بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەكونوميكا

ەكونوميكانى بار كۇشپەن ىلگەرىلەتىپ، ەڭبەكتىڭ ەكپىنىن ۇدەتتى

2016.08.23 13:35     كەلۋ قاينارى : شينجياڭ گازەتى

  رەداكتوردان

  ەلدىڭ ءىشى - سىرتىنداعى كۇردەلى جاعدايدا، بيىل الدىڭعى جارتى جىلدا شينجياڭ ەكونوميكاسى سايكەس مەزگىلدەگىدەن %8 ارتىپ، جالپى جاقتان ورنىقتى بولۋ، ورنىقتىلىق ىشىندە العا ىلگەرىلەۋ بەتالىسى بويىنشا كەلەسى جارتى جىلعا قادام تاستادى.

  14 - تامىزدا اشىلعان اۆتونوميالى رايوننىڭ ەكونوميكالىق قىزمەت جونىندەگى اڭگىمە ماجىلىسىندە، ماكرولىق ساياسات ورنىقتى بولۋ، شارۋاشىلىق ساياساتى ءدال بولۋ، ميكرولىق ساياسات يكەمدى بولۋ، رەفورما ساياساتى ناقتى بولۋ، قوعامدىق ساياسات تياناقتى بولۋداي جالپى وي جەلىسىنە تاباندى بولىپ، ورنىقتىلىق بارىسىندا ىلگەرىلەۋ، رەفورمادا جاڭالىق اشۋ، تۇيىندەردەن قامال الۋ، ىرىقتى ءارى دالمە - ءدال بولۋ پرينسيبىنەن جازباي، جالپى قاجەتتى لايىقتى كەڭەيتۋ، قامداۋ جاعىنداعى قۇرىلىمدىق رەفورمانى بۇلجىماي ىلگەرىلەتۋ، تاماشا دامۋ مەجەسىنە جەتەكشىلىك ەتۋ سىندى جالپىلىق ساياساتتاردى اتقارۋ ارقىلى ەكونوميكانىڭ ورنىقتى دامۋ بەتالىسىن قۇلشىنا ساقتاپ، «13 - بەسجىلدىق» جوبانى ىسكە اسىرۋدىڭ تاماشا باستاماسىن باستاۋ باسا دارىپتەلىپ، كەلەسى جارتى جىلداعى ەكونوميكالىق قىزمەتتى جاقسى ىستەۋدىڭ ستراتەگيالىق تۇيىندەرى مەن نەگىزگى باعىتتارى ايقىندالدى.

  سوڭعى كۇندەرى، اۆتونوميالى رايوننىڭ جەر - جەرى، تاراۋلار، كاسىپورىندار ىركەس - تىركەس جيىن اشىپ، ءماجىلىستىڭ رۋحىن ۇيرەنىپ جانە دايەكتىلەندىرىپ، يدەيا مەن ارەكەتتى ورتالىق پەن اۆتونوميالى رايوندىق پارتكومنىڭ ەكونوميكالىق قىزمەتتى جاقسى ىستەۋ تۋرالى تالاپتارىمەن شىنايى بىرلىككە كەلتىرىپ، سەنىمدى بەكەمدەپ، شىن يگەرىپ، ناقتى ىستەر ىستەپ، سوڭعى جارتى جىلداعى ەكونوميكالىق قىزمەتتى ويداعىداي ىستەۋگە بار كۇشىن سالدى.

