بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭنىڭ ماقتا ەگۋ پاتەنت تەحنيكاسى ”افريكا جاڭالىق اشۋ اپتالىعىندا“ تاپقىرلىق التىن سيلىعىن الدى

كوپ ءتۇرلى تەحنيكا حالىقارالىق وزىق ورەگە جەتتى

2020.12.22 15:16     كەلۋ قاينارى : شينجياڭ گازەتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفەي 12 - ايدىڭ 20 - كۇنى ۇرىمجىدەن حابارلايدى. شينجياڭ ەگىن شارۋاشىلىق عىلىم اكادەمياسىنان ۇعىسۋىمىزشا، 12 - ايدىڭ 19 - كۇنى جابىلعان 5 - كەزەكتى ماروككو ”افريكا جاڭالىق اشۋ اپتالىعى“ حالىقارالىق سالوننان قۋانىشتى حابار كەلگەن، شينجياڭ ەگىن شارۋاشىلىق عىلىم اكادەمياسى ەكونوميكالىق داقىلداردى زەرتتەۋ ورنى ۇسىنعان ”جاسىل القاپتاعى ماقتانىڭ جوعارى ءتۇسىمدى، جوعارى ءونىمدى ءوندىرىسىنىڭ شەشۋشى تەحنيكاسىنان جاڭالىق اشۋ جانە ونى قولدانۋ“ جەتىستىگى تاپقىرلىق التىن سيلىعىن العان. بۇل جەتىستىكتە جاسىل القاپتاعى ماقتانىڭ جوعارى ءتۇسىمدى، جوعارى ءونىمدى ءوندىرىسىنىڭ كوپ بۋىندارىنىڭ شەشۋشى تەحنيكالارىنىڭ قيىن ماسەلەلەرى ءبىرشاما جۇيەلى تۇردە شەشىلىپ، كوپ ءتۇرلى تەحنيكا حالىقارالىق وزىق ورەگە جەتكەن.

  ماروككو ”افريكا جاڭالىق اشۋ اپتالىعى“ 2016 - جىلى قۇرىلعان، تاپقىرلاۋشىلار قوعامى حالىقارالىق بىرلەسكەن كەڭەسى سياقتى قۇرىلىمداردىڭ قولداۋىنا يە بولعان. بۇل رەت تاپقىرلىق التىن سيلىعىنا يە بولعان تابىس شينجياڭ اۋىل شارۋاشىلىق عىلىم اكادەمياسى ەكونوميكالىق ەگىس داقىلدارىن زەرتتەۋ ورنى ماقتا ءوسىرۋ گرۋپپاسىنداعى تيان ليۋىن ۇجىمىنىڭ كوپ ءتۇرلى پاتەنت تەحنيكاسىن تىرەك ەتكەن، سونىمەن بىرگە جۇڭگو اۋىل شارۋاشىلىق عىلىم اكادەمياسى، حۋاجۇڭ اۋىل شارۋاشىلىق داشۋەسى سياقتى ورىنداردىڭ تەحنيكالارىن قابىلداعان. 1 - تاپقىرلاۋشى رەتىندە، 5 - كەزەكتى ماروككو ”افريكا جاڭالىق اشۋ اپتالىعىندا“ تيان لي - ۋىن ”جاڭالىق اشۋ شەبەرى“ داڭقتى اتاعىن الدى.

  جۇڭگو اۋىل شارۋاشىلىق عىلىم اكادەمياسى ماقتا زەرتتەۋ ورنى مەملەكەتتىك ماقتا ءوسىرۋ باس مامانى ماۋ شۋچۇن بىلاي دەپ تانىستىردى: ”جاسىل القاپتاعى ماقتانىڭ جوعارى ءتۇسىمدى، جوعارى ءونىمدى ءوندىرىسىنىڭ شەشۋشى تەحنيكاسىنان جاڭالىق اشۋ جانە ونى قولدانۋ“ تابىسى ماقتا تۇقىمىن جەتىلدىرۋ، ەگۋ، سۇيىق تىڭايتقىش دايىنداۋ، تەرۋ سياقتى سالالاردا تۇگەلدەي ناتيجە جاراتقان، مۇنىڭ ىشىندە دالدىكپەن ەگىپ مايسانى قورعاۋ تەحنيكاسىنىڭ ناتيجەسى ەڭ قۇندى بولدى. جارقىشاق تۇقىمدى ءونىمدى تۇردە تازالاۋعا بولمايتىندىقتان، ەل ءىشى - سىرتىندا جاپپاي بەلگىلەنگەن تولىمدى ماقتا تۇقىمىنىڭ كوكتەۋ مولشەرى %80پەن شەكتەلگەن ەدى. وسى ءبىر دۇنيە جۇزىلىك قيىن ماسەلەگە قاراتا، تيان لي - ۋىن ۇجىمى جارقىشاق تۇقىمدى جوعارى ونىممەن تازالايتىن ماشينا جابدىعىن تاپقىرلادى، تۇقىم جەتىلدىرۋ ءوڭىرىن ساپالىلاندىرۋعا جانە مانەرلەۋ تەحنولوگياسى تارتىبىندە جاڭالىق اشۋ تەحنيكاسىنا سايكەسىپ، تۇقىمنىڭ كوكتەۋ مولشەرى %88.0پەن %96.0 اراسىندا تۇراقتاندى. بۇل تەحنيكالار ەل ءىشى - سىرتىنداعى دالدىكپەن ەگۋ تەحنيكاسىنىڭ كوپ جاعدايدا ماشينالىق جوبالاۋمەن شەكتەلىپ، جوعارى ساپالى تۇقىم ءوندىرىسى مەن ەگىنشىلىك تەحنيكاسىن سايكەستىرۋگە نەمقۇرايدى قارايتىن جاعدايدى بۇزىپ، كوكتەۋ مولشەرىن جوعارىلاتىپ قالماستان، ماقتا اتىزىندا مايسانى قورعاۋ مولشەرىنىڭ %85.1تەن %92.2كە جەتۋىنە شىنايى كەپىلدىك ەتىپ، توڭىرەكپەن سالىستىرعاندا ماقتا اتىزىندا مايسانى قورعاۋ مولشەرى ورتا ەسەپپەن 10.5 پايىز جوعارىلادى. ”بۇل ’ءبىر شۇڭقىردا ءبىر ءتۇيىر‘ بولۋداي ماقتانى دالدىكپەن ەگۋ تەحنيكاسىنىڭ شينجياڭدا كەڭ كولەمدە جالپىلاسۋىن جەبەپ، بۇرىنعى ’ءبىر شۇڭقىردا كوپ ءتۇيىر‘ بولۋ ەگۋ ادىسىمەن سالىستىرعاندا، زات كۇشى مەن ادام كۇشىنىڭ وزىندىك قۇنىن ءونىمدى تومەندەتتى“، - دەدى شينجياڭ اۋىل شارۋاشىلىق داشۋەسىنىڭ دوكتور جەتەكشىسى شۇي ۋىنشيۋ.

  بيىل 7 - ايدا بۇل ۇجىمنىڭ پاتەنت تابىسى بولعان ”شينجياڭ ماقتاسىن كاسىپ سالالاندىرۋداعى جەڭىل، قاراپايىم، جوعارى ءونىمدى ءوندىرىسىنىڭ شەشۋشى تەحنيكاسىنان جاڭالىق اشۋ جانە ونى قولدانۋ“ اۆتونوميالى رايوننىڭ تەحنيكا تاپقىرلىعى 1 - دارەجەلى سيلىعىنا يە بولدى. قازىرگە دەيىن وسى ۇجىم 13 پاتەنتكە يە بولدى، 2 پاتەنت مەملەكەتتىك ءبىلىم مەنشىك ۇقىعى مەكەمەسى جاعىنان ”جۇڭگو پاتەنت ۇزدىك سيلىعى“ بولىپ باعالاندى.

  جۇڭگو ينجەنەريا اكادەمياسىنىڭ اكادەميگى يۇي شوۋشۇن بىلاي دەپ قارادى: ءار ءتۇيىردى دالدىكپەن ەككەن ماقتا اتىزىندا مايسانى قورعاۋدى سايكەستىرۋ ادىسىنەن سىرت، بۇل ۇجىمنىڭ پاتەنت العان تازا ءسۇزىلىپ توقىلاتىن 300 تالشىقتى ماقتا جىپتەن يىرىلەتىن ورگانيكالى ۇزىن تالشىقتى ماقتا ءجىبىنىڭ شيكىزاتىن ءوندىرۋ ءادىسى دە جاڭالىق اشۋ مانىنە يە بولىپ، شينجياڭدا وندىرىلگەن شيكىزاتتان دا تازا ءسۇزىلىپ توقىلاتىن 300 تالشىقتى ماقتا ءجىبىن جاساپ شىعىپ، بۇرىنعى تازا ءسۇزىلىپ توقىلاتىن 300 تالشىقتان كوپ ماقتا ءجىپ يىرۋگە ىستەتەتىن ۇزىن تالشىقتى ماقتا ءجىبىنىڭ بارلىعىن يمپورت ەتۋ ماسەلەسىن شەشىپ، جوعارى دەڭگەيدەگى توقىما بۇيىمدارىن اشۋداعى ”كىلتەڭ“ ماسەلەلەردى شەشتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار