2016 – جىلعى جۇڭگو حالىقارالىق ساياحات - ساۋدا جينالىسىندا شينجياڭ ەڭ ۇزدىك ۇيىمداستىرۋ سيلىعىن، تاڭداۋلى كورمە تەكشەسى سيلىعىن قانجىعالادى

2016.11.16 13:31   كەلۋ قاينارى : حالىق تورابى

　　حالىق تورابى، 16 – قاراشا، بەيجيڭ. ءتاڭىر تاۋ تورابىنىڭ 14 – قازان كۇنگى حابارى، ءتىلشىنىڭ جۋىردا عانا جابىلعان 2016 – جىلعى جۇڭگو حالىقارالىق ساياحات - ساۋدا جينالىسىنان (تومەندە قىسقارتىلىپ ساياحات - ساۋدا جينالىسى دەپ اتالادى) ۇعىسۋىنشا، شينجياڭ ۇيعۇر اۆتونوميالى رايونى اتالعان سالتاناتتى جينالىستا ەڭ ۇزدىك ۇيىمداستىرۋ سيلىعىن، تاڭداۋلى كورمە تەكشەسى سيلىعىن قانجىعالاعان.

　　ۇعىسۋعا قاراعاندا، جىلىنا ءبىر وتكىزىلەتىن حالىقارالىق ساياحات - ساۋدا جينالىسى ازياداعى ساياحات سالاسىنىڭ ەڭ كولەمدى ساۋدا جينالىسى بولىپ، الەمدىك ساياحات سالاسىنىڭ نازارىن اۋداراتىن حالىقارالىق ساياحات ءىرى ىستەرىنىڭ ءبىرى. 2016 – جىلعى جۇڭگو حالىقارالىق ساياحات - ساۋدا جينالىسىن جۇڭگو مەملەكەتتىك ساياحات مەكەمەسى، جۇڭگو حالىقتىق اۆياتسيا مەكەمەسى، شاڭحاي قالالىق حالىق ۇكىمەتى بىرلىكتە وتكىزگەن. كورمەگە 106 مەملەكەت جانە رايون قاتىناسقان.

　　كەلۋ قاينارى: حالىق تورابى