الدىڭعى جارتى جىلدا ناقتى ەكونوميكاعا تاراتىلعان قارىز حالىق اقشاسى بويىنشا 8 تريلليون 760 ميلليارد يۋان ارتتى، بۇل وتكەن جىلدىڭ ۇقساس مەزگىلىندەگىدەن 554 ميلليارد 800 ميلليون يۋان كوپ
ورنىقتى فينانس ناقتى ەكونوميكاعا ءتىپتى دە ويداعىداي قىزمەت وتەدى (جىل ورتاسىندا ەكونوميكالىق جاعدايعا نازار)
«حالىق گازەتىنىڭ» تىلشىلەرى ۋاڭ گۋان، وۋياڭ جيە
2018.08.07 15:45 كەلۋ قاينارى : حالىق تورابى
جىل باسىنان بەرى ەل ءىشىنىڭ فينانس جاعدايى جالپى جاقتان جاقساردى، ماكرولىق سۇيمەندىك رولى ورنىعۋعا بەت الدى، فينانس قۇرىلىمىنىڭ ەرەجەگە سايكەسۋ تانىمى كۇشەيدى، فينانس قاتەرىنەن ساقتانۋدا جانە ونى باسەيتۋدە باستاپقى ونىمدىلىككە قول جەتكىزىلدى. الدىڭعى جارتى جىلدا ناقتى ەكونوميكاعا تاراتىلعان قارىز حالىق اقشاسى بويىنشا 8 تريلليون 760 ميلليارد يۋان ارتتى، بۇل وتكەن جىلدىڭ ۇقساس مەزگىلىندەگىدەن 554 ميلليارد 800 ميلليون يۋان كوپ. فينانس ـــ وسى زامانعى ەكونوميكانىڭ وزەگى، سونداي – اق ناقتى ەكونوميكانىڭ قولقاسى، 31 – شىلدەدە اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە «التىنى ورنىقتىرۋ» قىزمەتىن جاقسى ىستەۋ ورتاعا قويىلدى، كەلەسى جارتى جىلدا سونىڭ ءبىر مازمۇنى سانالاتىن فينانستى ورنىقتىرۋدى قايتكەندەي ءساتتى ىلگەرىلەتۋگە بولادى؟ فينانس ارقىلى قايتكەندە ناقتى ەكونوميكاعا ءتىپتى دە زور تيىمدىلىك جەتكىزۋگە بولادى؟
ءتۇيىندى سالالار مەن ءالسىز بۋىندارعا قاراتا قولداۋ تەبىنى ارتتىرىلادى، فينانستىڭ ناقتى ەكونوميكاعا قىزمەت وتەۋ قۋاتى جوعارىلاتىلادى
جىجياڭ جياشيڭ ۋىنتاي حابارلاسۋ جارناسى شەكتەۋلى سەرىكتىگى جىلجىمالى تەلەفن جانە ونىڭ بولشەكتەرى، جىلجىمالى حابارلاسۋدىڭ الماستىرۋ جابدىعى سياقتىلاردى ارناۋلى وندىرەدى، ساتادى، قازىر جىلىنا 65 ميلليون دانا قولفون وندىرەدى. سەرىكتىكتىڭ ورىنباسار باس القاسى شياۋ شۋەبيڭ بىلاي دەدى: «بيىل بانكەلەر ءبىز سەكىلدى جاساۋ كاسىپورىندارىن زور كۇشپەن قولداپ وتىر، سەرىكتىگىمىز 514 ميلليون يۋان قارىز الدى، بۇل وتكەن جىلداعىدان 45 ميلليون يۋان كوپ».
بانكەلەردىڭ قارجىسى جاساۋ كاسىبىن ۋاكىلدىك ەتكەن ناقتى ەكونوميكاعا بارعان سايىن مولىنان قوسىلۋدا، ءتۇيىندى سالالار مەن ءالسىز بۋىنداردى قولداۋ تەبىنى كورنەكتى نىعايۋدا. بانكەنى، قامسىزداندىرۋدى باقىلاپ – باسقارۋ كوميتەتى بانكە كاسىبى فينانس قۇرىلىمىنىڭ قارىز اقشا بەرۋ قۇرىلىمىن جاقسارتىپ، ستراتەگيالىق جاڭا گۇلدەنگەن كاسىپتەردى قارىز اقشا جاعىنان قولداۋ تەبىنىن ارتتىرۋىنا، سونىمەن بىرگە، ناقتى ەكونوميكانىڭ قارجى قۇراۋ وزىندىك قۇنىن تومەندەتىپ، كاسىپ جولدارىن ىقشامداپ، قارجى قۇراۋ تىزبەگىن قىسقارتۋىنا قۋزاۋشى بولدى. بانكەلەردىڭ ۇنامسىز قارىز اقشانى ءبىر جاقتى ەتۋ تەبىنىن ارتتىرۋىن ىلگەرىلەتىپ، قارىز اقشا اياسىن اشىپ، ەكونوميكانى دامىتۋعا بارىنشا دەم بەردى. مامىردىڭ سوڭىندا بانكە كاسىبى فينانس قۇرىلىمىنىڭ حالىق اقشاسى، شەتەل اقشاسى مال – مۇلكى 250 تريلليون يۋان بولىپ، وتكەن جىلدىڭ ۇقساس مەزگىلىندەگىدەن %7.2 ارتتى، حالىق اقشاسى، شەتەل اقشاسى بويىنشا تاراتقان قارىزى 133 تريلليون يۋان بولىپ، وتكەن جىلدىڭ ۇقساس مەزگىلىندەگىدەن %12 ارتتى، شاعىن كاسىپورىنداردىڭ پايدالانۋىنا تاراتقان قارىزى وتكەن جىلدىڭ ۇقساس مەزگىلىندەگىدەن %14.2 ارتتى. قامسىزداندىرۋ كاسىبىنىڭ ەكونوميكاعا، قوعامعا قىزمەت وتەۋ قۋاتى دا ۇزدىكسىز جوعارىلادى، مامىردىڭ سوڭىندا قامسىزداندىرۋ كاسىبىنىڭ جالپى مال – مۇلكى 17 تريلليون 500 ميلليارد يۋان بولدى، قامسىزداندىرۋ قارجىسىنىڭ پايدالانۋ قالدىعى 15 تريلليون 500 ميلليارد يۋان بولدى، مۇنىڭ ىشىندە ناقتى ەكونوميكاعا قارجى قوسۋ قالدىعى 10 تريلليون يۋاننان اسقان (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
