الدىڭعى جارتى جىلدا ەلىمىزدە تۇتاس قوعامنىڭ تۇراقتى مۇلىككە قوسقان قارجىسى وتكەن جىلدىڭ ۇقساس مەزگىلىندەگىدەن %6 ارتتى
قارجى قوسۋ ورنىقتى بولىپ، وراي كوبەيدى، كومەسكى كۇش زورايدى، بوستىق كەڭەيدى (جىل ورتاسىندا ەكونوميكالىق جاعدايعا نازار)
«حالىق گازەتىنىڭ» ءتىلشىسى لۋ يانان
2018.08.06 15:37 كەلۋ قاينارى : حالىق تورابى
31 – شىلدەدە اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە «التىنى ورنىقتىرۋ» قىزمەتىن جاقسى ىستەۋ ورتاعا قويىلىپ، قارجى قوسۋدى ورنىقتىرۋ «ورنىقتىلىق نەگىزىندە وزگەرىسكە توتەپ بەرۋدەگى» ماڭىزدى شارالاردىڭ بىرىنە اينالدى.
وسى جىلدىڭ العاشقى جارتىسىنا نازار سالساق، ەلىمىزدە تۇتاس قوعامنىڭ تۇراقتى مۇلىككە قوسقان قارجىسىنىڭ وتكەن جىلدىڭ ۇقساس مەزگىلىندەگىدەن %6 ارتقانىن بايقايمىز، جاساۋ كاسىبىنە قارجى قوسۋ جانە حالىقتىق قارجى قوسۋ ءۇرتىس جوعارىلادى. مەملەكەتتىك ساناق مەكەمەسى قارجىلاندىرۋ بولىمشە مەكەمەسىنىڭ شارلاۋشىسى جاۋ پەييا بىلاي دەدى: «جىل باسىنان بەرى كۇردەلى دە قۇبىلمالى حالىقارالىق ورتا جانە ەل ءىشىنىڭ جاپالى دا اۋىر رەفورما، دامۋ مىندەتى الدىندا وڭىرلەر، تاراۋلار پارتيا ورتالىق كوميتەتىنىڭ شەشىمى بويىنشا، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، قامداۋ تۇرىندەگى قۇرىلىمدىق رەفورمانى بەلسەندىلىكپەن ىلگەرىلەتىپ، قارجىلاندىرۋ ءۇرتىس ارتۋ، قارجىلاندىرۋ قۇرىلىمى ءۇرتىس جاقسارۋ اينالىس جاعدايىن ىسكە اسىردى، بۇل شىنىندا وڭاي – وسپاق ءىس ەمەس».
قازىر ەكونوميكالىق اينالىستا ورنىقتىلىق بارىسىندا وزگەرىس تۋىلۋدا، كەلەسى جارتى جىلدا قارجى قوسۋدىڭ ورنىقتى بولۋىندا نە ىستەۋ كەرەك؟ مەملەكەتتىك ساناق مەكەمەسى جۇڭگو ەكونوميكاسىنىڭ بولاشاعىن مەجەلەۋ ورتالىعىنىڭ ورىنباسار مەڭگەرۋشىسى پان جيانچىڭ بىلاي دەدى: «سىرتقى ورتادا كورنەكتى وزگەرىس تۋىلدى، ەندى ىشكى قاجەتتى ۇلعايتۋ ارقىلى سىرتقى جاڭا سايىستان تۋىنداعان سايىسقا توتەپ بەرۋ كەرەك، مۇندا قارجى قوسۋدى ورنىقتىرۋ وتە قاجەتتى ءارى ۇتىمدى ءتاسىل سانالادى».
ـــ قارجى قوسۋدى ورنىقتىرۋدا ولقى سالالارعا كۇش سالۋ كەرەك. بيىل قاڭتاردان ماۋسىمعا دەيىن نەگىزدىك قۇرىلعىلارعا قارجى قوسۋ وتكەن جىلدىڭ ۇقساس مەزگىلىندەگىدەن %7.3 ارتتى، ارتۋ قارقىنىندا باسەيۋ ءجايتى جارىققا شىقتى. جاۋ پەييا بىلاي دەدى: «نەگىزدىك قۇرىلعىلاردا ءالى دە ايتارلىقتاي قارجى قوسۋ اياسى جانە كومەسكى قۋاتى بار، بولاشاقتا نەگىزدىك قۇرىلعىعا قارجى قوسۋدىڭ ءبىرشاما جەدەل ارتا بەرەتىنىنە سەنەمىز». الدىڭعى جارتى جىلدا بۇكىل ەلدە جاڭادان ارتقان نيەت بىلدىرىلگەن قارجى قوسۋ جانە سالىناتىن قارجى قوسۋ نىسانىنىڭ سانى وتكەن جىلدىڭ ۇقساس مەزگىلىندەگىدەن ءبىرشاما جوعارى قارقىنمەن ارتتى، قارجى قوسۋ قوزعاۋشى كۇشىنىڭ ءبىرشاما مىعىم ەكەنىن بەلگىلى دەڭگەيدە اڭعارتتى، كەلەسى جارتى جىلدا نەگىزدىك قۇرىلعىعا قارجى قوسۋدىڭ نەگىزىنەن ورنىقتى بولۋىنان ءۇمىت بار.
ـــ قارجى قوسۋدى ورنىقتىرۋدا حالىقتىق قارجىلاندىرۋدىڭ كومەسكى كۇشى زور. الدىڭعى جارتى جىلدا ەلىمىزدە قارجى قوسۋدىڭ ارتۋ قارقىنى ءبىرشاما باياۋلادى، بۇل ەكونوميكانىڭ تيبىندە بۇرىلىس جاساۋداعى جانە قۇرىلىمدى رەتتەۋدەگى تابيعي قۇبىلىس ەدى. مۇنىڭ ىشىندە حالىقتىق قارجىلاندىرۋدىڭ ارتۋىندا جاقسارۋ بەتالىسى جارىققا شىقتى، قاڭتاردان ماۋسىمعا دەيىن حالىقتىق قارجىلاندىرۋ وتكەن جىلدىڭ ۇقساس مەزگىلىندەگىدەن %8.4 ارتىپ، وتكەن جىلدىڭ ۇقساس مەزگىلىندەگىدەن 1.2 پايىز جوعارى بولدى، حالىقتىق قارجىلاندىرۋدىڭ جالپى قارجىلاندىرۋداعى سالىستىرماسى %58.9 كە جەتىپ، وتكەن جىلدىڭ ۇقساس مەزگىلىندەگىدەن 1.3 پايىز جوعارى بولدى، بارلىق قارجىلاندىرۋدىڭ ارتۋىنداعى ۇلەس شاماسى %81.5 كە جەتتى. مەملەكەتتىك دامۋ جانە رەفورما كوميتەتىنىڭ اقپارات مالىمدەمەشىسى يان پىڭچىڭ بۇل ءۇش ءىرى وڭ وزگەرىستى بەينەلەيدى دەپ قارايدى: ءبىرىنشى، الدىڭعى جارتى جىلدا بۇكىل ەلدەگى كولەم قالىپتاستىرعاننان جوعارعى ونەركاسىپ كاسىپورىندارىنىڭ پايداسى وتكەن جىلدىڭ ۇقساس مەزگىلىندەگىدەن %17.2 ارتىپ، كاسىپورىن قارجىسىنىڭ قاينارى قامتاماسىزداندىرىلىپ، قارجىلاندىرۋ قۋاتى ايتارلىقتاي قامتاماسىزداندىرىلدى؛ ەكىنشى، بيىلدان بەرى جاساۋ كاسىبىندەگى ساتىپ الۋشى ديرەكتورلار كورسەتكىشى جاقسى كۇيدە بولدى، ونەركاسىپ ونىمدەرىنىڭ زاۆودتان شىعۋ باعا كورسەتكىشى دە ءبىرشاما ۇيلەسىمدى دەڭگەيدە بولدى، كاسىپورىنداردىڭ قارجى قوسۋ سەنىمى ءبىرشاما مىعىم، جاعداي جاقسارۋ ۇستىندە؛ ءۇشىنشى، ۇكىمەت قۇرىلىمىن ىقشامداۋ، باجىنى ازايتۋ، اقىنى تومەندەتۋ سياقتى ءبىرقىدىرۋ ساياساتتىق شارانىڭ تياناقتانۋىمەن كاسىپورىنداردىڭ، اسىرەسە، حالىقتىق كاسىپورىنداردىڭ قارجى قوسۋ كۇشى نىعايدى.
ـــ قارجى قوسۋدى ورنىقتىرۋدا ساپالى قامداۋ اياسىن كەڭەيتۋ كەرەك. ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى، تۇتىنۋ قۇرىلىمى دا دارەجەنى جوعارىلاتۋدىڭ قارقىنىن تەزدەتۋدەگى شەشۋشى ساتتە تۇر، جاڭا تەحنيكالىق توڭكەرىستىڭ تاريحي ورايىن مىقتى يگەرىپ، وزىق ءوندىرىس قۋاتىن جەدەل جەتىلدىرىپ، مەشەۋ ءوندىرىس قۋاتىنان بىرتىندەپ شەگىنىپ، ساپالى قامداۋدى جەدەل ارتتىرۋ، قامداۋ جۇيەسىنىڭ ساپاسىن ۋاقىتتان ۇتىپ جاقسارتۋ كەرەك. الدىڭعى جارتى جىلدا ەلىمىزدىڭ جوعارى تەحنيكالىق جاساۋ كاسىبىنىڭ قارجىلاندىرۋ جاعدايى جاقسى بولدى، ارتۋ قارقىنى بارلىق جاساۋ كاسىبىنىڭ قارجىلاندىرۋىنان 6.3 پايىز جوعارى بولدى. مەملەكەتتىك كەڭەس دامۋدى زەرتتەۋ ورتالىعى كاسىپ شارۋاشىلىعىن زەرتتەۋ ءبولىمىنىڭ باستىعى جاۋ چاڭۋىن بىلاي دەپ قارادى: قارجىلاندىرۋدىڭ قامداۋ قۇرىلىمىن ساپالىلاندىرۋداعى شەشۋشى رولى بارعان سايىن كورنەكتىلەنىپ وتىر، قارجىلاندىرۋدى ورنىقتىرۋ قارجىلاندىرۋ قارقىنىن جالاڭ عانا جوعارىلاتۋ ەمەس، قايتا ۇتىمدى قارجىلاندىرۋعا شىن مانىندە جەتەكشىلىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
