ءتوراعا شي جينپيڭنىڭ ەرەكشە ەلشىسى، مەملەكەتتىك كەڭەس زۇڭليىنىڭ ورىنباسارى ليۋ حى اقپارات قۇرالدارىنىڭ سۇحباتىن قابىلداعاندا بىلاي دەدى
جۇڭگو مەن ا ق ش ورتاق تانىمعا كەلدى، ساۋدا سايىسى بولمايتىن بولدى
2018.05.21 16:49 كەلۋ قاينارى : حالىق تورابى
حالىق گازەتى، 19 – مامىر، ۋاشينگتون (جاڭ نيانشىڭ، ۋ لىجۇن، گاۋ شى) ءتوراعا شي جينپيڭنىڭ ا ق ش – تا ساپاردا جۇرگەن ەرەكشە ەلشىسى، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى، جۇڭگو – ا ق ش اراسىنداعى جالپى بەتتىك ەكونوميكالىق كەڭەستەگى جۇڭگو جاقتىڭ جەتەكشىسى ليۋ حى جەرگىلىكتى ۋاقىت بويىنشا 19 – مامىردا اقپارات قۇرالدارىنىڭ سۇحباتىن قابىلدادى. ول بىلاي دەدى: جۇڭگو مەن ا ق ش – تىڭ بۇل رەتكى كەڭەسىنىڭ ەڭ زور تابىسى ــ ەكى جاق ورتاق تانىمعا كەلدى، ساۋدا سايىسى بولمايتىن بولدى ءارى ءوزارا كەدەن باجىسىن ۇستەمەلەۋ توقتاتىلادى.
ليۋ حى بىلاي دەدى: بۇل ءبىر رەتكى بەلسەندى، شىنايى، تاتىمدى دا تابىستى ساپار بولدى، ەكى جاق جۇڭگو مەن ا ق ش – تىڭ بەلسەندى دە اقاۋسىز ەكونوميكا – ساۋدا قارىم – قاتىناسىن دامىتۋ جونىندە كوپتەگەن ورتاق تانىمعا كەلدى. بۇل رەتكى كەڭەستە جاقسى ناتيجەلەردى قولعا كەلتىرۋدەگى ماڭىزدى سەبەپ ــ ەكى ەل باسشىلارىنىڭ وسىنىڭ الدىندا قول جەتكىزگەن ورتاق تانىمدارى، ءتۇبىرلى سەبەبى ەكى ەل حالقى مەن دۇنيە ءجۇزىنىڭ قاجەتى بولىپ تابىلادى.
ليۋ حى بىلاي دەدى: جۇڭگو مەن ا ق ش ەنەرگەتيا، اۋىل شارۋاشىلىعى ونىمدەرى، مەديتسينا، جوعارى عىلىم – تەحنيكا ونىمدەرى، فينانس سىندى سالالاردا ساۋدالىق سەلبەستىكتى كۇشەيتۋى كەرەك. بۇل ەلىمىز ەكونوميكاسىنىڭ جوعارى ساپالى دامۋعا بۇرىلىس جاساۋىن ىلگەرىلەتىپ، حالىقتىڭ قاجەتىن قاناعاتتاندىرۋدان سىرت، ا ق ش جاقتىڭ ساۋدا جاعىنداعى قىزىل سيفردى كەمەيتۋىنە دە پايدالى، بۇل ەكى جاققا دا ءتيىمدى تالعام. سونىمەن بىرگە، ەكى جاق ءوزارا قارجىلاندىرۋ مەن زياتكەرلىك ۇقىعىن قورعاۋ سالاسىنداعى سەلبەستىكتى تەرەڭدەتەدى. بۇل جۇڭگو مەن ا ق ش ەكى ەلگە عانا ءتيىمدى بولىپ قالماستان، دۇنيە ءجۇزى ەكونوميكاس مەن ساۋداسىنىڭ ورنىقتى گۇلدەنۋىنە پايدالى.
ول مىنانى باسا دارىپتەدى: جۇڭگودا ورتاشا تابىستى توپتىڭ كولەمى اسا زور، بولاشاقتا دۇنيە جۇزىندەگى ەڭ ۇلكەن نارىققا اينالادى. بۇل نارىق جوعارى دەڭگەيلى باسەكەگە يە، ەگەر جۇڭگونىڭ نارىعىنان ۇلەس الماق بولسا، يمپورت ەتۋشى ەل، ءسوزسىز، ءوز ونىمدەرى مەن قىزمەت وتەۋىنىڭ باسەكەلىك قۋاتىن جوعارىلاتىپ، جۇڭگو حالقى ساتىپ الۋدى قالايتىن دەڭگەيگە جەتكىزۋى كەرەك. جۇڭگو تەك ا ق ش – تان عانا تاۋار ساتىپ الۋدى قالاماستان، دۇنيە جۇزىنەن تاۋار ساتىپ الۋدى قالايدى. جۇڭگو تۇڭعىش كەزەكتى حالىقارالىق يمپورت كورمەسىن وتكىزەدى، دۇنيە جۇزىندەگى ءارقايسى ەلدەردىڭ كەلىپ قاتىناسۋىن قارسى الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
