسجىلدىق“ كەزىندە شينجياڭداعى جارناسى بازارعا شىعارىلعان سەرىكتەستىكتەر تاپسىرعان تابىس سالىعى جيىنى 42 ميلليارد 620 ميلليون يۋانعا جەتتى؛ 2019 - جىلدىڭ سوڭىنا دەيىن، شينجياڭداعى جارناسى بازارعا شىعارىلعان سەرىكتەستىكتەردىڭ قىزمەتكەرلەرى 230 مىڭ 700 ادامعا جەتتى.
”14 - بەسجىلدىققا“ كوز جىبەرسەك، رايونىمىز تاعى وزەكتى رايوننىڭ بەس ۇلكەن ورتالىق قۇرىلىسى، اۋىل - قىستاقتى گۇلدەندىرۋ، ساياحات كاسىبىن دامىتۋ سياقتى سالالاردا ءتىپتى كوپ كاسىپورىنداردىڭ جارناسىن بازارعا شىعارۋدى ىلگەرىلەتىپ، شينجياڭنىڭ ەكونوميكالىق دامۋىنىڭ قارقىنىن، ساپاسىن جانە ونىمدىلىگىن ۇزدىكسىز جوعارىلاتادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
