كەدەيلىكتەن ارىلتۋدان قامال الۋ ناتيجەسىن ۇزدىكسىز بەكەمدەيمىز، كەڭەيتەمىز
− اۆتونوميالى رايوندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى ما يىڭمەن سۇحبات
شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ
2021.01.08 15:46 كەلۋ قاينارى : شينجياڭ گازەتى
”13 - بەسجىلدىق“ مەزگىلىندە شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، ءار ۇلت بۇقاراسى مۇلدە كەدەيلىككە تاريحي شەشۋشى شايقاس جاريالادى. ”13 - بەسجىلدىققا“ قايىرىلا قاراساق، شينجياڭنىڭ كەدەيلىكتەن ارىلتۋدان قامال الۋ قىزمەتى قانداي ناتيجەلەرگە قول جەتكىزدى؟ قيىنشىلىعى بار بۇقارانىڭ تۇرمىسىندا قانداي وزگەرىستەر تۋىلدى؟ كەدەيلىكتەن ارىلتۋدان قامال الۋدىڭ ناتيجەسىن كەلەشەكتە قالاي بەكەمدەۋ، كەڭەيتۋ كەرەك؟ جۋىقتا گازەتىمىزدىڭ جالپىلىق اقپارات قۇرالدارى ءتىلشىسى اۆتونوميالى رايوندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى ما يىڭگە تىلشىلىك جاسادى.
كەدەيلىكتەن ارىلتۋدان قامال الۋ شەشۋشى جەتىستىككە قول جەتكىزدى
پارتيا 18 - قۇرىلتايىنان بەرى شينجياڭ باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ ىلگەرىلەتىپ، سايلاۋىت كۇشپەن شايقاسقا شىعىپ، قامال الىپ، قيىندىقتاردى ەڭسەردى، بيىل 11 - ايدا شينجياڭدا سوڭعى 10 كەدەي اۋدان كەدەي اۋداندار قاتارىنان شەگىنىپ شىقتى. كەدەيلىكتەن ارىلتۋدان قامال الۋ شەشۋشى جەتىستىككە قول جەتكىزدى.
”’ەكىدەن تارىقتىرماۋ، ءۇشتى قامتاماسىز ەتۋ‘ سىندى كەدەيلەردى سۇيەمەلدەۋ ولشەمىنە تاباندى بولدىق، كەدەيلىكتەن ارىلتۋدان قامال الۋ شايقاسى باستالعالى شينجياڭ اۋىر كەدەي وڭىرلەر مەن ەرەكشە قيىنشىلىعى بار بۇقاراعا نازاردى شوعىرلاندىرىپ، كەدەيلىكتەن ارىلتۋدان قامال الۋ سەرپىنىن ۇزدىكسىز ارتتىردى، كەدەي بۇقارانىڭ كىرىسى زور مولشەردە ارتىپ، تۇرمىسى ايتارلىقتاي جاقساردى“، - دەدى ما يىڭ.
2014 - جىلدان 2019 - جىلعا دەيىن بۇكىل رايونداعى 35 كەدەي اۋدانداعى (مەملەكەت دارەجەلى 32 كەدەي اۋدان، اۆتونوميالى رايون دارەجەلى 3 كەدەي اۋدان) شارۋالاردىڭ جان باسىندىق قولداعى تابىسى 5400 يۋاننان 12 مىڭ 35 يۋانعا ءوسىپ، جىلىنا ورتا ەسەپپەن ％12.3 ارتتى؛ بۇكىل رايوندا ارحيۆ تۇرعىزىلىپ، كارتچكالاندىرىلعان كەدەي وتباسىلاردىڭ جان باسىندىق تازا كىرىسى 2015 - جىلداعى 2725 يۋاننان 2019 - جىلعى 9195 يۋانعا ءوسىپ، جىلىنا ورتا ەسەپپەن ％35.53 ارتىپ، ىشەر استان تارىقپاۋ، كيەر كيىمنەن تارىقپاۋ جۇزەگە استى.
