«ءبىر بەلدەۋ، ءبىر جول» قۇرىلىسىنا نەلىكتەن اقشا جۇمساۋعا تۋرا كەلەدى؟ بۇل اقشالار قالاي جۇمسالادى؟
ــ ساۋدا مينيسترلىگى شەتەلگە كومەكتەسۋ مەڭگەرمەسىنىڭ جاۋاپتىسى «ءبىر بەلدەۋ، ءبىر جول» سەلبەسە دامۋ نىساندارى تۋرالى تۇسىنىكتەمە جاسادى
شينحۋا اگەنتتىگى يۇي جياشين، لي مىڭ
2017.05.16 14:24 كەلۋ قاينارى : حالىق تورابى
جۇڭگو الداعى ءۇش جىلدا «ءبىر بەلدەۋ، ءبىر جول» قۇرىلىسىنا قاتىناساتىن دامۋ ۇستىندەگى ەلدەر مەن حالىقارالىق ۇيىمدارعا 60 ميلليارد يۋان كومەك بەرەدى، تۇستىك ەلدەر سەلبەستىگى كومەك قورىنا ءبىر ميلليارد ا ق ش دوللارىن ارتتىرادى، قاتىستى حالىقارالىق ۇيىمداردى ءبىر ميلليارد يۋانمەن قامدايدى...
«ءبىر بەلدەۋ، ءبىر جول» حالىقارالىق سەلبەستىك فورۋمىندا، باس شۋجي شي جينپيڭ جاريالاعان ءتۇرلى شارالار «ءبىر بەلدەۋ، ءبىر جول» بويىنداعى مەملەكەتتەر مەن رايونداردا حالىق تۇرمىسىن مول يگىلىككە كەنەلتەدى. نەلىكتەن وسىنداي ورنالاستىرۋلار جاسالعان؟ بۇل اقشالار قالاي جۇمسالادى؟ ساۋدا مينيسترلىگىنىڭ شەتەلدەرگە كومەكتەسۋ مەڭگەرمەسىنىڭ جاۋاپتىسى وسى سۇراۋلارعا تۇسىنىكتەمە جاسادى.
جۇڭگونىڭ ءىرى ەل سالاۋاتىمەن جاۋاپكەرشىلىكتى ۇستىنە الا بىلەتىنىن كورسەتەمىز
ساۋدا مينيسترلىگى شەتەلدەرگە كومەكتەسۋ مەڭگەرمەسىنىڭ جاۋاپتىسى بىلاي دەپ اتاپ كورسەتتى: بۇل شارالار جۇڭگو مەن «ءبىر بەلدەۋ، ءبىر جول» بويىنداعى ەلدەردىڭ جانە حالىقارالىق ۇيىمداردىڭ پىكىرلەرىن تولىق ويلاستىرۋ نەگىزىندە، بەيبىت سەلبەسۋ، ايقارا قۇشاق اشۋ، ءوزارا ۇيرەنۋ جانە ۇلگى الۋ، ءوزارا پايدا جەتكىزىپ، بىرگە يگىلىكتەنۋدى وزەك ەتكەن جىبەك جولى رۋحى بويىنشا، كەڭەسۋ، بىرگە گۇلدەندىرۋ، بىرگە يگىلىكتەنۋ پرينسيبىنە ساي، دامۋ سىندى ءتۇبىرلى ماسەلەنى تياناق ەتەدى.
60 ميلليارد يۋان «ءبىر بەلدەۋ، ءبىر جول» بويىنداعى دامۋ ۇستىندەگى ەلدەردىڭ حالىق تۇرمىسىنا ساياتىن نىساندارىن سالۋعا جۇمسالادى
ءتوراعا شي جينپيڭ جۇڭگونىڭ الداعى ءۇش جىلدا «ءبىر بەلدەۋ، ءبىر جول» قۇرىلىسىنا قاتىناسقان دامۋ ۇستىندەگى ەلدەر مەن حالىقارالىق ۇيىمدارعا 60 ميلليارد يۋان كومەك بەرەتىنىن، بۇل حالىق تۇرمىسىنا قاتىستى اناعۇرلىم كوپ نىسانداردى سالۋعا جۇمسالاتىنىن جاريالادى.
