بەيجيڭ بالالار شيپاحاناسى اۆتونوميالى رايوندىق بالالار شيپاحاناسىن جاپپاي اماناتتاپ باسقارۋعا الدى
شينجياڭ تۇڭعىش مەملەكەتتىك وڭىرلىك ەمدەۋ ورتالىعىن قۇرادى
2020.12.21 16:49 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين، ەرىكتى ءتىلشى گو جيڭجيڭ 12 - ايدىڭ 19 - كۇنى ۇرىمجىدەن حابارلايدى. 12 - ايدىڭ 19 - كۇنى استانا مەديتسينا داشۋەسىنە قاراستى بەيجيڭ بالالار شيپاحاناسى اۆتونوميالى رايوندىق بالالار شيپاحاناسىن جاپپاي اماناتتاپ باسقارۋعا الدى، ەكى جاق مەملەكەتتىك بالالار وڭىرلىك ەمدەۋ ورتالىعىن قول ۇستاسا بىرگە قۇرادى، بۇل ءارى رايونىمىز قۇراتىن تۇڭعىش مەملەكەتتىك وڭىرلىك ەمدەۋ ورتالىعى بولماق.
بەيجيڭ بالالار شيپاحاناسى اماناتتاپ باسقارۋعا الۋ ارقىلى رايونىمىزدىڭ بالالار اۋرۋلارى ءبولىمىنىڭ مەديتسينالىق قىزمەت وتەۋ جالپىلىق قابىلەتى مەن نەگىزگى ساتىنىڭ بالالار اۋرۋلارىن ەمدەۋ - قۇتقارۋ قابىلەتىن جاپپاي جوعارىلاتىپ، بالالار اۋرۋلارى بولىمىندەگى كۇماندى - قيىن اۋرۋلاردى ەمدەۋدىڭ ءوڭىر ىشىندە ءونىمدى شەشىلۋىنە مۇمكىندىك جاساپ، رايونىمىزداعى بالالاردىڭ دەنساۋلىعىن شىن مانىندە قامتاماسىز ەتەدى.
2019 - جىلى رايونىمىز تۇڭعىش توپتاعى ”1 + 10“ وڭىرلىك ەمدەۋ ورتالىعى قۇرىلىسىن تۇيىندەردە سىناق ەتەتىن ولكەلەرگە ەنگىزىلدى. اۆتونوميالى رايوندىق حالىق ۇكىمەتى بەيجيڭ بالالار شيپاحاناسىمەن سەلبەستىك كەلىسىمىن جاساسىپ، بەيجيڭ بالالار شيپاحاناسىنىڭ اۆتونوميالى رايوندىق بالالار شيپاحاناسىن جاپپاي اماناتتاپ باسقارۋعا الاتىندىعىن، مەملەكەتتىك بالالار وڭىرلىك ەمدەۋ ورتالىعىن بىرگە قۇراتىندىعىن رەسمي بەلگىلەدى.
بەيجيڭ بالالار شيپاحاناسىنىڭ باستىعى ني شين تانىستىرىپ بىلاي دەدى: مەملەكەتتىك بالالار وڭىرلىك ەمدەۋ ورتالىعى 10 جىلدىق ۋاقىتپەن قۇرىلىس باستاپ، مەملەكەتتىك دامۋ جانە رەفورما كوميتەتى جانە اۆتونوميالى رايوندىق دامۋ جانە رەفورما كوميتەتىنىڭ بار كۇشپەن قولداۋىندا الدىڭعى 5 جىلدا 800 توسەگى بار اۋرۋحانا عيماراتىن قۇرىپ، بالالار اۋرۋلارى ءبولىمىنىڭ قۇتقارۋ - ەمدەۋ قاتتى بولشەك قۇرىلعىلارىن جاقسارتادى. سونىمەن بىرگە بەيجيڭ بالالار شيپاحاناسى شيپاحانا باستىعىن ۇزاق ۋاقىت تۇرۋعا جىبەرەدى، سونداي - اق مامانداردى شينجياڭعا تاڭداپ جىبەرەدى ءارى ەمدەۋ بىرىككەن تۇلعاسى مەن قاشىقتان ەمدەۋ سەلبەستىگى جەلى ارقىلى جەلىدە، جەلىدەن تىسقارى فورمامەن دارىندى باۋلۋدى، تەحنيكا جەتكىزۋدى، ت.ب ورىستەتىپ، جەرگىلىكتى ورىننىڭ بالالار اۋرۋلارى ءبولىمىنىڭ جالپىلىق مەديتسينالىق قىزمەت وتەۋ دەڭگەيىن جوعارىلاتادى.
اۆتونوميالى رايوندىق بالالار شيپاحاناسىنىڭ ورىنباسار باستىعى لو شينحۇي مىنالاردى ءبىلدىردى: اق قان اۋرۋى، باس سۇيەك ىشىندەگى وسپە، ليمفا بەز وسپەسى بالالاردىڭ ومىرىنە قاتەر توندىرەتىن اۋرۋلار، بۇرىن رايونىمىزداعى اۋرۋعا شالدىققان ءبىر ءبولىم بالالار ىشكى وڭىرگە بارىپ ەمدەلەتىن دە، وتباسىنىڭ ەمدەلۋ اۋىرتپالىعى بارىنشا ارتاتىن. بەيجيڭ بالالار شيپاحاناسىنىڭ جان - جاقتى اماناتتاپ باسقارۋعا الۋىندا ءبىز ولقىلىقتاردى تولىقتاۋ، ءالسىز تۇستاردى كۇشەيتۋ، ساپانى جوعارىلاتۋ ارقىلى بالالار اۋرۋلارىن ەمدەۋ دەڭگەيىن ۇزدىكسىز جوعارىلاتىپ، ناۋقاس بالالاردىڭ شينجياڭنان شىقپاي - اق ءونىمدى مەديتسينالىق قۇتقارۋ - ەمدەۋگە يە بولۋىنا مۇمكىندىك جاسايمىز.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ليۋ جيانگو مىنالاردى ءبىلدىردى: الداعى جەردە مەملەكەتتىك بالالار وڭىرلىك ەمدەۋ ورتالىعى قۇرىلىسىنىڭ دامۋىنا ءتيىمدى اناعۇرلىم كوپ ساياساتتاردى جاساپ، شىعارىپ، باياندى مەحانيزمدى قالىپتاستىرىپ، رايونىمىزدىڭ بالالار ەمدەۋ، دەنساۋلىق ساقتاۋ ىستەرىنىڭ باياندى، اقاۋسىز دامۋىن جەبەيمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
