بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ اۋىل شارۋاشىلىعى ءوندىرىسىن دامىتۋ قارجىسىن باسقارۋ ءادىسىن شىعاردى

2021.01.04 15:29     كەلۋ قاينارى : شينجياڭ گازەتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل ناسىر 12 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، اۋىل شارۋاشىلىعى ءوندىرىسىن دامىتۋ قارجىسىن باسقارۋدى ونان ارى كۇشەيتۋ جانە ارناعا ءتۇسىرۋ، قارجىنى ءبىر تۇتاس جوسپارلاپ پايدالانۋدى ىلگەرىلەتۋ، قارجىنىڭ پايدالانىلۋ ونىمدىلىگىن جوعارىلاتۋ، اۋىل شارۋاشىلىعىنىڭ جالپىلىق ءوندىرىس قۋاتىن ارتتىرۋ ءۇشىن، جۋىقتا اۆتونوميالى رايوندىق قازىنا مەڭگەرمەسى مەن اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى «اۆتونوميالى رايوننىڭ اۋىل شارۋاشىلىعى ءوندىرىسىن دامىتۋ قارجىسىن باسقارۋ ءادىسىن» بىرگە جاسادى، بۇدان كەيىن اۋىل شارۋاشىلىعىن دامىتۋ قارجىسى تىكەلەي قوسىمشا قاراجات بەرۋ، الدىمەن سالىپ، سوڭىنان تولىقتاۋ، قوسىمشا قاراجات ورنىنا سيلىق بەرۋ، كەپىلدەمەلى قوسىمشا قاراجات بەرۋ سياقتى تاسىلدەرمەن اۋىل شارۋاشىلىق ءوندىرىسىن قولدايدى.

  «ادىستە» ايتىلعان اۋىل شارۋاشىلىعى ءوندىرىسىن دامىتۋ قارجىسى ورتالىق پەن اۆتونوميالى رايوندىق قازىنانىڭ اۋىل شارۋاشىلىعى ءوندىرىسىن جەبەۋ، كاسىپ سالاسى قۇرىلىمىن ساپالىلاندىرۋ، كاسىپ سالالارىنىڭ توعىسۋىن ىلگەرىلەتۋ، اۋىل شارۋاشىلىق ونىمدىلىگىن جوعارىلاتۋ سياقتىلارعا جۇمساۋعا ورنالاستىرىلعان ورتاق قازىنالىق ءىس ۇقىعى بويىنشا اۋدارىپ بەرىلەتىن قارجىنى مەڭزەيدى.

  ورتالىقتىڭ اۋىل شارۋاشىلىعى ءوندىرىسىن دامىتۋ قارجىسى، نەگىزىنەن، ەگىستىك جەردىڭ قۇنارلىلىعىن قورعاۋ شىعىسىنا، اۋىل شارۋاشىلىق ماشينالارىن ساتىپ الۋ قوسىمشا قاراجاتى شىعىسىنا، اۋىل شارۋاشىلىعىنىڭ جاسىل دامۋى جانە تەحنيكالىق قىزمەت وتەۋ شىعىسىنا، اۋىل شارۋاشىلىعىنىڭ تيجارات تاسىلىندە جاڭالىق اشۋ شىعىسىنا، اۋىل شارۋاشىلىعى كاسىپ سالاسىن دامىتۋ شىعىسىنا، ورتالىقتىڭ تۇراقتاندىرعان اۋىل شارۋاشىلىعى ءوندىرىسىن دامىتۋدى قولدايتىن باسقا دا ءتۇيىندى قىزمەتتەرگە جۇمسالادى.

  اۋىل شارۋاشىلىعى ماشينالارىن ساتىپ الۋ قوسىمشا قاراجاتى شىعىسى، باستىسى، وزىق، قولدانىلمالى اۋىل شارۋاشىلىق ماشينالارىن ساتىپ الۋدى، سونداي - اق كەرەكسىز ەتۋ، جاڭالاۋ جانە قاتىستى جاڭالىق اشۋ سىناق ءتۇيىنىن قولداۋ سياقتى جاقتارعا جۇمسالادى؛ اۋىل شارۋاشىلىعىنىڭ جاسىل دامۋى جانە تەحنيكالىق قىزمەت وتەۋ شىعىسى، باستىسى، ءتۇيىندى داقىلداردىڭ جاسىل، جوعارى ءونىمدى، جوعارى ساپالى بولۋىن، سۋ ۇنەمدەيتىن شولدىك ەگىن شارۋاشىلىعىنا، جەمىس، كوكونىس، شاي ءۇشىن حيميالىق تىڭايتقىشتىڭ ورنىنا ورگانيكالى تىڭايتقىش بەرۋ سىناق تۇيىنىنە، ساپالى تۇقىم، ءتيىمدى ءادىس تەحنيكالارىن جالپىلاستىرۋعا قولداۋ كورسەتۋ سياقتى جاقتارعا جۇمسالادى؛ اۋىل شارۋاشىلىق تيجارات تاسىلىندە جاڭالىق اشۋ شىعىسى، باستىسى، جاڭاشا اۋىل شارۋاشىلىق تيجارات تۇلعالارىن جەتىلدىرۋگە، اۋىل شارۋاشىلىعى وندىرىسىنە قوعامداندىرا قىزمەت وتەۋگە، جوعارى ساپالى شارۋالاردى باۋلۋ جوسپارىنا قولداۋ كورسەتۋ سياقتى جاقتارعا جۇمسالادى.

  اۆتونوميالى رايوننىڭ اۋىل شارۋاشىلىعى ءوندىرىسىن دامىتۋ قارجىسى، باستىسى، اۋىل شارۋاشىلىعى ءوندىرىسىن دامىتۋ شىعىسىنا، مال شارۋاشىلىعىن دامىتۋ شىعىسىنا، اۆتونوميالى رايون تۇراقتاندىرعان اۋىل شارۋاشىلىعى ءوندىرىسىنىڭ دامۋىن قولداۋداعى باسقا دا ءتۇيىندى قىزمەتتەرگە جۇمسالادى.

  اۋىل شارۋاشىلىعى كاسىپ سالاسىن دامىتۋ شىعىسى، باستىسى، باسىمدىققا يە ەرەكشە كاسىپ سالاسىن دامىتۋعا، ءسۇت شارۋاشىلىعىن كوركەيتۋ ارەكەتىن جانە مال، ءۇي قۇستارىن اقاۋسىز باعۋعا، مەملەكەتتىڭ وسى زامانعى اۋىل شارۋاشىلىعى كاسىپ سالاسى باقشاسى جانە اۋىل شارۋاشىلىعى كاسىپ سالاسىنداعى قۋاتتى قالاشىق سياقتى اۋىل - قىستاقتىڭ 1 -، 2 -، 3 - كاسىپ سالالارىنىڭ توعىسپالى دامۋىنا، جاعراپيالىق بەلگىسى بار اۋىل شارۋاشىلىعى ونىمدەرىن قورعاۋعا قولداۋ كورسەتۋ سياقتى جاقتارعا جۇمسالادى.

  «ادىستە» مىنالار بەلگىلەندى: اۋىل شارۋاشىلىعى ءوندىرىسىن دامىتۋ قارجىسى، باستىسى، ەگىنشى - مالشىلاردى، جاڭاشا اۋىل شارۋاشىلىق تيجارات تۇلعالارىن جانە نىسان مىندەتىن ارقالاعان ورىندار مەن جەكەلەردى قولداۋ وبيەكتىسى ەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار