بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

ساۋدا مينيسترلىگى: جۇڭگو جاق WTO ۇيىمىنا رەفورما جاساۋدى قولدايدى، ءبىراق بولەك وتاۋ تىگۋگە بولمايدى

2018.09.28 13:00     كەلۋ قاينارى : حالىق تورابى

  شينحۋا اگەنتتىگى، 27 – قىركۇيەك، بەيجيڭ (ءتىلشى: يۇي جياشين) ساۋدا مينيسترلىگىنىڭ اقپارات مالىمدەمەشىسى گاۋ فىڭ 27 – قىركۇيەكتە بىلاي دەدى: كەزەكتە دۇنيە جۇزىلىك ساۋدا ۇيىمىنىڭ بەدەلى مەن جۇمىس ونىمدىلىگى سىناققا ءدۇپ كەلىپ وتىرعان جاعدايدا ،جۇڭگو جاق دۇنيە جۇزىلىك ساۋدا ۇيىمىنا قاجەتتى رەفورمالاردى جۇرگىزۋدى قولدايدى ءارى رەفورما بارىسىندا ءۇش ءتۇرلى پرينسيپتە تاباندى بولۋ كەرەك دەپ قارايدى.


  گاۋڭ فىڭ ساۋدا مينيسترلىگىنىڭ سول كۇنى وتكىزگەن كەزەكتى اقپار جاريالاۋ جيىنىندا سويلەگەن سوزىندە: دۇنيە جۇزىلىك ساۋدا ۇيىمىنىڭ كوپ جاقتى ساۋدا تۇزىلىسىنە ۋاكىلدىك ەتىپ، قورعانىمپازدىققا قارسى تۇرۋ، ساۋدانى دامىتۋدى ىلگەرىلەتۋ، باياندى دامۋدى جەبەۋ جاقتارىندا ورنىن وگەيسىتۋگە بولمايتىن رول اتقارىپ كەلدى، - دەدى.


  ول: دۇنيە جۇزىلىك ساۋدا ۇيىمىندا ەشقانداي ءمىن جوق دەۋگە كەلمەيدى، وتە – موتە، بۇگىنگى تاڭدا قورعانىمپازدىق پەن سىڭار ەزۋلىك ەتەك العاندىقتان، دۇنيە جۇزىلىك ساۋدا ۇيىمىنىڭ بەدەلى مەن جۇمىس ونىمدىلىگى سىناققا ءدۇپ كەلىپ وتىر، — دەدى. وسى سەبەپتەن، جۇڭگو جاقتىڭ دۇنيە جۇزىلىك ساۋدا ۇيىمىنا قاجەتتى رەفورمالار جۇرگىزىپ، كوپ جاقتى ساۋدا ءتۇزىلىسىنىڭ داۋىرمەن بىرگە العا باسۋىن ىلگەرىلەتۋدى، ءداۋىردىڭ دامۋىنا اناعۇرلىم ويداعىداي ءۇن قاتۋدى قولدايتىنىن ءبىلدىردى.


  ول مىنانى ءبىلدىردى: جۇڭگو جاق دۇنيە جۇزىلىك ساۋدا ۇيىمىنا رەفورما جۇرگىزۋدە ءۇش ءتۇرلى پرينسيپكە تاباندى بولۋ كەرەك دەپ قارايدى: بىرىنشىدەن، دۇنيە جۇزىلىك ساۋدا ۇيىمىنىڭ نەگىزدىك پرينسيپتەرىن وزگەرتۋگە بولمايدى، اتاپ ايتقاندا، ەڭ زور تيىمدىلىك بەرۋ مامىلەسى، ازاماتتىق مامىلە، كەدەن باجىسىن تەجەۋ، جاريالىلىق، ەرەكشە جانە پارىقتى مامىلە جاساۋ قاتارلىلاردى، سونداي – اق، ساۋدانى ەركىندەندىرۋدىڭ جالپى باعدارىن وزگەرتۋگە بولمايدى، بولەك وتاۋ تىگۋگە، ءبارىن قايتادان باستاۋعا بولمايدى.


  ەكىنشىدەن، دامۋدى وزەك ەتىپ، دامۋ ۇستىندەگى مۇشەلەردىڭ ۇيلەسىمدى تالابىنا كوڭىل ءبولۋ كەرەك.


  ۇشىنشىدەن، ءوزارا قۇرمەت ەتۋ، تەڭدىك جانە ءوزارا تيىمدىلىك جاساۋ نەگىزىندە، رەتى بويىنشا ىلگەرىلەتۋ، دۇنيە جۇزىلىك ساۋدا ۇيىمىنىڭ تاعدىرىنا حاۋىپ جەتكىزەتىن ماسەلەلەردى الدىمەن شەشۋ كەرەك. كوپشىلىكتىڭ ءىسىن كوپشىلىك كەڭەسىپ شەشۋ كەرەك، جۇڭگو جاق ءىشىنارا مۇشەلەردىڭ ءوز قالاۋىن وزگەلەرگە زورلاپ تاڭۋىن قۋاتتامايدى.


  ۇعىسۋعا قاراعاندا، دۇنيە جۇزىلىك ساۋدا ۇيىمى حالىقارالىق ساۋدانى دامىتۋ جاعىندا كورنەكتى ۇلەس قوستى، الايدا، قازىر ساياسات بەلگىلەۋ ءتارتىبى، الاۋىزدىقتاردى شەشۋ مەحانيزمى، كەپىلدىك بەرۋ ءتاسىلى سىندى جاقتاردا سىناقتارعا ءدۇپ كەلىپ وتىر.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار