باتىستىڭ گازىن شىعىسقا جەتكىزەتىن نەگىزگى گاز قاينارى تومەنگى بۋىندى بار كۇشپەن ”گاز جەتكىزىپ“ سۋىقتان قورعادى
2021.01.05 15:27 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 2 - كۇنى ۇرىمجىدەن بەرگەن حابارى (ءتىلشى گۋ يۇي). سۋىق اعىستىڭ كىرۋىمەن اۋا تەمپەراتۋراسى كۇرت تومەندەپ، ەل ءىشىنىڭ تابيعي گازعا قاجەتى ۇزدىكسىز ارتتى. تابيعي گازبەن قامداۋدى قامتاماسىز ەتۋ ءۇشىن، باتىستىڭ گازىن شىعىسقا جەتكىزەتىن نەگىزگى گاز قاينارىنىڭ ءبىرى بولعان جۇڭگو مۇنايى تارىم مۇنايلىعى بار كۇشپەن جۇمىسقا كىرىستى، كەزەكتە كۇندىك تابيعي گاز ءوندىرۋ مولشەرى 95 ميلليون تەكشەمەترگە جەتىپ، باتىستىڭ گازىن شىعىسقا جەتكىزۋدىڭ تومەنگى بۋىنىنداعى تۇرعىنداردى جانە شينجياڭنىڭ وڭتۇستىك بولەگىندەگى بۇقارانى ”گاز جەتكىزىپ“ سۋىقتان قورعادى.
كەزەكتە تارىم مۇنايلىعى كىلا 2، دينا 2، كىشىن، جاڭامالى، ياقا سياقتى كوپتەگەن ءىرى گاز الاپتارىن سالىپ، تابيعي گازدىڭ ءونىم مولشەرى بۇكىل مەملەكەتتىڭ ءوندىرىس جالپى ءونىم مولشەرىنىڭ التىدان ءبىر بولەگىن يەلەدى. باتىستىڭ گازىن شىعىسقا جەتكىزەتىن نەگىزگى گاز قاينارى بولعان تارىم مۇنايلىعى وندىرگەن تابيعي گازدىڭ كۇندىك ءونىم مولشەرى تۇڭعىش رەت 95 ميلليون تەكشەمەتردەن اسىپ، تومەنگى بۋىنداعى 15 ولكە، 120دان استام ءىرى، ورتا قالالارداعى 400 ميلليونعا جۋىق تۇرعىننىڭ، 3000نان استام كاسىپورىننىڭ گازدان پايدالانۋىن قامتاماسىز ەتتى.
سونىمەن قاتار شينجياڭنىڭ وڭتۇستىك بولەگىندەگى بۇقارانىڭ گاز پايدالانۋىن قامتاسىز ەتۋ ءۇشىن، تارىم مۇنايلىعى وڭتۇستىك شينجياڭ تابيعي گاز حالىققا قولايلىلىق جاساۋ قۇبىر تورى قىسىم كۇشەيتىپ جەتكىزۋ ينجەنەرياسى قاشقار قىسىم كۇشەيتۋ پۋنكتى تاياۋدا ءساتتى ىسكە قوسىلدى، تۇتاس جىلدا وڭتۇستىك شينجياڭ وڭىرىندە جاڭادان 4 گازبەن قامداۋ ورنىن قوسىپ، تاعى 14 مىڭنان استام وتباسىنداعى بۇقارا تابيعي گازدىڭ يگىلىگىن كوردى.
جۇڭگو مۇنايىنىڭ شينجياڭعا كومەكتەسۋ ”1 - ءنومىرلى ينجەنەرياسى“ بولعان وڭتۇستىك شينجياڭ تابيعي گاز حالىققا قولايلىلىق جاساۋ ينجەنەرياسىنىڭ گاز جەتكىزۋ نەگىزگى جەلى قۇبىرىنىڭ جالپى ۇزىندىعى 3000 كيلومەتردەن استام بولىپ، گازعا اينالدىرۋ كولەمى شينجياڭنىڭ وڭتۇستىك بولەگىندەگى جانە شينجياڭ ءوندىرىس - قۇرىلىس بيڭتۋانىنداعى 42 اۋدان - قالا، 21 ەگىن، مال شارۋاشىلىق تۋان - الاڭدارىن قامتىپ، تارىم ويپاتىن قورشاعان تابيعي گاز نەگىزگى قۇبىر تورىن قالىپتاستىرىپ، شينجياڭنىڭ وڭتۇستىك بولەگىندەگى 4 ميلليون 300 مىڭنان استام ادام يگىلىككە كەنەلدى.
2020 - جىلى تارىم مۇنايلىعى ىندەتتىڭ ىقپالىن جەڭىپ، جوعارى ءونىمدى بارلاۋ، اشۋعا تاباندى بولىپ، تۇتاس جىلدا مۇناي سۇيىقتىعىنان 6 ميلليون 20 مىڭ توننا، تابيعي گازدان 31 ميلليارد 100 ميلليون تەكشەمەتر ءوندىرىپ، وندىرگەن مۇناي - گازدىڭ بالاماسى 30 ميلليون 800 مىڭ تونناعا جەتىپ، 30 ميلليون توننالىق ءىرى مۇناي - گاز الابىن جانە 30 ميلليارد تەكشەمەترلىك ءىرى گاز رايونىن جاپپاي قۇرىپ، ەلىمىزدىڭ مۇناي - گازدىڭ قورىن كوبەيتىپ، ءونىمدى ارتتىرۋىنداعى ماڭىزدى ستراتەگيالىق ورىن باسۋشى وڭىرگە اينالدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
