ليۋ حى ەكونوميكا مەن فينانسقا قاتىستى وزەكتى تۇيىندەر جونىندە توقتالدى
مىنا 10 سويلەم ءسوز وتە ماڭىزدى
2018.10.22 14:05 كەلۋ قاينارى : حالىق تورابى
رەداكتور ەسكەرتپەسى : ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ حى 19 – قازاندا حالىق گازەتى، شينحۋا اگەنتتىگى، ورتالىق تەلەۆيزيا ستانسياسى تىلشىلەرىنىڭ بىرلەسكەن سۇحباتىن قابىلدادى. ەكونوميكا مەن فينانس سالاسىنداعى قازىرگى وزەكتى ماسەلەلەر جونىندە، ماسەلەن، جارنا بازارىنداعى تولقۋ، اتالمىش «مەملەكەتتىك كاپيتال ىلگەرىلەپ، حالىقتىق كاپيتال شەگىندى» دەگەن الىپ قاشپا ءسوز، ءوندىرىس قۇرىلىمىنداعى وزگەرىستەر سىندى ماسەلەلەر جونىندە جۇرت نازار اۋدارىپ وتىرعان ماسەلەلەرگە ءبىر – بىرلەپ جاۋاپ قايتارىپ، كوپتەگەن ماڭىزدى ينفورماتسيالاردى جاريالادى. حالىق تورابىنىڭ ءتىلشىسى بۇل مازمۇنداردى رەتتەپ، تومەندەگىدەي 10 سويلەم سوزگە تۇيىندەدى، وسى ون سويلەم جۇڭگونىڭ ەكونوميكا مەن فينانس سالاسىنداعى قازىرگى جاعدايىن تەز ارادا تۇسىنۋىڭىزگە كومەكتەسەدى.
1. جارنا بازارىن رەتكە سالۋ مەن تارتىپكە سالۋ جارنا بازارىنىڭ ۇزاق مەرزىمدىك اقاۋسىز دامۋىنا ويداعىداي قارجى قوسۋ ورايىن جاراتىپ بەرەدى.
2. جارنا بازارىنىڭ اقاۋسىز دامۋىن ىلگەرىلەتۋ ءۇشىن، ءسوزسىز، باعىتتامالى تۇردە تىڭ رەفورما شارالارىن ورتاعا قويۋ كەرەك.
3. حالىقتىق كاسىپورىنداردىڭ دامۋىنا قولداۋ كورسەتپەۋ ارەكەتى ساياسي باعدار جاعىندا زور ماسەلە ساقتالىپ وتىرعانىن كورسەتەدى، مۇنداي ارەكەتتەردى، ءسوزسىز، باتىل تۇزەتۋ كەرەك.
4. اتالمىش «مەملەكەتتىك كاپيتال ىلگەرىلەپ، حالىقتىق كاپيتال شەگىندى» دەگەن وسەك سىڭار جاقتىلى ءارى قاتە كوزقاراس ەسەپتەلەدى.
5. قازىر جۇڭگو ەكونوميكاسى «ءۇش مەرزىم قاباتتاسقان» كەزەڭدە تۇر، ءىشىنارا كاسىپورىندار بەلگىلى قيىنشىلىقتارعا ءدۇپ كەلىپ وتىر، بۇل كاسىپكەرلەردىڭ ءوز قابىلەتىن ساۋلەلەندىرەتىن كەزەڭى ەسەپتەلەدى.
6. تاريحي ۇردىستەن الىپ قاراعاندا، جۇڭگو ەكونوميكاسىنىڭ دامۋ بولاشاعى اسا نۇرلى .
7. تاريحتان بەرى جينالعان ءتۇرلى حاۋىپ – قاتەرلەر مەن ماسەلەلەردىڭ قازىر اشىققا شىعۋىنان ساقتانۋعا بولمايدى، بۇل ءسوزسىز باستان كەشىرەتىن بارىس، بۇعان بايىپتىلىقپەن مامىلە جاساۋ كەرەك.
8. وتكەن 3 جىل ىشىندە ءبىز «ءۇشتى ازايتۋ، ءبىردى تومەندەتۋ، ءبىردى تولىقتاۋ» جاعىندا كەزەڭدىك تابىستارعا قول جەتكىزدىك.
9. الداعى قىزمەتتەردىڭ نەگىزگى ءتۇيىنى ميكرو نەگىزگى تۇلعالاردىڭ ومىرشەڭدىگىن، توزىمدىلىگىن، جاڭالىق جاراتۋ قۋاتىن كۇشەيتۋ ارقىلى ەكونوميكالىق تيپتە بۇرىلىس جاساۋ مەن دارەجەسىن جوعارىلاتۋدى ىلگەرىلەتىپ، حالىق شارۋاشىلىعىنىڭ ءتيىمدى اينالىسىن ىلگەرىلەتۋ بولىپ تابىلادى.
10. ونەركاسىپتەندىرۋ، ينفورماتسيالاندىرۋ، قالالاندىرۋ، نارىقتاندىرۋ، حالىقارالاندىرۋ جاپپاي ىلگەرىلەتىلگەن ۇلى تاريحي ءۇردىس بارىسىندا، تىڭ ورايلاردى پارىقتاي ءبىلۋ جانە مەڭگەرە ءبىلۋ، ءداستۇرلى ءوندىرىس سالاسىنا قۇلشىنا وزگەرىس جاساپ، تىڭ ءوندىرىس سالاسىن كۇش سالا دامىتىپ، وسىزاماندانعان ەكونوميكالىق جۇيەنى جەدەلدەتە قۇرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
