التاي تاۋى اينالاسىنداعى وڭىرلەردىڭ ەكونوميكالىق سەلبەستىك حالىقارالىق تالقىسى جانە قارجىلاندىرۋ، ساۋدا كەڭەسى شينجياڭدا اشىلدى

2016.09.19 14:39   كەلۋ قاينارى : حالىق تورابى

　　حالىق تورابى، 19 – قىركۇيەك، بەيجيڭ. 4 – كەزەكتى جىبەك جولى ەكونوميكالىق بەلدەۋى التاي تاۋى اينالاسىنداعى وڭىرلەردىڭ ەكونوميكالىق سەلبەستىك حالىقارالىق تالقىسى جانە قارجىلاندىرۋ، ساۋدا كەڭەسى 18 – قىركۇيەك كۇنى ۇرىمجىدە اشىلدى. شينجياڭ ۇيعۇر اۆتونوميالى رايونى التاي ايماعى، رەسەيدىڭ التاي رەسپۋبليكاسى، التاي شەكارا رايونى، تۇبا رەسپۋبليكاسى، قازاقستاننىڭ شىعىس قازاقستان وبلىسى، موڭعۇليانىڭ بايانولگەي ايماعى، زابحان ايماعى قاتارلى جەرلەردىڭ ۇكىمەت ۋاكىلدەرى، سونداي – اق، قاتىستى ماماندارى، كاسىپورىن سالاسىنىڭ ۋاكىلدەرى بولىپ ەلىمىزدىڭ ءىشى - سىرتىنان جيىنى 230 ادام ءبىر اراعا باس قوسىپ، تۇرلىشە تۇرعىدان، تۇرلىشە جىكتەن قارجىلاندىرۋ، ساۋدا، عىلىم – تەحنيكا، ينفورماتسيا، ساياحات، وقۋ – اعارتۋ، مادەنيەت، قازاق ەمشىلىگى، اۋىل شارۋاشىلىعى، فينانس جاعىنداعى سەلبەستىك قاتارلى ارناۋلى تاقىرىپتار بويىنشا ىشكەرىلەي زەرتتەۋ جۇرگىزىپ، تالقى ورىستەتتى.

　　كەلۋ قاينارى: حالىق تورابى