بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ەكونوميكا

حۇنچۇن: وتكەل ىركىلىسسىز اشىلىپ، شەكارا ساۋداسى گۇلدەندى (شىعىستان تۋلاعان تولقىن، ەكپىندى جاڭا ءداۋىر ــ رەفورما جاساپ، ەسىك اشۋدىڭ 40 جىلدىعىن قۇتتىقتايمىز)

«حالىق گازەتىنىڭ» تىلشىلەرى يۋە فۋرۇڭ، جۋ داۋەي

2018.08.10 16:20   كەلۋ قاينارى : حالىق تورابى

  جيلين ولكەسىندەگى شاعىن شەكارا قالاسى حۇنچۇن تەڭىزگە جاقىن، ءبىراق تەڭىزبەن تۇتاسپايدى، سولاي بولسا دا تەڭىز ونىمدەرى شارۋاشىلىعى ايرىقشا دامىعان، ءتىپتى «جيلين ولكەسى بويىنشا تەڭىز – مۇحيت كاسىپ ەرەكشەلىگى ەڭ كورنەكتى قالا» دەپ اتالادى.


  «بىلتىر كاسىپورنىمىز ءتىرى پاتشا سۋ شايانىنان 2 مىڭ 600 توننادان استامىن يمپورت ەتتى، ەڭ كوپ بولعاندا 50 توننادان استامىن ەنگىزدىك، جاعداي جاقسى بولسا، سول كۇنى – اق ساتىپ بولامىز». ۋاڭ جيندۇڭ ــ حۇنچۇن قالاسىنداعى تەڭىز ونىمدەرى ساۋداسىمەن ەرتە شۇعىلدانعان يمپورت ەتۋشى ساۋداگەرلەردىڭ ءبىرى. تاياۋ جىلداردان بەرى كامچاتكا – زارۋبينو – حۇنچۇن سۋ ونىمدەرى اۋە لەنياسىنىڭ كۇن سايىن كەمەلدەنۋىمەن تاسىمالداۋ ۋاقىتى قىسقارىپ، ۋاڭ جيندۇڭنىڭ كاسىپورنى جەدەل دامىدى.


  قىسقا عانا بىرنەشە جىلدا حۇنچۇن قالاسىندا تەڭىز ونىمدەرىن مانەرلەۋ كاسىبىنىڭ جىلدىق ءونىم قۇنى 9 ميلليارد يۋاننان اسىپ، وندا 8 مىڭ ادام كاسىپتەندى. حۇنچۇن قالاسى الىس – جۋىققا اتى تانىلعان تەڭىز ونىمدەرى قالاسىنا، شىعىس سولتۇستىك ازيا وڭىرىندەگى ماڭىزدى تەڭىز ونىمدەرىن مانەرلەۋ، ساۋدالاۋ بازاسىنا اينالدى.


  وتكەل ىركىلىسسىز اشىلىپ، شەكارا ساۋداسى گۇلدەندى. شەكارا وڭىردەن تەڭىزگە جول اشىلىپ، قاقپا اشۋ ىستەرى تىڭعىلىقتى ىستەلىپ، شاعىن قالا حۇنچۇن قارىشتاپ دامۋعا قادام تاستادى.


  ءىش پەن سىرتتى تۇتاستىرىپ، تەرەڭ تەڭىزگە شەرۋ تارتتى


  جۇڭگو، رەسەي، سولتۇستىك كورەيا ەلدەرىنىڭ ارالىعىنا ورنالاسقان حۇنچۇن قالاسى جيلين ولكەسىنىڭ شىعىستاعى ۇلكەن قاقپاسى سانالادى، چاڭچۇن – جيلين – تۋمىنجياڭ كوركەيتۋ، قاقپا اشۋ جەتەكشى رايونى جيليننىڭ سىرتقا قاقپا اشۋىنداعى ماڭىزدى جەر سانالادى.


  جۇڭگو، رەسەي، سولتۇستىك كورەيا، وڭتۇستىك كورەيا، جاپونيا سىندى 5 ەلدىڭ سۋ جولدارى تۇتاساتىن شەشۋشى وڭىرگە جاقىن ورنالاسقان حۇنچۇن قالاسى ەلىمىزدىڭ قۇرلىق، تەڭىز جولدارىن ۇشتاستىرىپ، سۋ جولى ارقىلى جاپونيانىڭ باتىس تەڭىز جاعاسىنان، ءتىپتى سولتۇستىك امەريكادان، سولتۇستىك ەۆروپادان زات ەنگىزۋىندەگى ۇرىمتال ورىن، جاپون تەڭىزىنە تىكەلەي تۇتاساتىن بىردەن - ءبىر جول سانالادى.


  قازىر حۇنچۇن قالاسىندا رەسەيمەن، سولتۇستىك كورەيامەن تۇتاساتىن 4 تاس جول، تەمىر جول وتكەلى بار. بۇل وتكەلەردىڭ توڭىرەگىندە رەسەيدىڭ، سولتۇستىك كورەيانىڭ 10 نەشە كەمەجايى بار، حۇنچۇن قالاسى وسىلايشا جيلين ولكەسىنىڭ «كەمەجايعا سۇيەنىپ تەڭىزگە شىعۋ» ستراتەگياسىن اتقارۋىنداعى ماڭىزدى تۇيىنگە اينالىپ وتىر.


  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت