التاي - كوكتوعاي - جۇندۇڭ تەمىر جولىنىڭ جەلى بويىنداعى بايلىقتى اشۋعا جەتەكشىلىك ەتۋ ونىمدىلىگى كورنەكتى بولدى
ىسكە قوسىلعان ”ءبىر ايدا“ 2 ميلليون 340 مىڭ توننادان استام جۇك تاسىدى
2021.01.12 15:14 كەلۋ قاينارى : شينجياڭ گازەتى
انار بۇلت/شينجياڭ گازەتىنىڭ ءتىلشىسى لۋ فىڭباۋ 1 - ايدىڭ 10 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ ساندى مالىمەتىنە قاراعاندا، 1 - ايدىڭ 6 - كۇنىنە دەيىن التاي - كوكتوعاي - جۇندۇڭ تەمىر جولىنىڭ ىسكە قوسىلعان ”ءبىر ايداعى“ جۇك تاسىمال مولشەرى 2 ميلليون 341 مىڭ تونناعا جەتىپ، جەلى بويىنداعى بايلىقتى اشۋعا جەتەكشىلىك ەتۋ ونىمدىلىگى كورنەكتى بولعان.
”التاي - كوكتوعاي - جۇندۇڭ تەمىر جولى اشىلعاننان كەيىن، ءۇرىمجى - جۇندۇڭ تەمىر جولىنىڭ تاسىمال قۋاتىنىڭ جەتىسپەۋ جاعدايىن باسەڭدەتتى، سونىمەن قاتار سولتۇستىك شينجياڭ تەمىر جولى اينالما جەلىسىن بويلاي قوس باعىتتا كوكتوعايعا بوس ۆاگون سەپتەپ، جەرگىلىكتى كەن بايلىعىن سىرتقا تاسۋدى جەتكىلىكتى تاسىمال قۋاتىمەن قامتاماسىز ەتتى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى جۇك تاسىمال ءبولىمىنىڭ قاتىستى جاۋاپتىسى.
التاي - كوكتوعاي - جۇندۇڭ تەمىر جولى تۇتاس جەلى بويىنشا اشىلعاننان كەيىن، كوكتوعايدىڭ مەتال كەن بايلىقتارى ءۇرىمجى - جۇندۇڭ تەمىر جولىن اينالىپ وتپەي - اق، التايدان شىحىزى، ءۇرىمجى، قۇمىل سياقتى جەرلەرگە جەتكىزىلەتىن بولدى، بۇل سولتۇستىك شينجياڭ ءوڭىرى تەمىر جول تاسىمال ونىمدىلىگىن تۇبەگەيلى سەرپىلتىپ، ءوندىرىستى ۇيىمداستىرۋ ونىمدىلىگىن جوعارىلاتتى.
تاسىمال مولشەرىن جوعارىلاتىپ، جۇك تاسىمال مولشەرىنىڭ ارتۋىنا شىنايى كەپىلدىك ەتۋ ءۇشىن، شينجياڭ تەمىر جول تاراۋلارى كوكتوعاي بەكەتى جۇك الاڭىنىڭ قۋاتىن ارتتىرىپ، جاڭالاپ، بەكەتتىڭ تاسىمال قابىلەتىن ونان ارى جوعارىلاتتى.
”ءبىز جۇمىس ۋاقىتىن بەلسەنە قىسقارتىپ، جۇمىس ونىمدىلىگىن جوعارىلاتتىق. قازىر كوكتوعاي بەكەتىنەن كۇنىنە جولعا شىعاتىن كەزەكشى پويەز 3 كەزەكتەن 4 كەزەككە جەتتى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى جۇك تاسىمال ورتالىعى جۇندۇڭ تيجارات ءبولىمىنىڭ ورىنباسار ديرەكتورى چاڭ كۇن.
”التاي - كوكتوعاي - جۇندۇڭ تەمىر جولىنىڭ اشىلۋى كوكتوعاي - التاي - بەيتۇن - كۇيتۇن - قۇمىل ونىمدەرىنىڭ تاسىمال جاڭا ارناسىن قالىپتاستىرىپ، ءۇرىمجى - جۇندۇڭ تەمىر جولىنىڭ قىسىلتاياڭ جاعدايىن باسەڭدەتىپ، كاسىپورىنداردىڭ ونىمدەرىن ساتۋىنا قولايلى جول اشىپ بەردى“، - دەدى شينجياڭ ميڭحى قارجى قوسۋ شەكتى سەرىكتەستىگى تيجارات ءبولىمىنىڭ باستىعى جوۋ يانحاي.
2020 - جىلى 12 - ايدىڭ 6 - كۇنى التاي - كوكتوعاي - جۇندۇڭ تەمىر جولى اشىلىپ، ىسكە قوسىلىپ، لانجوۋ - شينجياڭ تەمىر جولىمەن، كۇيتۇن - بەيتۇن تەمىر جولىمەن، ءۇرىمجى - جياڭجۇنمياۋ تەمىر جولىمەن سولتۇستىك شينجياڭ تەمىر جول اينالما جەلىسىن قالىپتاستىردى، ءۇرىمجى، كۇيتۇن، قارامايلى، بەيتۇن، التاي، كوكتوعاي، جۇندۇڭ سياقتى جەرلەردى تۇتاستىرىپ، توڭىرەكپەن تۇتاسقان تەمىر جول اينالما جەلىسىن قالىپتاستىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
