اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ كەرەك
− اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى تۇرسۇنجان اليمەن سۇحبات
شينجياڭ گازەتى جالپىلىق اقپارات قۇرالدارى ءتىلشىسى ليۋ ي
2020.12.16 15:08 كەلۋ قاينارى : شينجياڭ گازەتى
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ العا قويىلدى.
بۇدان كەيىنگى ءبىر مەزگىلدە رايونىمىزدىڭ اۋىل شارۋاشىلىعى، اۋىل - قىستاق قىزمەتىندە قانداي ماڭىزدى تۇيىندەر بولادى؟ اۋىل - قىستاقتى گۇلدەندىرۋ ستراتەگياسىن قالاي جالپى بەتتىك ءبىر تۇتاس جوسپارلاپ ىلگەرىلەتەمىز؟ گازەتىمىزدىڭ جالپىلىق اقپارات قۇرالدارى ءتىلشىسى تاياۋدا اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى تۇرسۇنجان اليمەن سۇحباتتاستى.
”13 - بەسجىلدىقتاعى“ اۋىل شارۋاشىلىعىنىڭ، اۋىل - قىستاقتاردىڭ دامۋ ناتيجەسى ادامدى ءسۇيىندىردى
تۇرسۇنجان ءالي بىلاي دەدى: ”13 - بەسجىلدىقتان“ بەرى تۇتاس رايون اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، استىقتىڭ جالپىلىق ءوندىرىس قۋاتىن ۇزدىكسىز جوعارىلاتىپ، ”شينجياڭ ىشىندە تەپە - تەڭدىكتى ساقتاپ، ازىن - اۋلاق ىركىندى قالدىرۋ“ باعىتىنا تاباندى بولدى، تۇتاس رايوننىڭ استىق ءونىم مولشەرى 15 ميلليون توننا اينالاسىندا تۇراقتىلىقتى ساقتادى، جان باسىنا شاققانداعى استىقتىڭ ۇستايتىن مولشەرى بۇكىل ەلدىڭ ورتاشا دەڭگەيىنەن جوعارى بولدى. ساپالى ماقتا ءوندىرىس بازاسىندىق ورنى ءۇرتىس بەكەمدەلىپ، ماقتا ەگىلگەن جەر اۋدانى، بىرلىك ءتۇسىمى، جالپى ءونىمى، تاۋار مولشەرى، شىعارۋ مولشەرى ءۇرتىس 26 جىل بويى بۇكىل ەلدىڭ ەڭ الدىڭعى ورنىن ورنىقتى يەلەپ، بۇكىل ەلدىڭ ماقتاسىندا شينجياڭنىڭ دامۋ ارناسىنا قاراۋ جاعدايى جالپى بەتتىك قالىپتاستى. ”كوجە قاتىق“ ونىمدەرى مول ءوندىرىلدى، قامداۋى جەتكىلىكتى بولدى، 2019 - جىلى رايونىمىزدىڭ ەت، جۇمىرتقا، ءسۇت ءونىم مولشەرى ءبىر ميلليون 606 مىڭ تونناعا، 405 مىڭ تونناعا، 2 ميلليون 40 مىڭ تونناعا جەتىپ، ”12 - بەسجىلدىقتىڭ“ سوڭىنداعىمەن سالىستىرعاندا جەكە - جەكە ％12، ％24، ％31 ارتتى. ەرەكشە ەگىس داقىلدارىنىڭ ەگىلۋ كولەمى 10 ميلليون مۋدان اسىپ، كاسىپ سالاسىنىڭ باسەكەلىك باسىمدىعى اناعۇرلىم كورنەكتىلەندى. اۋىل شارۋاشىلىعىن وسىزامانداندىرۋ قۇرىلىسى ۇزدىكسىز ىلگەرىلەپ، تەحنيكالىق جابدىقتاردىڭ تىرەكتىلىك قۋاتى كورنەكتى ارتتى، تۇتاس رايوننىڭ نەگىزگى ەگىس داقىلدارىن ەگۋدە، جيىپ الۋدا جالپىلىق ماشينالانۋ دەڭگەيى ％84.89كە جەتىپ، بۇكىل ەلدىڭ الدىڭعى قاتارىنا ءوتتى.
تۇرسۇنجان ءالي بىلاي دەپ تانىستىردى: اۋىل شارۋاشىلىعى ءوندىرىس قۋاتىنىڭ ۇزدىكسىز جوعارىلاۋىمەن بىرگە، اۋىل - قىستاقتاردىڭ ءتۇرلى دامۋ، رەفورما ىستەرىندە دە كوپتەگەن جارقىن تۇيىندەر جارىققا شىقتى. قازىرگە دەيىن اۆتونوميالى رايون دارەجەلىدەن جوعارى اۋىل شارۋاشىلىعىن كاسىپ سالالاندىرۋداعى باستاماشى كاسىپورىندار 500گە (مەملەكەت دارەجەلى 41 كاسىپورىن) جەتتى، اۋىل شارۋاشىلىعىن كاسىپ سالالاندىرعان ءتۇرلى تيجارات ۇيىمدارى 13 مىڭ 500گە، اۋىل شارۋاشىلىعى ونىمدەرىن وڭدەۋ كاسىپورىندارى 12 مىڭ 500گە جەتىپ، اۋىل شارۋاشىلىق ونىمدەرىن وڭدەۋ كاسىپتەرىنىڭ ءونىم قۇنى 176 ميلليارد 280 ميلليون يۋان بولدى. تۇتاس رايوندا اۋىل - قىستاق دارەتحاناسى 2 ميلليون 426 مىڭ 600 وتباسىن قامتىپ، جالپىلاسۋ سالىستىرماسى ％84.95كە جەتتى. اۋىل - قىستاقتاردىڭ تۇرمىستىق قوقىر - قوقسىقتاردى، لاس سۋلاردى جونگە سالۋ قۋاتى كورنەكتى جوعارىلادى.
وسىمەن بىرگە، تۇتاس رايوننىڭ اۋىل - قىستاقتاردا نەگىزگى تيجارات جۇرگىزۋ ءتۇزىمى اناعۇرلىم بەكەمدەلىپ، كەمەلدەنىپ، مەملەكەت تۇسىرگەن 35 ميلليون 620 مىڭ مۋ اۋىل - قىستاق كوللەكتيۆ ەگىستىك جەرىنىڭ ۇقىعىن تۇراقتاندىرۋ، تىركەۋگە الۋ، كۋالىك بەرۋ قىزمەت مىندەتى ورىندالىپ، ءبىر ميلليون 806 مىڭ 100 شارۋا وتباسى اۋىل - قىستاق جەرىن كوتەرمەگە الىپ تيجارات جۇرگىزۋ ۇقىعى كۋالىگىن الدى. جاڭا كەزەكتى اۋىل - قىستاق قورا - جايلىق جەر ءتۇزىمى رەفورماسى سىناق ءتۇيىنى قىزمەتى ءساتتى باستالىپ، اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى جالپى بەتتىك ورىستەتىلدى. جاڭاشا اۋىل شارۋاشىلىق تيجاراتى تۇلعالارىن بەلسەنە سۇيەمەلدەدى، دامىتتى، بۇكىل شينجياڭدا وتباسىلىق ەگىس الاڭى، شارۋالار سەلبەستىك كووپەراتيۆى سياقتى جاڭاشا اۋىل شارۋاشىلىق تيجارات تۇلعالارى 28 مىڭنان استى. تىڭ يگەرۋ وڭىرلەرىن توپقا اينالدىرۋ، ەگىس الاڭدارىن كاسىپورىنعا اينالدىرۋ رەفورماسى بەلسەنە ىلگەرىلەتىلىپ، 14 كەدەي ەگىس الاڭى دەر كەزىندە كەدەيلىكتەن ارىلۋدى جۇزەگە اسىردى.
اۋىل شارۋاشىلىعىنىڭ، اۋىل - قىستاقتاردىڭ جالپى بەتتىك دامۋى شارۋالاردىڭ كىرىستەرىن ءۇرتىس، ورنىقتى ارتتىرۋىنا بەرىك نەگىز قالادى. تۇتاس رايوندا اۋىل - قىستاق تۇرعىندارىنىڭ جان باسىنا شاققانداعى قولداعى تابىسى ”12 - بەسجىلدىقتىڭ“ سوڭىنداعى 9425 يۋاننان 2019 - جىلى 13 مىڭ 122 يۋانعا ارتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە، جاپپاي دوڭگەلەك داۋلەتتى قوعام ورناتۋعا پارمەندى تىرەك ازىرلەدى.
”14 - بەسجىلدىق“ جوبانى جاساۋ ويداعىداي ىستەلەدى
تۇرسۇنجان ءالي بىلاي دەدى: اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى «اۆتونوميالى رايوننىڭ اۋىل - قىستاقتى گۇلدەندىرۋ مەن اۋىل شارۋاشىلىعىن، اۋىل - قىستاقتى وسىزاماندىرۋدىڭ ”14 - بەسجىلدىق“ جوباسىن» (تومەندە قىسقارتىلىپ «جوبا» دەلىنەدى) جاساۋ قىزمەتىنە وسكەلەڭ ءمان بەرىپ، ىندەتتەن ساقتانۋ - تىزگىندەۋدى ءبىر تۇتاس جوسپارلاپ ويداعىداي ىستەۋ نەگىزىندە «جوبانى» جاساۋدىڭ ءتۇرلى قىزمەتتەرىن بەلسەنە ىلگەرىلەتتى. قازىرگە دەيىن ماتەريال جيناۋ، ارناۋلى تاقىرىپتا تەكسەرۋ - زەرتتەۋ جۇرگىزۋ، اڭگىمەلەسۋ، پىكىر اۋىستىرۋ، سىندارلى اقىل - كەڭەس بەرۋ جانە كەزەڭدىك حۇجاتتاردى كەمەلدەندىرۋ قىزمەتىن ورىنداپ، «جوبا» جاساۋ قىزمەتىنىڭ تۇتاس تۇلعالىق ىلگەرىلەۋى ءساتتى ورىندالدى.
تۇرسۇنجان ءالي بىلاي دەپ تانىستىردى: «جوبا» اۋىل - قىستاقتى گۇلدەندىرۋ ستراتەگياسىن ىشكەرىلەي اتقارۋ مەن اۋىل شارۋاشىلىعىن، اۋىل - قىستاقتاردى وسىزامانداندىرۋدى جالپى بەتتىك باستاۋ سىندى 2 ءتۇرلى وزەكتى مىندەتتى ورگانيكالى ۇشتاستىرىپ، بۇرىنعى نازاردى نەگىزىنەن 1 - كاسىپكە شوعىرلاندىرۋدان نازاردى اۋىل شارۋاشىلىعىنىڭ، اۋىل - قىستاقتاردىڭ، شارۋالاردىڭ جالپى بەتتىك دامۋىنا شوعىرلاندىرۋعا قاراي بۇرىلىس جاسايدى. سونىمەن بىرگە، «جوبا» ەل ءىشى - سىرتى ورتاسىمەن جانە دامۋ شارت - جاعدايىمەن تىعىز بايلانىستىرىپ، الداعى 5 جىلداعى اۋىل شارۋاشىلىعىنىڭ، اۋىل - قىستاقتاردىڭ ءتۇيىندى قىزمەتىن جوسپارلاپ، جاڭا دامۋ ورتاسىنداعى ۇيلەسىمدىلىگىن جوعارىلاتادى.
كەلەسى قادامدا «جوبانى» جاساۋدا مىناداي قىزمەتتەر ءتۇيىندى تۇردە ويداعىداي ىستەلەدى: ءبىرىنشى، پىكىرلەردى ءبىر جاقتى ەتۋ جانە ءتۇپ نۇسقانى كەمەلدەندىرۋ قىزمەتى ۇزدىكسىز ويداعىداي ىستەلىپ، سىندارلى اقىل - كەڭەستەر، اۆتونوميالى رايونىمىزداعى ءارقايسى مەڭگەرمە، مەكەمە جانە ايماق، وبلىس، اۋدان، قالالاردىڭ پىكىر - ۇسىنىستارى ىشكەرىلەي جينالىپ، رەتتەلەدى. ەكىنشى، شەشۋشى ماسەلەلەر مەن شەشۋشى ازشىلىق كوزدەلىپ، نەگىزدىك زەرتتەۋ ويداعىداي ىستەلىپ، بىلىكتى ماماندار مەن نەگىزگى باسشىلاردىڭ پىكىر - ۇسىنىستارى دەر كەزىندە تىڭدالىپ، «جوبانى» جاساۋدىڭ عىلميلىعىنا شىنايى كەپىلدىك ەتىلەدى. ءۇشىنشى، «جوبالار» اراسىنداعى ءتارتىپتى ۇشتاسۋ ويداعىداي ىستەلىپ، مەملەكەتتىڭ اۋىل شارۋاشىلىعىن، اۋىل - قىستاقتى وسىزامانداندىرۋدىڭ «14 - بەسجىلدىق» جوباسى، ورتالىقتىڭ 1 - ءنومىرلى حۇجاتى سياقتى ءبىرسىپىرا ماڭىزدى جوبالار مەن حۇجاتتار رۋحى ويداعىداي دايەكتىلەندىرىلىپ، تياناقتاندىرىلىپ، جۇيەلى ۇشتاستىرۋ جۇزەگە اسىرىلادى.
اۋىل - قىستاقتى گۇلدەندىرۋ جالپى بەتتىك ىلگەرىلەتىلەدى
تۇرسۇنجان ءالي بىلاي دەدى: كەزەكتە جانە الداعى ءبىر مەزگىلدە بۇكىل رايونداعى اۋىل شارۋاشىلىعى جانە اۋىل - قىستاق تاراۋلارى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي، ويداعىداي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكانىڭ جوعارى ساپالى دامۋىن ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋدى ارقاۋ ەتىپ، اۋىل شارۋاشىلىعى مەن اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋ كەرەك.
كاسىپ سالاسىن گۇلدەندىرۋ − اۋىل - قىستاقتى گۇلدەندىرۋدىڭ ماڭىزدى نەگىزى. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋگە تاباندى بولىپ، اۋىل شارۋاشىلىعى ونىمدەرىنىڭ وڭىرلىك ورنالاسىمىن ساپالىلاندىرىپ، استىقپەن قامتاماسىز ەتۋ دەڭگەيىن ورنىقتىرىپ، مەملەكەتتىڭ ساپالى تاۋار ماقتا بازاسىندىق ورنىن بەكەمدەپ، وسى زامانعى جەمىس ورمانى كاسىپ سالاسى جۇيەسىن كۇش سالا قالىپتاستىرىپ، ەگىنشىلىك وڭىرلەرىنىڭ مال شارۋاشىلىعىن جالپى بەتتىك گۇلدەندىرىپ، وڭىرلىك ەرەكشەلىككە يە اۋىل شارۋاشىلىعىنىڭ كولەمىن كەڭەيتۋدى جەبەپ، اۋلا شارۋاشىلىعىن دامىتۋعا قولداۋ كورسەتىپ، وڭتۇستىك شينجياڭداعى قۇرىلعىلى كوكونىس كاسىپ سالاسىن دامىتۋدى كورنەكتىلەندىرە وتىرىپ ويداعىداي يگەرۋ كەرەك. اۋىل شارۋاشىلىعىن كاسىپ سالالاندىرۋداعى كوشباسشى كاسىپورىنداردىڭ وڭدەۋ، كادەگە جاراتۋ جانە ساقتاۋ، جاس كۇيىندە ساقتاۋ قابىلەتىن وسىرۋىنە قولداۋ كورسەتىپ، اۋىل شارۋاشىلىعى ونىمدەرى بازارىنىڭ ءورىس اشۋىن تەرەڭدەتىپ، ەڭبەككۇش شوعىرلى كاسىپ سالاسى، اۋىل - قىستاق سەيىل - سەرۋەن ساياحات كاسىبى سياقتىلاردى زور كۇشپەن دامىتىپ، اۋىل - قىستاقتاعى 1 -، 2 -، 3 - كاسىپ سالاسىنىڭ توعىسپالى دامۋىن جەبەپ، اۋىل - قىستاق كاسىپ سالالارىنىڭ جاڭا ارتۋ تۇيىندەرىن جەتىلدىرۋ كەرەك.
سونىمەن بىرگە، اۋىل شارۋاشىلىعى كاسىپ سالاسىنىڭ جاپپاي قامتۋدان دەڭگەيدى جوعارىلاتۋعا، دارەجەسىن وسىرۋگە، باياندى دامۋعا قاراي بۇرىلىس جاساۋىن ىلگەرىلەتۋ كەرەك. وسى زامانعى اۋىل - قىستاق كاسىپ سالاسى جۇيەسىن جەدەل دامىتىپ، اۋىل شارۋاشىلىعىندا جوعارى ساپالى دامۋدى جۇزەگە اسىرۋدى ىلگەرىلەتىپ، ”اۋىل شارۋاشىلىعى، اۋىل - قىستاق، شارۋالار“ قىزمەتىنىڭ سالماعىن كەدەيلىكتەن ارىلتۋدان قامال الۋدان اۋىل - قىستاقتى گۇلدەندىرۋ ستراتەگياسىن جالپى بەتتىك اتقارۋعا بۇرىپ، كاسىپ سالاسىنىڭ دامۋ ساپاسىن جوعارىلاتۋعا ونان ارى كۇش سالىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، قايتا كەدەيلەسۋدەن ساقتانۋ كەرەك.
تۇرسۇنجان ءالي بىلاي دەدى: دارىندىلار ارقىلى گۇلدەندىرۋ اۋىل - قىستاقتى گۇلدەندىرۋدىڭ تەتىگى. دارىندىلاردىڭ جەتەكشىلىك ەتۋ رولىن ساۋلەلەندىرىپ، اۋىل - قىستاق كاسىبي دارىندىلار قوسىنىن زورايتىپ، اۋىل شارۋاشىلىعى عىلم - تەحنيكاسى بويىنشا قوعامدانعان قىزمەت وتەۋ جۇيەسىن كەمەلدەندىرىپ، ءار دارەجەلى اۋىل شارۋاشىلىعى عىلىم - تەحنيكا قىزمەتكەرلەرىن ءوندىرىستىڭ ءبىرىنشى شەبىنە بارىپ تەحنيكادان قامال الۋعا جانە قىزمەت وتەۋگە جەتەكتەپ، جەرگىلىكتى ورىندى تياناق ەتە وتىرىپ ءبىر توپ ”جەرگىلىكتى مامانداردى“، ”اتىز باسى وقىمىستىلارىن“ جەتىلدىرۋ كەرەك. قوعامنىڭ ءار سالاسىن اۋىل - قىستاقتى گۇلدەندىرۋگە ات سالىسۋعا بەلسەنە ىنتالاندىرىپ، اۋىل - قىستاقتى گۇلدەندىرۋدىڭ عىلىم - تەحنيكالىق دارىندىلار تىرەگىن كۇشەيتۋ كەرەك.
مادەنيەتتى گۇلدەندىرۋ اۋىل - قىستاقتى گۇلدەندىرۋدىڭ ماڭىزدى مازمۇنى، ”جۇڭگو شارۋالار مول ءونىم مەرەكەسىن“ ويداعىداي وتكىزىپ، شينجياڭ اۋىل - قىستاقتارىنداعى حالىقتىق عۇرىپ - ادەت مادەنيەتى مەن ەگىنشىلىك مادەنيەتىن ىشكەرىلەي اشىپ، مادەنيەت پەن اۋىل - قىستاق ساياحاتىنىڭ تەرەڭدەي توعىسۋىن زور كۇشپەن ىلگەرىلەتىپ، شينجياڭ حيكايالارىن كوپ ساتىلى، جان - جاقتى، ستەرەولدى ويداعىداي بايانداۋ كەرەك.
ەكولوگيانى گۇلدەندىرۋ جاعىندا، بۇكىل رايون اۋىل - قىستاقتىڭ جاسىل دامۋىن ۇزدىكسىز ىلگەرىلەتىپ، ەكولوگياسى قونىستانۋعا جايلى، كوركەم اۋىل - قىستاق قۇرۋ كەرەك. اۆتونوميالى رايوننىڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - جونگە سالۋ“ ينجەنەرياسى ارقىلى اۋىل - قىستاق قونىس ورتاسىن رەتتەۋ - جونگە سالۋدىڭ ءتۇرلى قىزمەتتەرىنە ۇزدىكسىز جەتەكشىلىك ەتۋ. شارۋا بۇقاراسىن قىستاقتاردى تازالاۋ قيمىلىن جانە جاسىلداندىرۋ، كورىكتەندىرۋ قيمىلىن كەڭىنەن ورىستەتۋگە ىنتالاندىرىپ، ”كورىكتى مەكەن“ قۇرىلىسىن ىلگەرىلەتۋ. تاۋ، سۋ، ورمان، اتىز، كول، جايلىم جۇيەلەرىن جونگە سالۋدى كۇشەيتىپ، جاسىل اۋىل شارۋاشىلىعىن زور كۇشپەن دامىتىپ، اسپانى اشىق، جەرى مانات، سۋى تۇنىق كورىكتى شينجياڭ قۇرۋ كەرەك.
سونىمەن بىرگە، بۇكىل رايونداعى ءار دارەجەلى اۋىل شارۋاشىلىعى، اۋىل - قىستاق تاراۋلارى شي جينپيڭنىڭ زاڭمەن جونگە سالۋ يدەياسىن اۋىل - قىستاقتى گۇلدەندىرۋدىڭ تۇتاس بارىسىندا شىنايى دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ۇستاپ، اۋىل - قىستاقتى جونگە سالۋدىڭ پارتيا ۇيىمى باسشىلىعىنداعى ءوزىن - ءوزى جونگە سالۋ، زاڭمەن جونگە سالۋ، مورالمەن جونگە سالۋ بىرلەستىرىلگەن جۇيەسىن ۇزدىكسىز ورناتىپ، اقاۋسىزداندىرىپ، اۋىل - قىستاقتى جونگە سالۋداعى ءبىر توپ جاقسى تاجىريبەلەر مەن ادىستەردى كوشىرىپ، جالپىلاستىرىپ، ءتۇيىن ارقىلى اۋماقتى جەتەكتەپ بۇكىل رايوننىڭ اۋىل - قىستاقتى جونگە سالۋ دەڭگەيىن جوعارىلاتىپ، اۋىل - قىستاق ۇيىمدارىن گۇلدەندىرۋدى قۇلشىنا جۇزەگە اسىرادى، سونىمەن بىرگە اۋىل شارۋاشىلىعى كادرلارىنىڭ اۋىل - قىستاققا بارۋ، اۋىل شارۋاشىلىعى جاعدايىن قانىق ءبىلۋ، شارۋالارعا قىزمەت وتەۋ باسىمدىعىن تولىق ساۋلەلەندىرىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
