8 جىلدان بەرى جارىم جىلدىق تەرىس بالانىس تۇڭعىش رەت تارايدى
الدىڭعى جارتى جىلدا قىزمەت وتەۋ يمپورت – ەكسپورت سوماسىندا تاريحتاعى جاڭا ورە جاراتىلدى
2018.08.08 16:09 كەلۋ قاينارى : حالىق تورابى
«حالىق گازەتى»، 7 – تامىز، بەيجيڭ (ءتىلشى ۋاڭ كى). ساۋدا مينيسترلىگى قىزمەت وتەۋ ساۋداسى بولىمشە مەكەمەسىنىڭ جاۋاپتىسى 7 – تامىزدا تانىستىرىپ بىلاي دەدى: الدىڭعى جارتى جىلدا ەلىمىزدىڭ قىزمەت وتەۋ ساۋداسى ورنىقتى، جەدەل ارتۋ كۇيىن جالعاستىردى، يمپورت – ەكسپورت كولەمىندە تاريحتاعى جاڭا ورە جاراتىلدى، قۇرىلىم ءۇرتىس ساپالىلاندى، ساپا مەن ونىمدىلىك اناعۇرلىم جوعارىلادى، ورنىقتىلىق بارىسىندا جاقسارۋ جاعدايى ءۇرتىس بەكەمەلىپ، قىزمەت وتەۋ ساۋداسىنىڭ ساپالى دامۋىنا بەرىك نەگىز قالادى. ساناققا قاراعاندا، الدىڭعى جارتى جىلدا ەلىمىزدىڭ قىزمەت وتەۋ يمپورت – ەكسپورت جالپى سوماسى 2 تريلليون 531 ميلليارد 330 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %8.5 ارتقان. مۇنىڭ ىشىندە قىزمەت وتەۋ ساۋدا ەكسپورتى 841 ميلليارد 570 ميلليون يۋان، قىزمەت وتەۋ يمپورتى ءبىر تريلليون 689 ميلليارد 760 ميلليون يۋان، قىزمەت وتەۋ ساۋداسىنىڭ تەرىس بالانىسى 848 ميلليارد 180 ميلليون يۋان بولعان، تەرىس بالانىس كولەمى وتكەن جىلدىڭ ۇقساس مەزگىلىندەگىدەن 2 ميلليارد 660 ميلليون يۋان تارايعان، بۇل 2010 – جىلدان بەرگى جارىم جىلدىق تەرىس بالانىستىڭ تۇڭعىش رەت تارايۋى سانالادى.
بۇدان تىس الدىڭعى جارتى جىلدا ەلىمىزدىڭ قىزمەت وتەۋ يمپورت – ەكسپورتىندا تاعى مىناداي ەرەكشەلىكتەر جارىققا شىقتى:
قىزمەت وتەۋ ساۋداسىنىڭ قۇرىلىمى اناعۇرلىم ساپالىلاندى. الدىڭعى جارتى جىلدا جاڭا گۇلدەنگەن قىزمەت وتەۋدىڭ يمپورت – ەكسپورت جالپى سوماسى 846 ميلليارد 670 ميلليون يۋان بولىپ، %19 ارتىپ، جالپىلىق ارتۋ قارقىنىنان 10.5 پايىز جوعارى بولدى، جاڭا گۇلدەنگەن قىزمەت وتەۋدىڭ جەبەۋ سالىستىرماسى 3 پايىز جوعارىلادى. ساياحاتتاۋ - ساپارلاۋ، تاسىمال جانە قۇرىلىس سىندى 3 ۇلكەن ءداستۇرلى قىزمەت وتەۋ كاسىبىنىڭ سالىستىرماسى 2.5 پايىز تومەندەدى، مۇنىڭ ىشىندە ساياحاتتاۋ – ساپارلاۋدىڭ سالىستىرماسى 3.1 پايىز تومەندەدى.
قىزمەت وتەۋ ساۋداسىنىڭ ارتۋ قارقىنى ۇقساس تۇردەگى كورسەتكىشتەردەن جاقسى بولدى. ەل ءىشى ەكونوميكاسى ورنىقتىلىق بارىسىندا ىلگەرىلەدى، قىزمەت وتەۋ ساۋداسىنىڭ ورنىقتى، جەدەل دامۋى ىلگەرىلەتىلدى. الدىڭعى جارتى جىلدا قىزمەت وتەۋ ساۋداسىنىڭ سىرتقى ساۋدا جالپى سوماسىنداعى (زات ساۋداسى مەن قىزمەت وتەۋ ساۋداسى) سالىستىرماسى %15.2 كە جەتىپ، وتكەن جىلدىڭ ۇقساس مەزگىلىندەگىدەن 0.1 پايىز جوعارىلادى. قىزمەت وتەۋ يمپورت – ەكسپورتىنىڭ ارتۋ قارقىنى ۇقساس مەزگىلدەگى زات يمپورت – ەكسپورتىنىڭ ارتۋ قارقىنىنان 0.6 پايىز جوعارى بولدى، ۇقساس مەزگىلدەگى قىزمەت وتەۋ كاسىبىنىڭ ارتقان قۇنىنىڭ ارتۋ قارقىنىنان 0.9 پايىز جوعارى بولدى، ۇقساس مەزگىلدەگى حالىق شارۋاشىلىعىنىڭ ارتۋ قارقىنىنان 1.7 پايىز جوعارى بولدى.
جاڭا گۇلدەنگەن قىزمەت وتەۋ كاسىبىنىڭ ەكسپورتى جەدەل ارتتى. الدىڭعى جارتى جىلدا جاڭا گۇلدەنگەن قىزمەت وتەۋ كاسىبىنىڭ ەكسپورتى 440 ميلليارد 200 ميلليون يۋان بولىپ، %23.6 ارتىپ، جالپىلىق قىزمەت وتەۋدىڭ ەكسپورتىنان 10 پايىز جوعارى بولدى، قىزمەت وتەۋ ەكسپورتى جالپى سوماسىنداعى سالىستىرماسى %52.3 كە جەتىپ، وتكەن جىلدىڭ ۇقساس مەزگىلىندەگىدەن 4.2 پايىز جوعارىلادى. مۇنىڭ ىشىندە تەلەگراف، كومپيۋتەر جانە ينفورماتسيالىق قىزمەت وتەۋ، قامسىزداندىرۋ، جەكە مادەنيەت جانە كوڭىل اشۋ، قورعاۋ جانە جوندەۋ ەكسپورتىنىڭ ارتۋ قارقىنى تۇگەلدەي %20 تەن جوعارى، اتاپ ايتقاندا %52.4، %37.9، %35.8 جانە %22.6 بولدى، ەلىمىزدىڭ قىزمەت وتەۋ ەكسپورتىن جەبەۋدەگى ساياساتتىق شارالارىنىڭ ونىمدىلىگى باستاپقى قادامدا كورىندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