  اۆتونوميالى رايوندىق دامۋ جانە رەفورما كوميتەتى ءتۇيىندى نىساندار مەن جاڭادان جۇمىس باستاعان قۇرىلىستاردى بار كۇشپەن ىلگەرىلەتۋ ۇستىندە؛ ەكونوميكا جانە ينفورماتسيالاندىرۋ كوميتەتى «اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسىنىڭ رۋحىن تياناقتاندىرۋ بويىنشا ەكونوميكا جانە ينفورماتسيالاندىرۋ كوميتەتىنىڭ مىندەت ءتىزىمى مەن شارالار ءتىزىمىن» شىعاردى؛ كەدەيلەردى سۇيەمەلدەۋ كەڭسەسى كەدەيلەردى سۇيەمەلدەۋدىڭ جىلدىق نىسانالىق مىندەتتەرىن كوزگە ۇستاپ، ىلگەرىلەتۋ، تياناقتاندىرۋ تەبىنىن ارتتىردى، جەرگىلىكتى سالىق مەكەمەسى «ىرىقتاندىرۋ، باسقارۋ، قىزمەت كورسەتۋ» رەفورماسىن تياناقتاندىرىپ، بازاردىڭ بەلسەندىلىگىنە دەم بەرۋدى تالاپ ەتتى...

  تۇرپان قالاسى سوڭعى جارتى جىلداعى ەكونوميكالىق قىزمەتتى جاقسى ىستەۋ جونىندە، ءتورت توڭىرەككە ساتۋدى جەدەلدەتۋ، ەلەكتر قۋاتىن سىرتقا جەتكىزۋدى بەلسەندى تۇردە ىلگەرىلەتۋ، اۋىل - قىستاقتاردى ەلەكترلەندىرۋدى جاقسى ىستەۋ، ءتۇيىندى نىسانداردى ىلگەرىلەتۋگە باسا ءمان بەرۋ، مەيىز بازارىنىڭ اينالىمىن كۇشەيتۋ، كاسىپورىنداردى بازارعا شىعارۋدى جەدەلدەتۋ سياقتى كوپ جاقتا ايقىن تالاپتاردى ورتاعا قويدى؛ ىلە قازاق اۆتونوميالى وبلىستىق دامۋ جانە رەفورما كوميتەتى سوڭعى جارتى جىلداعى نىسانداردى قايتا قاراپ، نىسانداردىڭ قۇرىلىس باستاۋى مەن نىساندارعا قارجى سالۋدىڭ ورىندالۋ مولشەرىن يگەردى ءارى ناقتى شارالاردى ورتاعا قويدى...

  وسىناۋ كورىكتى مەزگىلدە، قۇلاق تۇرسەڭىز، اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسىنىڭ رۋحىنىڭ جەتەكتەۋىمەن، تيانشاننىڭ تۇستىگى مەن تەرىستىگىندە ەكونوميكالىق قۇرىلىستى يگەرۋدىڭ ءجىتى ءارى اسقاق بارابان ءۇنىن ەستيسىز.

  جاڭا ارەكەتپەن جاڭا قالىپقا جەتەكشىلىك ەتتى

  جاڭا قالىپتا شينجياڭ ەكونوميكاسىنىڭ قايقاڭ - بەلەستەردەن اسۋىن قالاي ىلگەرىلەتۋگە بولادى؟ بۇل جاڭا ەمتيحان بازار ەكونوميكاسىنىڭ تىزگىنىن ۇستاۋ جونىندەگى اقىل - پاراسات پەن كۇردەلى جاعدايدى يگەرۋ جونىندەگى قابىلەتتى سىنعا سالادى. اۆتونوميالى رايوندىق پارتكومنىڭ تولىمدى ناتيجە العانى انىق.

  14 - تامىزدا اشىلعان اۆتونوميالى رايوننىڭ ەكونوميكالىق قىزمەت جونىندەگى اڭگىمە ماجىلىسىندە، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان: «الدىڭعى جارتى جىلداعى ەكونوميكالىق اينالىم جالپى جاقتان جاقسى بەتالىسقا قاراي ورنىقتى ىلگەرىلەپ، قايتا سەرپىلۋ جاعدايى كورنەكتى بولدى، قۇرىلىمعا بۇرىلىس جاساۋ تەزدەپ، قاجەتتەن اسىپ قالعان ءوندىرىس قۋاتىن ازايتۋدىڭ، قامبادا باسىلىپ قالۋدى ازايتۋدىڭ، وزىندىك قۇندى تومەندەتۋدىڭ العاشقى ءونىمى بايقالا باستادى، كاسىپتەندىرۋ جاعدايى ورنىقتى بولىپ، حالىق تۇرمىسىنىڭ جاقسارۋى تەزدەپ، قوعامدىق جالپى جاعدايدىڭ ورنىقتىلىعى ساقتالىپ، تاماشا ناتيجەلەرگە قول جەتتى» دەپ قورىتىندىلادى.

  جىل ورتاسىندا ەكونوميكالىق قىزمەت جونىندە اڭگىمە ءماجىلىس اشىپ، الدىڭعى جارتى جىلداعى ەكونوميكالىق جاعدايعا تالداۋ جاساپ، سوڭعى جارتى جىلداعى ەكونوميكالىق قىزمەتكە زەرتتەۋ جۇرگىزىپ، ورنالاستىرۋ جاساۋ − جاڭا ارەكەت ارقىلى جاڭا قالىپقا جەتەكشىلىك ەتۋدىڭ ناقتى كورىنىسى.

  اۆتونوميالى رايوندىق پارتكوم وسى رەتكى ەكونوميكالىق قىزمەت جونىندەگى اڭگىمە ماجىلىسكە ەرەكشە نازار اۋداردى − جاڭ چۇنشيان شۋجي ارنايى تۇردە قاتىستى مەڭگەرمە، مەكەمەلەرمەن، كاسىپورىندارمەن 2 رەت اڭگىمە ءماجىلىسىن باسقارىپ اشىپ، ءبىر قاتار كاسىپورىنداردا جۇمىس باسىندا تەكسەرۋ - زەرتتەۋ جۇرگىزدى؛ قاتىستى تاراۋلار كوپتەگەن دايىندىق جۇمىستار جاسادى، اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە سوڭعى جارتى جىلداعى ەكونوميكالىق قىزمەتكە ارناۋلى ورنالاستىرۋ جاسالىپ، سوڭعى جارتى جىلداعى ءتۇيىندى ەكونوميكالىق قىزمەتتەردى جاقسى ىستەپ، اۆتونوميالى رايون ەكونوميكاسىنىڭ باياندى، ورنىقتى ارتۋىن جەبەۋ جونىندەگى 12 جاقتاعى 85 ءتۇرلى ناقتى شارا ورتاعا قويىلدى.

  اۆتونوميالى رايوندىق جەرگىلىكتى سالىق مەكەمەسى پارتيا باسشىلىق گرۋپپاسىنىڭ شۋجيى جاۋ ۋي بىلاي دەپ قارادى: اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسىنىڭ ءساتتى اشىلۋى اۆتونوميالى رايوندىق پارتكومنىڭ قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكونوميكالىق دامۋدى بار كۇشپەن ىلگەرىلەتۋ جونىندەگى بەكىمى مەن سەنىمىن ايگىلەدى. 12 جاقتاعى 85 ناقتى شارا اۆتونوميالى رايوندىق پارتكومنىڭ سىندارلى بيلىك قۇرىپ، دالمە - ءدال شارالار اتقاراتىن بيلىك جۇرگىزۋ ستيلىن ايگىلەدى. جاعدايعا وبيەكتيۆ، جان - جاقتى، تەرەڭ تالداۋ جاساۋ ءبىزدىڭ كەلەسى جارتى جىلداعى ءتۇرلى قىزمەتتى جاقسى ىستەۋىمىزگە نەگىز قالاپ، باعىت - باعدار سىلتەدى.

  اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى جاڭ چۇنلين بىلاي دەدى: الدىڭعى جارتى جىلداعى ءتۇرلى ەكونوميكالىق كورسەتكىش شينجياڭنىڭ ەكونوميكالىق دامۋىنىڭ ومىرشەڭدىك كۇشى مەن مۇمكىندىكتەرىن تولىق دالەلدەدى ءارى اۆتونوميالى رايوننىڭ قارجى سالۋ، قازىنا - سالىق، قوعامدىق قامتاماسىزداندىرۋ سياقتى ساياساتتارىنىڭ قۇراما اسەرىنىڭ بىرتە - بىرتە كورنەكتىلەنىپ، ءونىمدى ناتيجە بەرە باستاعانىن تولىق دالەلدەدى، بۇل كەلەسى جارتى جىلداعى ەكونوميكالىق قىزمەتتى جاقسى ىستەۋگە بەرىك نەگىز قالادى.

  سوڭعى جارتى جىلداعى ەكونوميكالىق قىزمەتتىڭ ءتۇيىنىن ءدال يگەرەيىك

  «بۇگىن − جاقسى كۇن، مەنى سۋرەتكە ءتۇسىرىپ قويساڭىز، باستىسى، ءۇيدى ءتۇسىرىڭىز». 18 - تامىزدا شايار اۋدانى گۇلباق قالاشىعى اياققى كولدەش قىستاعىنىڭ جارتى عاسىردان استام ۋاقىت وتىرعان تام ۇيىنە قوشتاسىپ، جاڭا ءۇيىنىڭ الدىندا تۇرعان تۇرعىنى سامەت روزى ءماز بولىپ، قىستاقتا تۇراتىن قىزمەت گرۋپپاسىنىڭ كادرلارىمەن ەستەلىك سۋرەتكە ءتۇستى.

  سامەت − اۆتونوميالى رايوننىڭ كەدەي وتباسىلارىنىڭ حاۋىپتى ۇيلەرىن جاڭالاۋ نىسانىنىڭ يگىلىگىن كورۋشى. بايتاق شينجياڭ سالاسىندا، حاۋىپتى ۇيلەردى جاڭالاۋ مەن قونىس ورتاسىن جاقسارتىپ، كەدەيلەردى سۇيەمەلدەۋ ارەكەتى، قىستاق بويىنشا ىلگەرىلەتۋ ينجەنەرياسى، كەدەيلەردى وقۋ - اعارتۋ ارقىلى سۇيەمەلدەۋ سياقتى كەدەيلەردى سۇيەمەلدەۋ جونىندەگى 10 نەشە ينجەنەريانىڭ يگىلىگىن كورىپ، كەدەيلىكتىڭ اۋىلىنان الىستاي باستاعان سامەت سياقتى ادامدار وتە كوپ.

  «اۆتونوميالى رايوننىڭ ەكونوميكالىق قىزمەتى جونىندەگى اڭگىمە ماجىلىسىندە ولقىلىقتاردى تولىقتىرۋدا دالمە - ءدال، ءونىمدى بولۋ العا قويىلدى. ءبىز الدىڭعى جارتى جىلداعى دالمە - دال انىقتاۋ قىزمەتىنىڭ نەگىزىندە، كەلەسى جارتى جىلداعى قىزمەتتەردى قۇلشىنا جاقسى ىستەپ، كەدەيلەردى سۇيەمەلدەۋدەن قامال الۋدىڭ بيىلعى مىندەتتەرىن ورىنداۋعا كەپىلدىك ەتەمىز»، - دەدى اۆتونوميالى رايوندىق كەدەيلەردى سۇيەمەلدەۋ كەڭسەسى جالپىلىق باسقارماسىنىڭ باستىعى ساي گۋلياڭ.

  ءىستىڭ ەبىن تاپقان از كۇشپەن كوپ جۇمىس بىتىرەدى.

  كەلەسى جارتى جىلداعى ەكونوميكالىق قىزمەتتى جاقسى ىستەۋدىڭ تەتىگى − قامداۋ جاعىنداعى قۇرىلىمدىق رەفورمانى ىلگەرىلەتۋ، اسىرەسە، «ءۇشتى كەمىتۋ، ءبىردى تومەندەتۋ، ءبىردى تولىقتىرۋ» سىندى 5 ءتۇيىندى مىندەتكە كۇش سالىپ، ناقتى ونىمدىلىككە تالپىنۋ قاجەت .

  ءۇرىمجى كەدەنى كەدەندىك سىرتقى ىستەر سەلبەستىك اياسىن ۇزبەي كەڭەيتىپ، ءۇرىمجى تەمىر جول كەدەنىنىڭ، تۇرپان اۋەجايىنىڭ جانە قۇلجا اۆياتسيا كەدەنىنىڭ سىرتقا ەسىك اشۋى، سونداي - اق حۇنجىراپ كەدەنى مەن تەمىرتام كەدەنىن جىل بويى اشىق ۇستاۋعا قاتىستى قىزمەتتەردى ويداعىداي ىستەپ، جۇڭگو - موڭعۇليا، جۇڭگو - پاكيستان كەدەنىنەن اۋىل شارۋاشىلىق ونىمدەرىن جەدەل وتكىزۋ «جاسىل ارناسىن» اشۋدى بەلسەنە ىلگەرىلەتەدى.

  شينجياڭ فينانس كاسىبى سەنىمدى قارىز قۇرىلىمىن بارىنشا رەتتەپ، ساپالىلاندىرىپ، قارجى قۇراۋ ارناسىن اناعۇرلىم كەڭەيتىپ، قارجى قۇراۋداعى وزىندىك قۇندى ۇزبەي تومەندەتىپ، قوعامدىق قارجى قۇراۋ كولەمى، بانكە سەنىمدى قارىزى، سونداي - اق تىكە قارجى قۇراۋ سىندى «ءۇش %10تىك» «ۇلكەن فينانستىق» ارتۋ نىساناسىن ىسكە اسىرۋعا كەپىلدىك ەتىپ، شينجياڭنىڭ ەكونوميكالىق، قوعامدىق دامۋىنا پارمەندى فينانستىق كەپىلمەن قامدايدى.

  اۆتونوميالى رايوندىق ەكونوميكا جانە ينفورماتسيالاندىرۋ كوميتەتى «تەز ءونىم بەرەتىن» نىساندارعا قول قويىسۋ سالتىن ۇيىمداستىرىپ، جاۋاپكەرلىكتى تياناقتاندىرىپ، «تەز ءونىم بەرەتىن» 1200 نساننىڭ دامۋدى جەبەۋدەگى، كاسىپتەنۋگە جەتەكشىلىك ەتۋدەگى، حالىق تۇرمىسىن جاقسارتۋداعى ماڭىزدى رولىن تولىق ساۋلەلەندىرەدى...

  شينجياڭ ەكونوميكاسىنىڭ دامۋىن العا تاعى ءبىر قادام ىلگەرىلەتۋ

  سوڭعى جارتى جىلدىق ەكونوميكالىق قىزمەتتى ويداعىداي ىستەۋدە كوزدەگەن تاماشا دامۋعا جەتەكشىلىك ەتۋ كەم بولسا بولمايدى.

  كەزەكتە، شينجياڭنىڭ ەكونوميكالىق اۋقىمى جالپى جاقتان جاقسى، ارتۋى بۇكىل ەل بويىنشا تەز، قايتا ورلەۋ بەتالىسى بۇكىل مەملەكەتتەن جاقسى، جۇمىسقا ورنالاسۋ بەتالىسى دا جامان ەمەس، ەلەكتردەن پايدالانۋ، اۋەجايدىڭ جولاۋشى جونەلتۋ مولشەرى سياقتىلاردىڭ ارتۋى بۇكىل ەل بويىنشا الدىڭعى قاتاردا. اسىرەسە، بىزدە جىبەك جولى ەكونوميكالىق بەلدەۋىنىڭ وزەكتى رايونىن قۇرۋ سىندى ماڭىزدى باسىمدىلىق پەن وراي تۇرعاندا، وسى بىرنەشە جىلدا توپتاعان نەگىزىمىز بەن تاجىريبەمىز تۇرعاندا، جاۋاپكەرلىكتى باتىلدىقپەن ارقالايتىن، ناقتى ونىمگە تالپىناتىن رۋحاني كۇيىمىز تۇرعاندا، تەك ءتۇرلى ساياساتتاردى تياناقتاندىرۋدى مىقتاپ يگەرسەك، شينجياڭنىڭ ەكونوميكاسىندا تىڭ بەت - بەينە اشىلاتىنى داۋسىز.

  سەنىم التىننان دا قاستەرلى، مەجەنىڭ تۇراقتى بولۋى، سەنىمنىڭ ارتۋى بازاردىڭ سۋبيەكتيۆتىك ومىرشەڭدىگىن ارتتىرۋعا، ەكونوميكالىق دامۋدىڭ قوزعاۋشى كۇشىن تۋىنداتۋعا پايدالى.

  ونىڭ ۇستىنە، جاڭ چۇنشيان شۋجي مىنانى قايتا - قايتا دارىپتەگەن: يدەيانى اناعۇرلىم ازات ەتىپ، وزگەرىس، رەفورما جاساپ، داعدىلى، شەكتى ويلاۋدى تالقانداپ، قولداۋ سيپاتتى، جەبەۋ سيپاتتى، رەفورما سيپاتتى ۇشان - تەڭىز شارالاردى قولدانىپ، تۇتاس قوعامدا كاسىپورىنداردىڭ دامۋىن قولدايتىن ورتا قالىپتاستىرىپ، شينجياڭ ەكونوميكاسىنىڭ باياندى، ورنىقتى، اقاۋسىز دامۋىنداعى سەنىمدى بەكەمدەۋ كەرەك.

  شينجياڭ قاراقاش اۋدانى حاۋكۇن اۋىل شارۋاشىلىعىن دامىتۋ شەكتى سەرىكتەستىگىنىڭ باس جوراسى فان ايگو بىلاي دەدى: 12 جاقتاعى 85 ناقتى شارا حالىقتىق شارۋاشىلىقتى جاڭا كاسىپ، جاڭا فورماتسيانى دامىتۋعا شابىتتاندىرىپ، شينجياڭ ەرەكشەلىگىنە يە اۋىل شارۋاشىلىعى قوسىمشا ونىمدەرىن جىنتىكتەي وڭدەۋ ىستەرىن دامىتۋدى تەزدەتىپ، كاسىپورىندارعا ءتىپتى جارقىن دامۋ بولاشاعىن كورسەتىپ، سەنىمىن ارتتىردى. سوندىقتان، عىلىم - تەحنيكادا جاڭالىق اشۋ سيپاتتى كاسىپورىن رەتىندە، بازار قاجەتىنە ساي، جۇرتشىلىق ۇناتا قابىلدايتىن جوعارى ساپالى اۋىل شارۋاشىلىعى قوسىمشا ونىمدەرىن وندىرۋمەن بىرگە، كاسىپورىن مەن ەرەن بازاردىڭ سەلبەستىگىن اناعۇرلىم كۇشەيتىپ، ەلەكتروندى ساۋدانى دامىتىپ، كاسىپورىندى زورايتىپ، قۇدىرەتتەندىرەمىز.

  ورتالىق پەن اۆتونوميالى رايوندىق پارتكومنىڭ ءاربىر ورنالاستىرۋىندا تۇگەلدەي اتقارۋ قۋاتى قابىسقان؛ «شينجياڭ ەكونوميكاسىنىڭ دامۋىن العا تاعى ءبىر قادام ىلگەرىلەتۋ» نىساناسىن ىسكە اسىرۋ تابانىمىزدىڭ استىنداعى ءاربىر قادامدا جاتىر.

  (تىلشىلەرىمىز شى شين، ما ينيڭ، يۋە يانيۇن، ۋاڭ يۇڭفي، جۇڭ شيۋليڭ، ياۋ تۇڭ، قاسيەت جۇما، ەرىكتى تىلشىلەر ليۋ يا، شى شۋەحۇڭ، جۋ حايبين)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.