- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتا، شاعىن، ۇساق كاسىپورىنداردىڭ قارجى تاپشىلىعى ماسەلەسى شەشىلدى
2015.10.21 14:28
تەكەس اۋدانى ءبىر قىدىرۋ ۇتىمدى شارالار قولدانىپ، قارجى توپتاپ، كاسىپورىنداردىڭ قارجى تاپشى بولۋ ماسەلەسىن ويداعىداي شەشىپ، ورتا، شاعىن، ۇساق كاسىپورىنداردىڭ دامۋ اياق الىسىن ىلگەرىلەتتى.
تاياۋدا اشىلعان ورتا، شاعىن، ۇساق كاسىپورىنداردىڭ قارجى توپتاۋ جيىنىندا وركەندەتۋ بانكەسىنىڭ وبلىستىق بولىمشە بانكەسى تەكەس اۋدانىنداعى 8 ورتا، شاعىن، ۇساق كاسىپورىندارمەن قارجى توپتاۋ كەلىسىمىنە قول قويىپ، جالپى 20 ميلليون 700 مىڭ يۋان قارجى كومەك بەرىپ، كاسىپورىنداردىڭ جاندانۋىن جەبەي ءتۇستى. تەكەس اۋداندىق ي - ان بيولوگيالىق ونىمدەر شەكتى جاۋاپكەرلىك سەرىكتىگىنىڭ مەڭگەرۋشىسى ما شىڭشياڭ ونەركاسىپ ساۋدا بانكەسىمەن كەلىسىم توقتامىنا قول قويىپ، 4 ميلليون يۋانعا قول جەتكىزىپ، كاسىپورىندى قايتا جانداندىرۋ ورايىنا يە بولدى.
تەكەس اۋداندىق ي - ان بيولوگيالىق ونىمدەر شەكتى جاۋاپكەرلىك سەرىكتىگىنىڭ مەڭگەرۋشىسى ما شىڭشياڭ: «بۇل بانكەنىڭ ءبىزدى مول قارىز اقشامەن قامداۋى ءبىزدىڭ كاسىپورىننىڭ دامۋ بولاشاعىن ءتىپتى دە جەبەي تۇسەدى. بىزگە زور كۇش - قۋات باعىشتايدى. ەندى ءبىز كاسىپورىندى جەدەل دامىتا الاتىن بولدىق»، - دەدى.
تەكەس اۋداندىق حۇينۇڭ ساۋىن سيىر باعىمشىلىعى كووپەراتيۆىنىڭ جاۋاپتىسى ۋ شيڭحۋا تىلشىگە: «بۇل رەتكى يە بولعان كەپىلدىك قارجى كووپەراتيۆىمىزدىڭ جەم - ءشوپ تولىقتاۋى مەن قوي، سيىر ساتىپ الۋ جاعىنداعى قيىنشىلىعىمىزدى شەشتى ءارى بۇل كووپەراتيۋىمىزدىڭ گۇلدەنۋىنە كورسەتكەن زور كومەك بولدى»، - دەدى.
قارجى قيىنشىلىعىن شەشىم ەتۋ _ كاسىپورىندار جونىنەن العاندا زور قوزعاۋشى كۇش. اسىرەسە، ورتا، شاعىن، ۇساق كاسىپورىندار جونىنەن مۇنىڭ ماڭىزى وتە زور. وسى رەتكى قارجى جيناۋ قيمىلى كوپتەگەن ورتا، شاعىن، ۇساق كاسىپورىننىڭ قارجى جاقتاعى ءىس جۇزىندىك ماسەلەسىن ءونىمدى شەشىپ، كاسىپورىنداردىڭ يقۋاتتانۋىن ونان ارى جەبەي تۇسەدى. سول كۇنگى ورتا، شاعىن، ۇساق كاسىپورىنداردىڭ قارجى توپتاۋ جيىنىندا وركەندەتۋ بانكەسى ۇلكەندى - كىشىلى 8 كاسىپورىنعا كەپىلدىك قارىز اقشا تاراتىپ، تەكەس اۋدانىنداعى ورتا، شاعىن، ۇساق كاسىپورىنداردى تاريحتان بەرى ەڭ مول قارىز اقشامەن قامدادى. تەكەس اۋداندىق تيانشيان بال ونىمدەرى شەكتى جاۋاپكەرلىك سەرىكتىگى وركەندەتۋ بانكەسىمەن 2 ميلليون يۋان قارجى كەلىسىمىنە قول قويىپ، زور قولداۋعا يە بولدى.