وقۋ - اعارتۋ ارقىلى كەدەيلەردى سۇيەمەلدەۋ سەرپىنى، سالاماتتىق ارقىلى كەدەيلەردى سۇيەمەلدەۋ سەرپىنى، نەگىزدىك قۇرىلعى قۇرىلىسىنىڭ سەرپىنى ۇزدىكسىز ارتتىرىلىپ، وقيتىن مەكتەبى بولۋعا، اۋىرعاندا ەمدەلە الۋعا، تۇرعىن ءۇيى بولۋعا كەپىلدىك ەتىلدى.
”بۇكىل رايونداعى باستاۋىش مەكتەپ وقۋ جاسىنداعى بالالاردىڭ وقۋعا ءتۇسۋ ناق مولشەرى ％99.97كە، ورتالاۋ مەكتەپ وقۋ جاسىنداعى وسپىرىمدەردىڭ وقۋعا ءتۇسۋ ناق مولشەرى ％99.78كە جەتىپ، مىندەتتى وقۋ - اعارتۋدى بەكەمدەۋ مولشەرى ％95تەن اسىپ، كەدەي وتباسىلاردىڭ مىندەتتى وقۋ - اعارتۋ كەزەڭىندەگى بالالاردىڭ كەدەيلىك سەبەبىنەن وقۋعا تۇسە الماۋى، وقۋدان شەگىنۋى يكەمدى تۇردە نولگە ءتۇسىرىلدى“، - دەدى ما يىڭ، - ”بۇكىل رايون جالپى حالىقتىڭ دەنساۋلىعىن تەگىن تەكسەرۋدى ىشكەرىلەي اتقارىپ، نەگىزگى ەمدەۋ قامسىزداندىرۋىن، سالماقتى ناۋقاس قامسىزداندىرۋىن، مەديتسينالىق قۇتقارۋ - كومەكتەسۋدى جانە قوسىمشا ەمدەۋ قامسىزداندىرۋىن ءبىر تۇتاس جوسپارلاپ، كەدەي حالىقتىڭ نەگىزگى ەمدەۋ قامسىزداندىرۋىنا، سالماقتى ناۋقاس قامسىزداندىرۋىنا قاتىناسۋ مولشەرى تۇگەلدەي ％100كە جەتتى، اۋدان، اۋىل ەكى دارەجەلى بەلگىلەنگەن ەمدەۋ قۇرىلىمدارى ’الدىمەن دياگنوز قويۋ، ەمدەۋ، ونان سوڭ اقشا تولەۋدى‘، ’ءبىر بەكەتتىك‘ ەسەپ جابۋدى جۇزەگە اسىردى، 117 مىڭ 800 وكپە تۋبەركۋلەز ناۋقاسىنا ەمدەۋ جۇرگىزىپ، وڭتۇستىك شينجياڭ 4 ايماق - وبلىسى ءۇشىن باعىتتامالى تۇردە مىڭنان استام اۋىل - قىستاق شيپاگەرىن تاربيەلەپ، اۋىل - قىستاق ەمحانالارىنىڭ (ءبولىم) ولشەمگە جەتۋ مولشەرى ％100كە جەتىپ، وتباسىلاردا شاعىن ءدارى ساندىقشاسى بولۋ، قىستاقتا اۋرۋحانا بولۋ، اۋىلدا ەمحانا بولۋ، ايماقتا، اۋداندا 2A دارەجەلى شيپاحانا بولۋ ورىندالدى“.
كەدەيلىكتەن ارىلتۋدان قامال الۋدىڭ اياقتالار جىلىندا شينجياڭداعى كەدەي حالىقتىڭ اۋىز سۋ حاۋىپسىزدىگىنىڭ، اۋىل - قىستاقتاعى تۇرعىن ءۇي حاۋىپسىزدىگىنىڭ جانە قونىس جاڭالاپ كەدەيلەردى سۇيەمەلدەۋگە قاتىستى سايكەستى قۇرىلعى قۇرىلىسى مىندەتىنىڭ سوڭعى قىزمەتى دە جالپى بەتتىك ورىندالدى.
ما يىڭ تانىستىرىپ بىلاي دەدى: شينجياڭ ارحيۆ تۇرعىزىلىپ، كارتچكالاندىرىلعان 675 مىڭ 600 كەدەي وتباسىنىڭ تۇرعىن ءۇي حاۋىپسىزدىگى ماسەلەسىن شەشتى، قونىس جاڭالاعان 169 مىڭ 200 كەدەي بۇقارا قۋانىشپەن جاڭا ۇيگە كوشىپ، كەدەي وتباسىلاردىڭ قاتەرلى ۇيلەردە تۇرۋ تاريحى ءۇزىلدى - كەسىلدى اياقتادى؛ ءبىر ميلليون 520 مىڭ كەدەي حالىقتىڭ اۋىز سۋ حاۋىپسىزدىگى ماسەلەسىن شەشىپ، كەدەي حالىق توقتاۋ سۋ، كەرمەك، سور سۋ ىشەتىن تاريحقا ءۇزىلدى - كەسىلدى قوش ايتىپ، تازا سۋ، الاڭسىز سۋ تۇتىناتىن بولدى. 3666 كەدەي قىستاقتىڭ جولى اسفالتتاندىرىلىپ، ءۇش فازالىق ەلەكتر جەتكىزىلىپ، راديو - تەلەۆيزيا قوسىلىپ، كەڭ جولاقتى ينتەرنەت جەلىسى تارتىلىپ، كەدەي بۇقارانىڭ ءوندىرىس، تۇرمىس شارت - جاعدايىندا وراسان زور وزگەرىس تۋىلدى. اۋىر كەدەي 22 اۋداندا 207 اۋىل - قىستاق باقىت اۋلاسى سالىنىپ، جەتىم - جەسىرلەر، جالعىز باستىلار، قارتتار، السىزدەر، اۋرۋلار، مۇگەدەكتەر سياقتى ەرەكشە قاۋىمنىڭ تۇرمىسىنا قارايلاسۋ ماسەلەسىن شىنايى شەشتى.
”جەتى ءبىر توپ“ ىشكى قوزعاۋشى كۇش قاۋلاتتى
كەدەيلەردى دالمە - ءدال سۇيەمەلدەۋ دالمە - ءدال بولۋىمەن قىمبات. ءارقايسى قامال الۋ ”مايداندارى“ جەرگىلىكتى جاعدايعا قاراي ىستەپ، قىستاققا، وتباسىعا، ادامعا قاراي وتىرىپ دالمە - ءدال شارا قولدانىپ، شىن ەسىممەن باسقارۋ جۇرگىزىپ، كاسىپ سالاسىن دامىتۋ، باسقا سالاعا ويىستىرىپ جۇمىستاندىرۋ، جەردى اداقتاپ قايتا بولىسكە سالۋ، شەكارا كۇزەتشىسى ەتىپ اۋىستىرۋ، ەكولوگيالىق تولەم بەرۋ، قونىس جاڭالاپ كەدەيلەردى سۇيەمەلدەۋ، تومەنگى شەكتەن تۇسىرمەي قامتاماسىز ەتۋ سىندى ”جەتى ءبىر توپتى“ تىڭعىلىقتى ىلگەرىلەتىپ، كاسىپ سالاسىن دامىتۋدىڭ جۇمىستانۋعا جەتەكتەۋىن كورنەكتىلەندىردى.
سوڭعى جىلدارى شينجياڭ ەرەكشە كاسىپ سالاسىنىڭ دەڭگەيىن ءوسىرۋ ينجەنەرياسىن ىشكەرىلەي اتقارىپ ەرەكشە ەگىنشىلىك، باعىمشىلىق كاسىپتەرىن زور كۇشپەن دامىتىپ، جەمىس ورمانىنىڭ ساپاسىن كوتەرۋدى، ونىمدىلىگىن ارتتىرۋدى ىلگەرىلەتىپ، وڭتۇستىك شينجياڭ 4 ايماق - وبلىسىنداعى توقىما جانە كيىم - كەشەك، ەلەكتروندىق ونىمدەردى قۇراستىرۋ، اۋىل شارۋاشىلىعى قوسىمشا ونىمدەرىن وڭدەۋ سياقتى ەڭبەك شوعىرلانعان كاسىپ سالالارىنىڭ دامۋىن ۇزدىكسىز ىلگەرىلەتىپ، اۋىل - قىستاق ساياحاتىن جانە ەلەكتروندىق ساۋدا ارقىلى كەدەيلەردى سۇيەمەلدەۋدى زور كۇشپەن دامىتىپ، قىستاق اشقان زاۆودتاردان، كەدەيلەردى سۇيەمەلدەۋ سەحتارىنان 2109ىن قۇرىپ، اناعۇرلىم كوپ كەدەي ەڭبەككۇشتەردى ءۇي جانىندا، جاقىن ماڭدا جۇمىستانۋدى جۇزەگە اسىرۋعا جەتەكتەدى.
