بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

29 ولكەنىڭ الدىڭعى جارىم جىلداعى GDP ناتيجەسى جاريالاندى

گۇيجوۋ ولكەسى %10تىك ارتۋ مولشەرىمەن كوش باستاسا، جيلين ولكەسى ەڭ سوڭعى ورىنعا تۇراقتادى

2018.07.31 13:20     كەلۋ قاينارى : حالىق تورابى

  حالىق تورابى، 30 – شىلدە، بەيجيڭ. جيلين ولكەسىنىڭ 29 – شىلدە كۇنى الدىڭعى جارىم جىلداعى ەكونوميكالىق ساندى دەرەكتەرى جاريالاۋىمەن، قازىرگە دەيىن، شينجياڭ مەن شيزاڭنان سىرت، بۇكىل ەلىمىزدەگى 29 ولكە الدىڭعى جارىم جىلداعى GDP جالپى مولشەرى مەن ارتۋ احۋالىن جاريالادى.


  GDP جالپى مولشەرى بويىنشا قاراعاندا، الدىڭعى ون ورىنعا گۋاڭدۇڭ، جياڭسۋ، شاندۇڭ، جىجياڭ، حىنان، سىچۋان، حۋبەي، حىبەي، حۋنان ولكەلەر جانە شاڭحاي قالاسى جايعاسقان.


  GDPدىڭ ارتۋ قارقىنى بويىنشا قاراعاندا، گۇيجوۋ ولكەسى قازىرگە دەيىن ەكى ورىندى سان بويىنشا ارتۋ قارقىنىن ساقتاعان بىردەن - ءبىر ولكە بولىپ، %10.0تىك ارتۋ قارقىنىمەن ۋاقىتشا بۇكىل ەلىمىز بويىنشا ءبىرىنشى ورىندى ۇستاعان.


  16 ولكەنىڭ ەكونوميكاسىنىڭ جالپى مولشەرى تريلليون يۋاننان اسقان


  جاريالانعان ساندى دەرەكتەرگە قاراعاندا، گۋاڭدۇڭ ولكەسى مەن جياڭسۋ ولكەسىنىڭ ەكونوميكاسىنىڭ جالپى مولشەرى 4 تريلليون يۋاندىق دەڭگەيگە جەتكەن، گۋاڭدۇڭ ولكەسى 4 تريلليون 630 ميلليارد يۋانمەن بۇكىل ەلىمىز بويىنشا ءبىرىنشى ورىندى ۇستاعان، جياڭسۋ ولكەسى 4 تريلليون 486 ميلليارد يۋانمەن ەكىنشى ورىنعا يە بولعان. شاندۇڭ ولكەسى، جىجياڭ ولكەسى جانە حىنان ولكەسى جەكە – جەكە ءۇشىنشى، ءتورتىنشى، بەسىنشى ورىندارعا جايعاسقان.


  سىچۋان ولكەسى مەن حۋبەي ولكەسى جەكە – جەكە ءبىر تريلليون 833 ميلليارد يۋان جانە ءبىر تريلليون 796 ميلليارد يۋاندىق ناتيجەمەن التىنشى جانە جەتىنشى ورىنداردى ۇستاعان، حىبەي ولكەسى ءبىر تريلليون 660 ميلليارد يۋانمەن ولاردان كەيىنگى ورىندا تۇرعان. حۋنان ولكەسى ءبىر تريلليون 641 ميلليارد يۋاندىق جالپى مولشەرمەن بۇكىل ەلىمىز بويىنشا توعىزىنشى ورىندا، شاڭحاي قالاسى ەكونوميكاسىنىڭ جالپى قۇنى ءبىر تريلليون 556 ميلليارد يۋانمەن ونىنشى ورىندا تۇرعان.


  جياڭشي ولكەسى الدىڭعى جارىم جىلدا ءبىر تريلليون 12 ميلليارد يۋاندىق ناتيجەمەن تيانجين قالاسى جانە چۇڭچيڭ قالاسىنان اسىپ، ۋاقىتشا بۇكىل ەلىمىز بويىنشا 16 ورىنعا جايعاسقان، ساناققا قاراعاندا، 16 ولكەنىڭ ەكونوميكاسىنىڭ جالپى مولشەرى تريلليون يۋاننان اسقان.


  گۇيجوۋ ولكەسى %10.0تىك ارتۋ قارقىنىمەن بۇكىل ەلىمىز بويىنشا كوش باستاسا، جيلين ولكەسى %2.5تىك ارتۋ قارقىنىمەن ەڭ سوڭعى ورىندا تۇرعان


  2018 – جىلدىڭ الدىڭعى جارىمىندا بۇكىل ەلىمىزدە GDP وتكەن جىلدىڭ سوڭعى جارىمىنداعىمەن سالىستىرعاندا %6.8 ارتقان، بىلتىرعى جىلدىڭ وسى مەزگىلدەگىسىمەن سالىستىرعاندا 0.1 پايىز باياۋلاعان. جارىم جىلدىق ەكونوميكالىق دەرەكتەردى جاريالاعان 29 ولكەنىڭ ىشىندە، 17 ولكەنىڭ ەكونوميكاسىنىڭ ارتۋ قارقىنى بۇكىل ەلىمىزدىڭ ورتاشا ارتۋ قارقىنىنان اسقان نەمەسە ونىمەن تەڭ بولعان.


  گۇيجوۋ ولكەسى قازىرگە دەيىن ەكى ورىندى سانمەن ارتقان بىردەن – ءبىر ولكە بولىپ، %10.0تىك ناتيجەمەن بۇكىل ەلىمىز بويىنشا ءبىرىنشى ورىنعا يە بولعان؛ يۇننان ولكەسى %9.2تىك ارتۋ قارقىنىمەن ەكىنشى ورىنعا جايعاسقان؛ جياڭشي ولكەسى %9تىك ناتيجەمەن ءۇشىنشى ورىندا تۇرعان.


  جيلين ولكەسى %2.5تىك ارتۋ قارقىنىمەن 29 ولكەنىڭ ەڭ سوڭىندا تۇرعان. تيانجين قالاسى %3.4تىك ارتۋ قارقىنىمەن ارتىنان ساناعاندا ەكىنشى ورىندا بولعان. ىشكى موڭعۇل ارتىنان ساناعاندا ءۇشىنشى بولىپ، ارتۋ قارقىنى %9.4 بولعان.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار