بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

بىلتىر شينجياڭ كەزەڭ بويىنشا ازايتقان، كەشىرىم ەتكەن كاسىپورىنداردىڭ قوعامدىق قامسىزداندىرۋ قاراجاتى 13 ميلليارد 300 ميلليون يۋاننان استى

2021.01.07 15:47     كەلۋ قاينارى : شينجياڭ گازەتى

  انار بۇلت/ شينجياڭ گازەتىنىڭ ءتىلشىسى لي چۇنشيا، پراكتيكانت اراشجاپ پاما 1 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، 2020 - جىلى رايونىمىز كاسىپورىنداردىڭ جيىنى 13 ميلليارد 376 ميلليون يۋان زەينەتكەرلىك، جۇمىسسىزدىق، جۇمىس ۇستىندە جاراقاتتانۋ سىندى 3 ءتۇرلى قوعامدىق قامسىزداندىرۋ قاراجاتىن ازايتقان، كەشىرىم ەتكەن، مۇنىڭ ىشىندە ورتا، شاعىن، ۇساق كاسىپورىندار %86.6ىن يەلەگەن.

  بىلتىر جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، رايونىمىز كاسىپورىنداردىڭ قوعامدىق قامسىزداندىرۋ قاراجاتىن كەزەڭ بويىنشا كەشىرىم ەتۋ، ازايتۋ، كەشەۋىلدەتۋ ساياساتىن جەدەل تياناقتاندىرىپ، كاسىپورىنداردىڭ، وتە - موتە، ورتا، شاعىن، ۇساق كاسىپورىنداردىڭ حاۋىپ - قاتەرگە توتەپ بەرۋىنە، قيىنشىلىق قىسپاعىنان وتۋىنە كومەكتەستى. 2020 - جىلى 2 - ايدان 12 - ايعا دەيىن تۇتاس رايونىمىزداعى ورتا، شاعىن، ۇساق كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جاراقاتتانۋ قامسىزداندىرۋ قاراجاتىنىڭ مەكەمە - ورىن تاپسىراتىن بولىگىن جيناماعان؛ 2020 - جىلى 2 - ايدان 6 - ايعا دەيىن تۇتاس رايونىمىزداعى كولەمدى كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جاراقاتتانۋ قامسىزداندىرۋ قاراجاتىنىڭ مەكەمە - ورىن تاپسىراتىن بولىگىنىڭ جارتىسىن ازايتىپ جيناعان. تۇتاس جىلدا جيىنى 12 ميلليارد 471 ميلليون يۋان زەينەتكەرلىك قامسىزداندىرۋ قاراجاتىن، 402 ميلليون يۋان جۇمىسسىزدىق قامسىزداندىرۋ قاراجاتىن، 503 ميلليون يۋان جۇمىس ۇستىندە زاقىمدالۋ قامسىزداندىرۋ قاراجاتىن ازايتقان، كەشىرىم ەتكەن.

  ”ءبىز ارنايى بىتىرۋگە، تەز بىتىرۋگە تاباندى بولىپ، كاسىپورىنداردىڭ قيىنشىلىعى مەن وتىنىشتەرىنە تەز ارادا جاۋاپ قايتارىپ، كاسىپورىنداردىڭ ەڭ الدىمەن تيىمدىلىككە كەنەلۋىنە شىنايى كەپىلدىك ەتتىك“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى زەينەتكەرلىك قامسىزداندىرۋ باسقارماسىنىڭ باستىعى سۇن جانشۋە بىلاي دەپ تانىستىردى: بىلتىر رايونىمىز حاۋىپ - قاتەرگە توتەپ بەرۋ قابىلەتى ءالسىز، ىندەتتىڭ سوققىسىنا ۇشىراۋى اۋىر بولعان ورتا، شاعىن، ۇساق كاسىپورىنداردىڭ جالپى 11 ميلليارد 584 ميلليون يۋاندىق قوعامدىق قامسىزداندىرۋ قاراجاتىن ازايتىپ، كەشىرىم ەتىپ، ساياساتتىڭ دالمە - دالدىگىن تولىق ايگىلەدى، شارتقا ۇيلەسەتىن كاسىپورىنداردىڭ يگىلىكتەنۋگە تيىستىلەرىنىڭ بارلىعىنىڭ يگىلىكتەنۋىنە، تىكەلەي پايداسىن كورۋىنە شىنايى كەپىلدىك ەتتى.

  بىلتىر رايونىمىز ىندەتتىڭ ىقپالىنا ۇشىراپ، وندىرىستە، تيجاراتتا اۋىر قيىنشىلىققا تاپ بولعان كاسىپورىندارعا قوعامدىق قامسىزداندىرۋ قاراجاتىن تاپسىرۋدى 2020 - جىلدىڭ سوڭىنا دەيىن كەشەۋىلدەتتى، كەشەۋىلدەتىپ تاپسىرۋ مەزگىلىندە ايىپ تولەمەيدى. قوعامدىق قامسىزداندىرۋ قاراجاتىن تاپسىرۋدا قيىنشىلىعى بار جەكە ونەركاسىپشى - ساۋداگەرلەر، يكەمدى جۇمىستانعاندار ءوز ەركىمەن قاراجاتتى كەشەۋىلدەتىپ تاپسىرۋىنا بولادى، 2021 - جىلدىڭ سوڭىنان بۇرىن بارلىعىنىڭ تولىقتاپ تاپسىرۋىنا بولادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار