سىرت ورىننان اسىل تۇقىمدى مال ەنگىزگەندە ەسكەرۋگە ءتيىستى تۇيىندەر
جەڭىس كەرىمقان ۇلى
2018.12.03 16:43 كەلۋ قاينارى : شينجياڭ گازەتى
سىرت ورىنداردان اسىل تۇقىمدى مال ەنگىزۋ − مال شارۋاشىلىق ءوندىرىسىن دامىتۋ مەن مال تۇقىمىن اسىلداندىرۋدا كەم بولسا بولمايتىن نەگىزگى جۇمىستاردىڭ ءبىرى. سوندىقتان سىرت ورىنداردان اسىل تۇقىمدى مال ەنگىزگەندە، تومەندەگى ءبىرقانشا تۇيىندەرگە باسا ءمان بەرگەن ءجون.
1. سىرتتان ەنگىزگەن اسىل تۇقىمدى مالدىڭ ونىمدەرى بازار قاجەتىنە ۇيلەسۋى قاجەت. الدىمەن، سول ورىن ەكونوميكاسىنىڭ دامۋى مەن حالىق تۇرمىسىنىڭ ورەسىنە نەگىزدەلىپ، سىرتتان ەنگىزىلەتىن مال تۇقىمىن جان - جاقتى تولىق ويلاستىرۋ، ياعني بازاردىڭ قاجەتىنە باسا ءمان بەرگەن ءجون. بۇدان تىس، اسىل تۇقىمدى مالدى وڭىرلەرگە ورنالاستىرۋ جوسپار تالابىنا ساي، ەنگىزىلەتىن اسىل تۇقىمنىڭ نەگىزگى ەرەكشەلىكتەرىن جانە وسى ءوڭىردىڭ تابيعي ورتاسىنا ۇيلەسۋ - ۇيلەسپەۋ جاعدايىن، سونىمەن بىرگە اسىل تۇقىمدى مالدىڭ وندىرىستىك، تۇقىمدىق ونىمدىلىگىن، ەكونوميكالىق قۇندىلىعىن جان - جاقتىلى ويلاستىرۋ قاجەت.
2. ناقتى ۇيلەسەتىن تۇقىم تيپىن تاڭداۋ قاجەت. ورتا شارت - جاعدايى − ءۇي جانۋارلارىنىڭ ءوندىرىس ونىمدىلىگىنە تىكەلەي ىقپال ەتەتىن نەگىزگى فاكتور سانالادى. جەتىلدىرۋ تاريحى ۇزاق، تارقالۋ اۋماعى كەڭ مال تۇقىمدارىنىڭ بارلىعى ءبىرشاما كەڭ كولەمدى كوندىگۋ قۋاتىنا يە بولادى. ءوزىنىڭ ەجەلگى ورنى مەن باسقا ورىننىڭ اۋا كليماتى، باعىپ - باسقارۋ سياقتىلاردىڭ پارقى ونشا زور بولماسا، وندا سىرتتان اسىل تۇقىمدى مال ەنگىزۋ جۇمىسى تابىستى بولادى. ەگەر پارقى ءبىرشاما زور بولسا، وندا الدىمەن، سول ورىنعا كوندىكتىرۋ شاراسىن قولدانۋ كەرەك. كەي مال تۇقىمى ۇزاق ۋاقىت بەلگىلى ەكولوگيالىق ورتانىڭ ىقپالىنا ۇشىرايتىندىقتان، بەلگىلى ەرەكشە كومپىستىك قاسيەت قالىپتاستىرادى. مىنە بۇعان سىرتتان اسىل تۇقىمدى مال ەنگىزۋدە ايرىقشا كوڭىل بولگەن ءجون. بۇدان سىرت، كەيبىر اسىل تۇقىمدى مالداردىڭ ىندەتكە قارسىلىق قۋاتى تابيعي تۇردە تومەن بولادى، بۇنداي مالدى باسقا ءبىر ورىنعا جوتكەيتىن بولسا وڭاي ىندەتكە شالدىعىپ، توبىمەن قىرىلىپ قالادى. سوندىقتان اسىل تۇقىمدى مال ەنگىزۋدە، ورتا شارت - جاعدايىنان باسقا فاكتورلاردى دا تولىق ويلاستىرعان ءجون. مۇندا الدىمەن، جاڭادان ەنگىزىلگەن اسىل تۇقىمدى مالدى سىناپ كورۋ ارقىلى سىرتتان اسىل تۇقىمدى مال ەنگىزۋ سىناعىنىڭ تابىستى بولعان - بولماعاندىعىنا تۇجىرىم جاساۋ كەرەك.
3. سىرتتان اسىل تۇقىمدى مال ەنگىزگەندە، تاڭداۋعا باسا ءمان بەرگەن ءجون. سىرتتان اسىل تۇقىمدى مال ەنگىزگەندە، مالدىڭ تۇقىمدىق ەرەكشەلىگىنە، تۇلعالىق تۇزىلىسىنە، ءوسىپ - جەتىلۋ احۋالىنا، دەنساۋلىعىنا، ءوندىرىس ونىمدىلىگىنە، ءوسىپ - ءوربۋ ەرەكشەلىگىنە، ورتاعا كونىمدىلىگى سياقتىلاردىڭ بارلىعىنا ەگجەي - تەگجەيلى تەكسەرۋ جۇرگىزۋ، قاتاڭ سارالاۋدان وتكىزۋ قاجەت. وسى ايتىلعان كورسەتكىشتەردىڭ بارلىعى ولشەم تالابىنا تولعان، ءوسۋى قالىپتى جاس مالدىڭ ءونىمى كورنەكتى بولادى. ويتكەنى جاس مال ورتاعا بەيىمدەلگىش كەلەدى دە، جاڭا ورتاعا وڭاي ۇيلەسەدى. بۇدان سىرت، شەجىرەلىك تەكسەرۋ جۇرگىزىپ، اتا - تەگىنىڭ، قانداستارىنىڭ وندىرىستىك ونىمدىلىگىنىڭ جوعارى - تومەندىگىن ەسكەرۋ ءتيىس.
4. سىرتتان ەنگىزىلەتىن اسىل تۇقىمدى مالدى تاسىمالداۋدا ەسكەرۋگە ءتيىستى تۇيىندەر: سىرتتان اسىل تۇقىمدى مال تاسىمالداعاندا، مۇمكىندىكتىڭ بارىنشا ورتانىڭ ناشار اسەرىنىڭ ىقپالىنا از جولىقتىرعان ءجون. بۇل − سىرتتان ەنگىزىلەتىن اسىل تۇقىمدى مالدىڭ قاتارعا قوسىلۋ مولشەرىن ارتتىرۋ شارتتارىنىڭ ءبىرى. بۇندا تومەندەگىدەي جۇمىستارعا ءمان بەرگەن ءجون.
① الدىمەن، اسىل تۇقىمدى مالدى تاسىمالداۋدىڭ ۇيلەسىمدى ماۋسىمىن تاڭداۋ كەرەك. جوتكەپ - تاسىمالداۋ ۋاقىتىن، ەڭ جاقسىسى 2 ورىننىڭ اۋا كليماتىنىڭ پارقى زور بولمايتىن ماۋسىمعا تۋرا كەلەتىن بولۋ كەرەك. ەگەر اۋاسى جىلى وڭىردەن اۋاسى سۋىق وڭىرگە تاسىمالدايتىن بولساق، وندا قىس ماۋسىمىن تاڭداعانىمىز ءجون.
② سىرتتان ەنگىزەتىن اسىل تۇقىمدى مالدى مال شيپاگەرلىك كارەنتيننەن وتكىزىپ، ەنگىزۋدەن ىلگەرى جانە ەنگىزگەننەن كەيىن دە تەكسەرۋ كەرەك. اسىل تۇقىمدى مالدى ەنگىزگەننەن كەيىن ايىرىم باعىپ 5 − 20 كۇننەن كەيىن قايتا تەكسەرۋ كەرەك. سوندا عانا باسقا ورىننىڭ جۇقپالى اۋرۋى مەن پارازيت ىندەتىنىڭ ىلەسە كەلىپ باسقا مالعا جۇعۋىنان ساقتانۋعا بولادى.
③ سىرتتان اسىل تۇقىمدى مال تاسىمالداۋدىڭ الدى - ارتىنداعى ءتۇرلى قىزمەتتەردى ناقتىلى ءارى تىڭعىلىقتى ىستەۋ قاجەت. ياعني مال تيەيتىن اۆتوموبيلدى دەزينفەكسيالاۋ، ادام ۇيىمداستىرىپ جول ۇستىندەگى ىستىق - سۋىقتان قورعانۋ شارالارىن كەمەلدەندىرۋ كەرەك. ازىقتاندىرۋ جاعىندا، ەڭ جاقسىسى مال ساتىپ العان ورىننىڭ جەم - شوبىنەن الا جۇرىپ، جول بويى جانە جاڭا ورىنعا جەتكىزگەننەن كەيىن، ءبىر مەزگىل بەرىپ ازىقتاندىرۋ قاجەت. ودان سوڭ بىرتىندەپ سول ورىننىڭ جەم - ءشوبىن بەرسە بولادى.
④ سىرتتان ەنگىزىلگەن اسىل تۇقىمدى مالدى جاڭا ورىننىڭ ورتاسىنا ۇيلەستىرۋ، كوندىكتىرۋ، جاتتىقتىرۋ − اسىل تۇقىمدى مال ەنگىزۋ جۇمىسىنىڭ ءساتتى نەمەسە ءساتسىز بولۋىن بەلگىلەيتىن نەگىزگى ءتۇيىننىڭ ءبىرى سانالادى. مۇندا باعىپ - كۇتىمدەۋ ەجەلگى ورىننىڭ اۋا رايى، باعۋ داعدىسى سياقتىلارعا نەگىزدەلىپ، ۇيلەسىمدى باعىپ - باسقارۋ شارت - جاعدايىن جاراتىپ، كوندىگۋگە جاتتىقتىرۋدى تىڭعىلىقتى ىستەۋ ءتيىس. وسىلايشا جاڭادان ەنگىزىلگەن اسىل تۇقىمدى مالدى بىرتىندەپ كوندىكتىرۋ قاجەت. جەرگىلىكتى سيپاتتى جۇقپالى اۋرۋلار مەن پارازيت اۋرۋلاردىڭ الدىن
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