ۇستەگى جىلى تەكەس اۋدانى ورتا، شاعىن، ۇساق كاسىپورىنداردىڭ قارجى جەتىسپەۋ ماسەلەسىن ءونىمدى شەشۋ ءۇشىن كاسىپورىنداردىڭ ءىس جۇزىندىك جاعدايىنا قاراي تەكەس اۋداندىق قازىنا مەكەمەسى وبلىستىق قازىنالىق سەنىمدى قارىز توپتاۋ كەپىلدىك سەرىكتىگىمەن سەلبەسىپ، ورتا، شاعىن، ۇساق كاسىپورىنداردىڭ قارجى توپتاۋ جوسپارىن العا قويىپ، ورتا، شاعىن، ۇساق كاسىپورىنداردىڭ قارجى جەتىسپەۋ ماسەلەسىن ءونىمدى شەشتى. سونداي - اق ۇكىمەت، كاسىپورىن، بانكە، كەپىلدىك سەرىكتىگى سياقتى ءتورت جاق بىرلەسكەن قارجى توپتاۋ تاماشا اۋقىمىن جاراتتى.
وركەندەتۋ بانكەسى ىلە وبلىستىق بولىمشە بانكەسى ورتا، شاعىن، ۇساق كاسىپورىن كاسىپتىك ءبولىمىنىڭ باس باقىلاۋشىسى لينا: «ءبىز وسى رەت تەكەس اۋدانىنداعى ورتا، شاعىن، ۇساق كاسىپورىنداردى قارىز اقشامەن قامداۋدى ۇيعاردىق. وسىلاي بولعاندا عانا بۇل كاسىپورىنداردىڭ ومىرشەڭدىك قۋاتى ارتا تۇسەدى. ەندى ءبىر جاقتان، كاسىپورىنداردىڭ قارجى جاقتاعى قيىنشىلىعى شەشىلۋمەن بىرگە، ۇكىمەتتىڭ كاسىپورىنداردى دامىتۋ جاعىنداعى باسىمىن ءونىمدى جەڭىلدەتۋگە بولادى»، - دەدى.
ورتا، شاعىن، ۇساق كاسىپورىنداردىڭ قارجى جەتىسپەۋ ماسەلەسىن ءونىمدى شەشۋ ءۇشىن تەكەس اۋدانى ورتا، شاعىن، ۇساق كاسىپورىنداردى باسقارۋ قىزمەتىن كۇشەيتۋمەن بىرگە، يگىلىك تىكتەۋ، جاڭالىق جاراتۋ كۇش قۋاتىن ارتتىرىپ، ورتا شاعىن كاسىپورىن باقشا قۇرىلىسىن قۇرۋ اياق الىسىن جەدەلدەتكەندىكتەن، قازىرگە دەيىن 12 كاسىپورىن باقشا رايونىنا ىرگە تەۋىپ، مىڭنان استام بوس ەڭبەككۇشتىڭ كاسىپتەنۋ ماسەلەسى شەشىلىپ، ءوندىرىس قۇنى 100 ميلليون يۋانعا جەتىپ، تەكەس اۋداننىڭ قوعامدىق ەكونوميكاسىنىڭ دامۋىندا تۇرتكىلىك رول اتقارۋدا. گۇلبوستان ءابدىمۇقان قىزى، شاراپات تۇرعىنباي قىزى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