2 ميلليارد يۋان ازىق – تۇلىكتىڭ جەتىسپەۋىن باسەڭدەتىپ، استىق حاۋىپسىزدىگىن جوعارىلاتۋعا جۇمسالادى
قازىر دۇنيە ءجۇزى استىق حاۋىپسىزدىگى جاعىندا اۋىر جاعدايعا تاپ بولىپ وتىر، دۇنيە ءجۇزى بويىنشا 70 ميلليون ادام كومەككە استىق جىبەرۋدى شۇعىل قاجەت ەتۋدە، سونىمەن بىرگە ادامگەرشىلىك جاقتارىندا دا اۋىر داعدارىسقا تاپ بولىپ وتىرمىز.
ءبىر ميلليارد ا ق ش دوللارى تۇستىك ەلدەر سەلبەستىگىن ىلگەرىلەتىپ، حالىق تۇرمىسىن جاقسارتۋعا پايدالانىلادى
ءتوراعا شي جينپيڭ 2015 – جىلى قىركۇيەكتە بىرىككەن مەملەكەتتەر ۇيىمى قۇرىلعانىنىڭ 70 جىلدىعى بايلانىسىمەن وتكىزىلگەن جەلىلەس سامميتتەرگە قاتىناسقان كەزدە، تۇستىك ەلدەر سەلبەستىگى اياسىندا كومەك قورىن قۇرۋدى، العاشقى مەرزىمدە 2 ميلليارد ا ق ش دوللارى بەرۋدى جاريالادى، بۇل قاراجات دامۋ ۇستىندەگى ەلدەردىڭ 2030 – جىلعا دەيىنگى ءۇرتىس دامۋ ۇدەرىسىن تياناقتاندىرۋىنا پايدالانىلادى.
ءۇش «100» شاعىن – ميكرو كومەك نىساندارى: تاربيەلەۋ كۋرستارى + كەدەيلىكتەن ارىلتۋ + ەمدەلۋگە كومەكتەسۋ
جۇڭگو ۇكىمەتى ۇكىمەت، كاسىپورىن، قوعامدىق ۇيىمدار سىندى ءتۇرلى جاقتاعى قازنانى بەلسەندىلىكپەن جۇمىلدىرىپ، «ءبىر بەلدەۋ، ءبىر جول» بويىنداعى دامۋ ۇستىندەگى ەلدەرمەن جانە قاتىستى حالىقارالىق ۇيىمدارمەن تىعىز سەلبەستىك ورناتىپ، «ءبىر بەلدەۋ، ءبىر جول» بويىنداعى دامۋ ۇستىندەگى ەلدەردىڭ نەگىزگى ساتىداعى بۇقاراسىنىڭ تۇرمىسىنا باعىتتالعان 3 «100» (100 «باقىتتى مەكەن»، 100 «مەيىرلى كومەك»، 100 «ەمدەلۋگە كومەك») سىندى شاعىن – ميكرولىق كومەك نىساندارىن جولعا قويادى.
ءبىر ميلليارد ا ق ش دوللارى حالىقارالىق ۇيىمداردىڭ اۋىل شارۋاشىلىعى، وقۋ – اعارتۋ، ورتانى قورعاۋ قاتارلى نىساندارىنا بەرىلەدى
جۇڭگو جاق قاتىستى حالىقارالىق ۇيىمدارعا ءبىر ميلليارد ا ق ش دوللارىندىق قارجى بەرىپ، «ءبىر بەلدەۋ، ءبىر جول» بويىنداعى دامۋ ۇستىندەگى ەلدەرمەن سەلبەسە وتىرىپ، كەدەيلىكتەن ارىلتۋ، اۋىل شارۋاشىلىعى، وقۋ – اعارتۋ، دەنساۋلىق ساقتاۋ، ورتانى قورعاۋ، ونەركاسىپتى دامىتۋ، ساۋدا – ساتتىقتى ىلگەرىلەتۋ قاتارلى سالالارداعى سەلبەستىك نىساندارىن ورىستەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