”وڭتۇستىك شينجياڭداعى 4 ايماق - وبلىستىڭ كاسىپ سالاسى جوقتان بار بولىپ، كىشكەنەدەن ۇلعايىپ، السىزدەن كۇشەيىپ، ارشىنداي دامىعان تاماشا بەتالىس كورسەتىپ، كەدەي بۇقارانىڭ ۇزدىكسىز كىرىس ارتتىرۋىنىڭ ماڭىزدى تىرەگىنە اينالدى“، - دەدى ما يىڭ.
ءبىر ادام جۇمىستانسا، بۇكىل وتباسى كەدەيلىكتەن ارىلادى. جۇمىستانۋ − كەدەي بۇقارانىڭ كىرىسىن ارتتىرىپ كەدەيلىكتەن ارىلۋىنىڭ ەڭ تىكە، ەڭ ءونىمدى جولى. ما يىڭ تانىستىرىپ بىلاي دەدى: وڭتۇستىك شينجياڭ 4 ايماق - وبلىسىنداعى اۋىر كەدەي 22 اۋداندا 3 جىلدا 100 مىڭ ادامدى باسقا سالاعا ويىستىرىپ جۇمىستاندىرۋ جوسپارىن اتقارۋ ارقىلى شينجياڭ ەڭبەككۇشى بار كەدەي وتباسىلاردان كەمىندە ءبىر ادامنىڭ تۇراقتى جۇمىستانۋىن جۇزەگە اسىردى؛ وڭتۇستىك شينجياڭ 3 ايماق - وبلىسىنداعى 51 مىڭنان استام كەدەي ەڭبەككۇشتى باسقا سالاعا ويىستىرىپ جۇمىستاندىرۋدى ىلگەرىلەتۋ ارقىلى كەدەيلىكتەن ارىلماعان كەدەي وتباسىلارداعى ەڭبەك قابىلەتى بارلاردىڭ تۇگەلدەي جۇمىستانۋىن جۇزەگە اسىردى. بۇدان سىرت، شينجياڭ اۋىر كەدەي 22 اۋداننىڭ ءار اۋدانىنان ورتا ەسەپپەن 1000 ادامدى، جالپى 22 مىڭ ادامدى اۋىل - قىستاق جولدارىن كۇتىمدەۋشى ەتىپ ورنالاستىرىپ، ەرەكشە جاعداي سەبەبىنەن ءوڭىر اتتاپ باسقا سالاعا ويىسىپ جۇمىستانا المايتىن، كەدەيلىكتەن ارىلۋى تۇراقسىز وتباسىلار مەن كەدەيلەسۋ شەگىندە تۇرعان، وڭاي كەدەيلەسەتىن وتباسىلاردىڭ تولىق جۇمىستانۋىنا شىنايى كەپىلدىك ەتتى.
”كەدەيلەردى سۇيەمەلدەۋشى كادرلار − كەدەيلىكتەن ارىلتۋدان قامال الۋدىڭ ’سۇيەنىشى‘، ’تىرەۋى‘. اۆتونوميالى رايون ناتيجە شىعارۋدى كوزدەي وتىرىپ، ءونىمدى شارالار قولدانىپ، كومەكتەسۋ - سۇيەمەلدەۋ كۇشتەرىن ۇزدىكتەردەن، مىقتىلاردان تاڭداپ جاساقتاپ، سايلاۋىت سارباز، تاڭداۋلى قوسىندى نەگىزگى ساتىعا جىبەرۋدى، جاقسى ادام، مىعىم كۇشتەردىڭ ءبىرىنشى شەپكە بارۋىن ورىنداپ، سايلاۋىت كۇشپەنەن شايقاسقا شىعىپ، بار كۇشپەن ۇمتىلدى“. ما يىڭنىڭ ايتۋىنشا، بۇكىل رايون جىلىنا 78 مىڭنان استام كادردى تاڭداپ جىبەرىپ، 12 مىڭنان استام ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىن جاساقتاپ، بۇكىل رايونداعى 3666 كەدەي قىستاققا ءبىرىنشى شۋجي مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىن جىبەرۋدى تولىق قامتىپ، كەدەيلىكتەن ارىلتۋدان قامال الۋدىڭ تەلەگەي كۇشىن قالىپتاستىردى.
