جياڭ زىڭۋەي: الەمنىڭ 500 مىقتى كاسىپورنىنان 80 كاسىپورىن 2017 – جىلعى تەبىندى ەلدەردىڭ ونەركاسىپ – ساۋدا فورۋمىنا قاتىناستى

2017.09.04 14:12   كەلۋ قاينارى : حالىق تورابى

　　حالىق تورابى، 2 – قىركۇيەك، شيامىن (ياڭ مۋ، لي تۇڭ) تەبىندى ەلدەر باسشىلارىنىڭ شيامىندەگى كەزدەسۋىنىڭ اقپارات ورتالىعى 2 – قىركۇيەك تۇستەن كەيىن العاشقى اقپار جاريالاۋ جيىنىن اشتى. تەبىندى ەلدەردىڭ 2017 – جىلعى ساۋدا – ونەركاسىپ فورۋمىن ۇيىمداستىرۋ كوميتەتىنىڭ مەڭگەرۋشىسى، جۇڭگو حالىقارالىق ساۋدانى ىلگەرىلەتۋ قوعامىنىڭ باستىعى جياڭ زىڭۋەي تەبىندى ەلدەردىڭ 2017 – جىلعى ونەركاسىپ – ساۋدا فورۋمىنا قاتىستى احۋالداردى باياندادى. جياڭ زىڭۋەيدىڭ اتاپ كورسەتۋىنشە، وسى رەتكى فورۋمنىڭ كولەمى زور، قاتىناسقان ۋاكىلدەر سانى مول، تەبىندى ەلدەردىڭ ونەركاسىپ – ساۋدا فورۋمى تاريحىندا بۇرىن بولماعان دەڭگەيگە جەتتى.

　　تانىستىرۋعا قاراعاندا، وسى رەتكى فورۋمنىڭ باستى تاقىرىبى: «تەبىندى ەلدەردىڭ سەرىكتەستىك قارىم – قاتىناسىن تەرەڭدەتىپ، اناعۇرلىم شۇعىلالى بولاشاق جاراتايىق». فورۋم 3 – قىركۇيەك تۇستەن كەيىننەن، 4 – قىركۇيەك تۇستەن بۇرىنعا دەيىن شيامىن حالىقارالىق كورمە ورتالىعىندا وتكىزىلەدى، فورۋمدا باستالۋ سالتى، جالپى جيىن، جابىلۋ سالتى سىندى مازمۇندار قامتىلادى. جۇڭگونىڭ مەملەكەت ءتوراعاسى شي جينپيڭ فورۋمنىڭ اشىلۋ سالتىنا قاتىناسادى ءارى تاقىرىپتىق ءسوز سويلەيدى.

　　مۇنان سىرت، برازيليا، وڭتۇستىك افريكا، ەگيپەت، گۇينەيا قاتارلى ەلدەردىڭ مەملەكەت باسشىلارى دا ۇسىنىس بويىنشا اشىلۋ سالتىنا قاتىناسادى، ءسوز سويلەيدى نەمەسە فورۋمعا قاتىناسادى. جياڭ زىڭۋەي: بۇل تەبىندى ەلدەردىڭ ونەركاسىپ – ساۋدا فورۋمى تاريحىندا تۇڭعىش رەت بولىپ وتىرعان جاعداي، ــ دەيدى.

　　كەلۋ قاينارى: حالىق تورابى