شينجياڭنىڭءبىر اۋىل شارۋاشىلىعى ءونىمىن ارناۋلى قورعايتىن، جەرگىلىكتى سيپات الاتىن تۇڭعىش زاڭ ەرەجەسى اتقارىلدى
تۇرپان قالاسى زاڭ شىعارىپ، مەيىز شارۋاشىلىعىنىڭ دامۋىن جەبەدى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن
2020.12.18 14:49 كەلۋ قاينارى : شينجياڭ گازەتى
”تۇرپاننىڭ ءجۇزىمىن، قۇمىلدىڭ قاۋىنىن، كورلانىڭ المۇرتىن جۇرتتىڭ ءبارى ماقتايدى“. بۇل ىشكى وڭىرلەردەگىلەردىڭ شينجياڭنىڭ ايگىلى، ەرەكشە، ساپالى اۋىل شارۋاشىلىعى ونىمدەرىنە دەگەن تۇسىنىگى. قايتكەندە شينجياڭنىڭ ايگىلى، ەرەكشە، ساپالى اۋىل شارۋاشىلىعى ونىمدەرى سىندى وسى ماركانى ويداعىداي تىكتەپ، شينجياڭنىڭ جاعراپيالىق بەلگىسى بولعان اۋىل شارۋاشىلىعى ونىمدەرىن ويداعىداي قورعاپ، ونىمدەردىڭ قوسىمشا قۇنىن ارتتىرىپ، ەگىنشىلەردى پايداعا كەنەلتۋگە بولادى؟ بۇعان تۇرپان قالاسى جاۋاپ تاپتى.
12 - ايدىڭ 1 - كۇنى «تۇرپان قالاسىنىڭ مەيىز ساپاسىن باسقارۋ ەرەجەسى» (تومەندە قىسقارتىپ «ەرەجە» دەلىنەدى) باستاپ اتقارىلدى. اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتىنىڭ مەڭگەرۋشىسى لي جۋان تىلشىگە بىلاي دەدى: بۇل رايونىمىزدىڭ ءبىر اۋىل شارۋاشىلىعى ءونىمىن ارناۋلى قورعايتىن، جەرگىلىكتى سيپات الاتىن تۇڭعىش زاڭ ەرەجەسى بولىپ، جەرگىلىكتىڭ مەيىز شارۋاشىلىعىن اقاۋسىز دامىتۋىن جەبەۋدى زاڭدىق نەگىزبەن قامدادى.
ۇزاق ۋاقىتتان بەرى مەيىز تۇرپاننىڭ ەرەكشە اۋىل شارۋاشىلىعى ءونىمىنىڭ التىن ماركاسى بولىپ، ارىسى ەل ءىشى - سىرتىنا ساتىلىپ، جەرگىلىكتەگى ەگىنشىلەردىڭ كىرىسىن ارتتىرىپ بايۋىنداعى نەگىزگى ارنانىڭ بىرەۋىنە اينالدى. سوڭعى جىلدارى تۇرپان قالاسى مەيىزدىڭ ساپا حاۋىپسىزدىگىن باقىلاۋ - تەكسەرۋگە، باسقارۋعا باسا نازار اۋدارىپ، «تۇرپان مەيىزىنىڭ ساپا حاۋىپسىزدىگىن باقىلاۋ - تەكسەرۋ، باسقارۋ ءادىسى» سياقتى ولشەمدى حۇجاتتارعا وزگەرىس ەنگىزىپ، قاتاڭ ولشەم ورناتىپ، تۇرپاننىڭ مەيىز ءوندىرۋ، قامداۋ، ساتۋ جالپى بارىسىن باقىلاۋ - تەكسەرۋدى، باسقارۋدى جۇيەگە ءتۇسىرىپ، ”اس - سۋ حاۋىپسىزدىگىنە“ شىنايى كەپىلدىك ەتتى.
2018 - جىلى تۇرپان قالالىق حالىق قۇرىلتايى تۇراقتى كوميتەتى تەكسەرۋ - زەرتتەۋ گرۋپپاسىن ۇيىمداستىرىپ، ءارقايسى رايوندىق، اۋداندىق حالىق ۇكىمەتىنىڭ «تۇرپان مەيىزىنىڭ ساپا حاۋىپسىزدىگىن باقىلاۋ - تەكسەرۋ، باسقارۋ ءادىسىن» دايەكتىلەندىرۋ، تياناقتاندىرۋ جاعدايىنان مالىمەتىن تىڭدادى ءارى مەيىز ءوندىرىپ مانەرلەيتىن، تاسىمالدايتىن، قامبادا ساقتايتىن كاسىپورىندار، مەيىز ساۋدا بازارىنداعى تيجاراتشىلار، ەگىنشىلەردىڭ مەيىز كاسىپتىك سەلبەستىك كووپەراتيۆى، مەيىز دەلدالدارى، ءجۇزىم ەگەتىن ءىرى وتباسىلارى سياقتىلارمەن اڭگىمە ءماجىلىس وتكىزىپ، اۋىس - كۇيىس جاسادى.