كەدەيلىكتەن ارىلتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىن ىلگەرىلەتتى
كەزەكتە كەدەيلىكتەن ارىلتۋدان قامال الۋ قىزمەتى جالپى بەتتىك اياقتاۋعا تايادى، دەسەدە كەدەيلىكتەن ارىلتۋدان قامال الۋ ناتيجەسىن بەكەمدەۋدىڭ، كەڭەيتۋدىڭ، ونى اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ مىندەتى ءالى ماشاقاتتى، كۇردەلى، اۋىر.
ما يىڭ مىنالاردى ءبىلدىردى: قازىر اۆتونوميالى رايوندىق كەدەيلەردى سۇيەمەلدەۋ كەڭسەسى اۆتونوميالى رايوننىڭ كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىن ۇزدىكسىز ىلگەرىلەتۋ جونىندەگى جەتەكشى پىكىرى بويىنشا، ”14 - بەسجىلدىقتاعى“ كەدەيلىكتەن ارىلتۋ ناتيجەلەرىن بەكەمدەۋ قىزمەتىن مۇقيات اقىلداسۋ، جوسپارلاۋ ۇستىندە، كەدەيلىك قالپاعى الىنعان اۋداندارعا، كەدەيلىك تىزىمىنەن شەگىنگەن قىستاقتار مەن كەدەيلىكتەن ارىلعان حالىققا نازاردى شوعىرلاندىرىپ، ”ءتورتتى توقتاتپاۋ“ تالابىن تياناقتاندىرىپ، قايتا كەدەيلەسۋدەن، كەدەيلەسۋدەن ساقتانۋدى قاداعالاۋ، ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، ەرەكشە كاسىپ سالالارىنىڭ باياندى دامۋىن ىلگەرىلەتىپ، كەدەيلىكتەن ارىلتۋ ناتيجەلەرىن بەكەمدەۋدى جانە ىشكى دامۋ قابىلەتىن كۇشەيتىپ، كەدەيلىكتى جونگە سالۋدى ۇدايىلاندىرۋ جۇيەسىن كەمەلدەندىرىپ، كەدەيلىكتى ازايتۋ ستراتەگياسى مەن قىزمەتى جۇيەسىنىڭ ورنىقتى تۇردە تيبىن اۋىستىرۋىن ىلگەرىلەتىپ، كەدەيلىكتەن ارىلتۋدان قامال الۋدىڭ ناتيجەسىن بەكەمدەۋدىڭ، كەڭەيتۋدىڭ يدەيالىق تانىم، نىسانا - مىندەت، قىزمەت شارالارى، ساياساتتىق قولداۋ، قىزمەت مەحانيزمى جاعىندا اۋىل - قىستاقتى گۇلدەندىرۋ ستراتەگياسىمەن ءونىمدى ۇشتاسۋىن جۇزەگە اسىرۋ كەرەك.
12 - ايدىڭ 2 - كۇنى تۇستەن كەيىن اۆتونوميالى رايوننىڭ كەدەيلىكتەن ارىلتۋدان قامال الۋ ”قىسقى شايقاسىنا“ اتتانىسقا كەلتىرۋ، ورنالاستىرۋ ءماجىلىسى اشىلىپ، كەدەيلىكتەن ارىلتۋدان قامال الۋ جاڭا كەزەكتى ”قىسقى شايقاسى“ جاپپاي باستالدى. ما يىڭ مىنالاردى ءبىلدىردى: بيىل قىس، كەلەر كوكتەمدە كەدەيلىكتەن ارىلتۋدان قامال الۋدىڭ ”قىسقى شايقاسىن“ ورىستەتۋدە ۇگىت جانە باۋلۋ، نىسان جانە مال - مۇلىك، بەكەمدەۋ جانە كەڭەيتۋ، ماسەلەلەردى رەتتەۋ - تۇزەتۋ سىندى 4 قىزمەت ءتۇيىنىن ويداعىداي يگەرۋ كەرەك.
ۇگىت جانە باۋلۋ جاعىندا، العىس ايتۋ تاربيەسىن تەرەڭدەتىپ، تيپتەردىڭ جەتەكشىلىگىن كۇشەيتىپ، قىستاققا قايتا بارۋ، قايتا حال - جاي سۇراۋ ورىستەتىپ، ۇنامدى جاقتان ۇگىتتەۋدى كەڭەيتىپ، بارلىق ادامدى باۋلۋدى كۇشەيتۋ؛ نىسان جانە مال - مۇلىك جاعىندا، كەدەيلىكتەن ارىلتۋدان قامال الۋ ناتيجەسىن بەكەمدەۋدىڭ، كەڭەيتۋدىڭ اۋدان دارەجەلى نىسان قورىن كەمەلدەندىرىپ، 2021 - جىلعى نىسان جوسپارىن بەلگىلەپ، كەدەيلەردى سۇيەمەلدەۋ مال - مۇلكىن باسقارۋدى ارناعا ءتۇسىرۋ؛ كەڭەيتۋ جانە بەكەمدەۋ جاعىندا، كەدەيلىكتەن ارىلتۋدان قامال الۋ ساياساتىنىڭ جالپى تۇلعالىق ورنىقتىلىعىن ۇزدىكسىز ساقتاپ، كەدەيلىكتەن ارىلۋى تۇراقسىز، كەدەيلەسۋ جيەگىندە تۇرعان، وڭاي كەدەيلەسەتىن وتباسىلار سياقتى ادامدار شوعىرىن قاداعالاۋدى كۇشەيتىپ، دەر كەزىندە بايقاۋعا، دەر كەزىندە ساقتاندىرۋعا، دەر كەزىندە كومەكتەسۋ - سۇيەمەلدەۋگە شىنايى كەپىلدىك ەتىپ، قايتا كەدەيلەسۋدەن شىنايى ساقتانۋ؛ ماسەلەلەردى رەتتەۋ - تۇزەتۋ جاعىندا، ”قىسقى شايقاستى“ جالپى بەتتىك، ءۇزىلدى - كەسىلدى تۇردە ساڭلاۋلاردى تابۋدى، ولقىلىقتاردى تولىقتاۋدى تۇتقا ەتىپ، رەتتەلگەن، تۇزەتىلگەن ماسەلەلەرگە ”قايىرىلا قاراۋدى“، تەكسەرۋ پىكىرىن، رەتتەۋ - تۇزەتۋدى تياناقتاندىرۋدى، ءتۇرلى ماسەلەلەردى دەرەۋ رەتتەۋ - تۇزەتۋدى مىقتى ۇستاپ، رەتتەۋ - تۇزەتۋ جاۋاپكەرشىلىگىن ناقتىلاپ، ناتيجەلەردىڭ قولدانىلۋىن تەرەڭدەتىپ، يكەمدى تۇردە نولگە ءتۇسىرۋ كەرەك.
”كەدەيلىكتەن ارىلتۋدان قامال الۋدىڭ ’قىسقى شايقاسىن‘ ورىستەتۋدىڭ ماڭىزدى ءمانى مەن ەرەكشە رولىن جەتە تانىپ، باسىمدىقتار مەن كۇشتەردى شوعىرلاندىرىپ، ءتۇرلى قىزمەتتەردى مىقتى، ناقتى، ەگجەي - تەگجەيلى، ويداعىداي يگەرىپ، كەدەيلىكتەن ارىلتۋدان قامال الۋ ناتيجەلەرىن بەكەمدەۋدىڭ، كەڭەيتۋدىڭ اۋىل - قىستاقتى گۇلدەندىرۋمەن ءونىمدى ۇشتاسۋىن ىلگەرىلەتۋ كەرەك“، - دەدى ما يىڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
