بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

سىرتقى ىستەر مينيسترلىگىنىڭ مالىمدەمەشىسى «قاتە» دەگەن ءسوزدى ءتورت رەت قولدانۋ ارقىلى ا ق ش جاقتىڭ كىنالاۋىنا جاۋاپ قايتاردى

2018.07.19 13:07     كەلۋ قاينارى : حالىق تورابى

  شينحۋا اگەنتتىگى، 18 – شىلدە، بەيجيڭ (يان زىمين) سىرتقى ىستەر مينيسترلىگىنىڭ مالىمدەمەشىسى حۋا چۇنيڭ 18 – شىلدەدە «قاتە» دەگەن ءسوزدى ءتورت رەت قولدانۋ ارقىلى ا ق ش جاقتىڭ ءمانساپتىسىنىڭ اتالمىش كەدەن باجىسى، ادىلدىك، «تەحنيكا ۇرلاۋ»، ءوش الۋ سىندى ماسەلەلەردى جەلەۋ ەتىپ، ساۋدا سالاسىنداعى ماسەلەلەردە جۇڭگونى جازعىرعانىنا جاۋاپ قايتاردى.


  سول كۇنى وتكىزىلگەن تىلشىلەردى قابىلداۋ جيىنىندا ءبىر ءتىلشى بىلاي دەپ سۇرادى: ا ق ش اق سارايى تورابىنىڭ حابارلاۋىنشا، ا ق ش پرەزيدەنتىنىڭ ورىنباسارى پەنس: «بارلىق سالالاردا جۇڭگونىڭ ا ق ش تاۋارلارىنان الاتىن باجىسى ا ق ش – تىڭ جۇڭگو تاۋارلارىنان الاتىن باجىسىنىڭ 3 ەسەسىندەي، ا ق ش الدا قاتاڭ شارا قولدانىپ، جۇڭگونىڭ تەحنيكا ‹ۇرلاۋىنا› توسقاۋىل قويادى. ەگەر جۇڭگو ءادىل ساۋدالاسۋدان باس تارتىپ، ا ق ش – تان ۇزدىكسىز ءوش السا، ا ق ش بۇدان تايسالمايدى»، ـــ دەگەن. جۇڭگو جاق بۇعان قانداي پىكىر بىلدىرەدى؟


  حۋا چۇنيڭ بىلاي دەدى: جۇڭگونىڭ ساۋدا مينيسترلىگى جۋىردا جاريالاعان مالىمدەمەدە جۇڭگو جاقتىڭ قاتىستى پىكىرىن جۇيەلى دە انىق باياندادى. ا ق ش جاقتىڭ ءمانساپتىسى جۇڭگو – ا ق ش اراسىنداعى ەكونوميكا جانە ساۋدا بارىسىنداعى اتالمىش كەدەندىك باجى، ادىلدىك، «تەحنيكا ۇرلاۋ»، ءوش الۋ سىندى ماسەلەلەردى تاعى اۋىزعا العان ەكەن، مەن دە قىسقاشا جاۋاپ قايتارايىن:


  ءبىرىنشى، «بارلىق سالالاردا جۇڭگونىڭ ا ق ش تاۋارلارىنان الاتىن كەدەندىك باجىسى ا ق ش – تىڭ جۇڭگو تاۋارلارىنان الاتىن كەدەندىك باجىسىنىڭ 3 ەسەسىندەي» دەگەن ەكەن. بۇل قاتە!


  اۆتوموبيلدەن الىناتىن كەدەندىك باجىنى مىسالعا الساق، ا ق ش – تىڭ جۇڭگوعا ەكسپورت ەتەتىن كولىكتىك اۆتوموبيلىنەن الىناتىن يمپورت باجىسى %2.5، الايدا جۇك اۆتوموبيلىنەن الاتىن يمپورت باجىسى %25، ال، جۇڭگونىڭ يمپورت ەتكەن اۆتوكولىك زاپشاستارىنان الاتىن كەدەن باجىسى ورتا ەسەپپەن تەك %10 قانا، جۋىردا %6كە تومەندەدى.


  ەكىنشى، «جۇڭگو ءادىل ساۋدادان باس تارتتى» دەگەن ەكەن. بۇل دا قاتە!


  جۇڭگو تەگىننەن ءادىل ساۋدالاسۋدى دارىپتەيدى. ايتسەدە، ادىلدىك دەگەن ءوز ءسوزىن جونگە شىعارۋ ەمەس، بۇكىلدەي ءوزىنىڭ مۇددەسى مەن قاجەتى بويىنشا ولشەم بەلگىلەۋگە بولمايدى. جۇڭگو جاق قازىر جاڭا كەزەكتى شەتەلگە ەسىكتى اشىق ۇستاۋدى ىلگەرىلەتۋدە، الدا ەسىكتى اشىق ۇستاعان، جاريالىلىق پەن ادىلدىكتى ۇستانعان، بولاشاعىن بولجاۋعا بولاتىن ساۋدا ورتاسىن جاراتۋعا ۇزدىكسىز قۇلشىنادى. ال، ا ق ش ءتۇرلى جەلەۋلەردى جامىلىپ، اۋەلى «مەملەكەت حاۋىپسىزدىگى» دەگەن سىندى قيسىنسىز سىلتاۋلاردى قالاعانىنشا پايدالانىپ، جۇڭگو كاسىپورىندارىنىڭ ا ق ش – تا قالىپتى قارجى قوسۋىنا جانە تيجارات ەتۋىنە ءتۇرلى توسالعىلار مەن شەكتەمەلەردى قويدى. جۇڭگو ەسىكتى اشىق ۇستاۋدا، ا ق ش ەسىگىن تارس جابۋدا. كىمدىكى دۇرىس، كىمدىكى قاتە، ءبارى ايدان انىق.


  ءۇشىنشى، «جۇڭگو ا ق ش – تىڭ زياتكەرلىك ۇقىعىن ‹ۇرلادى›» دەگەنى قاتە!


  ا ق ش جاقتىڭ زياتكەرلىك مەنشىك ۇقىعىن «ۇرلادى» دەپ جۇڭگونى قارالاۋى تاريح پەن رەالدىقتى اۋىر دارەجەدە بۇرمالاعاندىق. جۇڭگو قازىر جاڭالىق جاراتۋدى قوزعاۋشى كۇش ەتكەن دامۋ ستراتەگياسىن باتىل اتقارۋدا، جۇڭگونىڭ جاڭالىق جاراتۋ جاعىنداعى تابىستارى ۇرلاۋ مەن توناۋ ارقىلى قولعا كەلمەگەن، ءبىر ميلليارد 300 ميلليون جۇڭگو حالقىنىڭ اقىل – پاراساتى مەن قان – تەرىنىڭ ارقاسىندا قولعا كەلگەن. ا ق ش قازىنا مينيسترلىگىنىڭ بۇرىنعى باستىعى ساممەرس ءبىر اۋىز ءادىل ءسوز ايتتى: جۇڭگو كاسىپورىندارىنىڭ تەحنيكالىق جاقتا كوشباسشى ورىنعا شىعۋى ا ق ش – تىڭ تەحنيكاسىن «ۇرلاۋدىڭ» ناتيجەسىندە ىسكە اسپاعان، قايتا، ەڭ الدىمەن، جۇڭگونىڭ نەگىزدىك عىلىم – تەحنيكا سالاسىنداعى ۇزدىك عالىمدارى مەن دارىندىلارعا ءمان بەرۋىنىڭ، عىلمي وقىتۋ جۇيەسىنە كوڭىل ءبولۋىنىڭ ارقاسىندا ىسكە اسقان. مەنىڭ ا ق ش – تاعى مەنمەنسىگەن ادامدارعا ايتارىم، انگليانىڭ ايگىلى تاريحشىسى يوسوپ نيدحام مىرزانىڭ «جۇڭگونىڭ عىلىم – تەحنيكا تاريحى» اتتى كىتابىن مۇقيات وقىپ شىعساڭىزدار ارتىق بولمايدى.


  ءتورتىنشى، «ەگەر جۇڭگو ۇزدىكسىز ءوش السا، ا ق ش تايساقتامايدى» دەگەنى قاتە!


  بۇل ءسوزدى بىلاي دەپ ايتسا دۇرىس بولادى: ەگەر ا ق ش ۇزدىكسىز ءوز بەتىمەن بىلگەنىن ىستەسە، دۇنيە جۇزىندەگى ەلدەر اناعۇرلىم باتىل تۇردە قايتارما سوققى بەرەدى. بۇل ا ق ش الدىمەن باستاعان سىڭار جاقتى قارىم – قاتىناس پەن كوپ جاقتى قارىم قاتىناس، قورعانىمپازدىق پەن ەركىن ساۋدا، وكتەمدىك پەن ءتارتىپ - ەرەجە اراسىنداعى تالاس – تارتىس ەسەپتەلەدى. ءوزىنىڭ زاڭدى ۇقىق – مۇددەسىن باتىل قورعاۋ، كوپ جاقتى ساۋدا ءتارتىبى مەن جۇيەسىن قورعاۋ حالىقارالىق قوعامنىڭ مىعىم ورتاق تانىمى جانە بەكىمى بولىپ تابىلادى. ەگەر ا ق ش جاق «ا ق ش ادام ۇرسا قيسىندى، باسقا ەلدەر قورعانسا قيسىنسىز» دەگەن زورەكەرلىك نىسايداعى لوگيكادان تانباسا، جالعىز ءوزى قاتە جولمەن بارعان سايىن الىستاي بەرەتىن بولادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار