بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

بيلل گەيتس: افريكا ەلدەرى جۇڭگونىڭ تابىستى جولىنا بارىنشا نازار اۋدارادى

2018.09.03 14:48     كەلۋ قاينارى : حالىق تورابى

  مەن الدىڭعى عاسىردىڭ 90 – جىلدارىنىڭ باسىنان بەرى تالاي رەت جۇڭگوعا ساپارلاي باردىم. جۇڭگوعا بارعان سايىن، كوك تىرەگەن بيىك عيماراتتار بولسىن، جاڭادان سالىنىپ جاتقان قۇرىلىس ورىندارى بولسىن، ماعان زور دامۋ مەن وزگەرىستى سەزىندىرەدى. جان – جاقتىلى ساندى دەرەكتەر مەنىڭ بۇل اسەرىمنىڭ قاتە كەتپەگەنىن ايعاقتايدى.


  جۇڭگو ءوزىن وزگەرتۋمەن بىرگە دۇنيە ءجۇزىن دە وزگەرتۋدە. بيىل جىل سوڭىنا دەيىن، جۇڭگونىڭ عىلىم – تەحنيكا جاعىنداعى قوسقان قارجىسىنىڭ ا ق ش – تان اسىپ، دۇنيە ءجۇزى بويىنشا ءبىرىنشى ورىنعا شىعۋىنان ءۇمىت زور. باتىستاعى اۋقاتتى ەلدەردە جاھاندانۋعا دەگەن كۇمان كۇن سايىن ۇلعايسا دا، جۇڭگو ءالى دە ەنەرگيا، كليمات وزگەرىسى سىندى جاقتارداعى دۇنيە جۇزىلىك سىناقتارعا كۇش سالا شارا قولدانۋدا.


  مۇنان سىرت، جۇڭگونىڭ دۇنيە جۇزىنە قوسقان ماڭىزدى ۇلەسى دۇنيە جۇزىلىك دەنساۋلىق ساقتاۋ جانە دامۋ جاقتارىندا بايقالادى. جۇڭگو وتكەن نەشە ون جىل ىشىندە باسقا ءارقانداي مەملەكەت ورىنداي المايتىن تابىستارعا قول جەتكىزدى، نەشە ءجۇز ميلليون ادامدى كەدەيلىك پەن اۋرۋ – سىرقاۋدىڭ قاتەرلى اينالىمىنان قۇتقارىپ قالماستان، وسىزاماندانعان ەكونوميكالىق جۇيەنى قۇرىپ، دۇنيە ءجۇزى ەكونوميكاسىنىڭ دامۋىن ىلگەرىلەتتى. قازىر دۇنيە جۇزىندەگى دامۋ ۇستىندەگى باسقا مەملەكەتتەر، وتە – موتە، كوپتەگەن افريكا ەلدەرى جۇڭگونىڭ تابىستى جولىنا باسا نازار اۋدارىپ وتىر، بۇل جۇڭگو مەن افريكا ەلدەرى سەلبەستىك فورۋمىنىڭ ماڭىزدىلىعىن ونان ارى كورنەكتىلەندىرە تۇسەدى.


  افريكا ەلدەرى قازىر بۇرىلىس جاساۋدىڭ شەشۋشى ساتىندە تۇر، حاۋىپ – قاتەر مەن وراي بىردەي ءومىر ءسۇرىپ وتىر. مەجەلەۋگە قاراعاندا، 2050 – جىلعا دەيىن افريكا ەلدەرىنىڭ جان سانى كەمىندە ءبىر ەسە ارتىپ، 2 ميلليارد 500 ميلليون ادامنان اسادى. ەگەر افريكاداعى جاستار مەن وسپىرىمدەر جۇڭگوداعى جاستار مەن وسپىرىمدەر سياقتى اقاۋسىز ەرجەتسە ءارى تاماشا وقۋ – اعارتۋدان يگىلىكتەنسە، ولار افريكا ەكونوميكاسىنىڭ جەدەل دامۋىن ىلگەرىلەتەتىن، افريكا قۇرلىعىنىڭ قازىرگى جاعدايىن وزگەرتەتىن نەگىزگى كۇشكە اينالادى.


  جۇڭگو مەن افريكا ەلدەرى وتكەن نەشە ون جىلدان بەرى تەرەڭ سەلبەستىك قارىم – قاتىناسىن ورناتتى، بۇل ادامدى جەلپىندىرەدى. جۇڭگو مەن افريكا ەلدەرى سەلبەستىك فورۋمى، «ءبىر بەلدەۋ، ءبىر جول» دارىپتەمەسى، سونداي – اق، جۇڭگونىڭ مەملەكەتتىك حالىقارالىق سەلبەستىكتى دامىتۋ مەكەمەسىن قۇرۋ سياقتى شارالارى جۇڭگونىڭ ەكونوميكالىق جاقتا تيپتىك بۇرىلىس جاساۋ بارىسىندا توپتاعان وزىندىك تاجىريبە – ساباقتارىن ورتاقتاسۋىنا بارىنشا ءتيىمدى بولىپ، افريكا ەلدەرىنىڭ وزىندىك دامۋ جولىن اناعۇرلىم ويداعىداي جوسپارلاۋىنا جانە ەڭ سوڭىندا دامۋ مەن گۇلدەنۋدى ىسكە اسىرۋىنا كومەگى تيەتىن بولادى. جۇڭگو بۇل جاعىندا بىرەگەي باسىمدىلىقتارعا يە.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار