- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2017 – جىلعى جۇڭگونىڭ ەكونوميكاسى جونىندە قانداي جاڭا سيگنالدار بار
ورتالىقتىڭ ەكونوميكالىق قىزمەت ماجىلىسىندەگى 6 نەگىزگى تۇيىنگە تۇسىنىك
شينحۋا اگەنتتىگى «شينحۋا بايقاۋىنىڭ» تىلشىلەرى ياڭ ي – چىن، گان چۋان، شياڭ جىچياڭ، لين حۇي، يوۋ چيۇڭيۋان
2016.12.19 16:02 كەلۋ قاينارى : حالىق تورابى
2017 – جىل ــ «13 – بەس جىلدىق» جوسپاردىڭ اتقارىلۋىنداعى ماڭىزدى جىل، قامداۋ تۇرىندەگى قۇرىلىمدىق رەفورما جەبەلەتىن جىل. 14 – جەلتوقساننان 16 – جەلتوقسانعا دەيىن وتكىزىلگەن ورتالىقتىڭ ەكونوميكالىق قىزمەت ماجىلىسىندە 2017 – جىلداعى جۇڭگو ەكونوميكاسى جونىندە قانداي جاڭا سيگنالدار تاراتىلدى؟
اسىپ قالعان ءوندىرىس قۋاتىن ازايتۋ: «سۇلدەرى قالعان كاسىپورىنداردى» ءبىر جاقتى ەتۋ بۇيداسىن مىقتى ۇستاپ، قالىپتان تىس اسىپ قالعان ءوندىرىس قۋاتىنىڭ قايتا جاندانۋىنان ساقتانۋ كەرەك
ماجىلىستە مىناۋ ورتاعا قويىلدى: قاجەتتەن اسىپ قالعان ءوندىرىس قۋاتىن ازايتۋ جاعىندا، بولات – تەمىر، كومىر كاسىپ سالاسىندا قاجەتتەن اسىپ قالعان ءوندىرىس قۋاتى ماسەلەسىن شەشۋ كەرەك. «سۇلدەرى قالعان كاسىپورىنداردى» ءبىر جاقتى ەتۋ بۇيداسىن مىقتى ۇستاپ، قورشاعان ورتا، ەنەرگيانىڭ جۇمسالىمى، ساپا، حاۋىپسىزدىك سياقتىلارعا قاتىستى زاڭ، زاڭ – ەرەجەلەر مەن ولشەمدەردى قاتاڭ اتقارىپ، شارت – جاعداي ازىرلەپ، كاسىپورىنداردىڭ قوسىلىپ قايتا قۇرىلۋىن ىلگەرىلەتىپ، كاسىپورىنداردىڭ قارىزىن لايىقتى ءبىر جاقتى ەتىپ، ونداعى قىزمەتكەرلەردى ورنالاستىرۋ قىزمەتىن جاقسى ىستەۋ كەرەك. الدەقاشان ءبىر جاقتى ەتىلگەن ءوندىرىس قۋاتىنىڭ قايتا جاندانۋىنان ساقتانۋ، سونىمەن بىرگە، بازار، زاڭمەن جونگە سالۋ ادىسىنەن پايدالانىپ، ءوندىرىس قۋاتى قالىپتان تىس اسىپ قالعان باسقا سالالارداعى قاجەتتەن ارتىق ءوندىرىس قۋاتىن ازايتۋ قىزمەتىن جاقسى ىستەۋ كەرەك.
قامبادا باسىلىپ قالۋدى ازايتۋ جاعىندا: قالالارعا، وڭىرلەرگە قاراي شارا قولدانىپ، قالالاردى ۇشتاستىرۋ كەرەك
ماجىلىستە مىناۋ ورتاعا قويىلدى: قامبادا باسىلىپ قالۋدى ازايتۋ جاعىندا، تۇرگە ءبولىپ رەتتەۋ – مەڭگەرۋدە تاباندى بولىپ، قالالارعا، وڭىرلەرگە قاراي شارا قولدانىپ، 3 -، 4 – ساتىداعى قالالارداعى قورا – جايدىڭ قامبادا تىم كوپ باسىلىپ قالۋ ماسەلەسىن ءتۇيىندى شەشۋ كەرەك. قامبادا باسىلىپ قالۋدى ازايتۋدى حالىقتى قالا – قالاشىقتاندىرۋمەن بىرلەستىرىپ، 3 -، 4 – ساتىداعى قالالار مەن ەرەكشە ءىرى قالالار اراسىنداعى نەگىزدىك قۇرىلعىلاردىڭ بايلانىسىن جوعارىلاتىپ، 3 -، 4 – ساتىداعى قالالاردىڭ ءبىلىم بەرۋ، ەمدەۋ سياقتى الەۋمەتتىك قىزمەت دەڭگەيلەرىن جوعارىلاتىپ، اۋىل – قىستاقتاعى بوس ەڭبەككۇشتەردى باۋراۋ قۋاتىن ارتتىرۋ كەرەك.
ەرەكشە ءىرى قالالار قالانىڭ ءبىر ءبولىم فۋنكتسيالارىن ۇتىمدى تارماقتاپ، توڭىرەكتەگى ورتا، شاعىن قالالاردىڭ دامۋىن جەتەكتەۋى كەرەك.
ناقتى ەكونوميكانى كوركەيتۋ جاعىندا: جوعارى ساپالى ونىمدەرمەن جانە قىزمەت وتەۋمەن قامداۋدى كەڭەيتۋ جاعىندا ماجىلىستە مىناۋ ورتاعا قويىلدى: ناقتى ەكونوميكانى كۇش سالا كوركەيتۋ كەرەك. ساپا مەن وزەكتى باسەكەلىك قۋاتتى جوعارىلاتۋدى ءتۇيىن ەتىپ، جاڭالىق اشۋدى جەتەكشى ەتكەن دامۋدا تاباندى بولىپ، جوعارى ساپالى ونىمدەرمەن جانە قىزمەت وتەۋمەن قامداۋدى كەڭەيتۋ كەرەك. ساپانى ءبىرىنشى ورىنعا قوياتىن كۇشتى تانىم ورناتىپ، ساپانى جوعارىلاتۋ ارەكەتىن ورىستەتىپ، ساپا ولشەمىن جوعارىلاتىپ، ساپا باسقارۋدى جاپپاي كۇشەيتۋ كەرەك. كاسىپورىنداردى وزىنە ءتان دارا سالىستىرمالى ارتىقشىلىق قالىپتاستىرۋعا جەتەكتەپ، «شەبەرلەر رۋحىن» ساۋلەلەندىرىپ، ماركا قۇرىلىسىن كۇشەيتىپ، «عاسىرلىق دۇكەندەردى» كوپتەپ جەتىلدىرىپ، ونىمدەردىڭ باسەكەلىك قۋاتىن كۇشەيتۋ كەرەك.قورا – جاي بازارى جاعىندا: «تۇرعىن ءۇي الىپ – ساتارلىق ءۇشىن ەمەس، تۇرۋ ءۇشىن سالىنادى» دەيتىن تانىمدى كۇشەيتۋ كەرەكماجىلىستە مىناۋ ورتاعا قويىلدى: «تۇرعىن ءۇي الىپ – ساتارلىق ءۇشىن ەمەس، تۇرۋ ءۇشىن سالىنادى» دەيتىن تانىمدا تاباندى بولىپ، فينانس، جەر، قازىنا – باجى، قارجى قوسۋ، زاڭ شىعارۋ سياقتى تاسىلدەردەن جالپىلىق پايدالانىپ، مەملەكەت جاعدايىنا ساي كەلەتىن، بازار زاڭدىلىعىنا ۇيلەسەتىن نەگىزدىك تۇزىمدەر مەن باياندى مەحانيزمدەردى جەدەل زەرتتەۋ، ورناتۋ، قورا – جاي كوپىرشىگىن تەجەۋمەن بىرگە، كۇرت جوعارىلاتىپ، كۇرت تۇسۋدەن دە ساقتانۋ كەرەك. ماكرلىق جاقتا اقشانى مەڭگەرىپ، ميكرولىق قارىز ساياساتىندا ءوزى تۇراتىن ءۇيدى ۇيلەسىمدى ساتىپ الۋعا قولداۋ كورسەتىپ، قارىزدىڭ قارجى قوسۋ ورايشىلدىعى سيپاتتى ءۇي ساتىپ الۋدى قاتاڭ شەكتەۋ كەرەك.
مەملەكەت مەنشىگىندەگى كاسىپورىندار رەفورماسىندا: ارالاس مەنشىك ءتۇزىمى رەفورماسى ــ مەملەكەت مەنشىگىندەگى كاسىپورىندار رەفورماسىنىڭ ماڭىزدى شىعار جولىماجىلىستە مىناۋ ورتاعا قويىلدى: مەملەكەت مەنشىگىندەگى كاسىپورىندار، مەملەكەت قارجىلاندىرعان كاسىپورىندار رەفورماسىن تەرەڭدەتىپ، سەرىكتىكتىڭ زاڭدى تۇلعاسىن ءونىمدى تەجەيتىن جونگە سالۋ قۇرىلىمىن، يكەمدى، جوعارى ءونىمدى بازارلانعان تيجارات مەحانيزمىن جەدەل قالىپتاستىرۋ كەرەك. ارالاس مەنشىك ءتۇزىمى رەفورماسى ــ مەملەكەت مەنشىگىندەگى كاسىپورىندار رەفورماسىنىڭ ماڭىزدى شىعار جولى، جونگە سالۋدى كەمەلدەندىرۋ، شابىتتاندىرۋدى كۇشەيتۋ، نەگىزگى كاسىپتى كورنەكتىلەندىرۋ، ونىمدىلىكتى جوعارىلاتۋ تالابى بويىنشا ەلەكتر، مۇناي، تابيعي گاز، تەمىر جول، حالىقتىق اۆياتسيا، تەلەگراف، اسكەري ونەركاسىپ سياقتى سالالاردا نىق قادام تاستاۋ كەرەك.
فينانس قاتەرى جاعىندا: فينانس قاتەرىنەن ساقتانۋدى جانە ونى تەجەۋدى ماڭىزدى ورىنعا قويۋ كەرەك
ماجىلىستە مىناۋ ورتاعا قويىلدى: فينانس قاتەرىنەن ساقتانۋدى جانە ونى تەجەۋدى ماڭىزدى ورىنعا قويىپ، ءبىر توپ حاۋىپ – قاتەر ءتۇيىنىن ءبىر جاقتى ەتۋگە بەل بايلاپ، مال – مۇلىكتىڭ كوپىرشىكتەنۋىنەن ساقتانۋعا كۇش سالىپ، باقىلاپ – باسقارۋ قۋاتىن ارتتىرىپ جانە جاقسارتىپ، جۇيەلىك فينانس حاۋىپ – قاتەرىنىڭ تۋىلماۋىنا كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
