جۇڭگو مەن ا ق ش ەكونوميكا - ساۋدا ماسەلەسى جونىندە ورتاق تانىمعا كەلدى
كەدەندىك باجىنى جوعارىلاتۋ قاتارلى ساۋداعا شەكتەمە قويۋ شارالارىن توقتاتۋدى ۇيعاردى
2018.12.03 14:06 كەلۋ قاينارى : حالىق تورابى
شينحۋا اگەنتتىگى، 12 – ايدىڭ 1 – كۇنى، بۋەنەس – ايرەس (ءتىلشى: حان جيە، ۋاڭ پەي) جەرگىلىكتى ۋاقىت بويىنشا 12 – ايدىڭ 1 – كۇنى جۇڭگونىڭ مەملەكەت ءتوراعاسى شي جينپيڭ مەن ا ق ش پرەزيدەنتى ترامپ ارگەنتينانىڭ بۋەنەس – ايرەس قالاسىندا كەڭەس وتكىزدى. كەڭەستەن كەيىن جۇڭگو جاقتىڭ ەكونوميكا – ساۋدا ۇيىرمەسىنىڭ قاتىستى جاۋاپتىسىنىڭ تىلشىگە ايتۋىنشا، ەكى ەل باسشىلارى جۇڭگو مەن ا ق ش – تىڭ ەكونوميكا – ساۋدا ماسەلەلەرىن تالقىلاعان ءارى ورتاق تانىمعا كەلگەن.
ەكى ەل باسشىلارى ەكى جاقتىڭ ەكونوميكا – ساۋدا ۇيىرمەلەرىنىڭ جۋىردان بەرى بەلسەندى دە ءونىمدى كەڭەس جۇرگىزگەنىنە جاقسى باعا بەردى. ەكى جاق بىلاي دەپ قارادى: جۇڭگو مەن ا ق ش اراسىنداعى ەكونوميكا – ساۋدا قارىم – قاتىناسىنىڭ اقاۋسىز دا ورنىقتى بولۋى ەكى ەل مەن بۇكىل دۇنيە ءجۇزىنىڭ ورتاق مۇددەسىنە ۇيلەسەدى.
ەكى جاق باجىنى جوعارىلاتۋ قاتارلى ساۋدالىق شەكتەمە شارالارىن توقتاتۋدى ۇيعاردى، مۇندا قازىرگى كەزدەگى ءبىر – بىرىنە باعىتتالعان كەدەن باجىسىنىڭ مولشەرىن جوعارىلاتپاۋ، سونداي – اق، باسقا تاۋارلارعا جاڭادان كەدەن باجىسىن ۇستەمەلەۋ شارالارىن شىعارماۋ قاتارلىلار قامتىلادى.
ەكى جاق ءوزارا قۇرمەت ەتۋ، تەڭ تۇرعىدان ءوزارا تيىمدىلىك جاساۋ رۋحى بويىنشا، ەكى جاق كوڭىل ءبولىپ وتىرعان ماسەلەلەردى دەرەۋ شەشۋگە كىرىسۋدى ماقۇلدادى. جۇڭگو جاق جۇڭگو كوممۋنيستىك پارتياسى 19 – قۇرىلتايىنىڭ تالابىنا ساي، شارا قولدانا وتىرىپ، رەفورمانى ونان ارى تەرەڭدەتىپ، ەسىكتى ونان ارى ايقارا اشادى. وسى بارىستا ا ق ش جاق كوڭىل ءبولىپ وتىرعان ەكونوميكا – ساۋدا سالاسىنداعى ماسەلەلەر شەشىلەتىن بولادى. سونىمەن بىرگە، ا ق ش جاق تا جۇڭگو جاق كوڭىل ءبولىپ وتىرعان ەكونوميكا – ساۋدا ماسەلەلەرىن بەلسەندى تۇردە شەشىم ەتەدى.
ەكى ەل باسشىلارى ەكى جاقتىڭ ەكونوميكا – ساۋدا ۇيىرمەلەرىنە كەڭەستى جەدەلدەتىپ، كەلىسىمگە كەلىپ، جىل باسىنان بەرى ۇستەمەلەنگەن كەدەن باجىسىن كۇشىنەن قالدىرۋ، ەكى جاقتىلى ەكونوميكا – ساۋدا قارىم – قاتىناسىن جەدەل قالىپتى ارناعا ءتۇسىرۋ، ەكى جاقتىڭ دا تيىمدىلىككە كەنەلۋىن ىسكە اسىرۋ جونىندە نۇسقاۋ بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
