- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەس تاۋار ءۇي بازارىن رەتتەۋ ناقتى ەرەجەسىن شىعارىپ، وزىنە تاۋەلدى ءۇيدى ساتقانداردان %20 تىك جەكەلىك تابىس باجىسىن الاتىن بولدى
2013.03.07 16:29 كەلۋ قاينارى : شينجياڭ حالىق راديو ستانسياسى تورابى
مەملەكەتتىك كەڭەس تاۋار ءۇي بازارىن رەتتەۋ ناقتى ەرەجەسىن شىعارىپ، وزىنە تاۋەلدى ءۇيدى ساتقانداردان %20 تىك جەكەلىك تابىس باجىسىن الاتىن بولدى، وسى سالاداعى قايراتكەرلەردىڭ مەجەلەۋىنە قاراعاندا، وسى اپتادان باستاپ ۇرىمجىدەگى كونە ءۇي بازارىندا ساۋدا مولشەرى قىسقا مەرزىم كۇرت ارتادى ەكەن.
ءۇرىمجى قالالىق قورا-جاي ساۋداسىن باسقارۋ مەكەمەسىنىڭ كونە ۇيلەر ساۋداسى زالىندا ۇيلەردى وتكەرۋگە بارعان قالا تۇرعىندارى ۇزىننان ۇزاققا قاتارعا تۇرىپ، زالدا ينە شانشار جەر قالمادى، ولاردىڭ كەيبىرەۋى اسىلىندە وسى كۇنى وتكەرۋ راسىمياتىن بىتىرمەك بولعاندار بولسا، كوپ ساندى ادام جاڭا ساياسات اتقارىلۋدان بۇرىن ساۋدانى تامامداپ، وتكەرمە راسىميات اقىسىن ازايتپاق ەكەن. قاتاردا تۇرعان بىرەۋ: «باجى مولشەرى %20 كە ارتقاننان كەيىن، اۋىرتپالىق ءۇي ساتىپ الۋشىعا تۇسەدى ەكەن، مۇنداي بولسا ءۇي اقىسى ورلەپ كەتەدى»،-دەدى.
كونە ءۇي ساۋدا ورتالىعىنىڭ جۇمىسى كۇرت ارتۋدان سىرت، قورا-جاي دانەكەرلەرى دە قاربالاستىققا ءتۇستى. مايا قورا-جاي سەرىكتەستىگىنىڭ قىزمەتكەرى ما شياندۇڭ تىلشىگە بىلاي دەدى: « وتكەن جۇما كەشتەن باستاپ، حاريدارلاردىڭ تەلەفونى تولاستامادى، ولار ءۇي ساۋداسىن الدىن الا ءبىتىرۋدى ءۇمىت ەتتى، جۇمىس ەكى دە ءۇش ەسە ارتتى. بۇرىن ولاردىڭ جۇمىسىن ءبىز ورنالاستىرىپ وتكەرمەلەۋ كۇنىن ۇقتىراتىنبىز، ال قازىر ولار اسىعىپ الدىمەن تەلەفون بەرىپ، %20 تىك باجى الۋ ساياساتى اتقارىلۋدان بۇرىن ساۋدانى ءبىتىرۋدى ءۇمىت ەتتى» دەدى.
قالا تۇرعىنى ليۋ مىرزا %20 تىك جەكەلىك تابىس باجىسىن الۋ ساياساتىنىڭ ءتيىمدى دە، ءتيىمسىز دە جاعى بار دەپ قاراپ: «بۇل ساياسات قالتالىلاردىڭ ءۇيدى كوپتەپ الۋىن شەكتەيدى، ياعني ءبىر ادامنىڭ كوپ ءۇي ساتىپ الۋ ماسەلەسىن تەجەيدى، الايدا شىنىندا ۇيگە مۇقتاج بۇقارا جونىنەن مۇنىڭ اۋىرتپالىعى جەڭىل ەمەس»،-دەدى.
جاڭا ساياسات جاڭادان سالىنعان تاۋار ۇيلەردىڭ باعاسىنا قانداي ىقپال جاسايدى؟ بۇل ماسەلەگە ءۇرىمجى جيالۇڭ قورا-جاي دەلدال شەكتى سەرىكتەستىگىنىڭ باس مەڭگەرۋشىسى چىن كۇي بىلاي دەپ قارادى: « جاڭا ساياساتتىڭ اتقارىلۋى جاڭادان سالىناتىن ۇيلەردىڭ باعاسىن ورلەتۋى مۇمكىن. وسى ساياسات قاز-قالپىندا اتقارىلسا، كونە ءۇي بازارىنىڭ ساۋداسى كۇرت ازايادى دا، حاريدارلار جاڭا ءۇي الۋعا تىرىسادى، سول سەبەپتى جاڭا ۇيلەردىڭ باعاسى ورلەۋى مۇمكىن، ءبىز وسى ساياسات اتقارىلعان كەزدە جەرگىلىكتى ورىن وزىنە لايىقتى ساياسات شىعاراما-جوقپا دەگەندى كۇتۋدەمىز، اتقارىلاتىن ناقتى ەرەجە جەر-جەردە پارىقتى بولۋى كەرەك»،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
