ساۋدا ىستەرى مينيسترلىگى: تۇڭعىش كەزەكتى جۇڭگو حالىقارالىق يمپورت كورمەسىنە 61 مەملەكەت قاتىناساتىن بولعانىن رەسمي تۇراقتاندىردى

2018.04.27 13:59   كەلۋ قاينارى : حالىق تورابى

　　شينحۋا اگەنتتىگى، 26 – ءساۋىر، بەيجيڭ (فان سىشياڭ، ليۋ حۇڭشيا) ساۋدا ىستەرى مينيسترلىگىنىڭ مالىمدەمەشىسى گاۋ فىڭنىڭ 26 – ساۋىردە ايتۋىنشا، جۇڭگو حالىقارالىق يمپورت كورمەسىنىڭ ءتۇرلى دايىندىق قىزمەتتەرى ورنىقتى ىلگەرىلەتىلۋدە، قازىرگە دەيىن 61 مەملەكەت كورمەگە قاتىناساتىنىن رەسمي تۇراقتاندىردى.


　　گاۋ فىڭنىڭ سول كۇنى وتكىزىلگەن اقپار جاريالاۋ جيىنىندا ايتۋىنشا، كاسىپورىندار كورمەسى جاعىندا، 24 - ساۋىرگە دەيىن 1022 كاسىپورىن كورمەگە قاتىناسۋعا توقتام جاسادى، كورمە كولەمى شامامەن 175 مىڭ شارشى مەتر بولادى. مۇندا دۇنيە جۇزىندەگى 500 مىقتى كاسىپورىندارى قاتارىنا كىرەتىن كاسىپورىندار مەن كاسىپ سالاسىنداعى كوشباسشى كاسىپورىنداردان جۇزگە تارتا كاسىپورىن بار.


　　ناقتىلاپ ايتقاندا، ا ق ش، گەرمانيا، جاپونيا، كورەيا، فرانسيا، انگليا سىندى دامىعان مەملەكەتتەردىڭ كاسىپورىندارى %34ىن يەلەيدى؛ «ءبىر بەلدەۋ، ءبىر جول» بويىنداعى مەملەكەتتەردىڭ كاسىپورىندارى %34ىن يەلەيدى؛ دامىماعان ەلدەردىڭ كاسىپورىندارى %10ىن يەلەيدى.


　　گاۋ فىڭنىڭ ايتۋىنشا، ساتىپ الۋشى ساۋداگەرلەردى ۇيىمداستىرۋ جاعىندا، ۇيىمداستىرۋ كوميتەتى ءتۇيىندى تۇردە ۇسىنىس ەتپەكشى بولعان يمپورتتىق كاسىپورىندار مەن ەل ىشىندەگى اينالىم كاسىپورىندارىنان 40 مىڭ كاسىپورىننىڭ تىزىمدىگىن ورتاعا قويعان ءارى ورتالىق كاسىپورىندارىنىڭ ساتىپ الۋ ۇيىرمەسىن قۇرعان.


　　كەلۋ قاينارى: حالىق تورابى