”جاڭا شارۋا“ كاڭ جىڭحۋا
ءبىر توپ جوعارى مەكتەپ وقۋشىسىن باستاپ، ماقتا اتىزىندا شارۋاشىلىق قۇردى
□ شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا
2021.01.07 15:45 كەلۋ قاينارى : شينجياڭ گازەتى
12 - ايدىڭ 18 - كۇنى، تاڭەرتەڭ ەرتە ءۇرىمجى قالاسى نانچاڭ جولىنداعى ءبىر جۇمىس عيماراتىندا 10 نەشە شارۋاشىلىق قۇرۋشى جوعارى مەكتەپ وقۋشىسى بىرگە تاربيەلەۋگە قاتىناسىپ، ساباق سويلەپ جاتتى.
”ەگىس قاربالاستىعىنان كەيىنگى وسى ءبىر مەزگىل ءبىزدىڭ ’قىستىق قور جيناۋ‘ ماۋسىمىمىز سانالادى، ماقساتىمىز كەلەر جىلى ماقتاشىلارعا ءتىپتى جاقسى قىزمەت وتەۋ“، - دەدى شينجياڭ چياڭنۇڭ فىڭحى اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ باس ديرەكتورى كاڭ جىڭحۋا.
كاڭ جىڭحۋا ايتىپ وتىرعان قىزمەت وتەۋ، نەگىزىنەن، ماقتاشىلارعا ماقتانى حيميالىق جولمەن شىرپۋ تەحنيكاسىن جالپىلاستىرۋ ەدى، ءدال وسى ”بويلاتپاۋ“ تەحنيكاسى ماقتا ساباعىنىڭ ءوسۋىن تەجەپ، جارامسىز قاۋاشاق بۇتاقتاردىڭ ءوسۋىنىڭ الدىن الادى.
سەرىكتەستىكتىڭ ماقتا ۇلگىلەرى قويىلعان كورمە ىشكابى الدىندا كاڭ جىڭحۋا تىلشىگە بىلاي دەپ تانىستىردى: بۇرىن ماقتا كوبىنەسە ادام كۇشىمەن شىرپىلاتىندىقتان، ۋاقىت، كۇش سارىپ ەتىلەتىن، قازىر قولدانىپ وتىرعان شىرپۋ ءدارىسى ساپانى جوعارىلاتىپ، ءونىمدى ارتتىرىپ قانا قويماي، ادام كۇشىنىڭ وزىندىك قۇنىن ۇنەمدەيدى.
كاڭ جىڭحۋا بيىل 29 جاستا، ماگيسترانت تاۋىسقاننان كەيىن، ول ەگىس اتىزىندا ناتيجە شىعارۋدى ويلايدى. ول بيڭتۋاننىڭ ەگىس الاڭىندا وسكەن، اكە - شەشەسى تۇگەلدەي ماقتاشى، سول سەبەپتى ول اۋىل شارۋاشىلىعىن ىنتى - شىنتىسىمەن سۇيگەن - دى.
تولىق كۋرستىڭ پراكتيكا كەزىندە كاڭ جىڭحۋا ماقتانى حيميالىق جولمەن شىرپۋ تەحنيكاسىن جۇيەلى ۇيرەنۋدى ويلايدى. كەيىن، جەتەكشىسى جاۋ چياڭنىڭ جول كورسەتۋىندە جانە كومەگىندە ۇستاز بەن شاكىرت شينجياڭ ماقتاسىنىڭ وسۋىنە ۇيلەسەتىن شىرپۋ ءدارىسىن تاپقىرلاپ شىعادى.
بازار اشۋ باستابىندا ءساتتى بولا قويمايدى، ”جاڭا ءونىم سەنىمسىز“، ”ءتۇسىمى تومەندەسە قايتەمىز“... وتباسىنداعىلارىن قامتىعان كوپتەگەن ادام بايقاي تۇرۋ پوزيتسياسىندا بولادى.
2015 - جىلى كاڭ جىڭحۋانىڭ يلاندىرۋىمەن كىشى اكەسى تاۋەكەل ەتىپ، 20 مۋ ماقتا اتىزىنا شىرپۋ ءدارىسىن ىستەتەدى. ءبىر ءوسىپ - جەتىلۋ پەريودىمەن سالىستىرۋدا حيميالىق جولمەن ماقتا شىرپۋدىڭ ساپاسى قولمەن شىرپۋدان كورنەكتى جوعارى ەكەندىگى قورىتىندىلانادى. بۇل حابار تارالىسىمەن، بۇكىل تۋان - الاڭ ءدۇر ەتە تۇسەدى.
شىرپۋ ماقتا ەگىمشىلىگىنىڭ ءبىر بۋىنى عانا، شىرپۋدىڭ الدى - ارتىنداعى اتىز باپتاۋ ماقتانىڭ ساپاسىنا تىكەلەي بايلانىستى. ماقتاشىلارعا عىلمي باپتاۋ تەحنيكاسىن يگەرتۋ ءۇشىن، 2018 - جىلدان باستاپ، كاڭ جىڭحۋا سەرىكتەستىكتىڭ ۇجىمىن باستاپ قىزمەتتىڭ ءتۇيىنىن عىلىم - تەحنيكانى جالپىلاستىرۋعا جانە تەحنيكالىق تاربيەلەۋگە قويادى.
كاڭ جىڭحۋانىڭ ەسىندە قالۋىنشا، تۇڭعىش رەت شىحىزىداعى ءبىر تۋان - الاڭىندا ساباق سويلەگەنىندە اياداي جيىن زالى ادامعا لىق تولىپتى. ”ساباقتان كەيىن انانى، مىنانى سۇراعان كوپشىلىكتىڭ بەلسەندىلىكتەرى جوعارى بولىپ قانا قويماي، سويلەگەن ساباعىمدى تۇسىنىكتى، ۇعىمدى بولدى دەپ القادى“، سول جولى ماقتاشىلار 100 مىڭ مۋ جەرگە پايدالانىلاتىن شىرپۋ ءدارىسىن بۇيىرتقان. سول جىلى 9 - ايدا شىرپۋ ءدارىسىنىڭ ونىمدىلىگىن كوزدەن كەشىرۋ جينالىسىن اشقاندا، كوپتەگەن شارۋا ”ەرەكشە ريزا بولعاندىعىن، كەلەر جىلى تاعى ىستەتەتىندىكتەرىن“ بىلدىرەدى، بۇل كاڭ جىڭحۋانى ەرەكشە قۋانتادى.
داشۋەدە سىناپ كورۋدەن رەسمي سەرىكتەستىك قۇرۋعا دەيىنگى 3 جىلدا ولاردىڭ شىرپۋ ءدارىسى ءونىمىنىڭ پايدالانىلۋ اۋماعى باستاپقى 100 مىڭ مۋدان 2 ميلليون مۋعا جەتكەن. ماقتاشىلاردىڭ رازى بولۋى كاڭ جىڭحۋانىڭ جىگەرىن ۇشتاي ءتۇستى.
كاڭ جىڭحۋانىڭ جىلىنا جارتى جىلعا جۋىق ۋاقىتى ماقتاشىلارمەن بىرگە وتەتىندىكتەن، ءجۇزى كۇنگە توتىعىپ قارايىپ كەتكەن، ەگىمشىلىك باپتاۋ بارىسىندا كىم قيىن ماسەلەگە جولىقسا، ول قاشاندا سوعان سابىرلىلىقپەن ءتۇسىندىرىپ وتىرادى، ماقتاشىلار ونى ىقىلاسپەن ”شياۋكاڭ مۇعالىم“ دەپ اتاپ كەتكەن. 3 جىلدان بەرى، كاڭ جىڭحۋا مەن ونىڭ ۇجىمىنداعىلار 600 رەتتەن استام لەكسيا - كۋرس ورىستەتىپ، 60 مىڭنان استام شارۋانى تاربيەلەدى. بيىل كاڭ جىڭحۋا تىكە تاراتىلىم ساباقحاناسىن اتىز باسىنا كوشىردى ءارى شارۋالاردىڭ كەزەڭدىك ەگىمشىلىك سۇرانىسىنا ساي، دوۋيىندا دەرت - دەربەزدەن، زياندى جاندىكتەردەن ساقتانۋ جانە ونى جويۋ، جاپىراعىنا تىڭايتقىش بەرۋ سياقتى اۋىل شارۋاشىلىعى بىلىمدەرىنىڭ شاعىن ساباقحاناسىن اشتى.
”اۋىل شارۋاشىلىعى مەكتەبىنىڭ وقۋشىسى رەتىندە، ءبىز دە ’جاڭا شارۋا‘ سانالامىز، ماقتانىڭ جالپى بارىسىن ماشينالاندىرىپ دامىتۋعا ءبىر كىسىلىك ۇلەس قوسىپ، ۇيرەنگەن ءبىلىمىمىزدى اۋىل شارۋاشىلىعى وندىرىسىندەگى ءىس جۇزىندىك ماسەلەلەردى شەشۋگە ىستەتىپ، اۋىل - قىستاقتاردى گۇلدەندىرۋگە دەم بەرۋدى ءۇمىت ەتەمىز“، - دەدى كاڭ جىڭحۋا، - شارۋاشىلىق قۇرۋ ۇجىمىنداعى سەرىكتەرىم تۇگەلدەي اۋىل شارۋاشىلىعى ىلىمىنە قاتىستى ماماندىق وقىعان جوعارى مەكتەپ وقۋشىلارى، قازىر شارۋالاردىڭ كىرىسىن ارتتىرۋعا ءتىپتى جاقسى سەپتىگىن تيگىزۋ ءۇشىن، كوپشىلىك وسىمدىكتىڭ ءوسۋىن رەتتەۋ ءدارىسىن تاپقىرلاۋ جانە ماقتانىڭ جاپىراق سارعايۋى ىندەتىن الاستاۋ جونىندە زەرتتەۋ جۇرگىزۋدە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
