امانات - قارىز كارتوچكاسى (كرەديت كارتوچكاسى)، اقشا تولەۋدىڭ «جاڭا زامانى» (رەفورما جاساپ، ەسىك اشۋدىڭ 40 جىلدىعى اتىنداعى 40 «ءبىرىنشى» ايدارشاسىنداعى جەلىلەس حابارلار)
2018.11.12 17:01 كەلۋ قاينارى : حالىق تورابى
قارىزگى تاڭدا ادامدار قاپشىعىن اشا قالسا، تولىپ تۇرعان ءار الۋان كرەديت كارتوچكالارىن كورەسىز، قالاعان كارتوچكاسىن سۇيكەپ اقشاسىن لەزدە تولەپ كەتە بەرەدى. ال رەفورما جاساپ، ەسىك اشۋدىڭ العاشقى كەزەڭدەرىندە بۇل سيرەك كەزىگەتىن تاڭعالارلىق ءجايت بولاتىن. كىمدە وسى سەكىلدى كرەديت كارتوچكاسى بولسا، ەلدىڭ بارلىعى وعان قۇرمەتپەن قارايتىن ەدى.
تۇڭعىش كرەديت كارتوچكاسى جۇڭگو بانكەسىندە دۇنيەگە كەلدى. رەفورما جاساپ، ەسىك اشۋدىڭ العاشقى كەزەڭدەرىندە، سەڭدەي سوعىلىسقان شەتەلدىك ساياحاتشىلار جۇڭگوعا كەلىپ، كرەديت كارتوچكاسى سىندى وسىناۋ اقشا تولەۋ جابدىعىن بۇنداعى جۇرتقا جاريا ەتتى. جۇڭگو بانكەسى سول كەزەڭدەردە مەملەكەت جاعىنان شەتەل اقشاسىن ايىرباستايتىن بىردەن - ءبىر بانكە بولىپ بەكىتىلىپ، شەتەلدىك ساياحاتشىلاردىڭ اقشاسىن ايىرباستاۋ كاسىبىنە جاۋاپتى بولسا؛ جۇڭگو بانكەسىنىڭ گۋاڭدۇڭ بولىمشە بانكەسى مەن حۇيفىڭ بانكەسى ا ق ش – تىڭ ەكسپرەس سەرىكتەستىگىمەن كەلىسىمگە ىركەس – تىركەس قول قويىپ، كرەديت كارتوچكاسىنىڭ ناق اقشا شىعاراتىن كاسبىنە وكىل بولادى.
شەتەلدىڭ كرەديت كارتوچكالارىنا تابانى كۇرەكتەي 6 جىل وكىل بولۋ بارىسىندا امالياتتىق تاجىريبەلەردى جيناقتاعان جۇڭگو بانكەسى كرەديت كارتوچكاسىنىڭ قىرى – سىرىن بۇگە – شىگەسىنە دەيىن يگەرىپ، ءوزىنىڭ كرەديت كارتوچكاسىن تاراتۋ بەكىمىنە كەلدى. سونىمەن 1985 – جىلى جۇڭگو بانكەسىنىڭ جۋحاي بولىمشە بانكەسى ەل ىشىندەگى تۇڭعىش حالىق اقشاسى كرەديت كارتوچكاسى – جۇڭگو بانكەسى كارتوچكاسىن تاراتتى، 1986 – جىلى جۇڭگو بانكەسى تاعى ەل ءىشى كولەمىندە ىستەتۋگە بولاتىن تۇڭعىش كرەديت كارتوچكاسى – ۇلى قورعان كارتوچكاسىن تاراتتى.
كارتوچكا تاراتۋ العاشقى قادام بولسا، پايدالانۋ قۇرىلىعىلارى مەن ارناسى شەشۋشى ءتۇيىن سانالادى. العاشقى كەزەڭدەردە ەل ىشىندەگى تيجاراتشىلار جاڭا فورماداعى اقشا تولەۋ ءادىسىن قابىلداي الماي ۇركە قارادى، كرەديت كارتوچكاسىن پايدالانۋشىلار دا ساۋساقپەن سانارلىقتاي ەدى، ونىڭ ۇستىنە ەل ىشىندە POS اپپاراتى جوق، كارتوچكا پايدالانۋ قولايسىز بولاتىن. سول كەزدەگى بانكە كارتوچكاسىنا ازىرلىك كورۋ گرۋپپاسىنىڭ مۇشەسى شيە شۋەفىڭ ەسكە الىپ بىلاي دەدى: «سول كەزەڭدەردە بانكە كارتوچكاسىن پايدالانۋ بارىسى ءبىرشاما كۇردەلى ەدى، ابونت كارتوچكانى پايدالانىپ زات ساتىپ الۋدان بۇرىن، تيجارات بانكەسىنە تەلەفون بەرىپ، ءمان – جايدى ۇعىسىپ، كارتوچكا ءنومىرى مەن ابونتتىڭ اتى – ءجونىن سالىستىرىپ، ونان سوڭ پايدالانۋعا كىرىسەتىن. وعان قوسا سول كەزدە كومپيۋتەرمەن باسىپ شىعارۋعا بولمايتىندىقتان، بارلىعىن قولمەن جازۋعا تۋرا كەلەتىن. سول ءۇشىن كارتوچكا سۇيكەپ اقشا تولەۋ ناق اقشا تولەۋگە قاراعاندا وتە باياۋ بولاتىن».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