تەكسەرۋ - زەرتتەۋ گرۋپپاسى مىنالاردى سۇراستىرىپ ءبىلدى: ءبىر ءبولىم كاسىپتەنۋشىلەردىڭ مەيىزدىڭ ساپا حاۋىپسىزدىگىنىڭ ماڭىزدىلىعى جونىندەگى تانىمى جەتكىلىكسىز بولىپ، تۇرپاننىڭ مەيىز شارۋاشىلىعىندا ولشەمدەندىرىلگەن ءوندىرىستىڭ تەحنيكالىق قاعيداسىن تياناقتاندىرۋى جەتەرسىز بولۋ، ساۋدا بازارىن باسقارۋى جۇيەسىز بولۋ سياقتى ماسەلەلەر ساقتالعان. سونىمەن بىرگە، قورعاۋ مەحانيزمى كەمەلدەنبەۋ، قورعاۋ تانىمى تومەن بولۋ سياقتى سەبەپتەردەن بازاردا پايدالانىلاتىن ”تۇرپان مەيىزى“ جاعراپيالىق بەلگىسى قىم - قۋىت بولىپ، تالعامسىزدىق ەتەك الدى، وعان قوسا ماركانى ۇگىتتەۋدە كەمەلدى جوبا بولماي، ”تۇرپان مەيىزى“ جاعراپيالىق بەلگىسى ماركاسىن شوعىرلاندىرۋ اسەرى كوزدەگەن نىساناعا جەتە المادى.
تۇرپان قالالىق حالىق قۇرىلتايى تۇراقتى كوميتەتى بىلاي دەپ قارادى: ءسوزسىز، جەرگىلىكتى زاڭ ەرەجە شىعارۋ ءتاسىلى ارقىلى تۇرپان مەيىز شارۋاشىلىعىنىڭ اقاۋسىز دامۋىن ءتىپتى دە جاقسى ىلگەرىلەتۋ كەرەك. ”قالالىق حالىق قۇرىلتايى تۇراقتى كوميتەتى عىلمي زاڭ ەرەجە شىعارۋعا، دەموكراتيالى زاڭ ەرەجە شىعارۋعا، زاڭ بويىنشا زاڭ ەرەجە شىعارۋعا تاباندى بولىپ، جاسالعان ەرەجەنىڭ اتقارىلارلىق، قاجەتتى بولۋىنا مۇقيات زەرتتەۋ جۇرگىزىپ، تۇرپان قالالىق پارتكومنىڭ بەكىتۋىنە جولداعاننان كەيىن، «ەرەجەنى» زاڭ شىعارۋ جوسپارىنا ەنگىزىپ، قاتاڭ زاڭ شىعارۋ ءتارتىبى بويىنشا «ەرەجەنى (جوبا نۇسقا)» جاساپ، اۆتونوميالى رايوندىق حالىق قۇرىلتايى تۇراقتى كوميتەتى ءماجىلىسىنىڭ بەكىتۋىنە جولدادى“، - دەدى تۇرپان قالالىق حالىق قۇرىلتايى تۇراقتى كوميتەتىنىڭ مەڭگەرۋشىسى پارحات يبىرايىم.
بيىل اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 18 - رەتكى ءماجىلىسى «ەرەجەنى» قاراپ بەكىتتى.
«ەرەجەگە» جالپى ەرەجە، ءجۇزىم ەگۋدى باسقارۋ، مەيىز مانەرلەۋدى باسقارۋ، مەيىز ساۋدالاۋدى باسقارۋ، باقىلاۋ - تەكسەرۋ، زاڭدىق جاۋاپكەرشىلىك، قوسىمشا ەرەجە سياقتى مازمۇندار قامتىلىپ، تۇرپان مەيىزى ساۋدا ماركاسىن پايدالانۋدىڭ كولەمىن، ولشەمىن جانە شارتتارىن ارناۋلى جۇيەگە ءتۇسىرىپ، تۇرپان مەيىزىن وندىرۋمەن جانە ساۋدالاۋمەن شۇعىلداناتىن جەكە تۇلعالاردى، زاڭدىق تۇلعالاردى جانە باسقا دا ۇيىمداردى بەلگىلەدى، وندىرىلگەن مەيىز «جاعراپيالىق بەلگى ءونىمى − تۇرپان مەيىزى» مەملەكەتتىڭ ولشەمدى تالابىنا ساي بولۋى كەرەك ءارى بازاردى باقىلاۋ - تەكسەرۋ، باسقارۋ تاراۋلارىنا جاعراپيالىق بەلگى ءونىمى ارناۋلى بەلگىسىن پايدالانۋدى ءوتىنىش ەتىپ، بەكىتىلگەننەن كەيىن عانا ارناۋلى بەلگىنى پايدالانۋعا بولادى.
تۇرپان قالالىق حالىق قۇرىلتايى تۇراقتى كوميتەتىنىڭ قاتىستى جاۋاپتىسى بىلاي دەدى: «ەرەجە» تۇرپان قالاسىنىڭ ءجۇزىم ەگۋدەن تارتىپ مەيىز مانەرلەۋدى جانە تيجارات ەتۋدى باسقارۋدى كۇشەيتۋ سياقتىلارعا بەلگىلەمە شىعارىپ، ءجۇزىم ەگۋ جانە مەيىز مانەرلەۋ ءوندىرىس - تيجارات قيمىلدارىن تۇزىمدىك جاقتان جۇيەگە ءتۇسىردى.
”«ەرەجە»، ءسوزسىز، تۇرپان مەيىزىنىڭ ساپاسىن وسىرۋدە ىلگەرىلەتۋ رولىن اتقارىپ، تۇرپان مەيىزى سىندى وسى ايگىلى ساۋدا ماركاسىن ءتىپتى دە ويداعىداي قورعايدى ءارى اۋىل شارۋاشىلىعىنىڭ ونىمدىلىگىن جوعارىلاتۋعا، ەگىنشىلەردىڭ كىرىسىن ارتتىرۋعا پايدالى“، - دەيدى مەملەكەتتىك حالىق قۇرىلتايى ۋاكىلى، تۇرپان قالالىق ورمان - جەمىس شارۋاشىلىعى تەحنيكاسىن جالپىلاستىرۋعا قىزمەت وتەۋ ورتالىعىنىڭ ورىنباسار مەڭگەرۋشىسى ءورنيسا قادىر.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
