بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ زەردەلى الەۋمەتتىك اۋماعى قانداي؟ «جەتەكشىلىك ەتۋ ەرەجەسى» سىزگە تۇسىندىرەدى

2021.01.07 15:48     كەلۋ قاينارى : شينجياڭ گازەتى

  5Gدىڭ جاپپاي قامتىمى، كولىكتىڭ زەردەلى جولجەتەگى، زەردەلى قوجالىق، تۇرمىستىق قوقىر - قوقسىقتاردى تۇرگە ايىرۋدىڭ سيفرلانۋى − شينجياڭ زەردەلى الەۋمەتتىك اۋماعى قانداي؟ «جەتەكشىلىك ەتۋ ەرەجەسى» سىزگە تۇسىندىرەدى

  انار بۇلت/ شينجياڭ گازەتىنىڭ ءتىلشىسى ۋاڭ يۇيجاۋ 1 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋعا قاراعاندا، 5G سيگنالىنىڭ جاپپاي قامتىمى، الەۋمەتتىك ورىنداردا سىمسىز WiFi تورىنىڭ جاپپاي قامتىمى، كولىكتىڭ زەردەلى جولجەتەگى، زەردەلى قوجالىق، قارتتاردىڭ زەردەلى كۇتىمدەلۋى، تۇرمىستىق قوقىر - قوقسىقتاردى تۇرگە ايىرۋدىڭ سيفرلانۋى... بالكىم كوپ وتپەي، ءسىز تۇرعان شاعىن اۋماقتا وسىلاردىڭ بارلىعى بىرتە - بىرتە جۇزەگە اسۋى مۇمكىن.

  2020 - جىلى 12 - ايدىڭ 30 - كۇنى رايونىمىز «شينجياڭ ۇيعۇر اۆتونوميالى رايونىنىڭ زەردەلى الەۋمەتتىك اۋماق (شاعىن اۋماق) قۇرىلىسىنا تەحنيكالىق جەتەكشىلىك ەتۋ ەرەجەسىن (سىناق نۇسقاسى)» (تومەندە قىسقارتىلىپ «جەتەكشىلىك ەتۋ ەرەجەسى» دەلىنەدى) جاريالاپ، زەردەلى قالا قۇرىلىسىن ىلگەرىلەتۋدى جەدەلدەتىپ، ءمالى، الەۋمەتتىك اۋماقتى (شاعىن اۋماق) دانەكەر ەتكەن زەردەلى قالا قۇرىلىسى بىرلىگىن تۇلعالاپ، 5G ينتەرنەتى + الەۋمەتتىك اۋماقتىڭ (شاعىن اۋماق) توعىسىپالى قولدانىسىن بار كۇشپەن ىلگەرىلەتىپ، زەردەلى الەۋمەتتىك اۋماق (شاعىن اۋماق) قۇرىلىسى قىزمەتىن ىلگەرىلەتۋدى جەدەلدەتتى.

  «جەتەكشىلىك ەتۋ ەرەجەسى» بويىنشا رايونىمىز حابارلاسۋ نەگىزدىك قۇرىلعىسى، الەۋمەتتىك حاۋىپسىزدىك ساقتانۋ جۇيەسى، قۇرىلىس جابدىقتارىن باقىلاۋ جۇيەسى، ينفورماتسيالانعان قولدانىم جۇيەسى، زەردەلىلەنگەن شوعىرلى باسقارۋ جۇيەسى، زەردەلى قونىس جۇيەسى، الەۋمەتتىك قىزمەت وتەۋ تۇعىرى سياقتى جاقتاردان ىسكە كىرىسىپ، زەردەلى الەۋمەتتىك اۋماق (شاعىن اۋماق) قۇرادى. «جەتەكشىلىك ەتۋ ەرەجەسى» جاڭادان سالىنعان، جاڭالاپ سالىناتىن، كەڭەيتىپ سالىناتىن زەردەلى الەۋمەتتىك اۋماق (شاعىن اۋماق) قۇرىلىسىنا ۇيلەسەدى.

  زەردەلى الەۋمەتتىك اۋماق (شاعىن اۋماق) قۇرىلىسى نەگىزدىك قۇرىلعىلاردىڭ تىرەك بولۋىنان ايرىلا المايدى. «جەتەكشىلىك ەتۋ ەرەجەسى» بويىنشا شاعىن اۋماقتىڭ حابارلاسۋ نەگىزدىك قۇرىلعىلار قۇرىلىسىنىڭ مازمۇنى جىلجىمالى حابارلاسۋ بازالىق پۋنكتى، حابارلاسۋ ماشينا ءۇيى، ءۇي ءىشىنىڭ سىمسىز جايعاسۋ جۇيەسى، حابارلاسۋ قۇبىر - ەلەكتر سىمدارى، جارىقتىق تالشىقتىڭ وتباسىلارىنا دەيىن تارتىلۋى سياقتىلاردى قامتيدى. ايتالىق، شاعىن اۋماقتاعى جارىقتىق تالشىق تورى شاعىن اۋماقتاعى بارلىق تۇرعىندار عيماراتىن قامتىپ، ءارىپ، سۋرەت، داۋىس، كەسكىن سياقتى ينفورماتسيالاردىڭ جوعارى ءونىمدى جەتكىزىلۋىنە شىنايى كەپىلدىك ەتىپ، تۇرعىنداردىڭ كەڭجولاقتى توردا جوعارى جىلدامدىقپەن ينتەرنەتكە شىعۋ قاجەتىن قاناعاتتاندىرۋ؛ شاعىن اۋماقتا، ءسوز جوق، جىلجىمالى حابارلاسۋ تورىن قۇرۋ؛ 5G سيگنالى شاعىن اۋماقتى جاپپاي قامتۋ؛ شاعىن اۋماقتىڭ الەۋمەتتىك ورىنداردا سىمسىز WiFi تورىنىڭ جاپپاي قامتىمىن ىسكە اسىرۋ كەرەك، ت. ب.

  اناعۇرلىم زەردەلى تۇرمىس ورتاسىن قۇرۋ دا زەردەلى الەۋمەتتىك اۋماق (شاعىن اۋماق) قۇرىلىسىنىڭ ماڭىزدى مازمۇندارىنىڭ ءبىرى. «جەتەكشىلىك ەتۋ ەرەجەسى» بويىنشا زەردەلى الەۋمەتتىك اۋماق (شاعىن اۋماق) زات ينتەرنەتى، ۇلكەن ساندى مالىمەت سياقتى تەحنيكالاردان پايدالانىپ، قوجالىق، جالپىلىق، تۇرمىستىق قىزمەت وتەۋ سياقتى مازمۇنداردى شوعىرلاندىرىپ، كولىك جولجەتەگى، ينفورماتسيا جاريالاۋ جۇيەسىن قۇرىپ، جەلىدە ءۇي باسقارۋ، تۇرمىستىق قوقىر - قوقسىقتاردى تۇرگە ايىرۋدى سيفرلاندىرۋ قۇرىلىسىن، ت. ب ىلگەرىلەتەدى.

  «جەتەكشىلىك ەتۋ ەرەجەسى» تاعى زەردەلى قونىس جۇيەسىن قۇرۋدى العا قويدى. مۇندا زەردەلى قونىس جۇيەسى ينجەنەرياسىن جوبالاۋدا تۇرعىن ءۇي قۇرىلىسىنىڭ فۋنكتسيالىق ءتۇرى، وڭىرلىك جاعدايى، قونىس قاجەتى، جۇمىس جۇرگىزۋ، قوجالىق باسقارۋ جانە قىزمەت وتەۋ ۇلگىسى، قارجى قوسۋ كولەمى سياقتى فاكتورلاردى جالپى جاقتان ويلاسۋ كەرەك؛ زەردەلى قونىس جۇيەسىنىڭ فۋنكتسياسى ۇقساماعان تۇرعىن ءۇي قۇرىلىسىنىڭ ءتۇرى مەن تالابى بويىنشا لايىقتى زەردەلىلەنگەن جۇيە فۋنكتسياسىن تاڭداپ سەپتەۋ كەرەك.

  زەردەلى الەۋمەتتىك اۋماقتىڭ (شاعىن اۋماق) الەۋمەتتىك قىزمەت وتەۋ تۇعىرى قۇرىلىسى جاعىندا «جەتەكشىلىك ەتۋ ەرەجەسى» مىنالاردى العا قويدى: الەۋمەتتىك قىزمەت وتەۋ تۇعىرى زەردەلى قوجالىق، زەردەلى وقۋ - اعارتۋ، زەردەلى ساۋدا، زەردەلى ەمدەۋ، قارتتاردىڭ زەردەلى كۇتىمدەلۋى، زەردەلى كولىك باسقارۋ سياقتى قىزمەت وتەۋ مازمۇندارىن ازىرلەپ، الەۋمەتتىك اۋماق تۇرعىندارىنىڭ قولايلى، زەردەلى تۇرمىستىق قىزمەت وتەۋ سياقتى يقۋاتتار جونىندەگى قاجەتىن قاناعاتتاندىرۋ كەرەك.

  اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ قاتىستى جاۋاپتىسى تانىستىرىپ بىلاي دەدى: «جەتەكشىلىك ەتۋ ەرەجەسىن» جالپىلاستىرىپ اتقارۋ تۇرعىنداردىڭ زەردەلى تۇرمىستى سەزىنۋىن جوعارىلاتادى. بۇدان كەيىن رايونىمىز زەردەلى، پاراساتتى تاسىلدەرمەن الەۋمەتتىك اۋماقتىڭ (شاعىن اۋماق) قىزمەت وتەۋ، باسقارۋ دەڭگەيىن جوعارىلاتىپ، تابىس سەزىمىنە، باقىت سەزىمىنە، حاۋىپسىزدىك سەزىمىنە تولى زەردەلى الەۋمەتتىك اۋماق (شاعىن اۋماق) قۇرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار