- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىز توقىماشىلىق، كيىم - كەشەك كاسىبىنىڭ دامۋىن قولدايتىن جاڭا ساياسات شىعاردى
وندىرىسكە ىستەتىلەتىن ەلەكتر باعاسى كيلوۆات - ساعاتىنا 0.38 يۋان بولادى
2015.01.07 14:21 كەلۋ قاينارى : ءتاڭىرتاۋ تورابى
ءتىلشىمىز جاڭ لەي 1 - قاڭتاردا ۇرىمجىدەن حابارلايدى. ءتىلشىنىڭ اۆتونوميالى رايوندىق دامۋ جانە رەفورما كوميتەتىنەن ۇعىسۋىنشا، بيىل 1 - قاڭتاردان باستاپ، اۆتونوميالى رايونىمىزداعى توقىماشىلىق، كيىم - كەشەك ونەركاسىپ كاسىپورىندارىنا كيلوۆات - ساعاتى 0.38 يۋاندىق ءبىر تۇتاس ەرەكشە ەلەكتر باعاسى ساياساتى قولدانىلادى ەكەن، بۇل اۆتونوميالى رايونىمىزدىڭ توقىماشىلىق، كيىم - كەشەك كاسىبىنىڭ دامۋىن قولداۋدا اتقارعان تاعى ءبىر جاڭا ساياساتى.
2014 - جىلى اۆتونوميالى رايونىمىز ورتالىقتىڭ رۋحىن مۇقيات دايەكتى تياناقتاندىرىپ، توقىماشىلىق، كيىم - كەشەك كاسىبىن بارىنشا دامىتۋدى كاسىپتەنۋ اياسىن كەڭەيتۋ، حالىق تۇرمىسىن جاقسارتۋ، شينجياڭنىڭ ورنىقتىلىعى مەن باياندى تىنىشتىعىن قورعاۋدى ىسكە اسىرۋداعى ماڭىزدى شارا رەتىندە قارادى، اۆتونوميالى رايونىمىز «توقىماشىلىق، كيىم - كەشەك كاسىبىن دامىتۋ ارقىلى كاسىپتەنۋدى جەتەكتەۋ جونىندەگى پىكىردى» شىعارىپ، «توقىماشىلىق، كيىم - كەشەك كاسىبىن دامىتۋ ارقىلى كاسىپتەنۋدى جەتەكتەۋ جوبا پروگرامماسىن (42014 - 2023)» جانە «توقىماشىلىق، كيىم - كەشەك كاسىبىن دامىتۋ ارقىلى كاسىپتەنۋدى جەتەكتەۋدىڭ 2014 - جىلعى ارەكەت جوباسىن» العا قويىپ، كۇشتى شوعىرلاندىرىپ، بايلىقتى بىرىكتىرە وتىرىپ وسى قىزمەتتى بار كۇشپەن ىلگەرىلەتتى. اۆتونوميالى رايوندىق دامۋ جانە رەفورما كوميتەتى تاياۋدا جەر - جەرگە «توقىماشىلىق، كيىم - كەشەك ونەركاسىپ كاسىپورىندارى پايدالاناتىن ەلەكتر باعاسى جونىندەگى ۇقتىرۋدى» تاراتتى.
جاڭادان اتقارىلعان ەلەكتر باعاسى ساياساتى توقىماشىلىق، كيىم - كەشەك ونەركاسىپ كاسىپورىندارى پايدالاناتىن ەلەكتردىڭ وزىندىك قۇنىن بارىنشا تومەندەتتى. ەلەكتر باعاسى ارزانداتىلۋدان بۇرىن، اۆتونوميالى رايونىمىزدىڭ توقىماشىلىق، كيىم - كەشەك ونەركاسىپ كاسىپورىندارى ىستەتەتىن ەلەكتر باعاسى كيلوۆات - ساعاتىنا 0.435 يۋاننان 0.425 يۋان ارالىعىندا ەدى. ەلەكتر باعاسى كيلوۆات - ساعاتىنا 0.38 يۋان بولىپ تۇراقتاندىرىلعاننان كەيىن، ەلەكتر باعاسى ەڭ كوپ بولعاندا %27.5تومەندەيدى. توقىماشىلىق، كيىم - كەشەك كاسىپورىندارىنىڭ 51022015 - جىلى ىستەتەتىن ەلەكتر مولشەرى مەجەسى بويىنشا ەسەپتەگەندە، كاسىپورىنداردىڭ جىلدىق ەلەكتر پايدالانۋ اقىسى 100 ميلليون يۋان ازايادى.
اۆتونوميالى رايوندىق دامۋ جانە رەفورما كوميتەتى مىنانى ءبىلدىردى: ەلەكتر باعاسىن ارزانداتۋ اۆتونوميالى رايونىمىزدىڭ توقىماشىلىق، كيىم - كەشەك كاسىبىنىڭ تەز قارقىنمەن اقاۋسىز دامۋى جونىنەن اسا كەلەلى مانگە يە. اتالعان ساياساتتىڭ اتقارىلۋى اۆتونوميالى رايونىمىزدىڭ توقىماشىلىق، كيىم - كەشەك كاسىبىنىڭ دامۋىن ءونىمدى جەتەكتەپ، ەرەكشە باسىمدىلىققا يە توقىماشىلىق، كيىم - كەشەك ونىمدەرىنىڭ بازارداعى باسەكەلىك قۋاتىن كۇشەيتىپ، كاسىپورىنداردىڭ پايدا تابۋ قۋاتىن جوعارىلاتىپ، شىعىس بولىك تەڭىز جاعالاۋى رايوندارىنداعى كاسىپ تىزبەگى باسىمدىلىعىنا يە توقىماشىلىق، كيىم - كەشەك كاسىپورىندارىنىڭ رايونىمىزعا ىرگە تەبۋىنە اناعۇرلىم تاماشا مۇمكىندىك جاسايدى. مۇنان سىرت، جەرگىلىكتى ورىننىڭ كاسىپتەنۋ ىستەرىنە اناعۇرلىم جەتەكشىلىك ەتىپ، كاسىپتەنۋ اياسىن ءتىپتى دە كەڭەيتىپ، اۆتونوميالى رايونىمىزدىڭ توقىماشىلىق، كيىم - كەشەك كاسىبىن دامىتۋ ارقىلى كاسىپتەنۋدى جەتەكتەۋ نىساناسىن ءتىپتى دە شاپشاڭ ىسكە اسىرادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
