بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

بيىل شينجياڭدا 32 ءتۇيىندى نىسان سالىنىپ ىسكە قوسىلدى

2020.12.18 14:47     كەلۋ قاينارى : شينجياڭ گازەتى

  شينجياڭ گازەتى جالپىلىق اقپارات قۇرالدارى ءتىلشىسى شى شين، پراكتيكانت جاڭ بينبين 12 - ايدىڭ 16 - كۇنى ۇرىمجىدەن حابارلايدى. التاي - كوكتوعاي - جۇندۇڭ تەمىر جولىندا (التايدان كوكتوعايعا دەيىنگى بولىگى) 12 - ايدىڭ 6 - كۇنى پويەز قاتىناپ، سولتۇستىك شينجياڭ تەمىر جولىنىڭ اينالما جەلىسىنىڭ تولىق تۇتاسۋى جۇزەگە اسىرىلدى؛ گولمۋد - كورلا تەمىر جولىندا (شينجياڭ بولىگى) 12 - ايدىڭ 9 - كۇنى پويەز قاتىناپ، شينجياڭعا كىرىپ - شىعاتىن 3 - تەمىر جول ۇلكەن ارناسىنىڭ جەلىسى تولىق تۇتاستىرىلدى؛ كەريا ۋانفاڭ اۋەجايىندا 12 - ايدىڭ 7 - كۇنى سىناق رەتىندە ۇشاق ۇشىرىلدى...

  بيىل جىل باسىنان بەرى اۆتونوميالى رايوندىق دامۋ جانە رەفورما كوميتەتى قارجى قوسۋدى جەبەپ، ارتۋدى ورنىقتىرۋ قىزمەتتەرىن تىڭعىلىقتى ىستەپ، قىزمەت شارالارىن جاڭالاپ، نازاردى شەشۋشى بۋىندارعا شوعىرلاندىرىپ، كۇش - قۋاتتى شوعىرلاندىرا وتىرىپ ءتۇيىندى نىسان قۇرىلىستارىن جەدەل ىلگەرىلەتىپ، 32 ءتۇيىندى نىسان قۇرىلىسىنىڭ سالىنىپ بولىپ ىسكە قوسىلۋىن كۇش سالا جەبەدى. مۇندا 5 قاتىناس نىسانى، 2 سۋ يگىلىگى نىسانى، 10 ەنەرگيا نىسانى، 9 كاسىپ سالاسى نىسانى، 6 حالىق تۇرمىسى نىسانى بار.

  ساندى مالىمەتتە كورسەتۋىنشە، 1 - ايدان 11 - ايعا دەيىن اۆتونوميالى رايوندا ءتۇيىندى نىساندارعا قارجى قوسۋ ءىسىنىڭ ورىندالۋ جاعدايى بىلتىرعى سايكەس مەزگىلدەگىدەن جاقسى بولىپ، جىلدىق قارجى قوسۋ جوسپارىنىڭ %94.3ى ورىندالىپ، سايكەس مەزگىلدەگىدەن 5.48 پايىز جوعارى بولعان.

  32 ءتۇيىندى نىسان ونىمدىلىگىن ساۋلەلەندىرە باستاۋدىڭ سىرتىندا، تىزناپ وزەنى موموق سۋ يگىلىگى تورابى ينجەنەرياسى، اقسۋ - ارال تەمىر جولى، تۇرپان اۋەجايىن وزگەرتىپ كەڭەيتىپ سالۋ نىسانى، حوتان 750 كيلوۆولتتىق كەرنەۋ وزگەرتىپ، سيىمدىلىعىن ارتتىرىپ كەڭەيتىپ سالۋ ينجەنەرياسى سياقتى 90 نىساننىڭ قۇرىلىسى جاڭادان باستالدى، بۇعان جالپى 210 ميلليارد 700 ميلليون يۋان قارجى قوسىلدى؛ تاس جول، قالا قۇرىلعىلارى قۇرىلىسى سىندى ەكى سالاداعى ءتۇيىندى نىسانداردىڭ جىلدىق نىسانا - مىندەتتەرى نورمادان اسىرا ورىندالدى، جاڭادان گۇلدەنگەن كاسىپ سالالارى، توقىماشىلىق، كيىم - كەشەك، سۋ يگىلىگى سىندى 3 سالاعا ساياتىن نىساندار ءبىرشاما تەز ىلگەرىلەتىلدى، قارجى قوسۋدىڭ ورىندالۋ سالىستىرماسى %97تەن استى.

  اسىرەسە، اۆتونوميالى رايوننىڭ ءتۇيىندى قاتىناس نىساندارى ايتارلىقتاي ىلگەرىلەتىلدى. بيىل 1 - ايدان 11 - ايعا دەيىن بۇكىل رايوندا ءتۇيىندى قاتىناس نىساندارىنىڭ ناقتى زات بويىنشا قىزمەت مولشەرىنە جالپى 65 ميلليارد 500 ميلليون يۋان قارجى قوسىلىپ، جىلدىق جوسپار %103 ەتىپ ورىندالىپ، جىلدىق قارجى قوسۋ مىندەتى نورمادان اسىرا ورىندالدى.

  تەمىر جول جاعىندا، التاي - كوكتوعاي - جۇندۇڭ تەمىر جولى، گولمۋد - كورلا تەمىر جولى سالىنىپ بولدى ءارى پويەز قاتىنادى، حوتان - چارقىلىق تەمىر جولى، اقسۋ - ارال تەمىر جولى، ءۇرىمجى - جياڭجۇنمياۋ تەمىر جولىنىڭ 2 - جەلىسىن قوسىپ قۋاتىن ارتتىرىپ وزگەرتۋ سياقتى نىساندار جەدەل اتقارىلدى.

  اۋەجاي جاعىندا، كەريا ۋانفاڭ اۋەجايى بيىل سالىنىپ بولىپ ىسكە قوسىلادى؛ ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسىنا، موڭعۇلكۇرە اۋەجايى قۇرىلىسى نىسانىنا قارجى قوسۋدىڭ ورىندالۋ سالىستىرماسى %100تەن استى؛ تاشقورعان اۋەجايىن، تۇرپان اۋەجايىن وزگەرتىپ، كەڭەيتىپ سالۋ سياقتى نىساندار جەدەل ىلگەرىلەتىلدى.

  تاس جول جاعىندا، G30 شياۋساۋحۋ - ءۇرىمجى تاس جولى، شىحىزى، ماناس بيڭتۋان مەن جەرگىلىكتى ورىندى توعىستىرۋ سىناق رايونىنىڭ 1 - مەرزىمى − شىحىزى - ماناس كوپىرى، سونداي - اق جالعاستىرۋ جولى سياقتى 2 نىسان قۇرىلىسىندا كولىك قاتىنادى، G314 جەلىسى بۇلۇڭكول - حونچيراپ شەكارا وتكەلى بولىگى تاس جولى، S21 جەلىسى التاي - ءۇرىمجى تاس جولى، G577 جەلىسى تەكەس - موڭعۇلكۇرە تاس جولى سياقتى ءبىر توپ نەگىزگى جەلى تاس جول نىساندارى جەدەل اتقارىلدى؛ G219 جەلىسى اقشي - سەگىزتاش تاس جولى، G218 جەلىسى قۇلجا قالاسى وتكىنشى تاس جولى سياقتى دايىندىق نىساندارىنىڭ الدىڭعى مەرزىمدىك قىزمەتتەرى ءساتتى ىلگەرىلەتىلىپ، قۇرىلىسى الدىن الا باستالدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار