4 - مەرزىمدىك مەملەكەتتىك قوعام حاۋىپسىزدىگى ۇلگىلەرىنىڭ ەسىمدىگى جاريالاندى
شينجياڭنان 2 حالىق ساقشىسى تىزىمدىكتەن ورىن الدى
2020.12.23 16:31 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان 12 - ايدىڭ 21 - كۇنى ۇرىمجىدەن حابارلايدى. 12 - ايدىڭ 21 - كۇنى 4 - مەرزىمدىك مەملەكەتتىك ”قوعام حاۋىپسىزدىگى ۇلگىلەرى“ ەسىمدىگى جاريالاندى، رايونىمىزدان 2 حالىق ساقشىسى تىزىمدىكتەن ورىن الدى، ولار تاشقورعان تاجىك اۆتونوميالى اۋداندىق قوعام حاۋىپسىزدىگى مەكەمەسىنىڭ شەكارادان كىرۋ - شىعۋدى باسقارۋ ۇلكەن اترەتىنىڭ باستىعى ديڭ فاگىن جانە مەملەكەتتىك كوشى - قون باسقارۋ مەكەمەسى شينجياڭ شەكارادان كىرۋ - شىعۋ شەكارا قورعانىسى تەكسەرۋ باس پۋنكتى كۇنجىراپ شەكارادان كىرۋ - شىعۋ شەكارا قورعانىسى تەكسەرۋ پۋنكتى مىندەت اتقارۋ 4 - اترەتىنىڭ حالىق ساقشىسى سۇن چاۋ.
ديڭ فاگىن 1990 - جىلى قىزمەتكە قاتىناسقان، 1998 - جىلى قوعام حاۋىپسىزدىگى قىزمەتىمەن اينالىسىپ، 30 نەشە جىلدى ءبىر كۇندەي وتكىزىپ، وتاننىڭ ەڭ باتىس بولەگى، بيىك ءارى سۋىق، اۋا سيرەك پامير ءۇستىرتىن تاپجىلماي قورعاپ، شوگەل ءارى ءتوزىمدى بولىپ، قالتقىسىز ۇلەس قوسىپ، شەكارانىڭ تىنىشتىعى مەن مەملەكەت قاقپاسىنىڭ اماندىعىن پارمەندى قورعادى. ول اۋداندىق مەكەمەنىڭ ەڭ شەت - شالعايداعى ماريان ساقشى بولىمشەسىندە 11 جىل قىزمەت ىستەدى، وسى ساقشى بولىمشەسىنە قاراستى رايوننىڭ جەر اۋدانى 6670 شارشى كيلومەتر، قارلى تاۋدى اسىپ، مۇز قۇرسانعان وزەننەن ءوتىپ، جالاما جارتاستاردى كەسىپ، اسپالى ارقان جولمەن ءجۇردى... ول بەرىك سەنىمى جانە قايىسپاس قايراتىمەن قاراستى رايونداعى ءاربىر وتباسىن ارالاپ، اماندىقتى ساقتاۋ، داۋ - شاردى شەشۋ، زاڭدى ۇگىتتەۋ، حالىققا قولايلى قىزمەت وتەۋ سياقتى قىزمەتتەردى ىشكەرىلەي ورىستەتىپ، مالشىلاردىڭ كوڭىلىندەگى ”جاقسى تۋىسقا“ اينالدى. 2019 - جىلى 6 - ايدا شەكارادان كىرۋ - شىعۋدى باسقارۋ ۇلكەن اترەتىنىڭ باستىعى بولىپ الماسقاننان كەيىن، ول شەكارادان كىرۋ - شىعۋدى باسقارۋ كاسىبىن مۇقيات زەرتتەپ، مەملەكەت قاقپاسىنىڭ قورعاۋشىسى بولۋداي قاسيەتتى مىندەت جاۋاپكەرشىلىگىن ادالدىقپەن اتقاردى.
سۇن چاۋ ساقشى قوسىنىنا كىرگەن 24 جىلدان بەرى تەڭىز دەڭگەيىنەن 3200 نەشە مەتر بيىك پامير ءۇستىرتىن تاپجىلماي قورعادى، ءتۇزىلىس رەفورماسى تۇسىندا ول ءۇستىرتتى جالعاستى قورعاۋدى تاڭدادى. سۇن چاۋ 20 نەشە جىل كۇش - قۋاتىن جۇمساۋ ارقىلى ۇستىرتتە ەگىمشىلىك، باعىمشىلىق تەحنيكاسىنداعى قيىن ماسەلەلەردى شەشىپ، ”مۇز تاۋلار اراسىنان جاسىل القاپ اشقان“ جاسىل كەرەمەت جاراتتى. ول ءوزى تۇرعان جەردىڭ كەدەيلىكتەن ارىلتۋدان قامال الۋ قىزمەتىنە بەلسەنە ات سالىسىپ، تاجىك ۇلتى بۇقاراسىنا ەگىمشىلىك، باعىمشىلىق تەحنيكاسىن باسپا - باس ۇيرەتىپ، 50 نەشە جىلىجاي، 100دەن استام بەيقۇت ءۇي اۋلاسىنا دوعالى لاپاس سالۋداي ەگىمشىلىك كولەمىن قالىپتاستىرىپ، قوداس، قوي باعىمشىلىق كووپەراتيۆىن قۇرىپ، 10 نەشە ەرەكشە قيىنشىلىعى بار وتباسىنا قارجىلاي كومەكتەسىپ، جيىنى 300 مىڭ يۋاننان استام اقشالاي، زاتتاي جىلۋ اتاپ، جەرگىلىكتى بۇقارانى باستاپ، ەرەكشە باعىمشىلىق ارقىلى اۋقاتتانۋ جولىن اشىپ، جەرگىلىكتى ورىننىڭ كەدەيلىكتەن ارىلتۋدان قامال الۋىن جەبەۋ بارىسىندا ماڭىزدى رولىن ساۋلەلەندىرىپ، كەڭ كولەمدە القاۋعا بولەندى.
وسى رەتكى قيمىلدا جيىنى مەملەكەتتىك قوعام حاۋىپسىزدىگى سالاسىنداعى 10 ۇلگى جاريالاندى، مۇنداعى ماقسات قوعام حاۋىپسىزدىگى قوسىنىندا جارىققا شىققان وزات تيپتەردى تاڭداپ، سومداپ، كۇش سالا ۇگىتتەپ، قوعام حاۋىپسىزدىگى سالاسىنداعى قاھارمان ۇلگىلەردىڭ رۋحىن اسقاقتاتىپ، تۇڭعىش كەزەكتى جۇڭگو حالىق ساقشىلارى مەرەكەسىن سالتاناتپەن قۇتتىقتاپ، قالىڭ قوعام حاۋىپسىزدىگى حالىق ساقشىلارىن، كومەكشى ساقشىلاردى اقىل - كەڭەس بەرۋ رۋحىن ادالدىقپەن امالياتتا ايگىلەۋگە، اۋەلگى ماقساتتى ۇمىتپاي، جان قيارلىقپەن ۇلەس قوسىپ، اناعۇرلىم كۇشتى ساياسي جاۋاپكەرشىلىك ارقالاپ، بورىش ارقالاپ، جاۋاپكەرشىلىك ارقالاپ، مەملەكەت حاۋىپسىزدىگى مەن قوعام ورنىقتىلىعىن قورعاۋ قىزمەتىن كۇش سالا ويداعىداي ىستەپ، پارتيا مەن حالىق جۇكتەگەن جاڭا داۋىردەگى بورىش، مىندەتتى باتىل ورىنداپ، پارتيا باسشىلىعىنداعى سوتسياليستىك مەملەكەت حالىق ساقشىلارىنىڭ كوپتىڭ قامىن ويلايتىن، قالتقىسىز ۇلەس قوساتىن تاماشا وبرازىن تولىق ايگىلەۋگە شابىتتاندىرۋ، جەتەكتەۋ بولىپ تابىلادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
