باجىنى، اقىنى تومەندەتۋ ساياساتىنىڭ ونىمدىلىگى كورنەكتى بولدى
قازىنا مينيسترلىگىنىڭ قاتىستى جاۋاپتىسى الدىڭعى 3 توقسانداعى قازىنا كىرىس – شىعىس جاعدايىنا تۇسىنىك جاسادى
شينحۋا اگەنتتىگىنىڭ تىلشىلەرى حۋ لۋ، شىن چىڭ
2018.10.19 16:13 كەلۋ قاينارى : حالىق تورابى
قازىنا مينيسترلىگى 18 – قازاندا 2018 – جىلدىڭ الدىڭعى 3 توقسانىنداعى قازىنا كىرىس – شىعىس جاعدايىن جاريالادى. الدىڭعى 3 توقساندا ەلىمىزدىڭ قازىنا كىرىسى اينالىسىندا قانداي باستى ەرەكشەلىكتەر بولدى؟ قازىنا كىرىسى ارتۋىنىڭ وزگەرىس استارىندا قانداي باستى سەبەپتەر بار؟ قازىنا شىعىسى بەلسەندى قازىنا ساياساتىنىڭ اناعۇرلىم بەلسەندى بولۋىندا قالاي بەينەلەندى؟
سول كۇنى قازىنا مينيسترلىگى وتكىزگەن اقپار جاريالاۋ ماجىلىسىندە قازىنا مينيسترلىگىنىڭ قاتىستى جاۋاپتىسى وسى قولامتالى ماسەلەلەرگە جاۋاپ قايتاردى.
قازىنا كىرىسى ورنىقتى، ءبىرشاما تەز ارتتى
ساندى مالىمەتتە كورسەتىلۋىنشە، الدىڭعى 3 توقساندا بۇكىل ەلدىڭ ادەتتەگى الەۋمەتتىك مەجە ەسەپ كىرىسى 14 تريلليون 583 ميلليارد 100 ميلليون يۋان بولىپ، الدىنداعى جىلدىڭ ۇقساس مەزگىلىندەگىدەن ٪8.7 ارتقان. بۇكىل ەلدىڭ ادەتتەگى الەۋمەتتىك مەجە ەسەپ كىرىسىندەگى باجى كىرىسى 12 تريلليون 748 ميلليارد 600 ميلليون يۋان بولىپ، الدىنداعى جىلدىڭ ۇقساس مەزگىلىندەگىدەن ٪12.7 ارتقان؛ باجىعا جاتپايتىن كىرىس ءبىر تريلليون 834 ميلليارد 500 ميلليون يۋان بولىپ، الدىنداعى جىلدىڭ ۇقساس مەزگىلىندەگىدەن ٪12.8 كەمەيگەن.
قازىنا مينيسترلىگى مەملەكەت قازىناسى تارماق مەكەمەسىنىڭ ورىنباسار باستىعى دۋ چياڭ بىلاي دەدى: الدىڭعى 3 توقساندا بۇكىل ەلدىڭ قازىنا كىرىسى ورنىقتى، ءبىرشاما تەز ارتتى، مۇندا باستىسى ەكونوميكانىڭ اينالىسىمەن تىعىز بايلانىسى بار باستى باجى تۇرلەرىندە كىرىستىڭ ارتۋى جەبەۋشىلىك رول اتقاردى. ايتالىق، كاسىپورىنداردىڭ تابىس باجىسى، جەكەلەردىڭ تابىس باجىسى الدىنداعى جىلدىڭ ۇقساس مەزگىلىندەگىدەن %12.5، %21.1 ارتتى، وسى ەكى فاكتوردىڭ سەبەبىنەن بۇكىل ەلدىڭ قازىنا كىرىسى 4 پايىز جوعارىلادى. مۇنىڭ ىشىندە ونەركاسىپ، ساۋدا، قورا – جاي كاسىپتەرىندەگى كاسىپورىنداردىڭ تابىس باجىسى جەكە – جەكە %21.4، %22.1، %17.6 ارتتى، مۇندا باستىسى قاتىستى كاسىپورىنداردىڭ ونىمدىلىگىنىڭ ءۇرتىس جاقسارۋى جەبەۋشىلىك رول اتقاردى.
سونىمەن بىرگە، باجى كىرىسىنىڭ ءبىرشاما تەز ارتۋىنىڭ جەبەۋىندە قازىنا كىرىسىنىڭ ساپاسى ۇزدىكسىز جوعارىلادى. قاڭتاردان قىركۇيەككە دەيىن بۇكىل ەلدىڭ باجى كىرىسىنىڭ ادەتتەگى الەۋمەتتىك مەجە ەسەپ كىرىسىندەگى ارا سالماعى %87.4 كە جەتىپ، بىلتىرعى تۇتاس جىلدىكىنەن 3.7 پايىز جوعارى بولدى.
دۋ چياڭ بىلاي دەدى: قامداۋ تۇرىندەگى قۇرىلىمدىق رەفورمانىڭ ىشكەرىلەي ىلگەرىلەتىلۋىمەن ءتۇيىندى، قيىن سالالارداعى رەفورما ءۇرتىس تەرەڭدەتىلدى، بەلسەندى قازىنا ساياساتى ورنىقتى اقشا ساياساتىمەن ۇشتاستى، تۇتاس جىلداعى باستى ەكونوميكالىق كورسەتكىشتەردىڭ ءبىرشاما جاقسى ورىندالۋى مۇمكىن، بۇل قازىنا كىرىسىنىڭ ارتۋىن پارمەندى دەمەيدى. الايدا قازىرگى ەكونوميكالىق اينالىستاعى كەيبىر جاڭا جاعداي، جاڭا ماسەلەلەر ايرىقشا نازار اۋدارۋدى قاجەت ەتەدى.
باجىنى، اقىنى تومەندەتۋ ساياساتىنىڭ ونىمدىلىگى كورنەكتى بولدى
الدىڭعى 3 توقساندا بۇكىل ەلدىڭ قازىنا كىرىسى جالپى جاقتان ورنىقتى، ءبىرشاما تەز ارتقانىمەن، الايدا ورنىقتىلىق بارىسىندا باياۋلاۋ اۋقىمى كورنەكتى بولۋدا. قىركۇيەكتە بۇكىل ەلدىڭ ادەتتەگى الەۋمەتتىك مەجە ەسەپ كىرىسىنىڭ ارتۋ شاماسى وتكەن جىلدىڭ ۇقساس مەزگىلىندەگىدەن %2 كەمىدى، بۇكىل ەلدىڭ ادەتتەگى الەۋمەتتىك مەجە ەسەپ كىرىسىندەگى باجى كىرىسى %6 قانا ارتتى، بۇلاردىڭ بارلىعى بيىلدان بەرگى ەڭ تومەنگى ارتۋ ورەسى سانالادى.
وسىعان قاراتا قازىنا مينيسترلىگىنىڭ باجى ىستەرى تارماق مەكەمەسىنىڭ تەتە باقىلاۋشىسى يۋان حايياۋ تۇسىنىك جاساپ بىلاي دەدى: الدىڭعى 3 توقساندا قازىنا كىرىسىنىڭ ءبىرشاما تەز ارتۋىندا باستىسى الدىڭعى جارتى جىلداعى ارتۋدىڭ ءبىرشاما تەز بولۋى جەبەۋشىلىك ەتتى. الايدا كەلەسى جارتى جىلعا قادام تاستاعان سوڭ اقىنى، باجىنى ازايتۋ ساياساتىنىڭ ءۇرتىس تياناقتانۋىمەن باجى كىرىسىنىڭ ارتۋى باياۋلادى، قازىنا كىرىسىنىڭ ارتۋىندا شەگىنىس جارىققا شىقتى.
«باجىنى، اقىنى تومەندەتۋدىڭ كوپ جاقتى اسەرى بار، كاسىپورىنداردىڭ اۋىرتپالىعىن جەڭىلدەتىپ قانا قويماستان، كاسىپتەنۋدى كەڭەيتۋ، ەكونوميكانىڭ تيپتە بۇرىلىس جاساپ، دارەجەنى جوعارىلاتۋىن جەبەۋ، جاڭا قوزعاۋشى كۇشتى جەتىلدىرۋ، تۇتىنۋ قاجەتىن كەڭەيتۋدى جەبەۋ جاقتارىندا ماڭىزدى رول اتقارادى. قىسقا مەرزىمنەن قاراعاندا قازىنا كىرىسى ازايعانىمەن، ۇزاق مەرزىمنەن قاراعاندا ەكونوميكادا جاڭالىق جاراتۋدى جانە باسەكە قۋاتىن نىعايتادى» دەدى يۋان حايياۋ.
ول بىلاي دەدى: كەلەسى قادامدا قازىنا مينيسترلىگى ناقتى ەكونوميكانىڭ دامۋىن قولداۋدى تياناق ەتىپ، دامۋعا ءورىس اشۋدان جازباي، شىعارىلعان باجىنى، اقىنى تومەندەتۋ ساياساتىن جاپپاي تياناقتاندىرادى. قازىنا مينيسترلىگى قازىر باجىنى، اقىنى ءتىپتى دە كەڭ كولەمدە تومەندەتۋ شارالارىن شىعارۋ جاعىنان جەدەل زەرتتەۋ جۇرگىزۋدە، الدا كاسىپورىنداردىڭ وزىندىك قۇنى اناعۇرلىم تومەندەتىلىپ، بازاردىڭ ومىرشەڭدىك قۋاتىنا بارىنشا دەم بەرىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
